██▓▒░░ المجنــــــــون وعصيــــــر الليمـــــون ██▓▒░░

[bo7a]

صراحة . أنا مش فاهم هو إيه اللي بيحصل بالظبط

أنا المفروض إني ما أتكلم علي حاجة بس فيه ناس مشاركاتها تخلي الحجر ينطق

الفرصة كانت بينها وبين الهدف كام نقطة .. بس ربنا ما أراد إنه يتحقق

وإرتد السعر لأعلي وأنا ما قلت نخرج حتي الآن

أساتذتنا الكبار اللي دخلوا ينصحونا أهلاً وسهلاً بيهم بس أنا قلت لو فيه أي نقاش هادف محترم أنا برحب بيه وبصاحبه بس بعيد عن الموضوع

ولكن يبدو إن وقت فرد العضلات الواحد عينيه بتزغلل وما بيشوف أي حاجة وبينسي كل حاجة

استغفر الله العظيم

عموما .. اغلاق الشمعة الحالية فوق مستوي 213.70 هنخرج فوراً من الفرصة والجايات أكتر إن شاء الله

[Love For Ever]

ان شاء الله المقاومة ترد السعر لاسفل سافلين
وشكرا يابوحة

[المهراس]

الصبر جميل وانت سيد الفاهمين بالله فين يبغى يروح لابد من النزول حتى لوطلع 200 نقطه كمان لابد نزول بأذن الله
أن الله مع الصابرين

[mialola]

ثقتي بالله ثم بك كبيرة جداُ ولن يتغير موقفي وموقف الأخرين الذين يعرفون بوحة
(لأن الفرصة لم تغلق حتى الآن ) والى الأمام يابوحة يا ابن أم بوحة

[WISAM]

أوعى تزعل ... ولا يهمك يا معلم
طول بالك واشرب كباية ليمون وروق اعصابك
احنا معاك باذن الله الحمدلله الشمعة أغلقت 213.70
وبعدين هو المجنون كده يعكس 100 او 200 نقطة وبعدها للهدف ان شاء الله احنا تعودنا عليه خلاص
تحياتي يا كبير

انتا تقصد انها سكرت اقل من 213.70

يا معلم لايهمك احنا معك خسرنا ربحنا راضين

وان شاء الله هنربح يامعلم

[bo7a]

أنا متشكر جدا علي الكلام الرقيق دا وعلي راسي كل الناس اللي شاركوا

وأنا والله لم أقصد أحد بعينه ومش من عادتي ولا طباعي النرفزة أو الكلام بحدة

بس أنا كتبت في أول الموضوع برحب بكل المناقشات الجادة والهادفة المحترمة وصاحبها فوق راسي بس بعيد عن الموضوع

علشان نخلي الموضوع بس لمتابعة الفرصة القائمة

أنا ما بحب كلمة توصية ولا بذكرها أبداً في أي مداخلة ليا

وقرار فتح الموضوع دا من أصعب القرارات اللي أخدتها لأنها مسؤولية كبيرة جدا وأنا عارف حجمها

وعارف العواقب اللي بتيجي من وراها وأنا مستعد أناقش الفرصة بالشارت والتحليل مع الناس بس أنا ملاحظ أن الأغلبية العظمي محتاجين كلمتين بس فيه نقطة دخول وخروج

وأنا غايتي وهدفي الإفادة ليس إلا وفي غني عن أي كلمة ملهاش لازمة تتقال

بس فيه نوعيات كتيرة يفضلوا يراقبوا عن بعد ووقت ما مصيبة تحصل لاقدر الله نلاقي مكبرات الصوت اشتغلت

أنا عمري ما قلت كلمة جارحة لحد وما زعلت حد فياريت المعاملة تبقي بالمثل

ونخلي كل واحد يشتغل علي راحته .. ممكن كلمة واحدة عفوية في مشاركة ملهاش لازمة

تخلي واحد يغير وجهة نظره في لحظة ويندم عليها بعدها

انا بعتذر علي كلامي الحاد رغم اني معايا حق فيه بس علشان محبش حد يشيل مني

حصل خير

عموما الفرصة ما زالت قائمة وأمامنا حاجة من اتنين

الهدف إن شاء الله .. أو إغلاق شمعة فوق 213.70 للخروج الجبري

تمنياتي بالتوفيق للجميع .. والناس شكلها كدا ما شربت ليمون

[رانيا]

ياجماعة خير ما حصلش حاجة احنا مازلنا فى الصفقة لان المعلم ماقلش خروج وكمان السعرما اغلقش فوق ال213.70

[t.analysis]

انتا تقصد انها سكرت اقل من 213.70

يا معلم لايهمك احنا معك خسرنا ربحنا راضين

وان شاء الله هنربح يامعلم

بالضبط .. تم التصحيح
جزاك الله خير الجزاء

[أبومحمود]

صبح صبح ياعم الكل والله تركك لموضوع السينما الفوركسية كان مؤلم جداً وتركك لموضوع صبح صبح برضه عشان عارفين طباعك العسل بتسيب حقك ومكانك لغيرك وتمشي برغم أن موضوعك واضح جداً أنه يخص المجنون ونقاط دخول وخروج .. بس روق بالك وخلينا نوزع الليمون على الناس تشرب وتروق ولو ماكسبناش المباراة دي في الدوري قدامنا لسه ياما مباريات المهم في النهاية ناخد الكاس وصبح صبح ياكبير

[Aboo.Salah]

خير ان شاء الله
في ولد ندهلي من على القهوه وقالي المعلم بوحه بيتخانق

تحت امرك يا معلم ولو عاوز اولعلك في ......

تحت امرك في اي خناقه

انت بس تأمر يا كبير



انا مدخلتش معاكم الصفقه يا معلم
اقدر ادخل دلوقت وادبح معاك من فوق ( السعر الان 213.43 )

ويارب يوفقك
وفي المكسب معاك وفي الخساره لا قدر الله برضه معاك

[علي الحلبي]

صباح الخير للجميع وللمعلم بوحه
شو الوضع يا معلم بوحه السعر بلش يصعد طمنا
وصبح صبح

انا اسف انا ما قصدت الاسائة بس انا مبتدئ وحبيت اطمن اني بشتغل صح وكلامك بيريحني يا سيد المعلمين لذلك طلبت رأيك لاتأكد من عملي
ونحن معاك يا معلم بوحه حتى نفاذ صهريج الليمون وما تزعلش نفسك
وصبح صبح يا عم الحاج

[السوهاجى]

المعلم الكبير بوحة

أولا تسلم إيديك على الموضوع الجديد

وكما تعودنا من بوحة ومواضيعه المميزة جدا

فتفضل بقبول وافر الشكر والاحترام لقلمك الراقي وتحليلاتك النيرة وفرضك لاحترامك على الجميع

ثانيا : لا أعلم ما الذى حدث للناس

كم من مكاسب كسبوها من صبح صبح وتوصياتك ومتابعتك للإستراتيجية

الكل يعلم ان بوحة ليس مثل اى حد منا يفتح موضوع ويعرض طريقة أو منهج معين

وبس

ولكن نرى متابعة حية للفرص والتحليلات بكل صدق

والغريب ان كل هذا حدث وحتى اللحظة لم نرى السعر اخترق 213.70

الفرصة ما زالت قائمة وإن شاء الله نتقابل عند الهدف

تقبل ودى وإحترامى

[Alnagaf]

صراحة . أنا مش فاهم هو إيه اللي بيحصل بالظبط

أنا المفروض إني ما أتكلم علي حاجة بس فيه ناس مشاركاتها تخلي الحجر ينطق

الفرصة كانت بينها وبين الهدف كام نقطة .. بس ربنا ما أراد إنه يتحقق

وإرتد السعر لأعلي وأنا ما قلت نخرج حتي الآن

أساتذتنا الكبار اللي دخلوا ينصحونا أهلاً وسهلاً بيهم بس أنا قلت لو فيه أي نقاش هادف محترم أنا برحب بيه وبصاحبه بس بعيد عن الموضوع

ولكن يبدو إن وقت فرد العضلات الواحد عينيه بتزغلل وما بيشوف أي حاجة وبينسي كل حاجة

استغفر الله العظيم

عموما .. اغلاق الشمعة الحالية فوق مستوي 213.70 هنخرج فوراً من الفرصة والجايات أكتر إن شاء الله

بوحه باشا
مساء الفل
لم اعترض على الصفقة و لا إتجاهها ياقمر
و لم و لا أشكك اساسا في معلمتك
و لم افرد عضلات عليك
فأنت أغلى على من ذلك
الإعتراض كان على نقطه الدخول
فقط و ليس على الإتجاه

[الفقير الى الله]

ربنا معاك يا ابو حميد

انت واخد قرار من اصعب قرارات الانسان في حياته ( التوصيات )

لكن انت قدها ان شاء الله تعالى

وانت تستاهل كل خير يا محمد

وفقك الله تعالى لما يحب ويرضى وسدد خطاك

[fedo2001]

السلام عليكم ورحمة الله وبركاته
صبح صبح يا عم الحج بوحه انا بحبك والله على ما أقول شهيد.بارك الله فيك على اديك شفنا الهنا كل يوم ندعيلك
سؤال صغير.هل بدأ المجنون في السقوط
وشكرا