هموم فوركسجى ( ألحقونا )

[Walid Basset]

سلام يا أبو كوكو
هو كوكو مش ناوي يشترك معنا في المنتدى
ده أنا عيني على استراتيجة / كوكو واوا /
أنت كده

الله يخليك

[Walid Basset]

قمة خفة الدم

بصراحة موضوع خفيف الظل و بالروح المصرية الجميلة ...

ممتع جداً و خيال واسع

شاكر لك

أسف يا حكيـــــم مشاركتك الجميلة وقعت منى
يا ريت لو تتحفنا بنصايحك الحلــــــــــوه
ومنورنا يا باشا
بتعليقاتك الحلوه

[Walid Basset]

يوم جديد ورحلة إلى الساحل الشمالى بإذن الله
فى سركم الموضوع واقف على بخسارة
المهم جهزت جى جى ( السيارة ) كالمعتاد
رحت البنزينه وخليتها تأخذ دوش متين
وغيرت لها زيت وفلاتر
ورفعت العجل وكله تمام الحمد لله

كالعاده رحت اشتريت الفطار فى السكه سندوتشات فول وطعميه سخنة من ألى قلبك يحبهم
طبعاً أنا أكلت كام سندوتش كده تصبيرة
أصل أنا عارف مراتى حتذلنى لحد ما تطلع الأكل فى السكة
هاهاهاهاهاهاهاهاها
رجعت على حماتى العظيمة عشان أشحن العائلة
توكلنا على الله وربنا يستر طريقنا
بصراحة أنا كنت زمان بجرى جامد قوى
بس من ساعه ما دخلت الفوركس
أتعلمت الصبر
يمكن دية الحاجة الوحيدة ألى الواحد أستفاد منها من السوق بجد
والصبر مفتاح الفرج
هو صحيح المفتاح معصلج شوية
بس مسيره فى يوم من الأيام يفتح الأبواب كلها
هاهاهاهاهاهاهاها

تحس من الكلامى أننا عصابة وبنسرق بنك
مفتاح أيه يا عم ربنا يستر سكتنا
أسف سندوتش الفول يظهر علية متكلف شوية
طب بزمتكم جربتوا تضربوا طبق فول كده وتقعدوا على الفوركس وتفتحوا صفقة
شئ رائع
نصيحة لله محدش يجرب
هاهاهاهاهاهاهاهاها

المهم
الولد كوكو كان نايم طول السكة زى ما يكون ما شفش نوم من سنين
والحاسة الفوركسية بتاعتى كانت بتقولى أنة كان سهران
نفس الوضع بتاع أبوه بالضبط لما كان بيسهر على صفقة

حماتى قعدت طول السكة تقنعنى وتدلعنى عشان أفتح حساب ليها فى الفوركس
شوية شاى
شوية بيبسى
مياه ساقعة
الله يرحم فين أيام زمان يا ( كوكا )
ديه ياما طلعت عينى
وجاء وقت الأنتقام
طبعاً أنا متنك أوى وعمال أقول لا
بصراحة ماليش مزاج
بس حكم القوى على الضعيف
طبعاً
بعد الدلع ألى مراتى بتدلع هو لى عشان الموضوع ده لازم ماقولش لأ
هما الستات كده لو عاوزين حاجه تلاقيهم ملائكة
بجناحين
ولو قصرت فى حاجة
أبليس بيحضر
ومعاه الشوكة أياها
هاهاهاهاهاها
بس والله غلابة
فعلاً
وأحنا أغلب منهم

فى سركم إن شاء الله
إن شاء الله
حشغلهوها على المجنون
وقت الأنتقام حان
مش هى ألى عمالة تزن
هاهاهاهاهاهاهاهاهاهاها
هى الدنيا كده زى السوق بالضبط
سلف ودين

طبعاً بهرج يبقى حرام علي أصلاً
وديه مش أخلاق فوركسجى محترم

وصلنا الحمد لله
فتحنا الشالية
وروتين النظافة أشتغل

أنا و الولد كوكو
على حمام السباحة يا معلم
الدنيا حر

بس الصيف السنة دية جامد قوى
الدنيا حر وكله قالع هدومه
السبب معروف
هو بصراحة بالنيه
هاهاهاهاهاهاهاهاهاها
بس يا معلم المايوهات السنه ديه نار
مش بيقولوا ( تاكينى ولا تغدينى )
طبعاً ترويض النفس ده صعب وأنتوا عارفين
أعذرونى
هاهاهاهاهاهاهاهاهاها
أدينا بنجاهد

فعلاً ايه الفرق بين الفوركس وواحده ست حلوة
الأثنين بيطمعوك فيهم
وهما الأثنين
فتن
واحده مال
الأخرى جمال

اللهم إنى أعوذ بك من فتن المحيا والممات

المهم نزلت المياه مع كوكو وقضينا وقت جميل
طبعاً كوكو مضيعش وقت
أتصاحب على كام بنت كده من عمرة
عفريت
طالع لأبوه
بس الحمد لله ربنا تاب عليا
و بصراحة مراتى هدت حيلى
هاهاهاهاهاهاهاهاهاهاها

سيبت كوكو مع صحابة وكنت بتابعه من بعيد

وفجأه
الموبيل رن
الدكتور بتاعى
فاكرينة
عاوز اية ده دلوقت بس ده

- ألو يا دكتور عامل أية
- الحمد لله
- أيه خير هو فية حاجه يا دكتور
- لا أنا قلت أطمن عليك بس وحشنى كلامك والله
- وأنت كمان يا دوك
- سلام
- سلام

لأ المكالمة دية وراها حاجة مش طبيعية
عموماً أنا فى أجازه وكله تمام
يا خبر اليوم بفلوس بكره ببلاش
فوركسجى بأه والسوق طلع عينه
هاهاهاهاهاهاهاها
هما دكاترة الأمراض النفسية كده
لازم تلاقيهم واخذين فايروس
من المرضى بتاعتهم ربنا يكون فى عونهم
لكل مهنة سلبيات وإيجابيات

خلصنا البسين وعلى الشاليه على طول
الدش المتين وكان كل حاجه تمام
أكلنا وشحنا
شويه كده أشوف السوق فيه أيه كالمعتاد

المهم
كوكو خرج مع صحابه
رايحين سايبر نت يلعبوا جيمز
والله فكره النت ورك ديه ممتازه
وحماتى ومراتى مستلمين بعض
وبيحكوا قصص الناس كلها كالمعتاد

هاهاهاهاهاهاها

بس مش عارف كانت الحاسة الثامنة الفوركسية بتقولى فيه حاجه غلط
وأنتوا عارفين أحساس الفوركسجى ألى ياما السوق بهدله
عمرة ما يخطء

سئلت مراتى هو كوكو معاه فلوس قد أية
قالت
معاه الفلوس ألى محوشها طوال السنة
لية
أصلة مشترك مع صحابة وحيأجروا السيبر الى جنبنا ده كام يوم مع بعض
عشان بيعملوا مشروع للمدرسة

يانهار اسود
ده الموضوع كبير

قفلت اللاب توب وطيارة على السيبر

لأ لأ
مش ممكن
أنا مش مصدق عيونى

وقفت أمام السيبر
وأنا مصدوم
كان هناك زحمة من صحاب كوكو

ويافطة كبيرة
مكتوب عليها بالخط الأزرق

مرحباً بكم فى دورة ( كوكوناتشى ) فى البورصات المالية

يا نهار أسود

يتبع

[taravolta]

كوكوناتشي؟
انت اكيد بتهزر

[نور المصرى]

[CENTER][COLOR=navy]

مرحباً بكم فى دورة ( كوكوناتشى ) فى البورصات المالية

يا نهار أسود

يتبع

هى دورة كوكوناتشى دى بتاعة إبنك

أصل أنا إشتركت فيها

[mjkup1]

مشكووووووووووووووووووووووووووووووووورررررررررررررر رررررررر
جداااااااااااااااااااااااااااااااااااااااااااااااا ااااااااااااااااااااااااااااااااااااااااااااااااا

انت اكيد حد حكالك عني

[Walid Basset]

هى دورة كوكوناتشى دى بتاعة إبنك

أصل أنا إشتركت فيها

أيه ده يانهار أسود

أنا مش قلت الموضوع شكله كبير

[Walid Basset]

مشكووووووووووووووووووووووووووووووووورررررررررررررر رررررررر
جداااااااااااااااااااااااااااااااااااااااااااااااا ااااااااااااااااااااااااااااااااااااااااااااااااا

انت اكيد حد حكالك عني

مكنتش أعرف أن التنظيم بقى عالمى
أوعى تكون كوكو أبنى وبتهرج

[qwer7qwer]

كلام جميل والله يعين

[Walid Basset]

كوكوناتشي؟
انت اكيد بتهزر

الموضوع فيه شويه دلع كده برده
بس هو فيه دوره بالأسم ده ولا أيه فعلاً
كلامكم بيقول كــــــــــــــــــده
هاهاهاهاهاهاهاهاهاها
يعنى الأسم مسروق
هاهاهاهاهاها
يافرحتى فيك يا
كـــــــــــــــــــــــــوكــــــــــــــــــــــ ـــــو

[دولار عماني]

هههههههههه انا حتى اذا كنت نايم بحلم الفوركس وبالاخص اليورو دولار ماعرف شو سالفته

[عمو حسني]

[ahmed taha]

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههه

[tarikov]

تصور لو كان الموضوع بجد ووجدت ولدك ذو العشر سنين يفتح صفقات فوركس
هههههههههه جميل

[tarikov]

هههههههههه انا حتى اذا كنت نايم بحلم الفوركس وبالاخص اليورو دولار ماعرف شو سالفته

تصور و الله أنا مثلك
الله يخرج العاقبة بخير