تكوفون يا اخواني بغيت اخر خدمة منكم

[محمد]

السلام عليكم . بشكل بسيط الخسرائر كسرت ظهري وتقريبا بقى لي ربع المبلغ الدي داخل فيه :sad:
وابي اخربها الصراحه
والخدمه هي الي اطلبها منكم انكم تقولولي موعد خبر جامد يعني يا يرفع 100 الى 150 نقطه او ينزل العكس
لاني ناوي اخش بكل الي بقالي من المبلغ . يا ادبل راس مالي يا بودعكم على خير ويا ريت يالي يعرف خبر كذا يقولي اي يوم واي ساعه على توقيت قرنتش او السعوديه الدمام . ويعطيكم الف الف الف عافيه مقدما
:sad:

[سيف الحقيقة]

السلام عليكم
أما من ناحية التخريب فأنا ماأنصحك فية لأن السوق لايوقف لا لك ولا لغيرك اذا خسروا
ولا يهم السوق انك تخربها ولا لا
لكن تعوذ من الشيطان وريح شوي من السوق وحاول تعرف أخطائك وتتعلم منها
محاكيك الأن منكوي من السوق
لكن الخبر القوي ان شاء الله يوم الجمعة بتاريخ 24 هجري وهو خبر البطالة الشهري
الساعة 3.30 بتوقيت السعودية
والله يعوضني وياك عن خسايرنا ويغنينا بحلالة عن حرامة
وشكرا

[محمد]

الحين راقت اعصابي لين عرفت خطائي وكان خطائي اني ما انتبهت انه في خبر في الفتره هذه ... بس يا اخواني وان شاء الله يعوضك خسارتك . بس عندي استفسار خبر البطاله بعيد هذا . ما تخبر طيب خبر على 50 نقطه يكون الاسبوع هذا . لانه ودي اجرب طريقتي على شي صغير

[سيف الحقيقة]

السلام عليكم

فية اليوم خبر رفع الفائدة على الدولار الساعة 9.15 بتوقيت السعودية والمتوقع رفع الفائدة بمقدار ربع نقطة
ولكن الخبر غدار أنتبة منة ساعات يعكس تأثير الخبر
والله يستر

[ابو ماجد]

محمد في طرق كثيره تقدر تكسب منها 50 نقطه واكثر

من هذي الطرق طريقة الـ 20 الى 30 نقطه عند اي مقاومه او دعم قوي

تقدر من خلالها اذا دخلت مرتين بعقد واحد تقدر تكسب من 40 الى 60 نقطه بأذن الله

جرب هالطريقه وانشاء الله تطلع بنقاط كثيره خلال اليوم طبعا مع المثابره والمتابعه

سلام

[محمد]

مشكور اخوي ابو ماجد على النصيحه وان شاء الله في ميزان حسناتك
بس انا مو متوفق ما ادري ليه لين انوي اشتري على دعم او مقاومه يكسر الدعم او المقاومه
على العموم ان شاء الله يصير خير اليوم

[الامير693]

اخوي ابو ماجد الله يرحم والديك .كلما اجى احط نقاط الدعم والمقاومه .كل النقط تطلع يادعم يامقاومه. مافيه طريقه سهله......استطيع احدد فيها هذى النقط....

[محمد]

:sad:
80 نقطه خسارة
:sad:

[محمدفراج]

الله يعوض عليك يامحمد

كلنا اليوم خسرانين

لكن انشالله ربك يرزقنا

احسن الظن

وتنقلب الموجة عكس بأذن الله اليوم ولا بكرة


تحياتي لك


والحمد لله على كل حال

[Space]

الله يعوض عليك يامحمد

[ابو ماجد]

هلا بالأمير

اذا كنت مبتدأ فمن الافضل انك لا تعتمد على نفسك في تحديد نقاط الدعم والمقاومه

الشباب مايقصرون دائما يحددون نقاط الدعم والمقاومه وانت بدورك تقوم باخذ هذه النقاط ومطابقتها على الشارتات

والى ان تتعود عليها ويكون بمقدورك تحديد هذي النقاط بدون اللجوء الى احد

[PM-AM]

الله يعوضك يا محمد ويعوض جميع الخسرانين ........... فعلا يوم غريب

[Diablozoo]

انا من اليوم و طالع باعتمد بعد الله على التحليل الفني البحت و ماراح اعطي بال على التحليل الاساسي.
راح اشوف الاخبار حتى لو انقلب السوق اعرف ايش السبب
هذي الخلاصة اللي وصلت لها في تجربتي البسيطة و المتوضعة
الحمد الله ان اللي فيني من ديمو ... كيف لو كانت فلوسي

[محمد]

الله يعوض علينا كلنا وان شاء الله ماني فاقد الامل . بنتظر خبر البطاله
وشكرا لكل شخص شارك هنا وهذا ان دل دل على خوفنا على بعض بس اشره على الي ماشاركو وكانو متواجدين
بس يا اخواني اليوم وش صار في سعر الفائده ما تغير صح نفس السابق ولا ايش صار بلظبط ؟؟؟

[الجنتل]

ليه ايش الي خلى الدولار يطيح انا ماكنت متابع الاخبار اليوم هل تم تخفيض الفائدة اما ماذا ؟,.
شي غريب لا نجد احد ربح اليوم مالغريب الذي حدث .