معلش يا جماعه أعذروني بس كان لازم أحط الموضوع دا هنا

**shnobly** · 10-06-2008, 09:42 PM

ركز معايا

ليه ابوتريكة بيلبس فانلة 22 ؟

عشان 21 ضيقة عليه

طب ليه مبيلبسش 23 ؟

عشان فلافيو بيلبس 23

طب ايه هو الحيوان التعيس؟
القطة

ليه؟
عشان ديما تخربش و متكسبش

طب ايه الحيوان اللي دايما مشغول؟

الخرتيت .. تيت .. تيت

طب ايه الحيوان اللي بياكل ويشرب بديله؟

الحيوانات بتاكل وتشرب بدلها .. عمرك شفت حيوان ساب ديلو وراح ياكل؟

طب ايه اقدم حيوان ؟
الحمار الوحشي .. عشان ابيض واسود

طب ايه هو اجدد حيوان؟
القنفد . ليه ؟

عشان بشوكه

طب ليه التلاجة غبية؟

عشان بتحفظ الاكل .. مبتفهموش

*******

خد دول كمان

واحد عنده 100 ولد جابلهم ميتسوبيشي و كل واحد خد سوبيشي

مرة حلة رز شاطت جابت جون

ليه الانسان مفيهوش بزر؟؟؟
علشان بصرة !!!!!!!

ليه الاهرامات منتعشة ؟؟؟؟؟؟؟؟
علشان قدامها ابو الهولز!!!!!!!!

ليه مينفعش تلعب كورة يوم الجمعه؟؟؟؟؟؟؟
علشان الكورة بتبقى مع دريم!!!!

ليه الغواصين بيتكلموا بلغة الاشارة؟؟؟؟؟؟؟؟
علشان الحيتان ليها ودن

مرة واحد راح يشتري 3 بناطيل جينز
واحد levis و واحد lee و واحد لاخوه

اوعى وشك

**Misho Elmasri** · 10-06-2008, 09:52 PM

ههههههههههههههههههههههههههههههههههههههههه
ههههههههههههههههههههههههههههههههههههههههه

جامدين يا جامد

**بن سليمان** · 10-06-2008, 09:55 PM

ههههههههه رايق رايق والله انت رايق

**محمود علي** · 10-06-2008, 10:08 PM

shnobly
اياك تكتب نكت من النوع ده تاني احسن اكرهك
عشان بتفكرني بواحد صاحبي مبكرهوش

**ابو الصلاح** · 10-06-2008, 10:37 PM

احنا لازمنا قسط من الراحه ........ عشان كدا
كان لازم تحط الموضوع دا هنا

**mahmoudh7** · 10-06-2008, 10:44 PM

فعلا

كان لازم تحط الموضوع هنا

الموضوع: معلش يا جماعه أعذروني بس كان لازم أحط الموضوع دا هنا