** موضوع خاص عن ( الأسهم المصرية ) **

[نور المصرى]

السلام عليكم ورحمة الله وبركاته اخى العزيز استاذ نورالمصرى لى وجهة نظر فى سوق الاسهم المصرية مختلف والله اعلم ارى ان السوق واخد ترند هابط واى تحسن هو عبارة عن ارتداد بسيط ويكمل نزول وهو على هذا الحال من شهر تقريبا ووقت الشراء لم يحن بعد وتقبل تحياتى واحترامى

وعليكم السلام ورحمة الله وبركاته

أهلا بكل رأى مخالف لمناقشة جميله تفيد الجميع

من ساعة لما نوهنا على الخروج قبل الوقعه من 6300
قولنا السوق هاياخد فتره للتعافى

ميجور ترند صاعد أساسى طويل المدى
والأن هابط قصير المدى

وكما تفضلت أنت بأن قد يكون هناك صعود
وأنا أستغل هذه النقطه للمضاربة

فأنا مضارب
أخرج عندما ينبئنى السوق بالهبوط
وأشترى والدنيا حمرا دم
ومع أى صعود حتى لو كان تصحيحى للهبوط
أجنى ربحى حينها
فأنا لن أظل متفرج فقط
لكن يجب أن أستغل السوق مادمت مضاربا
مع الإلتزام بوقف خسارة حازم

والهبوط القادم سيكون فى الربع الأول من أغسطس إن شاء الله
سيكون عنيفا أيضا

تحياتى لشخصك الكريم

[نور المصرى]

اللى مكملش كميته فى أى سى يكملها
واللى عايز يزود يزود

توكلنا على الله

[نور المصرى]

السوق إن شاء الله صعود الأسبوعالقادم أنا مش عايز حد يخاف

[نور المصرى]

عشان ماحدش يأخذ كلامى بأن السوق سيصعد ويجيب أسعاره القديمة

ليس الأن وأعتقد بعد العيد الصغير ده ممكن يحصل

الصعود اللى بتكلم عليه
هو صعود من هذه الأسعار
يعنى بنخش نشترى عليها ونطلع بمكسب ونخرج ونستنى فرصه أخرى
قولت قبل النزله الأخيرة إن السوق مش هاينعدل بسرعة
وفى الطلعه المكوكية اللى عملها الأسبوع قبل الماضى بعد مانزل ل 5400
قولت مش مطمنلها عشان كده مادخلتش وفعلا السوق نزل
وفى النزله دى ناس خرجت كتير وإحنا دخلنا
هانستفيد بالطلعه ونخرج برضه وللأسف ساعتها الناس هاتكون بتخش عشان تتحبس

إمشى عكس القطيع تكسب

[ماجد المصرى]

استاذ نور ايه راى حضرتك فى اليكو بعد اعادة نشر الخبر بتاع نائب رئيس البورصة بخصوص دخول المقصورة النهاردة فى المصرى اليوم ؟

[نور المصرى]

صباح الخير على الجميع

مراقبة للسوق وإن شاءالله نشوف صعود

بس برضه لازم نكون حذرين

والخط الأحمر للسوق
EGX70 كسر 590 خروج فورى نموذج رأس وكتفين سلبى

EGX30 كسر 5425-5400

[نور المصرى]

استاذ نور ايه راى حضرتك فى اليكو بعد اعادة نشر الخبر بتاع نائب رئيس البورصة بخصوص دخول المقصورة النهاردة فى المصرى اليوم ؟

كلام فى الهوا

وسينتج عنه رمى فى السهم ثم تجميع مره أخرى
لو نزل هو أو أى سى فرصه للشراء

[نور المصرى]

كله ياخد ساتر
كسرنا 5400 هانشوف رمى عنيف دلوقتى

ممكن 5250 تلمنا

[نور المصرى]

لو الكيس نزل بدون نزول حقيقى فى الأسعار يبقى هانشوف إرتداد سريع

[نور المصرى]

كسر 5400 يودينا 5200-5250

[نور المصرى]

برغم كسر دعمالمؤشر
الأسهم ماكسرتش لوهات سابقه

لسه عند قولى إن فيه إرتداده للسوق
بس إتقل فى الشرا شيوة وماتبعش دلوقتى
ماحدش بيبيع فى بانك

[نور المصرى]

السوق بدأ يشم نفسه شوية

زى ماقولنا الصبح
نزول قوى فى الكيس بدون نزول حقيقى ولا قوى فى الأسعار

[نور المصرى]

إحنا دلوقتى ماشيين فىإتجاه هبوطى قصير المدى
بنعمل قمة أقل وقاع أقل

نشترى فى القاع ونبيع فى القمة المتوقعه لحد ما السوق يقلب إتجاهه مره إخرى إن شاء الله

[abosalah]

إحنا دلوقتى ماشيين فىإتجاه هبوطى قصير المدى
بنعمل قمة أقل وقاع أقل

نشترى فى القاع ونبيع فى القمة المتوقعه لحد ما السوق يقلب إتجاهه مره إخرى إن شاء الله

السلام عليكم

استاذ نور انا اخدت الكابلات 1.50 شايف انه دعم كويس

جنى الارباح فين ؟ والستوب ؟

وايه رأيك حضرتك فى الصعيد العامة للمقاولات ؟

وربنا يجازيك خير

[نور المصرى]

السلام عليكم

استاذ نور انا اخدت الكابلات 1.50 شايف انه دعم كويس

جنى الارباح فين ؟ والستوب ؟

وايه رأيك حضرتك فى الصعيد العامة للمقاولات ؟

وربنا يجازيك خير

جنى الأرباح 1.60-1.65
الصعيد دعم 2.10