كيفية الغاء اوردر بيع او شراء وقت الاغلاق

[immortal808]

السلام عليكم و رحمة الله ..
أرجو المساعدة من الاخوة الاعضاء...
انا ليا حساب حقيقي في شركة فكسول و عامل اوردر بيع على زوج الدولار ين مع ستوب لوز , اوردر البيع لم يتفعل بعد . و خايف يبقى فى قاب عند الافتتاح . دلوقتي انا عايز الغي الاوردر... ايه العمل؟؟؟؟؟؟؟؟؟؟

[Misho Elmasri]

للأسف ما تقدرش لا تبيع ولا تشترى ولا تلغى ولا غيره غير بعد الافتتاح يوم الاثنين

طالما عديت وقت الاغلاق يبقى الحال كما هو عليه بالنسبه لجميع الاوردرات بكل انواعها الى ان يتم الافتتاح مره اخرى .. وما تقدرش تعمل اوردرات جديده كمان

بالتوفيق ان شاء الله و جايز خير يا غالى .. مين عارف .. سيبها لله

[mogafx]

ما ينفعش للأسف كما قال لك الآخ ميشو .
بس ممكن تحاول تكلمهم على الشات أو عن طريق التليفون و تقول لهم إنك عملت الأوردر بالخطأ و لم تنتبه للتوقيت قبل إغلاق السوق ، و إنك نسيت سهواً و لم تغلق الصفقه قبل إغلاق السوق ، و ممكن و لو إنه إحتمال ضعيف إنهم يستجيبوا لطلبك .

ملحوظه : السعر الآن يقف عند منطقة مقاومه على الأربع ساعات ، أيضاً الترند العام ما زال هابط ، و أتوقع الجاب للأسفل والله أعلم ، طبعاً ممكن أي قرار أو إجتماع أو حَدث يعكس توقع إتجاه الجاب بسهوله إن وُجِّد الإسبوع القادم .
و إن شاء الله تكون أخذت الحذر في المرات القادمه بعدم ترك أي صفقه مفتوحه نهاية الإسبوع .
و بالتوفيق إن شاء الله .

[immortal808]

يا جماعة انا شاكر ليكم جدا على المساعدة و سرعة الرد, جزاكم الله كل خير و ان شاء الله يجعله في ميزان حسناتكم ..
المشكلة اني كنت ناوي الغي الاوردر قبل الاغلاق بس الوقت سرقني .. و للأسف الدعم الفني سواء عن طريق الدرشة الحية أو الهاتف غير متاحة في شركة فكسول ايام الاغلاق....
السؤال دلوقتي ... لو في قاب عند الافتتاح لأعلى... هل سيتفعل أوردر البيع ام لا ؟؟ و في حالة تفعله هل سوف يتم الالتزام بالستوب لوز ام انه سوف يتجاهله؟؟
مشكور يا جماعة جدا جدااااااا

[mogafx]

المعذره لم أنتبه في مُشاركتك الأولى بأنك ذكرت أن "أوردر البيع لم يتفعل بعد" .
هذا يعني إنك فاتح أمر بيع مُعلق .

و الإحتمالات كالتالي :

1- فتح جاب لأعلى : لن يتفعل الأمر ، و يمكنك إغلاقه وقتها .
2- فتح جاب لأسفل : "بسعر أقل من سعر الأمر المُعلق" : لن يتفعل الأمر ، و يمكنك إغلاقه وقتها .
3- فتح جاب لأعلى : "بسعر أعلى من سعر الأمر المُعلق" : سوف يتفعل الأمر على أفضل سعر ، و يمكنك وقتها التعامل مع الصفقه حسب رؤيتك و ظروف السوق .
4- لا يوجد جاب : لن يتفعل الأمر ، و يمكنك وقتها إلغاء الأمر .

ملحوظه : الستوبات و الأوامر المُعلقه لا يتم تنفيذها بالسعر المطلوب في أغلب الشركات وقت حدوث الجابات ، و لكن يتم تنفيذها على أقرب سعر تم الوصول إليه .

[FOREXER80]

نفس المشكلة حصلت معي

ولكن الفرق أن الأوردر مفعل طبعا مع وقف الخسارة الربح ... ومن البارحة وأنا في حالة مش ولا بد

إن شاء الله يكون خير

[مصطفى فارس]

ان شاء الله خير ياغالى ,,
بس نصيحة بلاش تسيب اوردارات مفتوحة او اوامر معلقة تانى وقت اغلاق السوق عشان راحتك النفسية
تحياتى