الدعوة عامة لجميع الاعضاء يوم الجمعة 25\1\2008

[Ahmad Shawky]

انا مش مصدق بجد نفسى احضر انا من مساكن السعوديه جنبكم بس عاوز اعرف اكتر هيبقى موضوع اللقاء عن ايه ان شاء الله

[Ahmad Shawky]

عموما انا راشق معاكم يا رجاله ودى اول مره اجى فيها

هنور المكان انا عارف

[طارق سعد الدين]

عموما انا راشق معاكم يا رجاله ودى اول مره اجى فيها

هنور المكان انا عارف

ارشق يا باشا

اكيد هتنورنا
احنا كمان عارفين

و يتم اعتمادك زبون

[نور المصرى]

أمسية جديده دافئه تضمها قهوة المصريين يوم الجمعه الموافق 25 يناير بعد صلاة العشاء والدعوه عامه لجميع الأحباب ولمن فاته اللقائات السابقه تحت رعاية ميدو قهوجى المتداول العربى رافعا راية المتداول العربى راعى الفوركس الأول نلقاكم على خير

[نور المصرى]

نرجوا من الإدارة ترك المضوع على العام قليلا قبل نقله للإستراحه حتى يتسنى للجميع رؤيته

[jedawy]

طيب مكان القهوة فين علشان نحضر ومشاريب بس ولا فيه عشاء

[نور المصرى]

طيب مكان القهوة فين علشان نحضر ومشاريب بس ولا فيه عشاء

عشا إيه بس أنت عايز ميدو يقفل القهوة كفايه عليه المشاريب واحشنا يا أستاذ جداوى من يوم لقاء المتداول العنوان 3 ش الأجهورى من ش مصر والسودان خلف محطة بنزين التعاون - محطة مترو الدمرداش مستنينك

[أسامه عبده]

.
لو تأخروها شويه أكون معاكم

[طاهرالمصرى]

طاهر باشا

تنور قهوتك يا معلم

و بالنسبة للدعوة انا حطيتها نيابة عن اخ عزيز معلمنا ميدو

و دا لأني بعتبر مكانه مكاني و باذن الله متجمعين عنده في الخير

اللي هيجي هيعرف المشاريب على مين
بس خسارة كان نفسنا في سندوتشات لحمة
و الحدق يفهم

همسة : المفاوضات شغالة في موضوع اللحمة

اجمل تحية و صباح للمعلم طاهر المصري

و يجعله عامر

تكرم يا غالى
كلنا إخوة و حبايب
و بمناسبة سندوتشات اللحمةالكبير كلمنا عليها كتير
نفسنا نشوفها قبل المارجن كول

يا رب

[أبو عبد الله]

جهد مبارك إن شاء الله يا شباب ،

وأنتم تشكلون كياناً اجتماعياً ضرورياً ومشرفاً نرجو أن يستمر ،
وأن تكون القاهرة هي الطليعة ، وبعدها جدة ودبي وعمان وغيرها.

ليس المطلوب أن يزيد اللقاء عن كونه تعارف وتآلف وتحاب ،
وهذا وحده يشحن نفوس الحاضرين ومشاعرهم بالدفء والرضى ،
والعزم على الاستمرار في العمل بنشاط وقوة.

[سمير صيام]

.
لو تأخروها شويه أكون معاكم

ياغالى انت تامر نعمل قرار ادارى بالتاجيل لان وجودك مهم بس متشربش كابتشينو من بتاع ميدو

[mido]

ماشاء الله يا رجالة متجمعين دايما

اشكرك طارق باشا سعد الدين على الدعوه الجميلة والرقيقة

اتشرف بيكم كلكم والمعلم طاهر المصري معلم القهوه

ونور المصرى وامجودى وكل الناس الحلوة وانا وانتا يا طارق

وبالمناسبة يا جماعة حصل خلاف كتير دائم على موضوع العزايم

وكتير يطلبون ان يعزموا الحبايب والموضوع دة طلبت منكم اكتر من مره

نسيانه تماما تماما وممنوع حد يعزم او يدفع اى اموال طول ما انا عايش على وش الدنيا

والدعوه عامة للجميع ويشرفنى حضور المنتدى كلة وقد سبق وفعلتها من قبل ان عزمت المنتدى

كلة على يوم الفرح بتاعى فأرجوا من الاحبة ترك موضوع العزايم جانبا

والا يسبب زعل لاحد اطلاقا

على فكرة انا مش بغرم كتير يعنى كلها مية سخنة وشوية خشب ملون فى الشيشة وخلصت

خالص التحية والتقدير للجميع

[mido]

.


لو تأخروها شويه أكون معاكم

يا سلام يا ابو عاصم

دى لو طيارة بتطير نأخرها عشان خاطر زراق عيونك

انتا صاحب الواجب الكبير والعزايم الجامدة اللى فيها فتة ولحمة

احنا بنقلدك وبس

[mido]

جهد مبارك إن شاء الله يا شباب ،

وأنتم تشكلون كياناً اجتماعياً ضرورياً ومشرفاً نرجو أن يستمر ،
وأن تكون القاهرة هي الطليعة ، وبعدها جدة ودبي وعمان وغيرها.

ليس المطلوب أن يزيد اللقاء عن كونه تعارف وتآلف وتحاب ،
وهذا وحده يشحن نفوس الحاضرين ومشاعرهم بالدفء والرضى ،
والعزم على الاستمرار في العمل بنشاط وقوة.

هوا فى مثل جهدك يا قائد الفرسان !!!

بصراحة انا انظر واتأمل الى معرفك وعدد وقوة مشاركاتك فى المنتدى

اتعلم اشياء لا تخطر بخاطر

اتمنى لك دوام التوفيق والنجاح والصبر والقوة

ولن يتحقق ذلك الا بخالص المحبة من الجميع وللجميع

تحية تقدير ومحبة مخلصة لشخصك الكريم

[طارق سعد الدين]

ماشاء الله يا رجالة متجمعين دايما

اشكرك طارق باشا سعد الدين على الدعوه الجميلة والرقيقة

اتشرف بيكم كلكم والمعلم طاهر المصري معلم القهوه

ونور المصرى وامجودى وكل الناس الحلوة وانا وانتا يا طارق

وبالمناسبة يا جماعة حصل خلاف كتير دائم على موضوع العزايم

وكتير يطلبون ان يعزموا الحبايب والموضوع دة طلبت منكم اكتر من مره

نسيانه تماما تماما وممنوع حد يعزم او يدفع اى اموال طول ما انا عايش على وش الدنيا

والدعوه عامة للجميع ويشرفنى حضور المنتدى كلة وقد سبق وفعلتها من قبل ان عزمت المنتدى

كلة على يوم الفرح بتاعى فأرجوا من الاحبة ترك موضوع العزايم جانبا

والا يسبب زعل لاحد اطلاقا

على فكرة انا مش بغرم كتير يعنى كلها مية سخنة وشوية خشب ملون فى الشيشة وخلصت

خالص التحية والتقدير للجميع

معلمنا الغالي ظهر يا رجالة

تصفيق حار

يا باشا لا شكر على واجب دا مكاني ( غصم و اقتدار )

تعيش و تعزم يا معلمنا و نتجمع دايما عندك في الخير

ان شاء الله هيكون يوم غاية في الروعة و يشرفنا كل من سجل حضوره و نتمنى نشوف ناس اكتر

ايه حكاية خشب في الشيشة دي
و انا اشد لما يتقطع نفسي و اقول مالها فحم في فحم كده ليه اتاري فحم على خشب

همسة : طمني على اخبار سندوتشات اللحمة اهي تعوض الشيشة

و يجعله عامر