~~~~~~~~~~

[صاحب سمو المشاعر]

يواسيني وانا الميت وحالي يجبر الدمعات

تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات

يجبروني عشان امشي ورجلي ما تمشيني

قتلت رعايتي بيدي قتلت الحب والرحمات

حرمت النفس من حقها وانا ابكيها وتبكيني

وكنه حلم قدامي يقيدني من الصرخات

ابي اصحى ولكني عجزت القى ال يصحيني

فداك القلب يايمه ومهما قلت من كلمات

صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات

صحيح اني ولد طايش وكل ما أسمعه فيني

تجول عيونهم فيني تفصل مني قياسات

وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة

وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات

وصار الهم عكازي اباكيه ويباكيني

عطيتيني بدون حساب ولا سمعتك تقولي هات

وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات

واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات

تعالي غيري هالقول واطيعك باقي سنيني

واترك عادة التدخين وانفذ ما تبي بسكات

واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات

ابيك انتي ولا غيرك على موتك تعزيني

وضميني وداويني مثل ما كانت الهقوات

ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات

انا مقوى ابكيك اذا انتي تبكيني

تحياتي

منقول

[freedom]

[بن سليمان]

صح لسانك ... باقي شوية وأبكي

[Firas]

قطعت قلبي يا رجل
سبع سنيين في الغربه بعيدا عنك يا امي واحسرتاه
همسه: كم هي معبره الكلمات التي في توقيعك

[تريدر2000]

أللهم أرحم أمهاتنا وأمهات المسلمين أجمعين

[t.analysis]

قطعت قلبي يا رجل
سبع سنيين في الغربه بعيدا عنك يا امي واحسرتاه
همسه: كم هي معبره الكلمات التي في توقيعك

اثنينا بالهوا سوا
الله يصبرنا .......
جزاك الله خير يا محمود

[سمو الفقيره]

روووعه يا محمود

[يورو2006]

[صاحب سمو المشاعر]

هلا بك يابعد عمري ياقلبي انت ياالغالي

........................ تهلي بي عيون الحب من اخر ليالـــــيها

تقول ارجوك لاتهتم انا في احسن احوالي

........................... تبسم لي وهي تمسح دموع العين بيديها

تقول الدنيا وش تسوى اذا ماشفتك اقبالي

........................ ابيع الكون لعيونك لجل لحظه معي فيها

تموت من الالم لكن تبي ماينشغل بــالي

....................... الا ياناس ياعالم وربي من يســــــاويها

وهلت دمعة عيوني بعد ماضاق بي حالي

...................سجدت ادعي بدون شعور الا يارب تشفيها

وقالت لو يشيلوني وعنك شدو ارحالي

......................... امانه يابعد روحي ابي روحك اوصيها

ابيك اجمل من الاول ابي كل ماتهيالي

......................... بعد موتي اشوفك مهتني روحي تهنيها


الاياطـــيبة الدنيا الاشـمسي وظــــلالــي

....................... نهاية روحي من قبلك عسى ربي يبديها

وشالوها بسرير ابيض وزاد الهم غربالي

........................... وضاقت فيني الدنيا وانا نفسي امنيها

وراحت تنتظر رجعه ودمع العين همالي

........................ الا لو العمر يعطى قسم بالله لاعطيها

وطاحت وردة من كفي وانا ماشي على فالي




...................... لقيت الشال في يدي يضمه قلب مغليها

جلست اراقب الساعه واانا ادعي ربي الوالي

.................... عسى ياربي يارحمن ياقادر تنجيـــــها

انا من لي بالهدنيا واعيش اشلون بحالي

............... . .بعدها ماابي نفسي وحتى الـناس مابيها

قسم بالله لو موتي يجيني قبلها اشــــوالي

............... ولاابي تبعد و تـــرحل وانا مــااقدر اوفيــها


وجو لي اربع اطباء وقلبي مشتعل صالي

............ امانه هاه قــولو لي امــــانه وش حصل فيها





وقالو
















وقالو


















وقالو



















وقالو البقاء براسك وصاب الارض زلزالي

............ تزلزل كل مافيني بكــــــت نفسي وامانيها



ولاكني بهالدنيا صرخت بصوتي العالي

......... الا يامصعب الفرقي وروحي من يواسيـــها


عسى الرحمن يرحمها ويغفر اول وتالي

.........وعسى ياربي بالجنه بعد موتي الاقـــــــــــيها







وسلامة قلوبكم
للشاعر برجس المطيري

[صاحب سمو المشاعر]

السلام عليكم ورحمة الله وبركاته

هذي القصيده حزينه وتبكى ....
وهى قصه طويله بس اختصارها ،،
ان امراه كانت متزوجه وتزوج عليها زوجها من وراها وجاها بالبيت وقاله ابيك تروحين معاى للسوق تشترين كل شى بخاطرك ويعجبك
المهم الحرمه المسكينه شرت كل شى حلوو عجبها من مكياج وملابس
ولما جوو البيت

قالها زوجها وين الاغراض اللى شريتيها
قالت له ليش قال الاغراض مولك للمره الجديده وكنت ابيك تشترين الاغراض بنفسك
لانى انا ما اعرف اذواق الحريم وانتى اكيد ذوقك حلوو

الحرمه ماتت من القهر
وطاحت بالمستشفى وخمس سنين وهى بالمستشفى فى غيبوبه
سبحان الله الحرمه صحت بقدرة قادر بعد خمس سنين ......ولما سالت الاطباء وسالت ..فى
احد زارنى قالولها لا محد زارك
وقالت القصيده




هذى هى القصيده ......
تكفين يا طيور الحـرار افزعيلـى
...........................ابى عن ديار الاهـل منـك اخبـار
تكفين حومـى فوقهـم وارجعيلـى
........................... وإلا ان حصل لك حومه داخل الدار
تكفيـن حـول بيوتهـم دوريـلـى
................................سبعة فروخ يـوم اخليهـم صغـار
شوفى ضناى وعودى وانكفى لـى
................................واشلونهم يا علهـم صـارو كبـار
نسوا دفاي ونومهـم فـى شليلـى
..............................وش علمهم يا علهم بطول الاعمـار
قولي لهـم ان امكـم لها عويلـي
..................................خمسه سنيـن دمعهـا دوم مـدرار
وقولي لهم إني علـي طـول ليلـي
....................................أنوح وليـا قـرب الصبـح أنهـار
وقولي عيوني دايمـا لـه هميلـي
....................................تبكي ليا شافت مـن النـاس زوار
كل يوم اقول غدى حديهـم يجينـي
..................................راحت سنيني مابهم واحـد(ن) زار
وانا اللي من سبت سوات الحليلـي
......................................حالـي تـردى كـل مالـه وينهار
وفرقا ضناي اللـي تـردت بحيلـي
...................................كني على شوفتهم اصلى على نـار
ياويلـي كـان الله عجـل رحيلـي
.................................وانا لي سنين ابـي لو هـي اخبـار
ياعونة الله من يبـي يرتكيلى
................................ لـيا جارت علي بأمر الله كـل الأقـدار
تنكـروا مـن يدخلـون الدخيلـى
.............................واللي بوسط ديارهم يامـن الجـار
قولي لهـم ياطيـور قلبـي عليلـي
............................الله يكافي قلوبهم صـارت احجـار
وانا اللي لبراق الخيـال استحيلـي
................................واقـول ياعـل ديرتهم للأمطار
تكفيـن وسـط ديارهـم صوتيلـي
.............................شوفي عسى لأسمي مع الناس تذكار
وقولي لمـن نسيانهـم يستحيلـي
...............................ياللي نسيتوها تـرى الوقـت دوار
ياهيه ياللـي بالسمـا لـك هديلـي
..............................ردي خبـر تكفيـن يكفـي امـرار
شوفي هاك اللي نومهم في شليلـي
...................................من اذان المغرب لوقـت الأسحـار
شوفي هاك اللي ماتهنى في مقيلـي
.................................إلا مقيـل معهـم كبـار وصـغـار
وقولي لهم ان كان حملـي ثقيلـي
...............................مره يجون وعقبهـا شـي ماصـار
وانـا يتولانـي كريـم(ن) جليلـي
................................ياعلني فـي جنّـة وسـط الأبـرار



وسـلآمتكم