مساعدة نحتاج وأحتاج معلومه

[بو مشعان]

اخواني انا أشتغل بالبورصه مضارب يومي

واشتغل على اسهم الشركات وخاصه الياهو و قوقل


الحين اخواني عندي عقود مفتوحه بالياهو


سؤالي ابي اليااهو متى بهبط سعره لان مارييح ابد وواصل الحين 37.40 الهاي ماله

والحين انا عندي عقد مفتوح بالياهو وهو بيع (سـل ) على سعر 37.26

وابي القوقل هذا ما يعرف شي هبوط كله فوق فوق فوق


يا أخواني انا احتاج معلومات خاصتا عن الشركتين لاني اشتغل فيهم دايم

[بو مشعان]

معلش اخواني تحملونا

ابي متى توزيع ارباح الياهو

وهل صحيح لو تم توزيع الارباح سهم الياهو يطيح ؟

لان لو طاح السهم بعد توزيع ربحية السهم بكون لصالحي

فلسنا الياهو

[kuwaitstar]

اخي الكريم يعطيك العافيه
بالنسبه متى تنزل ومتى تصعد الله العالم بس الي اقدر اعطيك اياه اعلان ارباحهم راح يكون في شهر اكتوبر للربع الثالث

[kuwaitstar]

بالنسبه لاعلان الربع الثاني للارباح راح يكون في 19 jul

اذا حاب تسمع عن الربع الاول واخباره روح للرابط هذا
http://advision.webevents.yahoo.com/...event_id=15407

[بو مشعان]

يا الغالي

يعني بتاريخ 19..7..2005؟

اعلان الربع الاول ادري فيه وطلع كثير من الشباب اوت لانه كان السهم ب 33.00

واليوم الثاني مجرد الفتحه كان ب 35

يعني صاعد دولارين

والمشكله ياخوي ماعرف طريقة الشارت لاني مبتدئ بهالموضوع

اتمنى احد يفيدني بعد لان صراحه السهم صاير بس للارتفاع والحين سكر اهو يوم الجمعه ب 37

وفي امر مهم جدا الحين المساهمين اكيد كل سنه ياخذون ارباحهم من الشركه او ما نسميه تفصيخ السهم وتوزيع الربحية
والمضاربين اليوميين مجرد ما يعرفون متى التوزيع ارباح الاسهم بيدخلون بســل لان السهم بعد

توزيع ارباحه بينزل اقل شي دولار

واللغه صفر بعد لكن ربك بعينا عليهم وثم انتم ياخوان ومن نصايحكم ومتابعتكم بأخبار الأسهم الامريكية واحنا نتابعكم اكيد بكون لنا حظ بأذن لله

والله يستر في اعلان ارباح الياهو الربع الثاني لان الاعلان الاول كان ثلاثه سنت زايد للتوقعات

[kuwaitstar]

بالنسبه لي انا ورايي بالسهم انه صاعد صارله فتره ما احب اني ادخل فيه الا اذا ارتاح السهم شوي
مع انه الشمعه الاخيره مسويه بريك اوت حلو واغلقت فوق الشمعه الي قبلها وهذا مؤشر جيد للسهم في الايام القادمه بس باعتقادي انه السهم راح يريح شوي وينزل حسب ما فهمته من المؤشرات
خاصه الويكلي والديلي
لاحظ معاي الصوره راح تشوف خط البلونجر باند العلوي ملامس لاخر شمعه يعني ممكن انه يرتد الى اسفل منها وممكن يكسر الخط الى اعلى بس يحتاج فاليوم اكبر
كل شي جايز بالسوق الامريكي واحيانا الخبر يقتل الشارت والتحليل الفني

كلمه اخيره انه السهم لو كان على الخط الاوسط او الاسفل للبلينجرباند ممكن ادخل فيه

هذا رايي الشخصي فيه وانشاء الله باقي الاخوان راح يردون عليك اكثر ونستفيد
اتمنا اني وصلتلك المعلومه الي عندي
والتوفيق من رب العالمين

[بو مشعان]

حبيب يا الغالي ابشرك ربحت اليوم من الياهو وجزاك الله خير اخوي


وبشرنا اخوي ابي باجر في نزله ولا هم بعد فوق ؟