** موضوع خاص عن ( الأسهم المصرية ) **

[ابو عمرو 888]

خلاص
اليوم أخر يوم لإستحقاق اإكتتاب

اشكرك جدا

محتار ادخل اكتتاب اليكو اليوم
ام امشى وراء كلام محمد متولى واشترى اية اى سى
ياريت تجاوبنى بسرعة .

[نور المصرى]

اشكرك جدا

محتار ادخل اكتتاب اليكو اليوم
ام امشى وراء كلام محمد متولى واشترى اية اى سى
ياريت تجاوبنى بسرعة .

الأتنين حلوين
أنا شخصيا داخل إكتتاب أليكو

[ابو عمرو 888]

الأتنين حلوين
أنا شخصيا داخل إكتتاب أليكو

اشكرك على الاهتمام

طلبت اليكو على 22.25

[ابو عمرو 888]

أ / نور
اخذت اليكو على 23.25
غدا المفترض يفتحوا الحدود السعرية علية
اغلاق اليوم23.70 + 3.75 الاكتتاب / 4 = 6.85
ات شاء الله غدا مش هيكسر 10 جنية
بس ربتا يستر والكوركشن ماياثرشى علية

[نور المصرى]

أ / نور
اخذت اليكو على 23.25
غدا المفترض يفتحوا الحدود السعرية علية
اغلاق اليوم23.70 + 3.75 الاكتتاب / 4 = 6.85
ات شاء الله غدا مش هيكسر 10 جنية
بس ربتا يستر والكوركشن ماياثرشى علية

ربنا يباركلك فيهم
أنا بعتقد هانشوف سعر عالى فيها أول الجلسة
بسبب الناس اللى مبيته أوردرات
وبعدين تنزل منه وبعدين تستقر

[ابو عمرو 888]

كلام سمعتة (منقول)

الاخوة الافاضل / المستثمرين والمكتتبين فى الاستثمار العقارى العربى (اليكو)
بعد الفوليوم المحترم النهاردة 3.685 مليون سهم اعتقد ان الأسهم المتداولة على الشاشة والمتسواية ومعدة للبيع اصبحت اقل من الطبيعى فى الايام العادية لانة فوليوم ضعف الايام العادية ..
وكمان الاخوة المكتتبين دول ناس مستثمرين وعارفين كويس قيمة السهم اللى بيستثمروا فية اموالهم لذلك قرارات البيع بالنسبة ليهم مختلفة عن المضارب يعنى بيحتفظوا بالاسهم وقت اطول بكتير من المضاربين متفقين على كدة 0 تمام
طيب ونستنتج من كدة اية :
الاستنتاج الطبيعى ان المضارب اللى فضل يخرج من السهم علشان مش بيحب يحبس فلوسة 3 شهور وبيحب يتحرك بيهم فى السوق محتاج يرجع للسهم لانة يحتوى على اخبار قريبة وغير عادية من مشاريع عملاقة والعودة للمقصورة ونتائج اعمال رائعة وغير عادية طبعا ..كل الاخبار الحلوة دى بتغرى المضارب للعودة للدخول فى الورقة باى سعر لانة عارف انة هيكسب فيها كويس وعلى تسويتة هيكون السعر اعلى من اسعار شراءة فيها 0 تمام
طيب مع محدودية البيع غدا ووجود مضارب متلهف على السهم ووجود ميكر معاة سيولة ممتازة وعاوز يعمل جيم قوى ويسندة بالاخبار اللى عندة وهيطلعها فى الوقت المناسب وكمان واضح انة كان مستعد لذلك بتبييت أوردرات على السهم من منطقة ال 8 جنية الى منطقة ال 9 جنية ياترى هيكون اية السيناريو اللى ممكن نتخيلة لجلسة غدا ان شاء الله...
انا هتخيل سيناريو ودة من وجهة نظرى متحفظ جدا يعنى ممكن الميكر يكون عندة سيناريو افضل منة بكتير ــــــــ المهم
السيناريو اللى فى مخيلتى يبدء بمحاولة ضغط على حاملى السهم لتنزيل الخائفين من السهم ودول قليلين جدا يعنى مش اكتر من 250 الى 300 الف سهم يرميهم الخائفون مابين ال 8.50 الى 9 جنية على اقصى نزول اول الجلسة وبعدها نفاجأ بارتفاع الطلبات اللى عاوزة تقتنص السهم ونرى العودة الى منطقة ال 10 جنية فى نفس الجلسة هذا باعتبار ان السيناريو بتاعى متحفظ شوية طيب وتانى جلسة ممكن نلاقى محاولة لكسر ال 10 جنية نزولا الى 9.50 وبعدها يلم السهم ويستقر فوق ال 10 بفوليوم كبير نسبيا وخصوصا ان اللى باع سهم عاوز يشترى بدالة اربعة
زية زى اللى اكتتب معاة اربعة على اعتبار ما سوف يكون طبعا
وبكدة ممكن نستهدف ال 12 جنية فى تانى جلسة الاربعاء ودى فيها بتنعقد لجنة القيد فى البورصة للنظر فى امور الشركات وطلباتها .......
وطبعا لو فية حاجة فى اللجنة يبقى يوم الخميس ممكن نشوف امور غير عادية ...
نتكلم فى الموضوع دة بعدين
المهم الف مبروك للمساهمين والمكتتبين فى السهم مقدما
وربنا يوفق الجميع

[ابو عمرو 888]

منقووووووووووووووووووووووووول

رقم تليفون الشركه اهو
26901617
اتصلت بيهم وقالوا ان مفيش تحريك للحدود السعرية

ولا هيئة سوق المال تقدر تحرك الحدود السعرية

وطبعا ده كويس لان شركه ايه اي سي لما كنا بنتصل بيهم قالوا ان الهيئه هتحرك الحدود السعريه

ودلوقتي اداره شركه اليكو ومسؤل المساهمين بياكد ياجماعه مفيش تحريك حدود سعريه
ومبروك عليكم الاكتتاب

[ابو عمرو 888]

منقووووول

السعر المتوقع للاليكو يوم الثلاثاء يوم 3/6/2008************************************************** ***********
هنفترض انه هيغلق غدا على 29ج+3ج (3) اسهم اكتتاب =32 ج/ 4 اسهم =8ج
دة المفروض لو السهم داخل المقصورة وسهم عادى ومقيد بقاعده( تعديل سعر الفتح لدى البورصة في حالات زيادة رأس المال )
لكن هنا فى فرق ان دة سهم خارج المقصورة وغير مقيد بقاعده( تعديل سعر الفتح لدى البورصة في حالات زيادة رأس المال )
وهيترك لقوى العرض والطلب تحدد السعر العادل ولكن هناخد 8ج سعر استرشادى
************************************************** ***********
طبعا اسهم الزيادة ملهاش الحق فى ارباح 2007 يعنى كل اسهم الاكتتاب الجديده مش هتستفاد بالنصف سهم المجانى ده بديهى ومنطقى وعادل ولكن الظلم هيقع هنا على اسهم الاكتتاب الجديده مش هتسنفاد بالنص المجانى وهتتأثر بنتيجته بمعنى
السهم واقف علينا بعد الاكتتاب ب 8ج وبسبب النص المجانى صعد الى 12 اللى خد السهم من على الشاشه باع ب 12 وتانى يوم السهم نزل الى 8 بسبب قاعدة ( تعديل سعر الفتح لدى البورصة في حالات زيادة رأس المال )
يعنى اللى خد من الشاشه المضارب استقاد ب 50%اب وباع فى اعلى نقطه و اللى دخل الاكتتاب وحبس فلوسه سهمه رجع تانى الى 8ج
************************************************** ************
ولكن ارى سعر السهم العادل يوم الثلاثاء يوم 3/6/2008
المفروض يكون 8ج+50% (النصف المجانى)= 12ج
************************************************** ************
طبعا لو دخلنا المقصورة المفروض ناخد بدل مخاطرة 50% لانى اتحملنا مخاطر خارج المقصورة لحد ما السهم دخل المقصورة
يعنى المفروض السهم داخل المقصورة يسلم ب 12ج+50%= 18ج
************************************************** *************
طبعا اتمنى الميكر يعمل كدة علشان نستفاد من المجانى عموما انا قررت اتوكل على الله وادخل الاكتتاب طبعا اللى مش هيدخل الاكتتاب ويعرف ياخد من الشاشه اب 50% هيبقى افضل لانه هيستفاد من طلعه المجانى ومش هيتحبس بعكس اللى داخل الاكتتاب مش هيستفيد من المجانى وهياخد نزلة نزول اسهم الزيادة بعد ثلاث شهور
دة رايى الشخصى والرأى الاخر للى مش هيدخل الاكتتاب
هتدخل الاكتتاب او لا دى تبع ظروف كل شخص
و الله اعلم

[عياد]

تراجع المؤشر قليلا بعد فشل في تجاوز مستوى المقاومة 11089 والصعود مجددا فوق مستوى خط الاتجاه الصاعد ومن المتوقع أن يواصل المؤشر تراجعه خلال جلسة الغد حتى مستوى الدعم التالي 10860 والذي يمثل فايبوناتشي 38.2% من موجة الهبوط الأخيرة وكسر الدعم يعني مزيدا من التراجع حتى 10500

[نور المصرى]

صباح الخير على الجميع

بعد نزول مفتعل اليوم وبفوليوم ضعيف
دخلت الصناديق والأجانب شراء مره أخرى

من باع يبدأ يشترى على مراحل مره أخرى

[ابو عمرو 888]

صباح الخير على الجميع

بعد نزول مفتعل اليوم وبفوليوم ضعيف
دخلت الصناديق والأجانب شراء مره أخرى

من باع يبدأ يشترى على مراحل مره أخرى

صباح النور يا نور

[نور المصرى]

أعتقد النزله دى إحنا منبهيين عليها
ماحدش عنده حجه

[ابو عمرو 888]

أعتقد النزله دى إحنا منبهيين عليها
ماحدش عنده حجه

عداك العيب يا با شا

[M.R. Ahmed]

ياباشا بيتم التعامل مع الوضع ايا كان بناء على كلامك طبعا والحمد لله بالاخر الفوز لنا.....

[ابو عمرو 888]

الاجانب شاريين بفارق49 مليون المصريين بيع بفارق 35 مليون العرب بيع بفارق 13 مليون يعني المصريين الحلوين و العرب بيرموا اسهمهم للاجانب كالعاده