"تجربتى باختصار" ،،،،، تجنب اخطاء الاخرين

[nouk_101]

السلام عليكم معكم نور الدين 20 سنة مقيم فى القاهرة " مهندس "

اللى خلانى اكتب الموضوع دة هو كان رد على الماشى كدة فى موضوع الاستاذ عبد الكريم

كلامك جميل أخي nouk

وعاملي فيها مبتدئ !!!

،، نبهنى انى لازم اقول اللى مريت بية علشان اى مبتدىء يعرف الطريق الصح من غير ما يمر بمشاكل،، و ربنا يعفيكو كلكو يا رب امين ، و ان كنت انا اصلا مبتدىء لسة

قبل كل حاجة
اوعــــــــــــــــــــــــــــى تصدق اللى يقولك مفيش فلوس فى الفوركس

البداية يا جماعة انى عرفت الفوركس من تعارف بشخص ما على النت ،، و فهمت منة اية هى الفوركس ،، عجبنى الموضوع بالرغم من انة بعيد عن مجال دراستى ،، و بالفعل اديتة مبلغ من المال و رجعلى كمان شهرين بارباح 50% من الشخص دة " على فكرة الشخص دة بقة حبيبى و اللى بيعينى على المتاجرة"

المهم لعبت الفكرة فى دماغى و جمعنا فلوس و بدأنا نشتغل بيها و كان فى ارباح زى الفل الحمد الله لقاء خبرتة و بدأنا نعمل غلطة عمرنا هنا اننا خدنا فلوس من ناس نعرفهم كنت عايز افيدهم والله ،، و احنا مكناش متمكنين من الشغل اوى ، او عن نفسى مكنتش متاجر متمكن ،،

سيبتلة الحساب نظرا لخبرتة واعدت لوحدى بعيد عن ادارة صديقى للمحفظة( اللى كان فيها فلوسى و فلوسة و فلوس الناس ) اتعلم و اتاجر سنة فى الفوركس بس للاسف ضيعتها فى اللف والدوران وراء العناوين للاستراتيجيات و فهمها كقالب صامت بدون فهم ما فيها من اساليب و تحليل و اسباب

واعدت اتنقل من استراتيجيات و منتديات كثيرة ، من صقر الى القاهرة الى استراتيجية الوافى رحمة الله الى استراتيجية خير الدين الى متابعة توصيات الاخ تيبان ،،،ولكن العيب مكنش في الاستراتيجيات ولا التوصيات العيب كان فيا انا اللى استعجلت الربح و قلت انى ممكن اعمل فلوس من غير مجهود شخصى ولا ابتكار ذاتى

،، و بالفعل كانت تلك الاستراتيجيات مربحة لكن كان التنقل فى دمى زى الكيف كدة ،، اية السبب مش عارف ممكن يكون الطمع فى التمكن من السوق بشكل افضل ، لكنك يا ابن ادم مهما فعلت لن تستطيع توقع السوق 100% فارضى بما لديك ،، كل ما تفعلة هو محاولة لتحسين ادائك ليس اكثر

و خرجت من السنة اللى قضيتها فى الفوركس بلا فائدة الى حد ما
و كمان صديقى دة كان عندة ظروف و اعطى الحساب لمدير ما خلى الحساب بتاعنا على الزيرو بعد ما كان وصل لمبلغ كبير الاف $ ،، وادينى خسرت سنة من عمرى و خسرنا فلوس الناس
لكن اتعملت من اخطائى و الحمد الله

و كل اللى حصل دة علشان انا اعتمدت على توصيات و تحليلات الغير كقالب صامت من غير وعى ولا تفكير ،،،، وعلشان صديقى اعتمد على غيرة انو يدير له حسابنا
يعنى من الاخرالغلط كان الاعتماد على الغير فى حين انك تقدر تعتمد على نفسك

و دة كان دة من رحمة ربنا ليا انى اخد وقفة و انظر نظرة تانية لهذا السوق و اقول كفاية اللى ضاع
لكن نويت ان ارمى كل اللى فات ورايا و ابدا من جديد و اتعلم انى انا اللى احلل و انى انا اللى اتحمل خسارتى و انا اللى احس بطعم الربح اللى تعبت فية ،، كأنى بتعلم من الف بة فوركس
و دة مش عيب انك تعرف اخطائك و تبدا من جديد دائما هناك امل

و بالفعل بدات و ربنا يعيننى
و من الاخر مفيش حلاوة من غير نار ،، بس انا اعدت على الشواية
فاحاول تتلسع فى الديمووووووووو ،، ببلاش و مش خسران حاجة بالعكس عمال تتعلم ببلاش
و ربنا مش هايضيع ابدا تعبك اللى تعبتة

نداء الى كل جديد
# متدخلش بفلوس حد الا بعد فترة لا تقل عن سنة فى المتاجرة المربحة لنفسك و يبقى الكل عارف ان دية فوركس ، يعنى الخسارة واردة علشان لو لا قدر الله حصل متتحملش خسارة حد
# ادخل بالمبلغ اللى لو خسرتة مش هايفرق معاك ،، و دايما طلع من الحساب ارباح ولو قليلة تخليهم للزمن فى حسابك البنكى او فى اى حتة امان " تحت البلاط مثلا "
# ادارة راس المال ثم ادارة راس المال

و طبعا قبل كــــــــــــــــــــــــــل دة ادعو ربك و اطيعة و اعط ايمانك و اسلامك حقوقة ،، و ان شاء الله ربنا يوفقك و يكتبلك الارباح و يفتحك باب الرزق

و اخيرا انا بشكر كل اعضاء المنتدى الكرام لولا حماسكم و تشجيعكم ليا انا كنت تركت الفوركس اصلا و سيبتها و فلوس الناس فى رقبتى
و طلب اخير ادعولى يا جماعة ربنا يوفقنى و اقدر ارجع فلوس الناس و يوفق كل متاجر امام عقد مفتوح على المجنون

و يا جماعة انا بقول اهو ان الفوركس ممكن تكون فرخة بتجيب دهب
مع انى مدقتش طعم الدهب فيها لكن علشان دية غلطتى و حاسس ان ربنا هايرضى عنى و ادوق ارباحها
اوعــــــــــــــــــــــــــــى تصدق اللى يقولك مفيش فلوس فى الفوركس
فى و نص كمان لو ربنا وفقك و اجتهدت فى شغلك
و السلام عليكم و رحمة الله و بركاتة

[galal37]

متابعين معاك وربنا يعينك

[nouk_101]

متابعين معاك وربنا يعينك

و يارب اقدر اعمل حاجة افيد بيها المنتدى ربنا يقدرنى

[abosalah]

شكرا ليك اخى العزيز على مشاركتك الجميله الى تفيد امثالى من المبتدئين

وان شاء الله تربح كتير

[فارس النيلين]

قرات مشاركتك اخي وكاني اقراء عن نفسي ممرت بنفس المراحل التي مررت بها ...ربنا يوفق الجميع انشالله

[أبومحمود]

السلام عليكم
أخي نور الدين أعجبني ماكتبت ..إن شاء الله سيكون النجاح نصيبك .. تعلم السيطرة على النفس .. وستصل وأعجبتني حكاية قعدت على الشواية .. ربنا يكرمك وتقعد على الفلوس .. تحياتي

[عبدالكريم]

عزيزي نورالدين

اهلا وسهلا بك أخا كريما بيننا تفيد وتستفيد ان شاء الله تعالى


واضح من كلامك انك عاوز توصل لهدفك

وانت عارف انت عاوز ايه

وذي احسن حاجه

لانه اللي يعرف هدفه فقد عرف الطريق وهو على وشك الوصول


اما بالنسبه لردي هذا

كلامك جميل أخي nouk

وعاملي فيها مبتدئ !!!

اوعى تكون زعلت من كلامي

انا قصدي انا ردك اعجبني وهذا الكلام لا يصدر الا من شخص

عارك الحياه وعاركته


موفق أخي نورالدين

[الصاعقة]

ربنا يوفقك ويرجعلك فلوسك وزيها كمان
ربك كريم ولا تيأس من رحمة الله
واخيرا:. تشكر على الافادة

[الصاعقة]

ربنا يوفقك ويعينك ويرزقك

[nouk_101]

شكرا ليك اخى العزيز على مشاركتك الجميله الى تفيد امثالى من المبتدئين

وان شاء الله تربح كتير

يا رب نربــــح الكثير انا و انت ان شاء الله

قرات مشاركتك اخي وكاني اقراء عن نفسي ممرت بنفس المراحل التي مررت بها ...ربنا يوفق الجميع انشالله

يا رب ان شاء الله يا ابو الفرسان
همسة اسم جميل

السلام عليكم
أخي نور الدين أعجبني ماكتبت ..إن شاء الله سيكون النجاح نصيبك .. تعلم السيطرة على النفس .. وستصل وأعجبتني حكاية قعدت على الشواية .. ربنا يكرمك وتقعد على الفلوس .. تحياتي

انا الصراحة عجبتنى اكتر
ان شاء الله مع البداية الجديدة استطيع اسيطر على نفسى
و يا رب نقعد على الفلوس

عزيزي نورالدين

اهلا وسهلا بك أخا كريما بيننا تفيد وتستفيد ان شاء الله تعالى

واضح من كلامك انك عاوز توصل لهدفك

وانت عارف انت عاوز ايه

وذي احسن حاجه

لانه اللي يعرف هدفه فقد عرف الطريق وهو على وشك الوصول

اما بالنسبه لردي هذا

اوعى تكون زعلت من كلامي

انا قصدي انا ردك اعجبني وهذا الكلام لا يصدر الا من شخص

عارك الحياه وعاركته

موفق أخي نورالدين

يا استأذ عبد الكريم ازعل منك ازاى بس ،، انا فاهم حضرتك تقصد اية طبعا
دة حضرتك كنت سبب ارسلة الله ليا بموضوع حضرتك الجميل دة
و شرف كبير برد حضرتك عليا
و يارب اقدر اساعد فعلا يا رب و ارد جمايل الاعضاء عليا يا كريم

ربنا يوفقك ويرجعلك فلوسك وزيها كمان
ربك كريم ولا تيأس من رحمة الله
واخيرا:. تشكر على الافادة

فعلا لا تقنطوا من رحمة الله ،،، جميل ان تذكرنى بذلك يا اخى
ربنا يسمع منك و يكرمنا جميعا يد واحدة امين


اتمنى ان نتحاب فى الله يا اخوانى الكرام
و السلام عليكم

[بهدوووء]

جزاك الله خير

[nouk_101]

جزاك الله خير

و اياك اخى الكريم

[nart]

كلام جميل وكلام عاقل ربنا يوفقك ويسدد دينك

[nouk_101]

كلام جميل وكلام عاقل ربنا يوفقك ويسدد دينك

ربنا يكرمك ، انا سعيد بدعائك ليا والله
ربنا يوفقنا جميعا و يسدد ديونا جميعا امين يا رب

[hit man]

كلامك عبره وحكمه وان شاء الله ربنا يعوضك خيرا افدتنا والله