الآن لو أردت سحب مبلغ كبير من حسابي نقول مثلا 100,000 فهل سيكون هناك مشكلة من البنك

[ابو لاما]

واضح العصبية فى ردك

اولا اذا كان اسمك محمد فنعم الاسماء ومحمد مقصود هو صاحب الموضوع
ثانيا موضوع الضرائب انا لم اعترض عليه فاهلا بيه ان كان موجود على اموال خاصة بالفوركس وقانون الضرائب على الاموال القادمة من الخارج اللى حضرتك تقصده خاص بالعاملين المصريين بالخارج
ثالثا انا عارف ان التجارة الممنوعة هى السوق السوداء
رابعا انا فى ردى لم اعترض على سيااسة مراقبة التحويلات عشان غسيل الاموال
خامسا واضح انك قريت مشاركتى بطريقة غير صحيحة لانى لم اقل ما تقوله بالمرة
فلم اعترض لا على ضرائب ولا غسيل اموال ولا على اسمك وما اقتباسى لمشاركتك ولمشاركة اخرين الا تاكيد انه ما بداخلها صحيح

عموما بارك الله فيك وسبحان الله

معليش يا استاذ سمير انت الكبير برضك امسحها في وجهي

ودي وتقديري

[Ahmad Abouzeed]

واضح العصبية فى ردك

اولا اذا كان اسمك محمد فنعم الاسماء ومحمد مقصود هو صاحب الموضوع
ثانيا موضوع الضرائب انا لم اعترض عليه فاهلا بيه ان كان موجود على اموال خاصة بالفوركس وقانون الضرائب على الاموال القادمة من الخارج اللى حضرتك تقصده خاص بالعاملين المصريين بالخارج
ثالثا انا عارف ان التجارة الممنوعة هى السوق السوداء
رابعا انا فى ردى لم اعترض على سيااسة مراقبة التحويلات عشان غسيل الاموال
خامسا واضح انك قريت مشاركتى بطريقة غير صحيحة لانى لم اقل ما تقوله بالمرة
فلم اعترض لا على ضرائب ولا غسيل اموال ولا على اسمك وما اقتباسى لمشاركتك ولمشاركة اخرين الا تاكيد انه ما بداخلها صحيح

عموما بارك الله فيك وسبحان الله

أسف أخي ظننت أنها استنكارا لها .....
دون أن تكلف أو اظناب في الحديث أو غير هذا ..... أعتذر فقد فهمت مشاركتك خطأًً .... ما شبهة لي أنك أحضرت المشاركات التي تمثل (البلبلة) في وجهة نظر و اعتذر أخي الفاضل ... ..و لتعلم أخي الفاضل أني أقصد من مشاركتي هو أن يتجنب أخونا فريدم كل المعوقات التي ممكن أن تواجه --- من اشتباه الادارة الامريكية أو المصرية -- و من مشاركة هيئة الصرائب ربحه --- فقط
و أكرر اعتذاري ... و لك أن تحذف من مشاركتي السابقة كيفما تشاء .

[Ahmed Seoudy]

الاخوة الافاضل ممكن الافادة
في حالة تحويل أيه مبلغ إلى شركة إف إكس سول عن طريق البنك - مكتوب بالموقع انه يتم خصم 15-25 $ بواسة جي بي مورجان ولكن الشركة قامت بخصم 55 $ فعليا مني - ارجو الافادة

[mogafx]

الاخوة الافاضل ممكن الافادة
في حالة تحويل أيه مبلغ إلى شركة إف إكس سول عن طريق البنك - مكتوب بالموقع انه يتم خصم 15-25 $ بواسة جي بي مورجان ولكن الشركة قامت بخصم 55 $ فعليا مني - ارجو الافادة

ما هو في عموله بياخدها البنك إللي بتحول منه ، حوالي 20 إلي 30 دولار تقريباً .

يعني 25$ بنك جي بي مورجان + 30$ البنك المحوّل منه = 55 دولار .

[m.salah]

الآن لو أردت سحب مبلغ كبير من حسابي

نقول مثلا 100,000 فهل سيكون هناك مشكلة من البنك في مصر ؟

طبعا الفوركس في مصر ممنوع وسمعت سابقا في قناة دريم مدير البنك المركزي سابقا ايام ازمة الدولار عندما سأله المذيع ان الناس تحول فلوسها يورو وبعدين تبقي ترجعها دولار

فأجابه الرجل بكل حدة ماينفعش الناس تشتغل تجار عملة دي وظيفة البنك المركزي

وطبعا واضح ان الفوركس في مصر ممنوع منعا باتا وصارما علشان الناس تفضل تتاجر في البورصة المصرية ويبيعوا اللي وراهم واللي قدامهم عليها

وخايف مجهودي يضيع في الآخر

ممكن حد يكون سحب مبلغ كبير يقولي

علما بأن حسابي في البنك المتخلف المدعو بالبنك الاهلي

طيب ازاي اعطوا ترخيص للشركه دي في مصر :: Welcome to Kerford Investments Egypt ::
وبعدين ياراجل في شاب يفتح حساب في البنك الاهلي حبيبي دي بنوك العواجيز عندك دلوقت كل بنوك اوروبا وامريكا في مصر - بنك اهلى ايه بس فكرتني بجدي الله يرحمه
طبعا بهزر معاك

[سمير صيام]

أسف أخي ظننت أنها استنكارا لها .....
دون أن تكلف أو اظناب في الحديث أو غير هذا ..... أعتذر فقد فهمت مشاركتك خطأًً .... ما شبهة لي أنك أحضرت المشاركات التي تمثل (البلبلة) في وجهة نظر و اعتذر أخي الفاضل ... ..و لتعلم أخي الفاضل أني أقصد من مشاركتي هو أن يتجنب أخونا فريدم كل المعوقات التي ممكن أن تواجه --- من اشتباه الادارة الامريكية أو المصرية -- و من مشاركة هيئة الصرائب ربحه --- فقط
و أكرر اعتذاري ... و لك أن تحذف من مشاركتي السابقة كيفما تشاء .

حصل خير ياغالى

[Epic]

اخى الحبيب والفاضل لى فى الفوركس الان اكثر من 5 سنوات اخر عامان هم الارباح الحقيقية وخلالهم بدات الارباح معى وبدات اقوم بتحويلات الى مصر اولا لا اتعامل مع البنوك الحكومية مطلقا ونهائيا لما تتسم بة من بيروقراطية وضعف الفهم والبطئ البالغ اتعامل فقط مع البنوك الاجنبية لى عدة حسابات احول منها فى شركات عديدة من اف اكس سول واكبر تحويل تم منها الى حسابى فى مصر كان 11000 دولار واحول كل شهر 1000 دولار بشكل ثابت ومن شركة اواندا قمت بتحويل 123000 دولار الى حسابى فى مصر ولم يحدث اى شئ او اى مشاكل مع العلم انى احتفظ باوراق التحويل من مصر الى الشركات فى الخارج حتى تكون اثبات على اصل راس المال وبسؤالى المتكرر لمن اتعامل معهم من البنوك حول هذا الامر قال معظمهم ان المبلغ لو تعدى 200000 دولار فى المرة الواحدة يثير بعض الشكوك ان الامر متعلق بغسيل الاموال ونصيحتى لك قم بالتحويل على دفعتين مثلا وربنا يزيدك من فضلة

اشكرك اخى على الافاده وياريت تفيدنا بالبنوك التى تتعامل معها وجزاكم الله خيرا

[محمد مصطفى كامل]

بسم الله الرحمن الرحيم

أحببت أن ادلى بدلوى ولو على الماشى بخصوص تحويل الأموال من خارج مصر والله تعالى أعلم ....

سيدى الفاضل الفوركس تجارة مشروعة عالميا ، وهى ممنوعة فى كل الدول العربية تقريبا بسبب الشركات الوهمية المتخصصة فى النصب على الغلابة ، وهذا حق الحكومات فى التصدى لظاهرة شركات البقالة التى تهبط علينا بالبراشوت ، وللأسف جميع أصحابها من العرب ، ومادمت تملك كل البيانات اللازمة لاثبات أصل المبلغ والاصل فى الموضوع اثبات أنك بالفعل تتاجر فى الفوركس ، وأنك مضارب وهذه حرية شخصية لن يمانع فيها أى شخص فى مصر كلها ، ان شاء الله يكون المبلغ المحول عشرات التريليونات ، نحن فى دولة محترمة ولسنا فى أعالى الأدغال ، المقصود من مراقبة الأموال العامة على المبالغ الواردة الى مصر هى عدم تسلل موارد غسيل الأموال فقط لاغير ، وأنت كمتاجر أو مضارب لك الحق كمصرى أن تضارب ان شاء الله فى أكياس المخلل ، مادامت هى أموالك الشخصية ان شاء الله تقف على اول الشارع وتفرقها على العيال الصغيرة .......

مادمت قد تاجرت فعلا فى اى مجال الكترونى ، وعندك كامل مايثبت أن هذا مبلغ محول من أرباحك من الشركة التى تتعامل بها ، فلا يوجد ادنى شك ، فى أنه لن يتعرض لك أى جهة امنية فى الدولة ، ولا بد أن تعلم أن جميع التحويلات الى خارج مصر بالتاكيد معروفه ، وهناك من الخبراء المتواجدون فى الجهات الأمنية يستطيعون تحديد مدى مصداقية أى تبرير ..... ومرة ثانية ياجماعة مصر دولة متقدمة ومحترمة ، وبلاش الشك الغريب دوة .....

هذه وجهة نظرى والله تعالى أعلم .....

[dr.magdy bahary]

حولهم 20-20 علي بنوك مختلفه
بس انت شدحيلك واعملهم

[Ahmad Abouzeed]

حصل خير ياغالى

و الله أنت الي غالي .لك هيبة يا استاذ سمير ولو لم نرك من قبل..... من يعز الرجال يهابه الناس و من لا يعز الرجال لا يهابه أحد

[esam 123]

اشكرك اخى على الافاده وياريت تفيدنا بالبنوك التى تتعامل معها وجزاكم الله خيرا

البنوك هى البنك العربى الافريقى الدولى و البنك الاهلى سوستية جنرال بصراحة احسن اثنين

[HICHOUR]

يا صديقي العزيز السلام عليكم ورحمة الله وبركاته اولا

انا عاوز اقولك ان انا شاب مصري زيك تمام... وفعلا الفوركس عندنا ممنوع بس مش لدرجة زي ماهو الحال في بلاد المغرب العربي... هناك الوضع اكثر سوادا... فالحمدلله انهم سايبنا نطلع شوية الفكة اللي معانا برة... حكومات غيرنا لاسايبة حاجة قدام ولا ورا شعوبها....

حقيقة انا كنت اجتمعت بناس في بنك مصر ومصر الدولي وجنرال سويستيه.... واتكلمت معاهم بخصوص لو انا شغال في الفوركس وحبيت احول مبلغ... كان ردودهم مشتركة المعنى مختلفين في التفصيل...

منهم اللي قال عشان الفوركس هايتاخد ضرايب بنسبة مش فاكر كام على المبلغ غير رسوم التحويل... وكانت النسبة تخض الحقيقة...
ومنهم اللي قال بتتعملي قضية غسيل اموال والمبلغ هايتجمد لحد ما اثبت من اين لي هذا...والشركات الوحيدة اللي ممكن تديك اوراق تثبت بيها فلوسك هي الشركات السويسرية والله اعلم هايعترفو بيها هنا ولا لا... انت عارف التلكيك هنا والحكومة عاملالك عبيط وهاتلاقي نفسك في متاهات... وكل دعه لو زاد المبلغ اللي جايلك عن 3000 او بيتحولك اكثر من الف بفوارق زمنية اقل من شهر... اصلك انت ولامؤاخذة يعني مش الحكومة تخلي الشعب حفيان جيعان وهمه 10 جنيه في اليوم يستر بيها نفسه وبيته وانت تطلعلها معاك ومن الاخضر كمان... حاجة من الثلاثة.... يا الحكومة تقسم معاك يا اما انت فعلا ترجع وتكون زي باقي الشعب...يا مصيرك مصير الريان والشريف وصاحب محلات التوحيد والنور لو تفتكر..... تصرف فلوسك وانت في السجن ان شاء الله....

انا مش بسود الدنيا في وشك.... بس بقولك عشان تنتبه..
وبعدين كلمة راس بيني وبينك.... اكسب انت الاول المبلغ اللي بتقول عليه وبعدين ربنا يسهل... انت اساسا لو كسبت نصه وفضلت قاعد في مصر في الفترة دي تبقى غلطان وتستاهل اللي يتعمل فيك.....

ممكن تحول لنفسك مبالغ تخليك عايش مستور انت وبيتك... 500 او ب700 مثلا يعني... ولو انت عاوز تحول تحول مبلغ كبير عشان تتجوز مثلا او تعمل مصلحة من مصالحنا احنا الشباب حوله على شكل اقساط خمسميات او سبعميات بس متكترش عدد التحويلات في الشهر لانك لازم تعرف انك متراقب من البنك المركزي المصري

ظبط حالك وربنا يرزقنا جميعا

الكلام ده بالمغرب maroc
مش بكل دول المغرب العربي
أنا من الجزائر ويوم حولت أموالي للسول كتبت في الحوالة أنها لشركة فوركس
لم يعترضوا ولو بنصف او ربع كلمة.
على فكرة الكلام ده في بنك عمومي يعني تابع للدولة اسمه cpa bank
وحتى لو حدثت المشكلة الحمد لله البنوك العالمية مالية البلد
ثانيا تجارة العملة عندنا ممنوعة قانونا لكن منتشرة في السوق السوداء انتشار رهيب في محلات معروفة بذلك
والدولة عندها علم بذلك وساكتة
كما أن تحويل العملة الصعبة عندنا مسموح بها مش مثل المغرب
على كل حال وعلى العموم ما فيش مشكل عندنا ولله الحمد

[سـاري]

طيب فية حل حلو ,,,


بما ان المبلغ 100 الف دولار .!
تعال للسعدية وخلال 24 ساعة تفتح حساب وتحول المبلغ علية وتستلمة خلال ساعات ومن ثم تسافر لمصر .!

العملية كلها على بعضها تكلف 1000 دولار من تذاكر + فنادق + مصروفات جيب

[Epic]

البنوك هى البنك العربى الافريقى الدولى و البنك الاهلى سوستية جنرال بصراحة احسن اثنين

تسلم وان شاء الله فى بالى التعامل مع NSGB وان شاءالله يكون خير

[okazaki]

البنك العربي الافريقي (فرع الميرغني )به تسهيلات كبيره جدا في التحويلات من والي مصر ويعترفون بالفوركس بدون اي مشاكل لدرجه انه اذا لا قدر الله حدث اي اخطاء في بيانات الحساب في اي وقت يقوم المختص بمحاوله حل المشكله ومساعدتك فورا (كما ان معظم موظفي البنك لهم حسابات فوركس )
ولعلمك الشركه التي ذكرتها (e money power )
والتي مقرها مصر الجديده هي ليست مصريه ومع ذلك هي تفوض هذا البنك بالتحديد في فتح حسابات عملائها
لكن للصراحه مثل هذا المبلغ الكبير لا اعلم هل يترتب علي تحويله مشاكل كما ذكروا الاخوه سابقا ام لا

الكلام ده صحيح وبيحصل مع واحد جاري دلوقت
ومفيش اي مشكل وطمنونا جدا ان السحب عادي وهادي
واظن التحريم بيجي من البنوك الحكومية زي الاهلي ومصر والحاجات دي
لكن بنك الاعربي الافريقي مفيهوش مشاكل
اخ
freedom
اكيد في ناس كتير اشتغلت في الفوركس من مصر وحولت فلوسها من غير مشاكل
متقلقش يا باشا