هــــنــــــــــا ((الكــــويــــــــــت)) ... تقرير مصوَّر من قلب الحدث

[Amro]

.

يا سلام عليكم يا عمرو وعلى كلامك وزوقك

شوف إما تكمل الحكاية وإلا أنا عاوز الكابتشينو بتاعي

بس كده تأمر أمر ((( من )))

راح اكمل وراح اجيبلك الكابتشينو كمان بس مع اول لقاء بإذن الله

[Amro]

اعتذر عن التأخير وخلونا نكمل اللقاء

طبعا بعد ما توجهنا لقاعة العشاء كانت طاولة العشاء ما شاء الله طويله , وطبعا قعدنا نلف حواليها شويه ونعزم على بعض عشان نقعد

وطبعا كان احساسى فى اللحظة دى ان كل واحد حاطت فى باله انه يقعد جمب حد معين , وبصراحه انا كان نفسى اقعد جمب ابو عاصم وجمب ابو احمد ( تيبان ) لكن سبقنى أخى الحبيب النجف والأخ Kptc
بس مش مشكله هنيالهم

بصراحه الصحبه كلها كانت رائعه لدرجه انى فى الأخر حسيت انى كنت عاوز اقعد جمب كل واحد شويه

بعد ما قعدنا الموضوع كان هيبقى عبارة عن احاديث جانبية ثنائية أو ثلاثية , لكن ماشاء الله بذكاء ابو عاصم جعل الحوار جماعى وطلب من كل واحد انه يعرف نفسة وازاى اتعرف على المنتدى , وكان الحوار رائع واحنا بنتعرف على الشباب كلهم وبنعرف قصه كل واحد وتعرفه على المنتدى وخصوصا قصة كفاح ابو احمد ( تيبان ) الرائعه , وقصة ابو عاصم شخصيا وكيف بدأ مع المنتدى

واعتقد ان كل واحد اجدر انه يحكى قصة حياته ( بس كل حاجه فى وقتها متستعجلوش )

المهم بعد التعارف واللى اخد وقت كبير طبعا لأن فى ناس عرفت نفسها بإستفاضة وده كان ممتع بصراحه , حضر العشاء وبالتأكيد ( ساعة البطون تتوه العقول ) - ده مثل مصرى - والمعنى واضح طبعاً

بس بجد الأكل كان رائع
طبعا دلوقتى فى ناس هتحس بالجوع

بس بردو كانت فى حوارات وطرائف رائعه على العشاء ومناقشات عن الشارتات والشموع والاستراتيجيات والكلام اللى انتو عارفينه ده

وبعد العشاء مرة اخرى ماشاء الله بذكاء ابو عاصم يفتح المجال للتساؤلات عن شركه اف اكس سول

وهنا انهالت التساؤلات عن الشركه والبرنامج والحسابات , واحسن حاجة عرفناها بصراحه ان الشركه بتسعى لتطوير البرنامج عشان يبقى فيه نفس امكانيات الميتاتريد واستخدام المؤشرات والأكسبيرتات


وطبعا اللى كان مزنوق فى الإجابة على التساؤلات الأخ بسام واللى كان بيترجم للأستاذ ستيف الأسئله وبعدين يترجم الإجابه ,بصراجه انا بحييه على اهتمامه وأخلاقة وحبه للعمل اللى كان واضح فى كلامه جدا .

وبالطبع وصلنا لنهاية الموضوع وكانت احلى اسعد اللحظات واتعسها فى نفس الوقت

اتعس اللحظات عشان كنا هنفارق كل الأحبه والصحبه الحلوه اللى كنا معاها

واسعد اللحظات عشان ده كان وقت الصور التذكاريه اللى انتو اتفرجتو عليها

وعلى فكرة ابو عاصم كان هارينا صور طول القعده زى مانتو شوفتو بس ده بيبقى احلى حاجه فى اللقاءات دى عشان الذكرى الحلوه

واخيرا يا جماعه انا عن نفسى كنت فى غاية سعادتى وكان نفسى اللقاء يطول اكتر واكتر , لكن دايما لكل شيئ نهايه واتمنى ان تكون دائما ً مؤقته

وفى الأخر وعدنا ابو عصام بلقاء تانى فى الكويت لكن اكبر واعم واشمل من اللقاء ده , واحنا فى انتظار على احر من الجمر اللقاء ده ونتمنى انه يكون فى اسرع وقت


واخيرا وليس آخرا كلمه فى حق المنتدى

بجد مش مجامله ولا نفاق ولا رياء الواحد بيسحس براحه نفسيه فى المنتدى ده بالرغم ان فى منتديات كتيييييييييير بتتكلم عن الفوركس ويمكن تكون غنية بمواضيه حلوه لكن المتداول العربى يختلف

تحيه لكم جميعا يا إدارة المتداول العربى وشكرا على كرمكم وزوقكم وربنا يقدرنا ونردلكم جمايلكم ونلقاكم على خير بإذن الله تعالى فى لقاء تانى

جزاكم الله عنا كل الخير