موضوع بدرجة أهميه 100%

[shnobly]

السلام عليكم أخواني الكرام

الموضوع لايمت للفوريكس بصلة
أرجو تثبيته فتره حتى يقرأه أكبر عدد من الاعضاء لتعم الفائده ( خصوصا الاخوه من مصر)

ملحوظه / أحداث هذه القصه حقيقيه حدثت لي بالكامل اليوم

نبتدي منين الحكايه.......................

بدأت الحكايه لما قرر والدي أنو يعزمني أزازة بيبسي مع باكو بسكويت من محل مجاور لمزرعتنا (المزرعه تقع في منطقه جبليه نائيه)

المهم......... واقف أشرب البيبسي و أكل البسكويت ( يعني شاب نايتي خالص)
أذا بعربيه بوكس وقفت وراها عربيه من اللي همه بتوع نقل المساجين ( الي هيه مرسيدس من الحجم الكبير متقفله بالكامل )

نزل منها كام ظابط رتب وشوية عساكر لابسين الخوذ ( النص بطيخه) بتاعت المعارك الحربيه ولبس مموه و مسلحين بمدافع الكلاشينكوف مركبين عليها السونكي و شايلين الغطاء بتاعه

ظابط المباحث لكل الواقفين أمام المحل : بطاقتك ياد أنتا وهوه

الكل طبعا طلع البطاقه و أداها للباشا ( اللي مكانش معاه بطاقة طبعا أترمى في العربيه )

طلع الوالد بطاقته و ناولها للظابط
الظابط بص فيها بقرف شوية ورجعهاله

جه الدوور عليا بقه

قولت أديله كارنيه عضوية نقابة المهندسين على أساس يرفع مستوى الكلام شويه بعيد عن العيال الصيع

قلب في الكارنيه برضه بقرف وبصلي بقرف أكتر وقاللى : مربي دقنك ليه ؟؟؟؟؟

أنا كنت لسه نازل أجازه من الموقع ولسه محلقتش دقني ( كانت بطول أسبوع بالظبط )

" هاتووه اشتباه " قالها الظابط للمخبرين اللي معاه ( طبعا أنا حصلي أنخفاض في ضغط الدم ساعتها)

في ثانيه لقيت نفسي جوه عربة المساجين

وبدأت تتحرك بينا

يعني كده قفايا هيشيل كتير
و هبداء ملف أمن الدوله بتاعي

طبعا في مصر المحروسه الكلام دا يحصل لأي حد مش مسنود

أنما و الحمد لله
العبدلله مكملش دقيقتين في العربيه بعد ما مشيت بينا

فجأه

لقيت عربيه 4x4 طالعه من بين الصحراء

عماله تدي كلاكسات للموكب بتاعنا وبتحاول أعتراض طريقه

بعد شوية مناوشات توقف الموكب

ونزل من ال 4x4 عميد شرطه صديق وجار لنا في المزرعه
اتكلم مع الظابط اللي قرفان من كل حاجه

وفي الاخر أقنعه أني مبشكلش تهديد على الامن القومي لمصر
ونزلوني من المرسيدس بتاع المساجين

الدروس المستفاده :

- متخرجش من البيت من غير بطاقتك

- متسيبش دقنك أكترمن 3 ايام من غير حلاقه
ولو عايز تسيبها طويله قدامك حلين :
يا تكون تعرف شخصيات ورتب هامه في البلد ويكونو جيرانك
يا تسيب مصر خالص

الموضوع دا حصل معايا انهارده وحبيت أنصح أخواني في المنتدى عشان لو أتفتحلك ملف في أمن الدوله مش هتعرف تقفله

[mdraw]

الحمد لله على سلامتك

[قدوري محمد]

لاحول ولاقوة الا بالله ياخي لاتخاف الله وجود ويوم القيامة يدفع كل انسان الثمن على مايفعله بالعباد

[قدوري محمد]

الله موجود اسف للخطئ المطبعي

[(عدي)]

هذا ما يحدث في اغلب الدول العربية وليس في مصر فقط

[cham]

حمدا لله على السلامه

وربنا يحرس استاذنا سمير صيام " اصل دقنو طويله حبتين "

اتمنى السلامه لاهل مصر الطيبين

[shnobly]

شاكر لكم أخواني الكرام مروركم

وبجد من أسباب كتابتي للموضوع في المنتدى الاستاذ سمير صيام
لأن الموضوع دا بيحصل في لحظه
وفي أي مكان

[ابو خالـــد،،]

لا حول ولا قوة الا بالله

اخر الزمان يصبح المتدين مذموم والصايع خطيب

الحمد لله بل سعودية رغم الارهاب والضغط الدولى من جميع دول العالم من غير استثناء علينا للتشدد الدينى


الا ولله الحمد صاحب الذقن - المطوع يعنى المتدين - له مكانه واحترام والله العظيم ولله الحمد


حتى ايام 2001 ايام الارهاب وكثرة نقاط التفتيش بل سعودية اصحاب الذقون كانوا يعاملون بكل ود واحترام وانا عن نفسي من يوم انى صغير واهلى ربونى بحترام الدين

بس هذا الضابط يا اخى شكله مراته مزعلته او عندهم بلاغ عن احد ولا انا عارف مصر يا اخى عندكم اصحاب ذقون كثير وما بيحصل اى حاجه من الكلام هذا

وما شاء الله رمضان عندكم المساجد عمرانه فيهم فأنا كنت بمصر فتره بس صدقنى هو كان زعلان ولا مش معقول حسنى مبارك يعمم شئ مثل هذا بتاتا يا اخى

انت شكلك كمان معصب انسى يا عم واحد حمار وعدى عليك ارمى وراك وخلينا نشوفك بموضع ورشه جان على الباون دولار



وجيب معاك شوالات عشان نلم دولارات ولا مش هو دا الكلام الصح



فضفضها انت بس

[وليد الامور]

فكرتنى ب يوسف معاطى المهم حمد الله على السلامة و تعيش و تاخد غيرها.
انا بردة على فكرة من اصحاب اللحى. ربنا يسترها علينا

[محمد العزب]

قل لن يصيبنا الا ما كتب الله لنا
دى اتقالتلى اول ما سالت ينفع احلق دقنى عشان الوضع فى مصر
صدقنى فى ناس كتير ماشية بدقون ومبحصلهاش حاجه
وفى ناس ماشيه من غير دقون وعندها ملفات بالكوم فى امن الدوله

[a_gamal]

ياخوانا انظروا الى الصحابة وما حصل لهم وما اصابهم من تعذيب في اول الاسلام
هذا بلال يوضع على صدره صخرة ويظل يردد لا اله الا الله وهذا يوضع على ظهره على النار ويخرج ليعرف الجديد من الوحي ثم ينشره وهذا عبد الله بن مسعود يقرا سورة الرحمن على ظهر الكعبةفيضربه المشركون وهو نحيف اصلا ويقول للصحابة ساعيدها عليهم غداوهذا عمار بن ياسر عذب في الإسلام و استشهد والداه تحت تعذيب المشركين
وقال الله تعالى ( أحسب الناس أن يتركوا أن يقولوا امنا وهم لا يفتنون )
وقال تعالى ( ام حسبتم ان تدخلوا الجنة ولما يأتكم مثل الذين خلو من قبلكم مستهم البأساء والضراء وزلزلوا )

[أحمد السعيد]

الحمد لله على سلامتك يا أخى
وتعيش وتاخد غيرها متخفش بهزر
وخلى بالك ممكن اى واحد فى العالم يحصلو كده
وممكن اى ظابط يقولك هات البطاقة

[55أبو محمد55]

وعندما اتوا صحابة رسول الله صلي الله عليه وسلم ودقوا باب بيت النبي وردت ستنا عائشة رضي الله عنها وسالوها هل رسول الله صلي الله عليه وسلم موجود فردت وقالت لهم ومن زيّن الرجال بلحاها غير موجود

المكتوب علي الجبين لامفر منه , وهل سيد الثقلين صلوات ربي وسلامه عليه ارتاح في هذه الدنيا .....الجواب طبعا لا...........

[السوهاجى]

حمد لله على السلامة

وياريت تعرفنا على جارك دا

[يورو2006]

لاتنسى يوم 4 مايو عيد ميلاد الرئيس
وهو يوم إضراب 4 مايو