فيزا نت بنك NSGB

[Ahmad Shawky]

انا احترت بجد افتح فيزا نت فين بسهوله ويكون على لاأقل خدمة العملاه والتعامله سهل فبعت طبعا عن بنك مصر والاهلى
واحسن حاجه NSGB بس يريت حد جرب يقولى افتحه ازاى وهل سهل فتحه وله لا علما بانى عندى حساب جارى فى البنك

مستنى ردودكم المفيده ان شاءا لله

[haitham_elnemr]

السلام عليكم اخ احمد

بالنسبة لبنك NSGB فهو ممتاز بصراحة في تعاملاته عموما ، وبالاخص عن طريق الانترنت .

شوف هما عندهم عرض اسمه عرض الشباب Youth Offer العرض ده ممتاز جدا بس تقريبا لازم يكون سنك اقل من 23 سنة علشان تفتحه ، العرض ده عبارة عن حسابين واحد بالمصري والتاني بالدولار بالاضافة الى بطاقة الانترنت اللي ممكن تشحنها عادي بالمصري وتشتري بيها اي حاجة او تدفع بيها فلوس لاي مكان على الانترنت سواء اف اكس سول او غيرها انا جربتها بنفسي في عدة شركات وشغال تمام ، وطبعا زي اي بنك في وقت معين علشان تستلم البطاقتين دول اللي هما الفيزا اليكترون والفيزا انترنت تقريبا مش اقل من اسبوع .

لو انت اكبر من 23 اكيد عندهم طريقة تعمل بيها بطاقة الانترنت ده انت ممكن تروح اي فرع ليهم وهتلاقيهم بيخدموك اوي وهيوضحولك اي حاجة انت عاوزها .

اتمنالك التوفيق

[Ahmad Shawky]

جزاك الله خيرا اخى هيثم طيب ممكن تقولى لوانا عند حساب اصلا فى البنك ده جارى وعاوز اطلع الفيزا نت بس هطلعها بكام وهتاخد وقت اد ايه عبال متطلع وهل هيشترطو عليا مفردات مرتب علشان الفيزا نت او يحتجزو مبلغ من رصيدى فى البنك وله بتبقى فاضيه واشحنها ان زى مانا عاوز عادى



مستنى ردك

[Ahmad Shawky]

انا عاوز بس لو عاوز اعمل فيزا نت فقط وعندى حساب جارى ايه الخطوات وهيطلبو منى ايه

[haitham_elnemr]

بص الفيزا اللي معايا ، ده بيسموها مسبقة الدفع Prepaid يعني بتحط فيها فلوس الاول وبعدين بتدفع يعني بطاقة منفصلة تماما لو معاك حساب تاني يعني حاجة لوحدها ، بالنسبة للرسوم مش هتتعدى 50 جنيه على ما اذكر اما بالنسبة للوقت مش اقل من اسبوع ، بس الكلام ده من زمان من الممكن يكون نزلوا حاجات جديدة او عملوا عروض جديدة لانه بصراحة بنك محترم ، وما تخافش مش هيطلبوا منك اي مفردات علشان تفتحها .

بس زي ما قولتلك انت لو اقل من 23 سنة يبقى افضلك واحسنلك انك تفتح عرض الشباب ده وممكن تخصصه للفوركس بس مادام عندك حساب تاني ، لانهم بيفتحولك زي ما قولتلك حساب مصري وحساب بالدولار فممكن تستقبل فلوس دولار على الحساب ده من اي شركة بسهولة .

[eg_falcon]

اخي العزيز لاحظ ان هذا النوع من الكروت لا يمكن التعامل به مع شركة افكسول (على الاقل) و هذا عن تجربة معهم فهم لا يقبلون الا الكروت الائتمانية فقط (فيزا او ماستر ) فقط
و هذا للعلم و شكرا

[haitham_elnemr]

اخي العزيز لاحظ ان هذا النوع من الكروت لا يمكن التعامل به مع شركة افكسول (على الاقل) و هذا عن تجربة معهم فهم لا يقبلون الا الكروت الائتمانية فقط (فيزا او ماستر ) فقط
و هذا للعلم و شكرا

نعم اخي ربما ، ولكن البطاقة التي لدي من بنك NSGB فهي فيزا ايضا ولكنها مسبقة الدفع وللعلم فقد دفعت بها لشركة اف اكس سول عدة مرات وتم قبولها

عموما اخ احمد عليك الذهاب الى البنك بنفسك لسؤالهم عما لديك وهم سوف يفيدوك عن كيفية عمل ذلك

[Ahmad Shawky]

جزاك الله خير اخى هيثم واا هعمل كده فعلا لانى مش عارف لله مش بيردو على الخط الساخن بتاعهوم علاشن اسألهوم عن الفيزا وشكرا لتعاونكم معانا

[eg_falcon]

نعم اخي ربما ، ولكن البطاقة التي لدي من بنك NSGB فهي فيزا ايضا ولكنها مسبقة الدفع وللعلم فقد دفعت بها لشركة اف اكس سول عدة مرات وتم قبولها

عموما اخ احمد عليك الذهاب الى البنك بنفسك لسؤالهم عما لديك وهم سوف يفيدوك عن كيفية عمل ذلك

يا ريت يا اخ هيثم لو ممكن توضيح اكثر عن نوع البطاقة بالضبط و متى كانت اخر تعامل بها مع الشركة حيث اني حاولت التعامل بهذا النوع من البطاقات و تحديدا فيزا بنك مصر للتعامل مع الانترنت و المدفوعة مقدما منذ شهر تقريبا و كان رد الشركة انها لا تتعامل مع البطاقات المدفوعة مقدما
و شكرا لك

[haitham_elnemr]

يا ريت يا اخ هيثم لو ممكن توضيح اكثر عن نوع البطاقة بالضبط و متى كانت اخر تعامل بها مع الشركة حيث اني حاولت التعامل بهذا النوع من البطاقات و تحديدا فيزا بنك مصر للتعامل مع الانترنت و المدفوعة مقدما منذ شهر تقريبا و كان رد الشركة انها لا تتعامل مع البطاقات المدفوعة مقدما
و شكرا لك

البطاقة مكتوب عليها شعار الفيزا العادي واخر تعامل كان لاحد اصدقائي من حوالي شهرين ، وتم الارسال المبلغ بنجاح بدون اي مشاكل لان البطاقة فيزا ، فقد تأكد من البطاقة اللي عندك انها مكتوب عليها فيزا

[Ahmad Shawky]

هل يوجد فرق بين الفيزا إليكترو والفيزا نت فى بنك NSGB

[haitham_elnemr]

هل يوجد فرق بين الفيزا إليكترو والفيزا نت فى بنك NSGB

الفيزا اليكترون ده يا احمد باشا تستخدم في السحب من اي ماكينة ATM مكتوب عليها فيزا داخل مصر او خارجها بالاضافة الى امكانية شراء بها اي حاجة من اي مكان عنده دفع بالفيزا سواء داخل مصر او خارجها ايضا مادام حسابك فيه فلوس .

اما الفيزا الخاصة بالانترنت فهي للاستخدام عن طريق الانترنت فقط لا غير .

[Ahmad Shawky]

شكرا يا أخ هيثم افادكم الله الفرق وضح تماما