قـمـت مـن النـوم فـجأة ,,, لـقيت نـص إيدي جـوا الحيطه(منقول)

[mohsen224]

عندما تخط البراءة ما نتجاهله جميعاً تخط ما يلى ::
قمت من النوم فجأة
• في عيني نور غريب وقوي جدا
• أستغربت النور ده كله جي منين
• واندهشت لما لقيت الساعه بتشاور على 3 صباحا
• وأن مصباح الأوده مطفي
• طيب النور ده كله جي منين
• وانفزعت لما لقيت نص ايدي جو الحيطه
• شديتها بسرعه
• خرجت
• وانا ببصلها بكل اندهاش
• رجعتها تانى لقيتها دخلت جوه الحيطه
• استغربت ايه اللى بيحصلي ده
• وسمعت صوت ضحك
• بصيت نحيته
• لقيت اخويا نايم جمبي
• ولقيته بيحلم
• بيحلم انه راكب عربيه اخر موديل
• وانه رايح حفلة كبيره قوي
• لناس اغنيه قوي
• وانه لابس اغلى واشيك لبس
• عشان يكون احلى واحد في الحفلة
• وكان بيضحك وفرحان
• ابتسمت
• بعدين اتفزعت من اللى بيحصل
• وقمت من على السرير
• وجريت على اودة امي وابي
• قعدت اصحى
• فى امي واطبطب عليها
• وانديها بس هى مش بتستجيب
• قعدت انديها كتير واطبطب كتير
• ولقيتها فجأه قامت
• كانت مخضوضه قوي
• وبتبص يمين وشمال
• قولتلها يا ماما انت مش شيفانى
• لقيتها مش بترد
• ولا بتبصلي
• قعدت انادى
• ماما......ماما
• كانت حاطة ايدها على قلبها
• وبتقول بسم الله الرحمن الرحيم
• ولقيتها بطبطب على بابا وبتصحيه
• وقام
• قالت له قوم نطمن على الاولاد
• ده وقته
• قالتله معلش قلبي مش مطمن
• في حاجه غريبه
• وانا واقف مستغرب
• قعدت اقولها يا ماما
• انا اهو يا ماما
• انت مش شيفانى
• ياماما
• قامت ومشيت
• حاولت امسك هدومها لكن الهدوم مش بتتمسك
• جريت وقفت قدمها عدت من جوايا
• ملقتش غير انى امشي وراها
• وبابا كان وريا
• محاولتش ابصله
• عشان ما يتجاهلنيش برده
• دخلت امى الاوده وفتحت النور
• >مكنش عندى فرق لأن الدنيا كانت منورة اصل
• انفزعت لما لقيتنى نايم على السرير
• وقعدت ابص لجسمى وايدى وانا مستغرب
• انا ازاي بقيت اتنين
• انا مين ومين اللى نايم على السرير ده ان مكنش انا
• وقطع استغرابي
• جملة بابا استريحتى يا ستى اهم نايمين اهو
• لكن هي قالتله معلش انا عاوزه أطمن على محمد
• ولقيتهى بتقرب مني قصدى من الشخص اللى نايم مكانى
• وبتطبطب عليه كانت بتقوله يامحمد لكن هو مش بيرد وكانت
• بتطبطة بشويش وبدأت تهزه جامد
• جريت عليها وقلتلها يا ماما انا اهو
• رودي عليا
• لكن صوتها كان بيزيد خوف وكان بيعلى
• كانت بتنادي
• محمد.....محمد
• وفجأة صرخت ولقيت الصرخة بتوجعنى قوي
• كانها بتضربنى
• بكيت
• وقلتلها ما تصرخيش
• وهى بتقول محمد
• وبابا جري علي وحط ايده على وشى وصرخ وبكى
• وحسيت بالوجع تانى
• محمد مش بيرد والبكاء بيزيد وانا مش عارف اعمل ايه
• صحي اخويا على الصوت وهو بيسال في ايه
• ماما صرخت اخوك مات يا احمد مات وانا بقولها ببكائي لأ
• والله
• ياماما انا هو شوفيني شوفينى انت مش سمعاني
• لكن ما فيش امل
• بصيت للسما وقلت يارب ايه اللى بيحصل ده
• لكن ما لقتش سقف
• وشفت ناس ولما شوفتهم مشيوا وحسيت بطعنه غريبه
• وحجات بتقطعنى بصيت لأحمد لقيته بيصرخ
• قلتله اسكت انت بتعذبني
• لكنه كان بيزيد فى الصراخ
• وماما بتبكي فى حضن بابا
• والنحيب بيزيد وقفت قدمهم عاجز
• ومزهول رفعت راسي تانى وقلت يارب
• ايه اللى بيحصل يارب فى ايه وسمعت صوت من كل حته
• كان جي من بعيد ركزت معاه لقيته بيعلا وبيزيد كأنه قرآن
• أيوا قرآن والصوت بدأ يقوى يقوى قوي هزنى من شدته كان
• بيقول
• لَقَدْ كُنتَ فِي غَفْلَةٍ مِّنْ هَذَا فَكَشَفْنَا عَنكَ غِطَاءكَ
• فَبَصَرُكَ الْيَوْمَ حَدِيدٌ
• زهول الصوت
• لقيت ايدين بتطبق عليا اتنين شكلهم مش من البشر بيقوليلى تعالى
• م انتم مين وعاوزين منى ايه شدونى
• صرخت سيبونى
• ما تخدونيش من اهلى اهلى فكرنى مت قالولى ما انت مت فعلا
• قلتلهم ازاي ما انا شايف اهو وبتكلم وحاسس بكل حاجه> ابتسموا
• وقالوا
• عجيب امركم يا بشر كلكم فاكرين ان الموت نهايه الحياة
• وما تعرفوش ان حياتكم موت وحلم طويل هتصحو منه على اليوم ده
• على العالم ده سألتهم انا فين وانتو واخدنى على فين قالولي
• احنا حراسك لحد القبر اتفزعت قبر ايه انتوا هتدخلونى القبر
• ردو كل انسان لازم يدخل القبر
• بس انا عمرى ما دخلت القبر ده مكتوب على كل البشر
• طول عمرى كنت بكره الكلمه دي
• مبحبش اسمعها بستعيذ بالله منها بحاول انسها
• مكنتش بقدر اتخيل نفسي فى المكان الصعب ده
• سألتهم بخوفي هتسيبونى قالولي مع عملك طيب وعملى ده
• كويس سكتم
• ولقيت واحد بيصرخ وبيبكي وواحد تانى سعيد قوي
• وكل واحد فيهم واقف معاه اتنين بردة زى اللى معايا سألتهم ده
• بيبكى ليه
• قالوا ده عارف مصيره
• طول عمرة كان من اهل الضلال قلت يعنى رايح النار
• واللي بيضحك ده رايح الجنه طيب انا رايح على فين قولولي
• ردو عليا هما كانو عارفين هما ايه فى الدنيا ودلوقتى
• عارفين هما فين فى الاخره وانت عشت طول عمرك تايه متردد
• شويه تمشي صح وشويه تمشي غلط
• شويه تتوب وترجع تعصي تاني ما كنتش واضح
• هتفضل بردة انهاردة تايه مش عارف حاجه اتفزعت وقلت
• ايه يعنى ايه انا رايح النار
• قالولى رحمة ربنا واسعه ولسة الرحلة طويلة
• بصيت وريا لقيت عمي وابويا واخويا ماشين وراهم امي واهلي
• بيبكوا
• شايلين صندوق جريت عليهم ناديت محدش بيرد
• ناديت على امى قلتلها يا امى ما تبكيش ادعيلى ناديت على
• بابا قلته يا بابا
• خلى بالك من امى واخويا ناديت على احمد
• قلتله يا احمد خلى بالك من نفسك سيبك من الدنيا ومتاعها دي
• رخيصة قوي
• صدقنى مش هتنفعك ناديتهم كلهم بس كانو مشغولين بالبكاء
• ومحدش سامعنى
• مكنتش بتمنى حاجه فى اللحظة دي
• الا انهم يسمعونى وشدنى الملكين ونزلونى القبر
• ونيمونى فوق الجسد عشان اشوف ابويا وهو بيرمى التراب عليا
• بنفسه
• علشان اشوفهم وهما بيودعونى وخوفى عليهم انهم مش حاسين
• باللى انا حاسه
• وحسدى ليهم انهم لسة فى الدنيا بس للأسف
• كنت ببكى وهما بيبكوا كنت خايف عليهم من الدنيا قوى
• واتمنى لو اصرخ ولو يسمعونى
• وخرجم كلهم وقفلوا الباب والنور تحول سواد
• لا اله الا الله محمد رسول الله

[وليد الحلو]

لا اله الا الله محمد رسول الله

[بدر هادي]

مشكووور
بس ودي اعرف انت عرفت حلم اخوك ازاي

[mohsen224]

مشكووور
بس ودي اعرف انت عرفت حلم اخوك ازاي

ههههههه انت اكيد مكملتش قراءة الموضوع ومفهمتش اية المقصود

[بدر هادي]

ان شاء الله تنول حسن الخاتمه وكل مسلم
بس الواحد يحب يضحك شويه

[Fahd]

لا اله الا الله محمد رسول الله

[I am Mohammad]

جزاك الله خيرا

[mohsen224]

قال صلى الله عليه وسلم (( أكثروا من ذكر هادم اللذات )) .
فالاكثار من ذكر الموت يجعل العبد دائماً مشتغلاً بالصالحات والمداومةعليها بعكس الغفلة .

[ابو حسن]

اخي الغالي
بارك الله فيك والله يجزيك الخير ويتقبل منك عملك الطيب

محاضره للشيخ خالد الراشد
مفرق الجماعات..وانا اقراً الموضوع تذكرت الدرسhttp://audio.islamweb.net/audio/download_.php?audioid=125147




لا الله الا الله
محمد رسول الله

[أبو عبد الله]

عندما تخط البراءة ما نتجاهله جميعاً تخط ما يلى :: ....

.....

أحب أن أنبه إلى أن هذا الموضوع شائك جداً ، فإذا رأى الأخ أن يضع القصة على أنها منام ، فله ذلك ، أو كما أشار في اقتباسي إلى أنها تفكير بريء أو تخيل طفل لا يدري من الشرع شيئاً فله ذلك ، غير أن الذي أنبه عليه ، وأؤكد على ضرورة مراجعته هو أن القصة لا تعدو أن تكون خيالاً محضاً مشوباً بشيء من الشرع وشيء من قصص أفلام الرعب الغربية وشيء من الوهم ،

والحقيقة مخالفة لذلك تماماً ولدينا على القصة اعتراضات شرعية كثيرة ، وما يزيل اللبس أن تقرأ حديثاً واحداً لما بعد الموت ، ولتدرك وقتها أن الإنسان من لحظة الاحتضار ينفصل عن الأحياء ، وإن كان يسمعهم ، وهو في شأن عظيم من لحظة الاحتضار ، وهو موقف أقل ما يطلق عليه هو أن حدث جلل : يأتيه ملك الموت بالحنوط وينزع روحه من جسده بالكيفية الواردة في الأحاديث الشريفة ، ثم تحمل روحه للاستئذان لصعود السماء ، وتصعد الروح الطيبة ، ثم يؤمر لها بالعودة للجسد ، مع تفاصيل كثيرة حتى يوسد التراب ، ثم يتبع ذلك مواقف كثيرة حتى يوم القيامة ،

والقصة تروي لنا أن بطل القصة لا يدري حتى أنه مات ، ثم يستشهد راوي القصة بالآية الكريمة "وكشفنا عنك غطاءك فبصرك اليوم حديد" ، لا هذا كثير.

أنا أفهم براءة صاحب الموضوع ورغبته في تذكير الناس بالموت ، وتخفيف تبعاته عليهم بعرضه على أنه استيقاظ من نوم ، لكنه بذلك يخلط الأوراق على أناس قد لا يعلمون شيئاً عن الصورة الحقيقية التي وردت إلينا من مصادر شرعية معتمدة ، وهي أولى أن تقص وتعرف.