السلام عليكم ورحمة الله وبركاتة
ابداء كلامى بالصلاة والسلام على نبينا محمد وعلى آلة واصحابة وسلم
اولا ياجماعة انا بحمد ربنا لانة دلنى على الصرح العظيم دة بكل مافية من كنوز نفيثة
من رجال أمّنّ الله عليهم بالابداع
ومن معلومات وكتب واستراتيجيات اكتر من ناجحة و .. و .. و ..
ودايما بدعى من كل قلبى ان ربنا يوفق الناس الطيبة اللى هنا واللى بتحب الخير لغيرها بدون مقابل او استنزاف ويرزقهم ويسدد خطاهم
واخص على سبيل الذكر وليس الحصر الناس اللى انا ياللى هو انا ولسة مش مكمل شهر معاكم حسيت فعلا انهم ناس فوق الوصف والله ولو فضلت اوصف فيهم مش هاكفيهم
لانهم ناس بتحب الخير لغيرها وتحب تفيد غيرها عشان كدة ربنا بيوفقهم للقرارات السليمة والاختيارات الصح مش عشانهم بس ,, لا ,, عشان غيرهم كمان ربنا دايما بيسدد خطاهم والحمد لله ان بجد لسة فى ناس جميلة بالشكل دة منهم
بوحة البسيط الجميل المبدع ربنا يخليك بجد لكل اللى بيحبوك ويخليهم ليك
فريدم فايتر الله يحفظة ويصونة لشبابة
نأشى الروح الجميلة
النجف اللى ربنا يوفقة ويخلية لينا يارب
مشروع مليونير و عاشق الذبذبة المبدعين الجمال
سمير صيام المشرف الجميل اللى دايما متواجد فى كل المواضيع ومش بيمر مرور الكرام وبس
وناس كتير غيرهم وعلى رأسهم ابو عبدالله وطلال السميرى وكل الناس الجميلة اللى قايمة على الصرح الجميل دة .
انا ياشباب يا كيبر وياشباب ياصغير اسمى مصطفى ومن مصر وتحديدا من المنصورة عندى 23 سنة وخلصت بكالوريوس تجارة دفعة 2006 وطبعا عارفين انتوا السيناريو بتاع بعد التخرج .
و لسة بقول يا هادى فى سوق الفوركس
لسة لحد دلوقتى شغال على الديمو وكل يوم بتعلم من المكان الجميل دة
واسف انى الفترة اللى فاتت كنت متابع بصمت لان مش كان عندى حاجة افيد بيها لانى لسة زى ماقولت لسة بتعلم واثناء الفترة اللى كنت بتعلم فيها كنت فى حاجات عايز اعرفها من اخواتى واساتذتى ومعلمينى الكبار
بس جمعت كل الحاجات دى عشان اقولها مرة واحدة بدل ما كل يوم افتح موضوع
بس برضة توقعوا انى هادوشكم شوية الفترة اللى جاية بس معلش استحملونى لحد ما اقف على رجلى فى السوق الجميل دة .
اول حاجة كانت شوية مصطلحات مش عرفت معناها اثناء متابعتى للمواضيع اللى هنا
يعنى مثلا يعنى اية( سوينجات) ؟
صفقات طويلة الامد يعنى تمتد لاسبوع ولاكتر
يعنى اية السوق يبداء ب ( قاب ) ؟
قاب العربى يعنى فجوة وهى انقطاع بين سعر الاغلاق وسعر الافتتاح (منطقة فارغة)
اية ( الباك تست ) دة بالظبط .. هل هو تجربة على الحساب الديمو ولا حاجة تانية ولو اة يبقى اوكى ولو مش اة يبقى بيتعمل ازاى ؟
باك يعنى ماضى وبمعنى ادق بشوف الطريقة بشروطها فى الماضى عملت ايه
عايز اعرف الاسامى الدراجة على العملات يعنى مثلا المجنون اللى هو GBP/JPY
نعم هو
وسمعت ( الملكى ) قبل كدة اية هو الملكى بالظبط واية هيا الاسامى الدارجة على العملات
عشان لما حد يقولى مثلا اية هو ( الملكى ) بعد كدة ,,
ماقولوش دة نظام الحكم فى مصر فى الفترة الحالية :0023:
الملكى هو زوج اليورو باوند وهشوفلك رابط للمسميات بس متشغلش بالك بالنقطة دى حاليا مع الوقت هتحفظها لوحدك
حتة بقى رخمة اوى اوى معايا من اول ما بتداءت التعليم وهيا موضوع المارجن والمضاعفة
باجى فى الهيافة واتصدر أنا ,, بس معلش هسئال سؤال رخم
1:400
1:300
1:200
1:100
دول مثلا فى شركة FXSOL وانا بقول الشركة دى عشان دى اللى فيها حساب الديمو اللى انا فاتحة حاليا
يعنى انا لو مختار نسبة مضاعفة مثلا
1:400 وفاتح حساب مينى
النقطة بكام بالظبط والمارجن لية علاقة ولا هو بيتحدد بس على اساس عدد الوتات اللى هاشتريها ونوع الحساب ومالوش دعوة بنسبة المضاعفة :Emoticon1:
الرافعة تختلف عن حجم العقد
حجم العقد مرتبط بقيمة النقطة لو كان 10000 يبقى النقطة بدولار ولو كان 1000 النقطة ب 10 سنت ولو كان 100000 يبقى النقطة ب 10 دولار وهكذا
الرافعة 1:100 الى 1:400 كلها تختص بقيمة المارجن اللى هيتخصم منك وقت دخولك الصفقة والبروكرز بيضاعفوا عشان يغروك تدخل عقود اكتر
الحساب الاسلامى لية معاملة خاصة ولا عادى ؟
الحساب الاسلامى نموذج بتمضيه ولا ياخد منك اى فوائد تبييت
بيتاخد علية فلوس تبيت صفقة مفتوحة ولا لأ ولو اة بتكون كام ؟
وامتى اصلا يبداء معاد التبيت دة ,, لانى عارف ان التجارة 5 ايام متتالين على مدار 24 ساعة
فا امتى التبيت دة بيبداء يتحسب ؟
انسى موضوع التبييت عشان حرام وانت هيبقى حسابك اسلامى
سؤال عن الاسبيرد ,, هل بيتحسب مرة واحدة ولا بيتحسب لما اشترى مرة ولما اجى ابيع مرة تانية
اوالعكس ؟
البيع صفقة لوحدها والشراء صفقة لوحدها وكل صفقة يخصم لها اسبيرد مرة واحدة فقط
انا شايف انة بيتحسب مرة واحدة ,, بس بسأل للتاكيد :asvc:
بالنسبة بقى للعمولة والفايدة ,,, اية الفرق بالظبط بينهم ؟
العمولة دى نسبة البروكر او الوسيط بياخدها منك لاى سبب مثلا بيدى توصيات او بيدعمك او بيديك تحليلات او بيكون حسابك اسلامى مثل بعض الشركات
لكن الفائدة ده ربا بياخده منك البنك عشان بتاخد منه قرض
فى برضة شوية حاجات مش هايفدنى فيها غير المعلم بوحة ( ربنا يحرصة ويخلية لحبايبوة ) او المتمرسين فى الاستراتيجة العالمية بتاعتة ( يامسيطنا يارافع راسنا )
او طبعا الناس اللى فاهمة وعندها خبرة مثلا قالها المعلم الكبير بوحة فى الاستراتيجة بتاعتة
(( لما يكون الاختراق تم بواسطة شمعة طويلة وتحققت كافة الشروط ما بندخلش لأنها بتكون اشارت ضعيفة وممكن نستني اعادة اختبار الموفينجات مرة تانيةوندخل بمجرد تلامس السعر للموفينجات وبنفس الهدف))
اية بقى اعادة الاختبار الموفينجات دى .. مش فاهم :0010:
والشمعة الليموزين شكلها اية بالظبط ؟
يعنى واحد من ديولها طويل ولا جسمها هو اللى طويل ولا اية بالظبط
ويعنى اية تلامس السعر للموفينجات بالظبط ويقصد الموفينجات EMA 15 ,7 مع الموفينج 90 ؟
ولا على حسب فرصة كبيرة او صغيرة ؟
الموفنج بيعتبر دعم ومقاومة والشمعة بتكسره فعشان تكون ليموزين يعنى الشمعة طويلة جدا وبالتالى تنتظر السعر يرجع تانى لمنطقة الكسر اللى هى موفنج عشان تدخل وتسمى اعادة اختبار
طلب بسيط من الشباب كبير او صغير
انا المواعد دى عملالى ( قالّّّوو ) فى دماغى GMT , EST
est هو الميعاد الشرقى لامريكا ويفرق عنا حوالى 7 ساعات يعنى الان 1.26 صباحا عندنا تكون عندهم 18.27 مساء
لكن gmt وهو توقيت جرينتش وبيفرق عنا ساعتين يعنى الان عندنا 1.26 وعندهم 23.26
ياريت تقوليلى مواعيد فتح السوق وقفلة بالظبط بالنسبة لتوقيت مصر ( التوقيت الشتوى طبعا ) عشان احنا فى الشتاء دلوقتى ومواعيد فتح وقفل البورصات العالمية اللى تهم فى موضوع الفوركس
وفرق الساعات بين كل من GMT , EST وبعضهم ,, وفرق كل واحد منهم بالنسبة لتوقيت مصر
عشان من صغرى والله والتوقيتات دى بتعملى برجلة :wacko:
السوق الاوربى بيبدا الساعة 10 صباحا والامريكى 3 عصرا واليابانى الساعة 2 بالليل تقريبا وفى حاجة انا برضة لاحظتها ان ناس تقول ابعد عن الجمعة فى المضاربة
وناس تقول مش تبيت صفقات مفتوحة يوم الاربع بالذات
ومعرفش يوم اية ماتعملش فى اية
بعد اذن ذوى الخبرة انهم يقولولى اية الايام دى ولو ذكروا السبب يبقى تكرما وفضلا منهم
الناس بتبعد عنهم لاقفال الاسبوع وممكن تحصل لخبطة فى السوق والشارت لايحترم الدعم ولمقاومة وخلافه
بالنسبة لبرنامج التداول بقى ,, انا فتحت حساب تجريبى فى FXSOL زى ماقولت قبل شوية
وطبعا البرنامج كويس ,, بس انا بتمرن على كذا استراتيجة على سبيل المثال
وليهم تمبلت ومؤاشرت للاضافة وبرنامج FXSOL مش بيسمح بالاضافة
فا انا بتابع على AL Trade وبصراحة البرنامج لذيذ هو واخوة فى الرضاعة ميتا تريد
بس عايز دلوقتى لما اجى افتح حساب حقيقى افتحة فى FXSOL
اعمل اية بقى انا دلوقتى :0010:
هتاخد الاوردرات من ال تريد واخواته وتنفذها فى افكسول زى ما بنعمل كلنا كده
او لو فى شركة محترمة يكون برنامجهم ميتاتريد او ال تريد على طول يكون كويس برضة
بس تكون شركة محترمة ومضمونة
سؤال بقى موجة للمصرين بوجة عام و يفضل على وجة خاص الشباب اللى من المنصورة
انا مثلا مش معايا Credit card or master card ومش عندى حساب بنكى
وعايز احول الفلوس للشركة
الشركة حاليا مانعة الكروت المدفوعة مقدما لكن اعتقد الكريدت مافيش مشكلة منه وتقدر تحول منه
احولها ازاى ؟ وتنصحونى باى بنك بالظبط اتعامل معاة ؟ وياترى الافضل مثلا انى افتح حساب فى بنك واطلع Credit card واتعامل بية اون لاين على طول ولا الامن انى احولهم يدوى يعنى مش توماتيكى بالكريدت
وهل لازم يكون ليا حساب فى البنك عشان اقول للشركة مثلا انها تبقى تحولى الفلوس علية ولا اية اللى بيحصل بالظبط ؟
انا الافضل لى التحويل البنكى ومن اى بنك تقدر تحول مافيش اى مشكلة
والتحويل عن طريق الفيزا بيكون عن طريق موقع الشركة لها نموذج مخصوص وبتملاه وتمشى مع اجراءاته ولكن فى البنك نموذج تحويل بتملاه وبيبعته البنك لك
انا لونتلكوا الموضوع اهو عشان ماتقولوش انى حارمكم من حاجة :012::012: هههههههه
انا كدة خلصت لحد دلوقتى كل اللى انا محتاج مساعدة فى معرفتة من اخواتى واساتذتى ومعلمينى الكبار .
وانا بقول لحد دلوقتى عشان ممكن ادوشكوا شوية كمان بعد كدة :yikes3:
بس ان شاء الله هاكون خفيف خفيف ,, ومش هاصدعكوا كتير
كل ده خفيف خفيف :0023:
وفى النهاية اتمنى لكل الناس اللى هنا دوام الصحة والستر ( ودول اهم حاجة ) وبعد كدة دوام الرزق الحلال عليكم وعلينا يارب
سلام مؤقت ياشباب ياكبير وياشباب يا صغير
