نكت حلوة

[hanymfm]

شوية نكت بس عارف انها بيخة المرة دة

مرة حلاق و ابنة بيتفرجوا على متش كورة فقال المذيع :
وشطها بمشط
رجلة
و جت فى المقص
فقال ابن الحلاق : بابا دول بيلعبوا فى العدة

-----------------------------------------

مرة واحد متجوز عنده دولاب قافلة 20 سنة
والمفتاح معاه هوه بس,
مراته هتجنن وفي يوم راح الشغل ونسي المفتاح.
مراته فتحت الدولاب لقت 20 الف جنيه وبيضتين.
لما رجع سالته ايه حكاية البيضتين قالها
بصراحه كنت كل ماخونك أحط بيض في
الدولاب
الست قالت عشرين سنه جواز ومرتين بس مش مهم
وسالته طب
والعشرين الف جنيه
قالها كنت كل ماجمع كرتونه ابيعها

-----------------------------------------

واحد بلديتنا راح امريكا لقى كل الشباب لابسين تشيرت
مكتوب علية سفن
اب كوكاكولا - بيبسي
راح كتب على الجلابية عصير قصب

-----------------------------------------

واحد شحات راح لواحد عجلاتي قال له
أعطيني مما أعطاك الله،
قال له
العجلاتي خد لك لفة

-----------------------------------------

تلاته اندال اتفقوا يشوفوا مين اكتر نداله
الاول شاف راجل عجوز
عايز يعدي الشارع مسك ايده و سابه في نصف الشارع
واتاني عداه وضربه
التالت ضحك وقال انا اكتر نداله الراجل ده يبقي ابويه

-----------------------------------------

صعيدي عندو أرق مش قادر ينام واحد صحبو قالو
عد لغاية 500 بدأ يعد ولمن
نعس راح غسل وشة وجا يكمل للـــ 500

-----------------------------------------


مرة تلاتة صعايده راحوا محطه القطار
لقوا القطر ماشى اتنين منهم طلعوا
يجروا ورا القطر و التالت واقف يضحك عليهم .
الناس ساءلوه
بتضحك ليه قالهم اصل انا اللى مسافر
والاتنين التانين جايين
يودعونى
-----------------------------------------



جماعة صعايدة بيلعبوا كهرباء على الطريق السريع
اللى تخبطه عربية
يطلع برة
-----------------------------------------


مرة اربع صاعيدة داخلين امتحان فاجلهم سؤال فى الامتحان
وهو كام
عددارجل المعزة
فكلهم سألو صاحبهم حسنين
ووما كنش بيرد عليهم فالما خلص
الامتحان قالولو انتا ما قولتيلناش لية
قالهم المراقب كان جنبى ومعرفتيش اطلع
المعزة هههههههه
-----------------------------------------

اتنين سكرانين ماشيين...
فواحد قال للتاني:لما أموت ابقى اشرب لي الكاس
بتاعي ....فصاحبنا مات
، وبعد كام يوم التاني راح البار
وطلب كاسين... قاله:
ايوه بس انت لوحدك.... فحكى له على الموضوع
.....وبقى كل يوم يشرب
كاسين...
لحد ما فى يوم طلب كاس واحد ........
الراجل قالوه اشمعنى...قاله:
اصل انا بطلت اشرب

-----------------------------------------

غبى شاف مقهى انترنت مكتوب عليه الساعه بــ 3 جنيه ....
دخل يسأل
هي ضد الماية ؟؟

-----------------------------------------

بخيل اشترى نصف كيلو تفاح عض التفاحة الاولى لقاها مسوسة والثانية
كذلك طفا الكهرباء واكل التالتة

-----------------------------------------


مرة واحد قروي لقى الفانوس السحري
دعك الفانوس العفريت جاله
تسلخات
-----------------------------------------

كل يوم النمر ينزل في الأرنب ضرب
و يقول له إنت ودانك طويلة ليه.
اشتكى الأرنب للأسد و قال له على تصرفات النمر معاه.
الأسد قال للنمر يا أخي إتلكك
للأرنب بطريقة أحسن من كده،
قول له هات لى جزر، إذا جاب لك جزر لونه
أصفر إضربه و قول له أنا عاوز جزر أحمر،
و إذا جاب لك جزر أحمر إضربه و
قول له أنا عاوز جزر أصفر.
فقال النمر للأرنب أنا عاوز جزر،
فقال له الأرنب،
عاوز الجزر أصفر و لا أحمر.
النمر نزل في الأرنب ضرب و قال له إنت ودانك
طويلة ليه

-----------------------------------------

واحد راح الصيدلية وقال للدكتور : عايز لبن اطفال .....
الدكتور: اسمه ايه !؟
,,,,,, الراجل : اسمه اشرف

-----------------------------------------

مره واحد تاجر كتاكيت ماشي بالعربيه وفيها كتاكيت
وقفته لجنه تموين وقال له المفتش: الكتاكيت دي بتأكلهم ايه؟
رد عليه وقال له : درة يا بيه.....
فقال له المفتش انتو ما بتفهموش حاجة
الكتاكيت دي بتاكل علف........ وراح عمله غرامة 1000 جنيه.... راح مشي التاجر بالعربيه
وهو في الطريق وقفته لجنه تموين تاني
وقال له المفتش انت بتأكل الكتاكيت دي ايه
قال له بأكلهم علف يا بيه فقال له المفتش
انت ايه يا أخي انت ما بتفهمش دي بتاكل درة وعمل له
غرامه 1000 جنيه وبعد شويه وهو ماشي
وقفته لجنه تموين تاني وقال له
المفتش انت بتأكل الكتاكيت دي ايه
قال له يا بيه انا كل يوم الصبح ادي كل
كتكوت جنيه وهو ياكل اللي هو عايزه

-----------------------------------------

زوجه خوافه قوى كل يوم وهيه نايمة جنب جوزها
تقولهاالحق يا عبده أنا سامعه صوت فى حرامى فى البيت
جوزها تعب قوى مش عارف ينام وكل يوم على كده
قام قلها ياستى ماتخافيش الحرامى لما بيروح يسرق
ما بيعملش صوت
تانى يوم
صحته من النوم الحق يا عبده
أنا مش سامعه صوت فى حرامى فى البيت
-----------------------------------------

[hanymfm]

في واحد جندي حطوه في الجبهة
على الخط الاول مع العدو
وقالو له
بس تحس اي تحرك للعدو فورا بتخبرنا
هنا عندك جهاز التليفون اتصال مباشر مع القيادة
وفي احد الايام لاحظ الجندي تحرك العدو
فرفع الهاتف وقال الو قيادة العدو على بعد 5 كم
فقالو له علم
ثم بعد نصف ساعة اخرى رفع سماعة الهاتف
وقال الو قيادة العدو على بعد كيلو واحد
فقالو له علم و اغلقوا الخط في وجهه ولم ياتي احد
وبعد نصف ساعة ايضا قال الو قيادة قالو له نعم
فقال لهم اتفضلو احكو مع العدو.

---------------------------
مواطن عربي صعد الباص ومعه ابنه الصغير
، فشاهد الصغير صورة الرئيس الملصقة على
الشبابيك ،
فقال :
بابا اليست هذه صورة الشخص الذي يطلع على التلفزيون
كل يوم
وأنت تبصق عليه ؟
فترك الرجل يد الطفل وصاح :
طفل ضايع يا شباب .

----------------------------

جندي عربي عاد من جبهة القتال وهو يرفع اصبعين عاليا /علامة النصر /
فسـألوه ـ انتصرنا .. فقال
ـ لا بقينا أثنين .

-----------------------------

واحد حرامي ركب قطار المحطة
وهدد رجل مسافر وقال له ـ
اعطيني نقودك والا سأرمي ابنك من الشباك .
فقال المسافر وهو يضحك ـ لن اعطيك
. فرمى الحرامي الابن ،
وهدده ثانية وقال ـ
اذا لم تعطيني نقودك سأرمي زوجتك ايضا من الشباك
. فقال المسافر ضاحكا ـ لن اعطيك .
فرمى الحرامي الزوجة من الشباك ..
والمسافر يضحك .
فقال الحرامي ـ
يارجل لقد رميت ابنك وزوجتك من الشباك
وانت تضحك لماذا ؟
فقال المسافر ضاحكا
ـ انا اعرفكم ، انتم من برنامج الكاميرا الخفية .

-------------------------------

مره واحد صعيدى واقف بيدهن الحيطه
قالولوا حط جرنان تحتك
قاللهم
لا انا كده طايل

-----------------------------

كان هتقوم حرب
فالقائد بيقول التعليمات
فقال الجيش الي هنحربه حوالي اربع اضعافنا
يعني لو
كل واحد قتل اربعة تقريبا هنفوز
وقامت حرب وفي وسط الحرب لقي القائد الصعيدي
اعد مش بيحارب فقالو قوم حارب يا عسكري
قالوا
جتلت الاربعة بتوعي
----------------------------------

صعيدى شاف فى الجرايد حادثه
واحد فى امريكا قتل مراته ودفنها تحت السرير
والبوليس الأمريكى لم
يكتشف ذلك الا بعد 25 سنه
قام قال لنفسه يبقى انا لو عملت كده البوليس
عندنا مش حيكتشف
ابداً
راح فعلاً قاتل مراته
وحفر تحت السرير
وحطها مفيش ربع ساعه والبوليس قبض عليه
فتعجب قوى
وسأل الظابط انتم ازاى كشفتم الجريمه
بسرعه قوى كده
ده فى امريكا ماكتشفوهاش الا بعد 25 سنه
رد عليه الظابط اصل فى امريكا الراجل كان ساكن فى الدور الأرضى وأنت ساكن فى الدور الخامس

--------------------------------
واحد جالس مع خطيبتة النور انقطع قالت له
خد فرصتك اخد الشنطة و طلع يجرى
-----------------------------
مرة واحد مسطول قاعد فوق ال سطح
فاطلعلوه واحد بيقوله
يا سيد افندى الحق
امك و ابوك و مراتك و عيالك ماتوا
راحت فرت من عنيه الدمعة و قال
هاعيش لمين
و قرر انه هيرمى نفسه من فوف السطح
فرمى نفسه و جه عند الدور التالت
و قال لنفسه ايه ده انا ابويا و امى ميتين من زمان
و جه عند الدور التانى
و قال لنفسه ايه ده انا مش متجوز اساسا
و جه عند الدور الاول و قال لنفسه ايه ده
دا انا لالالالالالالالا دا انا مااسميش سيد اصلا
------------------------------

اتنين صعايده راكبين عربيه خبطو واحد
اللى سايق قال للى جنبو انزل شوف اللى خبطناه ده
مات ولا لسه
نزل حط ايده على قلبه لقى فى نبض
وقف قدام العربيه
وقال للى سايق تعالى تعالى تعالى
بس بس كده مات

[hanymfm]

حد بس يرد ويقول حتى بايخة
مش عايزين نكت تانى

مرة واحد اتخانق مع ابوة فسبلة البيت ومشى
ابوة قالة رايح فين
مردش علية وقام
موقف تاكسى وركب السواق قالة
على فين قالة
ازا كان مقلتش لابويا هقلك انتا
------------------------------

مره واحد صعيدى أتخنق من مراته ولع فى نفسه وحضنها
---------------------------------

واحدة ست راحت للدكتور
قالته يادكتور إبنى مبياكلش كويس
قالها طيب بيفطر إيه
قالتله ياعين أمه ياعين أمه بيفطر20بيضة بس
قالهاطيب بيتغدى إيه قالتله ياعين
أمه ياعين أمه30فرخة بس
قالها طيب بيتعشيه إيه قالتله
ياعين أمه ياعين أمه ورك
خروف بس رد
عليها وقالها ياعين أمه ياعين أمه
كمان شوية ياكل الدكتور وأمه
------------------------------

مرة واحد غبى مش عايز يروح المدرسة
ابوه قاله ليه مش عايز تروح المدرسة
اصل يا
بابا المدرس بيقولى انا غبى
ومبفهمش قالوا طيب انا هروح معاك المدرسة
وهشوف
المدرس المهم ان ابو الواد راح المدرسة قال للمدرس
انت ليه بتقول على ابنى غبى
ومبيفهمش المدرس قال انا هثبتلك ان ابنك غبى
راح المدرس قال للواد روح شوفنى فى
مكتب الناظر
وتعالى راح الواد وجيه قال مش موجود فى مكتب الناظر
راح ابو الواد
قال ملقتهوش فى مكتب الناظر طيب انزل شوفو فى الحوش
------------------------------------

بلدياتنا سافر امريكا
واصحابه نصحوه ياخد معاه 3 زلع مش
علشان الاكل الامريكانى
مش حلال
بس نبهوه يسمى قبل ما ياكل
احسن الشيطان ياكل معاه.
اول شهر اكل اول
زلعة بس نسى يسمى،
تانى شهر برضه نسى يسمى،
ثالث شهر طلع له الشيطان قال
له:"ابوس ايد ابوك سمى، صدرى اتحرق!"
-----------------------------------

مرة واحد سعودي لقى مصباح علاء الدين
دعكه طلعله الجني قاله شبيك لبيك تطلب
ايه:
قاله:
طلعلي كل المصريين من السعوديه
فالجني قاله:
ليه بس يا عم احنا
عملنالك حاجه
---------------------------------
واحد صعيدى عينوه مدير ملجأ أيتام
اول قرار اخده
اجتماع لأولياء الامور
------------------------------------

واحد عنده كتكوت مفترس ،
كل ما يدخله قفص الفراخ يروح الكتكوت واكلهم ،
وفي قفص
القرود ياكلهم
، وفي قفص القطط ياكلهم ،
راح راميه في الصحرا .
صعب عليه الكتكوت وراح يشوفه
بعد تلات أيام
، لقى الكتكوت مرمي عالأرض والنسور بتحوم حواليه ،
الراجل قاله : يا حبيبي إنت
مت ؟
قام الكتكوت وقال له : يخرب بيتك بوظت الكمين

----------------------------------
بلدياتنا و امريكى و يابانى
عرضوهم على جهاز كشف الكذب
اليابانى: إحنا بنفكر نعمل انسان آلى و نستغنى عن البشر ،
راح الجهاز صقر..
الامريكى: احنا بنفكر نطلع المريخ و نعمل مستوطنات عليه،
راح الجهاز صفر..
بلدياتنا: إحنا (بنفكر) ولسه مكملش ،،،،،،،،،،راح الجهاز صفر

--------------------------------
مره واحده بتقول لجوزها
"تصدق إن أنا كل يوم بحلم بيوم جوازنا"
قالها "هى لسه
الكوابيس دى بتجيلك

-----------------------------------

قال لها :
يمكن مكنش غني .. ولا عندي عربية
ولا فيلا ولا مزرعة ولا شركه ولا
فلوس
زي محسن صاحبي
ولكني أعشقك واحبك ..
فضمته ودمعت عيناها وقالت :
إن كنت
بتحبني بجد .....عرفني على محســـــن

------------------------------------

صعيدي وامريكي
الامريكى قال للصعيدي وصلتو فين بالتطور
الصعيدي رد وقال ياعم تطور ايه دا اححنا رجعنا لورا
ثم سأل الصعيدي الامريكي انتوا وصلتوا فين بالتطور
الامريكي قاله احنا وصلنا
بالتطور اذا القمر الصناعى عطل في السما نقدرنصلحه
الصعيدي فكر شوية وقل
يااااااااااااااه هو المفك بتاعكم طوله أد ايه

-----------------------------------

[hanymfm]

ياريت نكتب راد على المجموعة دى
علشان لو مردتوش مش هحط نكت تانى

مره واحد اشترى لمبه مسمار

دقها في الحيط
---------------------

واحد بلدياتنا اشتري راديو حط فيه حجرين
المذيع اتسطل
---------------------

مره واحد بلديتنا لقى خاتم سليمان جه يدعكه
فعص العفريت
--------------------------

عملوا مسابقة لتعجيز الكمبيوتر
كل ما حد يسأله سؤال يجاوب عليه فى اقل من دقيقة
جه واحد بلدياتنا
حط ورقة فيها السؤال بتاعه
الكمبيوتر اتحرق وطلع دخان
قالوا له : سؤالك كان ايه بلدياتنا :
جلت له ابو جردان جبل ما يخلف جردان
كان اسمه ايه؟
------------------------

عشرة صعايدة بيتعلموا ربط الكرافتات تسعة ماتوا
وواحد فى حالة حرجة
مره واحد بلدياتنا دخل خلاط الأسمنت
طلع منه
قال والله منش داخل الملاهي تاني
---------------------

مرة واحد بلدياتنا الباب افل على صباعه الباب ازرق
-----------------------

واحد بلديتنا خلع العمة فقد الذاكرة
---------------------------

أبو العربى قابل الوله أينو
وقاله مش تباركلى أناهجوز البت سعاد
قاله ياراجل ديه متنفعكش
قاله ليه قاله ديه بورسعيد كلها مشيت معاها
قاله يا راجل
هى يعنى بورسعيد كلها أد أيه!!!!
------------------------


ضابط المرور بيحقق فى حادث...
سأل الاول .. فرد .. يا بية انا اديتة كلاكس ..
واديتة انوار وصرخت فية علشان يبعد ومفيش فايده
.. سأل التانى
... فرد ...
يابية انا اعمل اية ، انا قاعد فى الكشك بتاعى
-------------------------

جماعة بيحششوا ...
فجت كبسه... كل واحد اسـتخبه في شوال
جه الظابط ضرب الشوال الاول برجله
خرج واحد منهم و اعد يكاكي وعمل نفسه فرخه
ضرب التاني خرج واعد يدن وعمل نفسه ديك
ضرب التالت مخرجش
ضربه تاني مخرجش
ضربه جامد المره دي
خرج وقال له
شوال بطاطس بطاااااااطس انت مابتفهمش
-----------------------

جماعة مساطيل بيتفرجوا على الاخبار
.... فنشرة الاخبار طولت
فراح الاولانى قال للتانى :
هى لية نشرة الاخبار طولت النهارد كدة؟
فراح التانى رد عية
وقال معلش اصل شكلها كدة النهاردة
اخر حلقة
------------------

مرة واحد سكران بيوقف تاكسي فسأله:
فاضي ياسطة
فقال له الأسطة:
ايوة فاضي
فقال له السكران
طيب ماتيجي تقعد معايا شوية
-------------------------

مره كان في اتنين مساطيل قاعدين بيحششوا
فا واحد بيقول للتاني انا شايفك اتنين
فالتاني بيقولوا لا انا الي شايفك تلاته
فقالوا الاول لا انا الي شايفك اتنين
المهم قالوا خلاص احنا نروح لشيخ المساطيل
فقال خلاص نروح لشيخ المساطيل
فراحوا وعرضوا عليه المشكله.
فقالهم خلاص اصحاب المشكله يقعدوا على جنب
والباقي ده كولوا يروح
--------------------------

اثنين سكرانين
واحد قال للثانى
تعرف بيعملوا اية فى اوروبا لما المطر بيمطر
.. قاله لا معرفش ..
قال له بيسبوها تمطر
--------------------

فار محشش قال :
كل القطط تحت جزمتى
لقى وراه قط اسود
قال الا ابو سمره حبيبى
------------------------

واحد مسطول كل ما يجي يشنقوه
، الحبل ينقطع
نظر للسجان وهو متغاظ
وقال له احنا جايين ننشنق ولا جايين نلعب

واحد مسطول بيسال صاحبه المسطول
ايه اسماء اخوتك الشباب؟
قاله:كلهم محسن الا ادهم اسمه تامر
-------------------------


واحد سكران اتصل على مصر للطيران
بيسأل الرحله من القاهره للندن هاتخد اد ايه
فرد عليه الاستعلامات وقاله
ثانيه
قاله السكران
طب شكرا
------------------------

مرة فار سكران على الاخر شافة قط جعان
جرى وراة فعدت عربية بسرعة فرمت القط..
والفار اغم علية ولما فاق وشاف القط مفروم
قال
(يووة هو انا كل ما اسكر اعملى مصيبة)
---------------------


مرة واحد حشاش لما قبض مرتبة
راح البيت وقعد يقسم المرتب
100 ايجار -
100 مصروف بيت
-200 حشيش
وفجاة وهو قاعد سمع خبط على الباب فقال
مين رد علية اللى برة قالوة
بوليس
فراح مقطع ال200 جنية بتوع الحشيش
-------------------------


مرة إتنين مساطيل راكبين عربية
فواحد قال للتانى :
حاسب قدامك شجرة
فالتانى مردش عليه
فعلى صوته شوية :
قدامك شجرة برضه مردش عليه
فقاله : حاسب قداااامك شجرررر ..
طاخ خبطوا فى الشجرة فطلع من العربية و قاله ..
مش قلتلك قدامك شجرة ؟؟؟
فالتانى رد عليه :
و أنا أعملك إيه مش إنت إلى سايق ؟؟؟
-----------------------

مرة واحد مسطول جه يخرج من العربية
لقى الدنيا بتمطر
راح خارج من الباب التانى
---------------


نملة ماشية على حرف كوب عصير فراولة
فقالت :
ياه اخيرا شفت البحر الاحمر

----------------

• • ايه الفرق بين الاسبوع وموس الحلاقة والصحراء؟؟؟؟؟؟؟؟؟؟؟؟
الاسبوع فيه حد ،
والموس فيه حدين ،
والصحراء ما فيهاش حد
--------------------

• زرافة و فيل وأسد وفأر وثعلب وارنب
ماشيين في الغابة ،
وقعوا كلهم في حفرة إلا الزرافة
،قالولها :جيبي لنا حبل.
قالتلهم :ما فيش.
قالولها :إحنا جعانين عايزين ناكل
.قالتلهم: ماعرفش أجيب لكم أكل.
قالولها: والعمل؟
قالت لهم: كلوا أضعفكم .....
قام الفأر نط مفزوع وقال لهم :
اللي حيقرب من الأسد حيعرف شغله
-------------------------

• واحد أحول راح يجيب أبوه من المطار
باس الشنطة وشال أبوه
-----------------------

• تايه بيسأل واحد ماشى فى الشارع
اية اسرع طريق اروح بيه للمستشفى ؟؟
قالوة غمض عينك وعدى الشارع
---------------------------

• مرة واحد غبي ماشي في الشارع
لقي واحد صاحبه قاله
ازيك ياعلي شكلك اتغير خالص
الثاني رد عليه بس انا مش علي
الاول قاله وكمان غيرت اسمك
-------------------------


• سواق ماشى ع الطريق واحد لابس احمر فى احمر
شاور له فوقف السواق و قاله انت مين و عايز
اية قالة انا الفرفور الاحمر و عايز توصلنى
فقالة لا مبوصلش فرافير و مشى و سابة
شوية لقى واحد لابس اصفر فى اصفر
و بيشاورلة فوقف و
قالة انت مين و عايز اية قالة انا الفرفور الاصفر
و عايزك توصلنى فقالة لا مبركبش فرافير
و مشى و سابة شوية و قابلة
واحد لابس اخضر فى اخضر عمل معاة نفس الحكاية
ف السواق سابة
و مشى شو ية كمان كدة
و لقى واحد لابس ابيض فى ابيض بيشاورلة
ف السواق وقف و قالة يا ترى انت بقى الفرفور الابيض
فقالة الراجل فرفور اية رخصك يا روح امك
------------------------

• اتنين مساطيل حبوا يسرقوا عماره
فقالوا لبعض احنا ناخد العمارة بعيد ونسرقها برحتنا
، فقلعوا الهدوم وقعدوا يزقوا فى العمارة يزقوا
، جه واحد من وراهم وسرق الهدوم ،
فواحد منهم بص ورا ملقاش الهدوم
فقال له كفاية كدة احنا بعدنا اوى
--------------------------

• محشش يسأل محشش
تتوقع الجمعة يوافق آخر الشهر ؟
رد عليه : لو ضغطنا عليه يمكن يوافق
---------------------

• واحد واقف على الكوبري بيقول ,36,36,36,36
راح واحد سأله ايه حكاية ال36دي؟
قاله تعالى أوريك قام رماه من فوق الكوبري
..وقال هية يالا
37,37,37,37
-------------------------

• واحد ندل فتح مصنع بيبسي كتب على كل علبة :
رج جيدا قبل الفتح
------------------------

• بلديات فتح محل انابيب غاز ..
فجّر اسطوانتين فى وسط البلد .. دعاية
--------------------------

• واحدة راحت تخطب لابنها ..
ام العروسة بتسألها ... وياترى ابنك بيدخن ؟؟؟
ردت عليها : لا لا لا الحمد لله ،
ابنى ما بيدخنش..... الا اذا سكر
-----------------------


• ثعبان نظره ضعيف يوم ما حب واحده.....
طلعت خرطوم
-----------------------------

• بلدينا ماسك قنبله
وعمال يحدفها من الإيد دى للايد دى ،
قابله واحد تانى قال له :
يخرب بيتك ولما تنفجر فى وشك ،
قاله : ماتخافش معايه غيرها
-------------------------

• بلدياتنا نجح في انتخابات مجلس الشعب،
ففي اول جلسة قاعد جنب واحد افندى
فالأفندى عزم عليه بسيجارة مارلبورو،
وبعد شويه بيسالوا إيه رأيك في الديمقراطية ياحاج؟؟..
فرد الحاج :
والله أحسن من الكيلوبترا !!
--------------------------

• واحد ومراته متخانقين فبطلوا يكلموا بعض
فكتب ورقة صحيني الساعه 6:30 علشان عندي شغل ،
وحط الورق على السرير ونام
صحي الساعة 10:00
فلقى ورقه مكتوب عليها الساعه 6:30 يلا إصحى
----------------------

مرة واحد بخيل وابنة قاعدين بياكلو
فا مراتة جت فخبطت فقل لابنة قوم افتح لامك
قال لة لا ماهى مراتك
قالة دى امك قلة دى مراتك قلة دى امك قالة لا
قالة طيب وراح منادى على مراتة انتى طالق
وراح باصص لابنة وقالة بقى قوم افتح لامك
--------------------------

محشش نائم جت امه تصحيه في الصباح
قالت قوم يا ولدي الشمس طلعت
قال دخليها وقفلي الباب

[جاسر]

مرة إتنين مساطيل راكبين عربية
فواحد قال للتانى :
حاسب قدامك شجرة
فالتانى مردش عليه
فعلى صوته شوية :
قدامك شجرة برضه مردش عليه
فقاله : حاسب قداااامك شجرررر ..
طاخ خبطوا فى الشجرة فطلع من العربية و قاله ..
مش قلتلك قدامك شجرة ؟؟؟
فالتانى رد عليه :
و أنا أعملك إيه مش إنت إلى سايق ؟؟؟

[شريف دعبس]

جامدين


جامدين


جدااااااااااااااااااااااااااااااااااااااا

[عبدالمجيد..]

سئلوا صعيدى : ليه قتلت أبوك

الصعيدى : كانوا عاملين رحلة للأيتام , كنت عايز اروحها

المحققين : طب ليه قتلت عمك ؟

الصعيدى : كنت عايز ابن عمى يسافر معايا

المحققين : طب ليه كنت عايز تنتحر

الصعيدى : أصلهم لغوا الرحلة

------------ ---------

الابن: بتعمل اية يابا؟؟

الاب: بكتب جواب لعمك

الابن: هو انت بتعرف تكتب؟؟

الاب: يعني هو عمك اللي بيعرف يقرا يا فالح












ههههههههههههههههههههههههههههههههههههههه

[أحمد السعيد]

الله يسعد أيامكو
كنا نحتاجين للبسمة دى

[أحمد السعيد]

الله يفرحكو كمان وكمان