الله يخرب بيتك يا حسن

[mohsen224]

ملحوظة : الاسم فى النكتة الاصلية كان محسن مش حسن بس انا غيرتة علشان اسمى

واحد دخل السوبر ماركت

سأل كيلو اللحمة بكام قال له الجزار 30جنيه ‏قعد يدعى:



"الله يخرب بيتك يا ‏حسن ياللى مغلي العيشة علينا"



سأل كيلو السمك بكام قال له بتاع السمك 15 ‏جنيه قعد يدعى:



"الله يخرب بيتك يا حسن ياللى مغلي العيشة علينا"



سأل بكام الفرخة قال له ‏بتاع الفراخ 10 جنيه قعد يدعى:



"الله يخرب بيتك يا حسن ياللى مغلي العيشة علينا "



واحد مخبر سمعه قبض عليه وراح واخده على ‏القسم ودخل على الظابط قال له: تمام يا فندم

الظابط ‏سأله: ماسك الراجل ده ليه ؟؟



قال له: الراجل ده مش عارف اسم ‏الريس يا فندم

[abuoqad]

بارك الله فيك لقد اضحكتني

[I am Mohammad]

روح يا محسن افتح الباب عشان بيخبط

في ناس لطاف جدا عاوزينك في أمن الدولة

[Epic]

ايه ده هو ظابط القسم مكنشى حزب وطنى ولا ايه

[mohsen224]

روح يا محسن افتح الباب عشان بيخبط

في ناس لطاف جدا عاوزينك في أمن الدولة

مرحبا بهم

[S@IF]

ههههههههههههههههههههههه
قويه

[amir111]

سؤال برئ يا تري مين حسن ده بقي

[mohsen224]

سؤال برئ يا تري مين حسن ده بقي

دة واحد ابن حلال مهنينا ومعيشنا فى عز

[أحمد السعيد]

خلى بالك من نفسك يا محسن
فى ناس مستنيينك ورا كل باب
وورا كل سور
يا محسن

[mohsen224]

طيب لو حد طلب ال ip بتاعى محدش من المشرفين يديهولو

[mercury_man]

يمكن يكون حسن حسني هو المقصود

ولا حسن لوحدو

ولا حسني لوحدو

ولا الموجود في الصورة الرمزية لاحد الاعضاء لوحدو

ولا ...........

ياه هموا كتير اللي نغلين المعيشة عندنا