تم بحمد الله افتتاح قهوه المصريين
كان يوما جميلا من ايام المتداول العربي الجميلة
لقد تشرفت اليوم بحضور احبائي اعضاء المتداول العربي
للافتتاح قهوه المصريين الفوركسين المتداولين العرب
ولقد شرفنى بالحضور مشرفنا الاستاذ سمير صيام
واستاذنا الاستاذ محمد حنفي
وحبيبنا يميدو ووليد الحلو وامجد وطاهر المصري ونور المصري وسبيسر وفريدوم فايتير
وكان لقاء رائع جدا لم يخلو من الضحك طوال الوقت
ان شاء الله تشرفونا تانى يا رجالة كل شهر مرة نتقابل ان شاء الله كلنا ونتجمع
وجاري تنزيل الصور حالا
رد: تم بحمد الله افتتاح قهوه المصريين
الف الف الف مبرووووووووك
واكيد ان شاء الله معاكم المره الجايه
:015::015::015::015:
تحياتى :eh_s(7):
رد: تم بحمد الله افتتاح قهوه المصريين
حبيت أمسي عليك وعايدك
وعدّ مني لك مني زيارة القهوة بالصيفية
وكل عام وأنت وعائلتك بخير
رد: تم بحمد الله افتتاح قهوه المصريين
ياريت تقولى مكان القهوة فين علشان المرة الجاية أكون معاكم
رد: تم بحمد الله افتتاح قهوه المصريين
الف الف مليون مبروك عليك يا عم ميدو و ربنا يجعلها عتبة السعد و الخير عليك يا باشا
كان لقاء جميل جدا جدا و الحقيقة بالرغم انها كانت اول مرة اتشرف برؤية الحاضرين الا انى كان عندى احساس انى اعرف كل الموجودين من زمان اوى
و الحقيقة شرف اللقاء
استاذنا و حبيبنا و عم الفوركسيين
الاستاذ محمد حنفى
...
...
و اخونا الحلو
..... وليد الحلو
...
...
و حبيب قلبى المعتزل و صديقى الغالى
YAMEDOA
.....
......
المعلم صاحب قهوة المصريين الراجل الطيب
طاهر المصرى
.....
.....
عضو المتداول اللذيذ و الصغير فى السن و الكبير فى المقام اخونا محمد
FreedomFighter ..
واخونا ابراهيم الراجل ابن البلد .... الجدع اوى
( نور المصرى )
....
...
و فاكهة الحفلة ... الدكتور احمد اللى نورنا و حضر مخصوص من المنصورة
SPACER5
.....
......
و طبعا كان نجم الافتتاح
مشرفنا الغالى الرجل المتواضع جدا و المؤدب و نجم الجماهير فى المتداول العربى
استاذ/ سمير صيام
اتكلمنا فى كل حاجه و ضحكنا و انبسطنا و استفدنا و قمنا من الاجتماع دة و احنا قريبين من بعض اكتر و اكتر
كل الشكر لاخونا MIDO على اللفتة الكريمه و الذكية و انه هو دة هايبقى مكان تجمع اعضاء المتداول العربى فى مصر
و احنا متشوقين كلنا للقاء القادم ... و القهوة طبعا مفتوحة لكل اعضاء المتداول ... المصريين و العرب و يا رب دايما نتجمع على خير
همسة ...
MIDO انت قمت معانا النهاردة بواجب جامد اوى ...و دة مش غريب عليك لانك اهل الكرم و الواجب و ربنا يقدرنا و نرد لك الواجب دة
رد: تم بحمد الله افتتاح قهوه المصريين
اقتباس:
المشاركة الأصلية كتبت بواسطة WhiTe TiGer
الف الف الف مبرووووووووك
واكيد ان شاء الله معاكم المره الجايه
:015::015::015::015:
تحياتى :eh_s(7):
ان شاء الله تتعوض قريب جدا
احنا اتفقنا كلنا ان فترة الشتاء دى نتقابل كل شهر مرة
لكن ان شاء الله مع دخول الصيف هانتقابل كل اسبوع مرة
رد: تم بحمد الله افتتاح قهوه المصريين
اقتباس:
المشاركة الأصلية كتبت بواسطة EXPERTLIVE
حبيت أمسي عليك وعايدك
وعدّ مني لك مني زيارة القهوة بالصيفية
وكل عام وأنت وعائلتك بخير
اهلا حبيب يا معالى الخبير
وحشنى جدا جدا
انا منتظرك تنور مصر كلها
رد: تم بحمد الله افتتاح قهوه المصريين
اقتباس:
المشاركة الأصلية كتبت بواسطة nileman
ياريت تقولى مكان القهوة فين علشان المرة الجاية أكون معاكم
بالنيابة عن اصحاب القهوة كلهم ... اقول لك ... انت تنورنا يا باشا
العنوان
3 شارع الاجهورى .. متفرع من شارع مصر و السودان ... حدائق القبه
قهوة TOP 10
و تسهيلا للاخوة اللى هايشرفوا حدايق القبه كلها
الشارع اللى فيه القهوة على ناصيته محطة بنزين ( التعاون )
و دى حاجه مشهورة اوى
يعنى اللى جاى راكب المترو ... ينزل محطة الدمرداش و يسأل عن محطة البنزين (التعاون )
و اللى جاى بالعربيه هو ماشى فى شارع مصر و السودان يسأل برضه على محطة البنزين...
حتى اللى جاى بالاوتوبيس ... يقول للكمسرى عايز انزل محطة التعاون
هتلاقى محطة البنزين دى على ناصية شارع ... الشارع دة هو شارع الاجهورى هاتدخل فيه و هتلاقى فى اوله .... على اليمين فرن افرنجى و على الشمال مسجد الشيخ البرى
القهوة بعد الفرن الافرنجى على طول و هتلاقى يافطة كبيرة مكتوب عليها اسم القهوة
رد: تم بحمد الله افتتاح قهوه المصريين
اقتباس:
المشاركة الأصلية كتبت بواسطة nileman
ياريت تقولى مكان القهوة فين علشان المرة الجاية أكون معاكم
تنور وتشرف
معلش الموضوع مفتوح فى الاستراحة عشان كدة محدش كتير بياخد بالة منه
اقتباس:
المشاركة الأصلية كتبت بواسطة mido
احبائى رواد قهوة المصريين
لازم نتقابل
عشان بجد انتم وحشنى جدا جدا
ان شاء الله انا عازمكم على افتتاح قهوة المصريين
ثالث ايام العيد المبارك الموافق 21 ديسمبر 2007 الجمعة القادم ان شاء الله
يشرفنى حضور جميع المصريين وغير المصريين كمان
وبالمناسبة يا اخوانى قهوتنا اسمها قهوة المصريين ليس لانها تخص المصريين فقط
لا ابدا والله ما كان هذا المقصود
انما تسمى قهوة المصريين لسبب واحد فقط ان من يقوم بادراتها وخدمة روادها المصريين
ولذلك تتشرف القهوة بدعوة كل من يزور ارض مصر فى تلك الاوقات لحضور اجتماع
قهوة المصريين لاعضاء وأحباء منتدى المتداول العربي
سوف يعقد هذا اللقاء فى فترة الشتاء وحتى بداية شهر يونيو 2008 مرة واحدة كل شهر
كما انة فى بداية الصيف خلال شهر يوينو سوف يعقد مرتين فى ذلك الشهر
وخلال شهرى يوليو و أغسطس سوف يعقد كل اسبوع فى يوم الخميس ان شاء الله
بعد صلاه العشاء
العنوان : 3 شارع الاجهورى - حدائق القبة
بجوار مترو الانفاق - محطة الدمرداش
كافى top ten
برجاء قبول بالغ الود والمحبة
رد: تم بحمد الله افتتاح قهوه المصريين
اقتباس:
المشاركة الأصلية كتبت بواسطة امجد محمد
بالنيابة عن اصحاب القهوة كلهم ... اقول لك ... انت تنورنا يا باشا
العنوان
3 شارع الاجهورى .. متفرع من شارع مصر و السودان ... حدائق القبه
قهوة TOP 10
و تسهيلا للاخوة اللى هايشرفوا حدايق القبه كلها
الشارع اللى فيه القهوة على ناصيته محطة بنزين ( التعاون )
و دى حاجه مشهورة اوى
يعنى اللى جاى راكب المترو ... ينزل محطة الدمرداش و يسأل عن محطة البنزين (التعاون )
و اللى جاى بالعربيه هو ماشى فى شارع مصر و السودان يسأل برضه على محطة البنزين...
حتى اللى جاى بالاوتوبيس ... يقول للكمسرى عايز انزل محطة التعاون
هتلاقى محطة البنزين دى على ناصية شارع ... الشارع دة هو شارع الاجهورى هاتدخل فيه و هتلاقى فى اوله .... على اليمين فرن افرنجى و على الشمال مسجد الشيخ البرى
القهوة بعد الفرن الافرنجى على طول و هتلاقى يافطة كبيرة مكتوب عليها اسم القهوة
الله ينور عليك يا امجد
كلنا ياباشا اصحاب القهوه
انتا ناسى دى قهوه المصريين
رد: تم بحمد الله افتتاح قهوه المصريين
السلام عليكم ورحمة الله وبركاته
الحقيقة كان لقاء جميل جدااا
وسعدت جدا جدا بالتعرف عليكم اكتر وانا جيت لكم من المنصورة مخصوص والله
عشان اقابلكم ... ومعرفة الرجال كنوز .. ودى عندى احلى من الفوركس
وبصراحة ميدو ده رجل ذوق وسكره .. وهرانا مشاريب :0023:
وتشرفت بالتعرف عليه اكتر ..
كانت مفاجاة جميلة جدا وجود الاستاذ / محمد حنفى ... "19 سنه " :0023:
وكمان حبيبنا / طاهر المصرى .. كان منورنا .. واتبسطت انى قابلته وخاصة
لانه ماكانش معانا فى لقاء نوفمبر ...
وكمان / أمجد محمد .. انسان محترم وسعدت جدا بلقاءه
كمان وليد الحلو .. اللقاء كان احلى بوجوده .. وكنت هازعل لوماكانش جه
والمفاجأة فريدوم فايتر ... حضر معانا ... انا اتفاجات بيه وماعرفتوش اساسا
وعلى فكرة هو احلى كتير من الصورة اللى حاططها
كمان اخونا العزيز / ابراهيم " نور المصرى " ... كان مشرفنا بوجوده
و"ياميدو" وصل متاخر .. وحكى لنا شوية افكار من ابتكاراته الخطيرة :boxing:
وكمان حبيبنا ومشرفنا العزيز جدا .. الاستاذ / سمير صيام
تشرفت بلقاءه وانسان يستحق الاحترام وحبيته اكتر ..
-----------------------------------
وبمناسبة هذا اللقاء السعيد ... عايزين نعمل زى ماتفقنا ..شركة الارانب
منتدى الارنب العربى والموفينج أرنوب :0023::0023:
رد: تم بحمد الله افتتاح قهوه المصريين
اقتباس:
المشاركة الأصلية كتبت بواسطة mido
كان يوما جميلا من ايام المتداول العربي الجميلة
لقد تشرفت اليوم بحضور احبائي اعضاء المتداول العربي
للافتتاح قهوه المصريين الفوركسين المتداولين العرب
ولقد شرفنى بالحضور مشرفنا الاستاذ سمير صيام
واستاذنا الاستاذ محمد حنفي
وحبيبنا يميدو ووليد الحلو وامجد وطاهر المصري ونور المصري وسبيسر وفريدوم فايتير
وكان لقاء رائع جدا لم يخلو من الضحك طوال الوقت
ان شاء الله تشرفونا تانى يا رجالة كل شهر مرة نتقابل ان شاء الله كلنا ونتجمع
وجاري تنزيل الصور حالا
مبروك الافتتاح يا استاذ يا طيب
وان شاء الله لنا زيارة في القريب العاجل
بس بشرط
كل المشروبات والذي منه على حساب حبيبنا ابو عبدالرحمن :0023:
تحياتي وتقديري وبالتوفيق ان شاء الله تعالى
رد: تم بحمد الله افتتاح قهوه المصريين
كل لقاء جميل و رائع
ميدو بجد تعب معانا النهارده و كلفناه جامد
و كل يوم فى المتداول بنشوف ناس فى منتهى الادب و الاخلاق
اخوه اعزاء
طبعا انا مش هتكلم عن سمير صيام و فريدوم و ميدو و ياميدو و الاستاذ أحمد حنفى و سبيسر
دول بقوا خلاص اهل و عارفين مكانتهم فى قلبى
انا هتكلم عن مكاسب هذا اليوم السعيد
الاستاذ امجد محمد (( حبيب قلبى فرحت جدا برؤيته ... عمو أمجد كان جايبلنا معاه حلويات كمان :0023: ))
الاستاذ طاهر المصرى (( الطيب المحترم الخلوق ))
الاستاذ نور المصرى (( خفه الدم و الابتسامه الحلوة و البايب :0023: ))
يا شباب فين الصور
انا مش لاقى كابل الموبايل نزلوا الصور اللى عندكم عقبال ما الاقيته
ودى و تقديرى
رد: تم بحمد الله افتتاح قهوه المصريين
بجد والله حضورك اسعدنا جميعا وخاصة قدومك من مشوار بعيد
جاى من المنصورة مخصوص تلبية لدعوة حبايبك فى قهوه المصريين
دى بصراحة قمة من المحبة والمودة منك
وبشكرك جزيل الشكر لانك جيت واتمتعتنا بصحبتك
رد: تم بحمد الله افتتاح قهوه المصريين
اقتباس:
المشاركة الأصلية كتبت بواسطة جابر عثرات الكرام
مبروك الافتتاح يا استاذ يا طيب
وان شاء الله لنا زيارة في القريب العاجل
بس بشرط
كل المشروبات والذي منه على حساب حبيبنا ابو عبدالرحمن :0023:
تحياتي وتقديري وبالتوفيق ان شاء الله تعالى
يا سلام يا جابر الجوابر انتا تأمر
بس كدة طيب تصدق دة احلى شرط عندى
على حساب اخونا ابا عبد الرحمن
بس اقولك حاجة انتا تعالى مصر زيارة وشوف بس اللى هايحصل
انا اعتبرت دة عد من يا طيب خلاص بقيت اول ضيف شرف للقهوه
انا بكون فى قمة السعادة لما بتتجسد معانى المحبة بيننا فى المنتدى
وتخيل انتا سعادة الناس لما تجيى تشرفنا الصيف اللى جاى