خطوه جباره على طريق الديموقراطيه"أسهم مجانية" لكل مصري

[mohands_moslim]

"أسهم مجانية" لكل مصري

قالت الحكومة المصرية إنها تنوي بيع الشركات المملوكة للدولة للقطاع الخاص وتوزيع أسهم مجانية على المواطنين.
وقال جمال مبارك وهو أمين لجنة السياسات في الحزب الوطني الحاكم ونجل الرئيس المصري إن الحزب عمل لمدة عامين على الخطط المتعلقة بهذه الخطوة وان هذا التوجه لاعلاقة له بالأزمة المالية الدولية الراهنه.
وبحسب المسؤولين الحزبيين فإن كافة المواطنين المصريين ممن تفوق أعمارهم واحدا وعشرين عاما سيتلقون اسهمهم خلال سنة واحدة من موافقة البرلمان على هذه الخطة.
ولم يتم الإعلان عن الشركات التي تتضمنها خطة الخصخصة هذه غير ان الحكومة قالت إتها ستحتفظ بحصص مؤثرة في القطاعات الهامة مثل الأسمنت والأدوية والنسيج والصلب والسياحة.
يذكر ان الحكومة المصرية تتعرض لضغوط هذه السنة بسبب التضخم وتدني الاجور، وهما عاملان تظافرا على جعل حياة المصري العادي اكثر صعوبة.
وبينما تقول الحكومة إن الاقتصاد المصري شهد نموا بلغت نسبته 7 في المئة، يقول منتقدوها إنه حتى لو كان ذلك صحيحا فإن الثروة الجديدة لم تجد طريقها الى جيوب الطبقات الفقيرة.
وكانت الحكومة المصرية قد باعت ما قيمته مليارات الدولارات من الاسهم في الشركات والمصالح الحكومية، مما ساعد في دفع الاقتصاد المصري الى الامام.
الا ان الاحزاب والقوى المعارضة دعت الى التخلي عن سياسة الخصخصة، حيث تخشى بعضها ان تقع الشركات المصرية في قبضة الاجانب بينما تقول اخرى إن عملية الخصخصة بحد ذاتها يشوبها الفساد.
ويشعر الكثير من المصريين ان عددا محدودا من رجال الاعمال الاثرياء قد جنوا اربحا طائلة نتيجة علاقاتهم القوية بالطبقة الحاكمة.



شلوت ابن سعاتك دفعه للأمام يا ريس

BBCArabic.com | الشرق الأوسط | "أسهم مجانية" لكل مصري

[M. Abo samra]

يعني ايه اسهم مجانيه مش فاهم ..........

يعني اروح استلم 100 سهم مثلا مجانا
اخد ارباح منهم و ابيعهم لو سعرهم زاد ؟؟؟

[mohands_moslim]

يعني ايه اسهم مجانيه مش فاهم ..........

يعني اروح استلم 100 سهم مثلا مجانا
اخد ارباح منهم و ابيعهم لو سعرهم زاد ؟؟؟

لأ طبعا هى الحكومه عبيطه علشان تعطيك الاسهم فى ايدك

انتا مسرف

احنا اللى هنديرهالك اللى هى الحكومه يعنى

تقريبا ده اللى انا فاهمه لغايه متتضح المهزله اللى بتحصل

[سعيد الزهراني]

والميه تلات الواااان....

[M. Abo samra]

الأسهم المجانية: وهي التي توزع على المساهمين بنسبة امتلاكهم للأسهم العادية، وتعد الأسهم المجانية بمثابة زيادة في رأس مال الشركة، والمتولدة عن احتجاز أجزاء من أرباح الشركة؛ وبالتالي يكون للمساهمين الحق في هذه الزيادة في رأس المال.


يعني انت لازم تبقي مالك لاسهم اصلا في الشركه عشان تاخد اسهم مجانيه

[ELSHAWAF]

بكل بساطة
الحكومة تريد ان تلوث ايدي الشعب وتوريطه معها في بيع اصول الدولة للأجانب
ولن نشترك في هذه الجريمة

[M. Abo samra]

بكل بساطة

الحكومة تريد ان تلوث ايدي الشعب وتوريطه معها في بيع اصول الدولة للأجانب

ولن نشترك في هذه الجريمة

سوء اشتركت او لم تشترك اللي الحكومه عايزه تعمله هيتعمل و صباحك زي الفل

[Zizo]

بكل بساطة

الحكومة تريد ان تلوث ايدي الشعب وتوريطه معها في بيع اصول الدولة للأجانب

ولن نشترك في هذه الجريمة

بالظبط هو ما تهدف اليه حكومتنا الموقرة الرشيدة


الحكومة بعد ان فشلت في بيع الشركات الفاشلة والمتعثرة مثل شركات قطاع الحليج ، وشركات استصلاح الاراضي والتي تتكبد كل عام مئات الملايين من الخسائر ، بالاضافة لفشلها الزريع في بيع بنك القاهره

قررت أن تلقي بالكره في ملعب الشعب المغلوب على امره وتدبسه من الاخر

كانت فين الخطة دي لما الحكومة باعغت شركات الاهرام للمشروبات والبنوك القوية مثل مصر الدولي وغيرها بتراب الفلوس ، كانت فين الخطة دي لما تركو احمد عز يستولي على الدخيلة لحديد التسليح والتي تفوق ارباحها السنويه مبلغ الـ 3 مليار جنيه

جايين في الاخر يدبسو الشعب الغلبان في الشركات الفاشلة والتي لا يمكن لاي مستثمر واعي ان يقترب منها


وبعدين الموضوع كله بروباجندا للحزب الموقر بعد مؤتمره السنوي ، نصيب كل مواطن من الاسهم لن يتعدى 2000 جنيه فقط ، طب يخلو عندهم شوية دم ويغيروا من جارهم الاخ العقيد اللي حيملك الشعب الليبي ثرواته النفطيه

ولا حول ولا قوة إلا بالله العلي العظيم

[د:محمد العشري]

انا عتقد انهم اعو الحاجات الكبيرة خلاص ومش سايبن الا الفتافيت

[jnene]

السلام عليكم ورحمة الله
طبعا يا أخوان أرجوا السمح لي بالتدخل بالموضوع مع أني لست مصري ولكني بجد شدني هذا الموضوع منذ بدايته
لأنه غير مسبوق على الأقل بالدول العربية وأن كانت هناك بعض الدول مثل أندونسيا على ما أعتقد قد طبقت مثل تلك المشاريع وستبعث بوفد متخصص الى مصر للأرشاد والتوجيه
على العموم القصة وما فيها على حسب فهمي أن الحكومة تنوي توزيع 33% من سهم شركات القطاع العام على أفراد الشعب وتحتفظ ب67% للحكومة وسيتم ذلك عن طريق صكوك تصدر بأسم كل مواطن مصري (غني أو فقير ) كله بنفس الحساب على حسب الدستور المصري ( كل مواطن ) وقد سمعت بأن قيمة كل صك بما يحتويه من أسهم مختلفة من كل الشركات تبلغ قيمته 18000 جنيه مصري وللمواطن حرية التصرف به كما يشاء ويضمن ذلك البع أيضا (لأي مشتري) طبع ضمن الحدود المشروطة ولكن ما نبه اليه خبراء أقتصاد مصريين وحذروا منه هو البيع الفوري بمجرد أستلامهم الصكوك ووضحوا بأن أسهم تلك (الصكوك) سيتم تتداولها بالبورصة المصرية وسترتفع قيمتها بشكل كبير ويمكن لكل مواطن أن يبقى أسهمه بالبورصة بأطار الشركات الأستثمارية التي سيسعدها أن تدير للمواطنين أسهمهم مقابل نسبة من الربح وسيتفيد المواطن بشكل سنوي من ريع وأرباح تلك الأسهم مع الأبقاء على كمية أسهمه كما هي .
وسيكون هناك صندوق لا أدري بالضبط مذا أطلقوا عليه ولكن هو مخصص للأجيال القادمة بحيث يتبرع كل شخص لا يرغب بتملك أسهم أو صكوك(المليونيرية يعني) بحصصهم الى هذا الصندوق لدعم الأجيال القادمة .
وبهذا أعتقد أن مصر ستدخل كتاب جينس للأرقام القياسية بصفتها أكبر شركة بالعالم

تحياتي للجميع

[Misho Elmasri]

اعتقد ان المصرين كلهم وصلوا لمرحله انه خلاص بقى مش لازم نكلم ونحرق بنزين

كلنا عارفين الوضع اللى احنا فيه كويس وشايفين حوالينا اللى بيحصل وكمان عارفين احنا رايحين فيه

نحن جيل من اسؤ الاجيال حظنا .. كل اللى بيجيله مصيبه فى اى حاجه بتاخد وقتها وبتنتهى

لكن احنا شباب مصر مصايبنا فى بلدنا لا تعد ولا تحصد ولا تنتهى و دائما ما تتجدد وتنموا وتترعرع

ولكن عزائنا ان المصريين يمرضون ولا يموتون

الفرج من عندك يا رب

[bokra]

احمدوا ربنا

باقي شئ واحد الحكومة مش بعته

الشعب المصري

انتظروها قريبا

[cut guy]

السلام عليكم ورحمة الله
طبعا يا أخوان أرجوا السمح لي بالتدخل بالموضوع مع أني لست مصري ولكني بجد شدني هذا الموضوع منذ بدايته
لأنه غير مسبوق على الأقل بالدول العربية وأن كانت هناك بعض الدول مثل أندونسيا على ما أعتقد قد طبقت مثل تلك المشاريع وستبعث بوفد متخصص الى مصر للأرشاد والتوجيه
على العموم القصة وما فيها على حسب فهمي أن الحكومة تنوي توزيع 33% من سهم شركات القطاع العام على أفراد الشعب وتحتفظ ب67% للحكومة وسيتم ذلك عن طريق صكوك تصدر بأسم كل مواطن مصري (غني أو فقير ) كله بنفس الحساب على حسب الدستور المصري ( كل مواطن ) وقد سمعت بأن قيمة كل صك بما يحتويه من أسهم مختلفة من كل الشركات تبلغ قيمته 18000 جنيه مصري وللمواطن حرية التصرف به كما يشاء ويضمن ذلك البع أيضا (لأي مشتري) طبع ضمن الحدود المشروطة ولكن ما نبه اليه خبراء أقتصاد مصريين وحذروا منه هو البيع الفوري بمجرد أستلامهم الصكوك ووضحوا بأن أسهم تلك (الصكوك) سيتم تتداولها بالبورصة المصرية وسترتفع قيمتها بشكل كبير ويمكن لكل مواطن أن يبقى أسهمه بالبورصة بأطار الشركات الأستثمارية التي سيسعدها أن تدير للمواطنين أسهمهم مقابل نسبة من الربح وسيتفيد المواطن بشكل سنوي من ريع وأرباح تلك الأسهم مع الأبقاء على كمية أسهمه كما هي .
وسيكون هناك صندوق لا أدري بالضبط مذا أطلقوا عليه ولكن هو مخصص للأجيال القادمة بحيث يتبرع كل شخص لا يرغب بتملك أسهم أو صكوك(المليونيرية يعني) بحصصهم الى هذا الصندوق لدعم الأجيال القادمة .
وبهذا أعتقد أن مصر ستدخل كتاب جينس للأرقام القياسية بصفتها أكبر شركة بالعالم

تحياتي للجميع

عادى يامان كلنا اخوات ومصر بلدك برده
بس ليه تعقيب على كلامك ان الاسهم هايتم تداولها فى البورصه ويرتفع قيمتها بشكل كبير
لكن ده مش هايحصل على كل الاسهم اكيد فى اسهم فى النازل واسهم فى الطالع حسب وضع الشركه
وبصراحه انا لا اثق في اى حاجه فيها انكل جيمى

[ملياردير]

يعني ايه اسهم مجانيه مش فاهم ..........

يعني اروح استلم 100 سهم مثلا مجانا
اخد ارباح منهم و ابيعهم لو سعرهم زاد ؟؟؟

اه ممكن تبيعهم بس الاسهم دى هيبقى ليها فتره محددة تحتفظ بيها الاول من غير ما تتعامل فيها
و انا خلاص اول ما يفتحوا الاكتتاب فى الاسهم دى انا حاجز اسهم الشركه الشرقيه للدخان
و هتبقى صورتى على كل علب السجاير و المعسل اللى فى مصر كلها

[cut guy]

اه ممكن تبيعهم بس الاسهم دى هيبقى ليها فتره محددة تحتفظ بيها الاول من غير ما تتعامل فيها
و انا خلاص اول ما يفتحوا الاكتتاب فى الاسهم دى انا حاجز اسهم الشركه الشرقيه للدخان
و هتبقى صورتى على كل علب السجاير و المعسل اللى فى مصر كلها

على كده هاتكون اشهر واحد فى مصر