الدولار على فين رايح وواخدنا في رجليه..!!!!

[محمد الزيني]

السلام عليكم ورحمة الله

هو موضوع لادلاء الراي اكثر من ان يكون معلوماتي

لايخفى عن اي احد من الاخوة في المنتدى (والجميع طبعا له باع كبير في العملات) ان الدولا سيدخل العناية المركزة وسيدخلنا فيها معاه...
ضعف الدولار يا اخوان تسبب في كارثة قومية ودولية اكثر من ان تكون المشكلة محلية عندهم
ويستطيع ان يلاحظ ذلك الصغير اللي في ابتدائي

لعائن الله على بوش وحكومته... مش بس نشروا الحرب حول العالم وشجعوا الارهاب... لا دول تسببوا في ازمة اقتصادية لبلدهم وبالتالي كارثة عالمية
واكبر المتضررين هم العالم الثالث اللي هم احنا
يعني اذا كانت فرنسا بتصوت وبتشد في شعرها من سعر اليورو العالي امام الدولار والمشكلة ان اليورو ماغليش لكن الدولار هو اللي بيرخص

كل العالم العربي بلامنازع اكيد بيعاني من غلاء فاحش في الاسعار.. ده كان عندنا في مصر 5 جنيه كانت تكفي فطار معقول وكويس وتمام التمام... دلوقتي عشان اجيب نفس الفطار مش اقل من 11 جنيه... ياجدعان كفاية ان كوباية الشاي ارتفع سعرها وقرب الارتفاع من الضعف ...وقيس على ذلك العلاج والادوية والمواصلات وباقي السلع مما سينعكس على الخدمات سواء كانت صحية او تعليمية او تنظيمية... والكلام ده مش في مصر بس.. شوف المملكة العربية السعودية والامارات وسوريا وتونس وغيره وغيره.. يعني وضع متازم وبيزداد سوء
والله يكون في عون اللي دخلهم ضعيف من الفئة اللي بيسموها محدودي الدخل

اسعار مرتفعة جدا وعمالة ترتفع بصورة قياسية في وقت قياسي

اهو هو ده التضخم ياجماعة بام عينه .... يعني احنا عايشين في حالة تضخم عالمي حاااااد بشمعة ليموزين مالهاش مثيل لو عاوز ترسمها

والمشكلة ان الدول العربية دي رابطة عملتها باللي مايتسمى الدولار ده... وكلهم بيعانوا... والبهوات (الدول العربية يعني) واقفين يتفرجوا على التضخم ده ولا بيحركو ساكن وده طبيعي ... يعني معقول يتعمدو بتدخل قوي للحد من التضخم ويرفعوا سعر الفائدة عندهم مثلا والدولا اللي هم مربوطين بيه عمال يخفض الفائدة؟؟
في نظري كان الدولار يحرمهم من المصروف

والله انا احترم جدا دولة الكويت اللي انتبهت من 2008 تقريبا شهر نوفمبر او يمكن قبلها عملوا حركة رجالة... فكو ارتباط عملتهم من الدولار وربطوها بسلة العملات... اهي هي دي الناس اللي بتفكر وبترسم خط اقتصادي لبلدهم

والمشكلة ان الدولار عمال ينهار وهايموتنا معاه... وانا مش عارف اخرتها اي... وشكلها حارة سد والحيرة كبيرة؟؟!!!!

متى سنرى تدخل قوي من الحكومات للحد من هذا التضخم المؤلم؟؟
امتى هانسيب المخفي ده (الدولا) ونستقل عنه؟؟

انا كل ما اشوف ارقام جديدة للازواج امام الدولار اتالم ويزداد قلقي من الايام المقبلة...لان وضع الشارت اللي قدامك وصل لمرحلة انه بقى بينعكس عليك في بلدك وانت مكانك

كلنا ما بنحبش حاجة اسمها مارجن كول...صح؟؟

على الوضع ده المارجن كول هايطلع من الشارت وتلاقيه مجسد في بيتك ويخلصلك على اكلك وشربك ويخليك جيعان...
انا خايف من ان المارجن كول مايبقاش في الشارت بس ويطلع ويبقى في البيوت بسبب طفح التضخم و الدولار عمال يتدهور ونازل من غير استوبات وعمال يزيد في حدة التضخم معاه
والناس عمالة تصوت ومش عارفين ازمة الاسعار جتلهم من فين

يعني ببساطة... كل ما الدولار يتدهور... الاسعار بترتفع والدخل زي ماهو او بيقل كمان... يعني وضع صعب ... يعني ازمة وكارثة

فعلا ربنا يستر

[golden2000]

يا دولار قلى رايح على فين؟؟؟؟
خبر الفائدة الاسبوع الجاي وربنا يستر

[ابو لاما]

ما استفدنا من كلامك شئ وايش المفيد