@@اضحك كركر اوعي تفكر@@ (2)

[amir111]

1)
اتنين متجوزين من عشرين سنة .. قرروا يروحوا يصيفوا
ع البحر بنفس الفندق اللى قضوا فيه شهر العسل زمان
لكن الزوجة كانت مشغولة فاتفقت مع زوجها على إنه يسافر لوحده و هى
ها تحصله بعد يومين
وصل الزوج ع الفندق و دخل الغرفة فوجد كمبيوتر بالغرفة و متوصل بكابل الانترنت فقا م يبعت ايميل لزوجته يطمئنها فيه على أحواله
بعد ماكتب الرسالة و هو بيكتب عنوان البريد الالكترونى لزوجته أخطأ فى كتابة حرف فى العنوان
و بالطبع راح الايميل لشخص تانى تصادف إنه كان لأرملة لسة راجعة من مراسم دفن زوجها اللى توفاه الله بنفس اليوم .. الست الأرملة فتحت الكمبيوتر بتاعها لتقرأ ايميلات التعازى وقعت ع الأرض مغمى عليها بلحظة دخول ابنها اللى حاول يسعفها بكل الطرق و لم يفلح فى إفاقتها
نظر الابن إلى كمبيوتر والدته و قرأ الرسالة التالية
زوجتى العزيزة .. وصلت بخير .. و يمكن تتفاجئى لأنك ح تعرفى أخبارى عن طريق الانترنت لأنه دلوقتى بقى فيه كمبيوتر عندهم و يقدر الواحد يبعت أخباره لأهله و أحبابه يوم بيوم
أنا بقى لى ساعة واصل و تأكدت إنهم جهزوا المكان و كل شىء و مش باقى غير وصولك لعندى هنا بعد يومين
إشتقت لك كتير و مشتاق أشوفك و باتمنى تكون رحلة سريعة زى رحلتى
ملاحظة : مش ضرورى تجيبى ملابس كتيرة معاكى لأن هنا الحر شديد قوى قوى يعنى جهنم !!!



2)

صعيدي اخد شهادة الدكتوراة قال لمراته والله ما خبرشي ليه الناس بيضحكوا عالصعايدة؟ اديني جبت الدكتوراة فقالت له مراته : دق عالخشب لا تصيبك عين قام دق عالخشب قالت : مين عالباب؟ قالها خليكي هنه حشوف مين



3)

كان الرجل قد أوشك أن يلقي بنفسه في البحر لولا انه سمع
صوتا يصيح به قائلا أيــها المجنون ....قـــف

وأيقن انه لن يتمكن من الانتحار
بهدوء وتوقف الرجل مرتبك

وشاهد رجلا عجوزا يتقدم منه

وينهال عليه بعبارات التأنـيب ليأسه

من رحمة الله ومحاولته

الانتحار

ثم سأله :

مالذي يدفعك الى الانتحار يا رجل ؟

فقال :

مشكلة عائليه معقدة

فرد عليه العجوز

وهل توجد مشكلة دون حل ما هذه المشكلة ؟

وبدأ الرجل يروي قصته

قائلا :

تزوجت سيده ارمله ولها فتاه مراهقة وعندما بلغت الفتاه

سن الرشد رآها ابي

فاحبها وتزوجها فصرت صهرا لابي كما ان ابي اصبح في مقام

زوج ابنتي

واصبحت انا (حما) لابي لان زوجتي حماته

ثم انجبت زوجتي ولدا لي

فاصبح الولد سلف ) ابي)

وبما ان ابني هو اخو زوجه ابي التي هي بمثابة

خالتي صار ابني يعد خالي

ايضا

وحدث ان وضعت زوجه ابي طفلا يعد اخي من ابي وفي

الوقت نفسه هو حفيدي

لانه حفيد زوجتي من ابنتها وبما ان زوجتي صارت جده

اخي فهي بالتالي

جدتي وانا حفيدها

وهكذا اصبحت انا زوج جدتي وحفيدها في الوقت ذاته

ونظرا الى انها جدة اخي فانا اصبحت ايضا جدا لاخي

وبناء عليه اكتشفت انني اصبحت جد نفسي او حفيد نفسي

لانني ......

وهنا قاطعه الرجل العجوز

قائلا : كفى... كفى...

وقام العجوز بدفعه للبحر قائلاً:

أبوك لأبو جدك لأبو إللي جابك



4)

بلدياتنا نجح في إنتخابات مجلس الشعب، في اول جلسة قاعد جنب واحد أفندى فالأفندى عزم عليه بسيجارة مارلبورو، وبعد شويه بيسالوا إيه رأيك في الديمقراطية ياحاج؟؟.. فرد الحاج : والله أحسن من الكيلوبترا



5)

مرة اثنين عندهم كلاب صيد صاحب الكلب الاول أول ما يضرب طلقة من البندقية يجرى الكلب ويروح يجيب الفريسة
والثانى أول ما يضرب الطلقة كلبه يكّش فنصحة صاحبة انه يروح أفراح في الارياف، فالكلب هيتعود على صوت البندقية راح الارياف وفضل يحضر فى افراح لمدة 6 شهور
وبعدين رجع يصطاد، راح ضارب طلقة من البندقية راح الكلب وقف على رجله وقعد يزغرط


6)

مره واحدة عجوزة عندها 80 سنه لقت مصباح علاء الدين طلع لها الجنى طلبت منه تصغر 30 سنه بقى عندها 50 سنه وطلبت منه يصغرها 20 سنه بقى عندها 30 سنه طلبت منه يصغرها 10 سنين بقى عندها 20سنه طلبت منه يصغرها 10 سنين ـــ جلها الحصبه ماتت



7)
كان فيه بطة كل يوم تروح للبقال تقوله عندك سكر
يقولها لأ
اخر مرة قالها لو جيتي هنا تاني حأمسمر رجليكي المفرطحة دي في الأرض
تاني يوم راحت قالتله عندك مسامير ؟
قالها لأ
قالتله طب عندك سكر ؟؟



8)

واحد صعيدي رجع من السفر لقى البيت مليان صراصير غير كالون البيت



9)
واحد صعيدي عاوز يقتل مراته حطيلها مسدس في الشوربة





10)
واحد صعيدي مات جاله خمس ملايكة اتنين يحاسبوه و تلاتة يفهموه



11)

واحد صعيدي مراته بتقوله قوللي حاجة حلوة
قاللها بسبوسة
قالتله لأ قوللي حاجة تهزني
قاللها مرجيحة
قالتله يا راجل قولي كلمة تحسسني ان انا مراتك
قالها انت طالق



12)

واحد سكران فتح التلاجة لقي الجيلي بيترعش .. قاله ماتخفش حاخد عصير




13)

واحد صعيدي حب يعمل روش كتب على الشومة أديداس



14)

واحد اشترى موبايل و عاوز يعمل لمراته مفاجأة... فدخل الحمام و أخده معاه و اتصل بيها و
قالها .. ألو يا حبيبيتي ثواني و أكون معاكي
قالتله لأ ماتجيش دلوقتي جوزي في الحمام



15)

ديناصور بيقول لديناصورة هاتي بوسة
قالتله لأ
قاللها عشان كده احنا انقرضنا



16)

واحد صعيدي مسافر بالقطر جاله الكمساري وقاله: تذكرتك يا فندم راح متطلعله تذكرتين الكمساري قاله: طب التذكرة ديه بتاعتك والتانية بتاعه مين رد عليه:بتاعتي برضه فتعجب الكمساري وساله : وليه حاجز اتنين ردعليه:علشان لوضاعت الاولي الاقي التانية
فسأله الكمساري وقاله : طيب يا شاطر لوضاعت التذكرتين الاتنين
هنا اشار الصعيدي علي جيبه قائلا : لا مانا عامل حسابي ومطلع ابونيه اشتراك



17)

أستاذ أنجليزي قال لتلميذ صعيدي

ضع كلمة dog في جملة مفيدة

قال الصعيدي dog يامزيكا...



18)

صرصور اكابر وقف تكسي...قلو الله يخليك على بلاليع الشيراتون



19)

واحد صعيدي مكلف بتفجير نفسه بين الاسرائيليين راح عمل بروفة بين أهله قبلها بيوم




20)

في زنزانة أحد السجون أربعة أشخاص قرّر ثلاثة منهم الهروب بعد أن خطّطوا للعملية و تعهد كلّ واحد منهم بمهاجمة الحرّاس الثلاثة الذين يحرسون باب السجن.

بعد برهة عادوا إلى الزنزانة فسألهم السجين الرابع عن سبب عودتهم فأجابوا : لم نجد الحرّاس أمام الباب!!

[mercury_man]

اضحك الله سنك
بجد حلوة قوي
خصوصا اول وحدة
وكمان صاحب الموبايل اللي عاوز يعمل مفاجأة لمراتو
مشكور قوي

[بن سليمان]

هههههههههه والله نكت جميلة جدا

بس ياليت يا أخي لما تكتب نكتة ماتنسبها لأحد ... يعني لا تقول واحد صعيدي أو واحد مصري أو مثل هذا

والله يهديك مايجوز أن تكتب نكت فيها ذكر للملائكة أو الحساب ... غفر الله لنا ولك

[4smarts]

الأخ amir111

انتبه بارك الله فيك في نكاتك بحيث أن لا تشتمل على أمور في الدين والعقيدة

قال الله تعالى في كتابه الكريم وَلَئِنْ سَأَلْتَهُمْ لَيَقُولُنَّ إِنَّمَا كُنَّا نَخُوضُ وَنَلْعَبُ قُلْ أَبِاللَّهِ وَآيَاتِهِ وَرَسُولِهِ كُنْتُمْ تَسْتَهْزِئُونَ لاَ تَعْتَذِرُوا قَدْ كَفَرْتُمْ بَعْدَ إِيمَانِكُمْ .

باب من هزل بشيء فيه ذكر الله أو القرآن أو الرسول

وفقك الله لما يحبه ويرضاه

[amir111]

هههههههههه والله نكت جميلة جدا

بس ياليت يا أخي لما تكتب نكتة ماتنسبها لأحد ... يعني لا تقول واحد صعيدي أو واحد مصري أو مثل هذا

والله يهديك مايجوز أن تكتب نكت فيها ذكر للملائكة أو الحساب ... غفر الله لنا ولك

حاضر يا باشا تحت امرك المرة الجاية مش هانسبها لاحد ومش هاقول لا صعيدي ولا مصري

المرة الجاية ان شاء الله هاقول واحد اسمه الاستاذ بن سليمان كان باهذر معاك

تحياتي لك

[amir111]

الأخ amir111

انتبه بارك الله فيك في نكاتك بحيث أن لا تشتمل على أمور في الدين والعقيدة

قال الله تعالى في كتابه الكريم وَلَئِنْ سَأَلْتَهُمْ لَيَقُولُنَّ إِنَّمَا كُنَّا نَخُوضُ وَنَلْعَبُ قُلْ أَبِاللَّهِ وَآيَاتِهِ وَرَسُولِهِ كُنْتُمْ تَسْتَهْزِئُونَ لاَ تَعْتَذِرُوا قَدْ كَفَرْتُمْ بَعْدَ إِيمَانِكُمْ .

باب من هزل بشيء فيه ذكر الله أو القرآن أو الرسول

وفقك الله لما يحبه ويرضاه

اممممم اممممممم

حاضر تحت امرك

[بن سليمان]

حاضر يا باشا تحت امرك المرة الجاية مش هانسبها لاحد ومش هاقول لا صعيدي ولا مصري

المرة الجاية ان شاء الله هاقول واحد اسمه الاستاذ بن سليمان كان باهذر معاك

تحياتي لك

حرام عليكم ... طيب خليها واحدة بن سليمان وواحدة عليك

[بوحميد]

اضحك على ايه ولا ايه ... عايزلها دماخ النكت هذي وانا .... ما اقدر افكر كثير يمكن بعدها افقدر الذاكر .

[تريدر2000]

ههههههههههههههههههههههه

[amir111]

ههههههههههههههههههههههه

ياماماييييييييييييييييييييييييييييييييييي الحقيني ياماما