إزاي تعرف انك في فيلم عربي؟

[الصقر العربي]

إزاي تعرف انك في فيلم عربي؟


عندما يكون البطل مريضا وتقدم لة البطلة حبة الدواء مع كوب ماء وبعد ان يبتلعها وتسأله البطلة فورا: ها عامل اية دلوقتي المفاجأه انة يرد عليها الحمد لله بقيت احسن
كده بالسهولة دي.. هو واخد حبة البركة ولا ايه؟
*******
عندما يصل البوليس الي موقع الجريمة دون ان يبلغه احد
تقريبا المخرج هو اللي بلغ علشان يصور.. أمّال هيصور ايه
*******
عندما يصاحب مشهد التغرير بالبطلة لقطات الامطار الغزيرة والبرق والرعد والشباك الذي ينفتح بقوة علي مصراعيه
وتلاقي البطلة في الفيلم مصيّفه
*******
عندما تقول البطلة للبطل انها حامل فيرد البطل على طول.. اللي في بطنك ده لازم ينزل
غالبا بيكون يوسف شعبان
*******
عندما تفاجئ باغنية مالهاش أي لزمه في نص الفيلم
مش عارف ايه العلاقة بين الاغنية والفيلم
*******
عندما يكون من المستحيل ان تجد الهاتف مشغول والطرف التاني يرد من قبل ما النمرة تجمع ولا تدي جرس حتى
*******
العبارة الساذجة الشهيرة التلي تصطحب مشهد القبض علي المجرم: مفيش جريمة كاملة وانت فاكر انك هتهرب من البوليس بعملتك دي
*******
عندما يسكر البطل فتجده يصب كوب ممتلئ علي اخره
بيسكر بعصير قصب
*******
عندما يخرج الطبيب من غرفة العمليات يرد جملة من ثلاث جمل
اضطرينا نضحي بالجنين.. شدو حيلكوا يا جماعه.. العمليه نجحت بس مش هتقدروا تشوفوه دلوقتي
*******
عندما يجلس البطل والبطلة في نفس الكازينو بتاع كل فيلم اللي في وش ماسبيرو ويطلبوا نفس العصير اللي في كل الافلام: تانج او ميراندا
يخلص المشهد من غير ما حد يشرب حاجة
تقريبا علشان هيتصور بالمشاريب دى فيلم تاني
*******
عندما يصاب البطل بطلق ناري في قلبه وتنزف الدماء من بطنه زي صلصلة الكشري ويظل يتحدث بطلاقة وتركيز لمدة خمس دقائق يقوم خلالها بفك لغز الفيلم والاعلان عن القاتل الحقيقي او البطل يبقي ابن مين
*******
عندما تتناول الابنة الفطار وهيا واقفة وبتاخد لقم سريعة فتقولها الوالدة ما تفطري يابنتي كويس تقولها: لا علشان الحق المحاضرة وتبوسها وتمشي فتنظر الوالدة الي الوالد ويبدأن في الدعاء
*******
عندما تغيّر حرب اكتوبر اخلاق كل المنحرفين الموظف المرتشي والجاره اللعوب والبلطجي والمجرم بطبعه
*******
عندما تجد مقر العصابة ملئ بالقش والبراميل الخشبية
*******
عندما تسمع صرير احتكاك كاوتش العربيات اللي بطارد بعض وتقريبا بتبقي عربيات 128 وماشية بسرعة 30 كيلو
منقول

[أبو يوسف المصري]

هههههههههههههههههههههههههههههههههههههههههههههههه
نسيت حاجه مهمه
عندما يجى مشهد بطله الفلم
وهى صاحيه من النوم فى السرير وشعرها معمول سشوار والمكياج مظبوط من امبارح

[Misho Elmasri]

ههههههههههههههههههههه

جامد الموضوع والله

تسلم

[I am Mohammad]

والله فعلا رائع

[Epic]

مفيش احلى من كده

التقدم واضح طبعا

موضوع جامد

[t.analysis]

[وليد الحلو]

نسيت برضوا حاجة

لما البطل عينه تزرق و رأسه تتفتح بعد معركه بطولية
و المشهد اللى بعده يكون خف

ودى و تقديرى

[trojan of troy]

احسنت ونسيت حاجة لما تكون السيارة ماشية في الصحراء والكفرات لها صوت تفحيط

[boturki]

هههههههههههههههههههههههههههههههههههههههههههههههههه

احسن افلام تنطبق عليها هالمواصفات هي افلام الثمانينات

[HICHOUR]

هههههههههههههههههههههههههههههههههههههههههههههههه
نسيت حاجه مهمه
عندما يجى مشهد بطله الفلم
وهى صاحيه من النوم فى السرير وشعرها معمول سشوار والمكياج مظبوط من امبارح

مرة شفت فيلم لنجلاء فتحي خارجة من غرفة العمليات بمكياج كامل كأنها خارجة من فرح مش عملية