تم بحمد الله افتتاح قهوه المصريين

[فارس الاقصى]

ألف مبرووووووووووووك هذا الانجاز العظيم و هذا حقا هو المتداول العربى

همسة : يل ريت اللقاء القادم تعلنوا عنه عشان نعرف نحضر و لا دى اسرار و لا ايه ؟ هههههههههههه

الى الامام يا المتداول العربى ، و كل عام و انتم بخير

[mido]

دائما المصريين لديهم مبادره جميله دام الله المحبه بينكم ورزقكم من واسع رزقة
بارك الله فيكم
وان شاء الله لنا زيارة الى ام الدونيا ومحطة التعاون

وبارك فيك يا حبيبى تنور والله

مجرد حضورك يسعدنا ان شاء الله منتظرك

يا خسارة يا رتنى كنت معاهم انا كنت جاى بس للأسف كان عندى فرح مفاجئ و رحت احضره و كمان فى فرح فى القاهرة بكرة ان شاء الله يلا خير تتعوض المرة الجاية و ميدو ابو الكرم و الذوق و مش غريب الكلام اللى انا سامعه دا بجد خسارة انى محضرتش

يا ريت المرة الجاية ان شاء الله اقدر اكون متواجد

ولا يهمك يا ابو حميد تنور اى وقت

انتا كدة كدة عارف الطريق

[mido]

يعني لما رحنا من مصر فتحت القهوة ... هذي عليك فيها حق كبيييييييييييييييييييييييييييييييير وباخذه منك ومن ابو عبدالرحمن اللي عرف وما قال لنا

وانتا كمان مشاريب اربعة أيام على حسابك .....


اهم شي الوايرلس موجود ...احنا حاضرين

لنا زيارة قريبة مع العائلة بحول الله

ههههههههههههه انا كنت مستنى سفرك عشان افتتح القهوه

لا والله تنور اى وقت

بالنسبة للوير ليس سهل جدا نعملة ونركبة لكن برضة السوق هايخدنا تانى من بعض

طيب عموما فى الخطة نعملة قريبا ولكن بعد فترة استمتاع وتعارف بيننا وكلام فى سوق اخر

غير سوق العملات حتى لو كان سوق البط

يعنى مثلا امبارح اتكلمنا كتير عن الاستثمار فى الارانب واقنعت الاخوة انة فاشل بكل المقاييس

لاننا ليس بينا زراعيين يفيدونا قلنا خلينا فى العملات زى ما احنا

اخونا الكريم / طاهر المصري ارجو منك توفير واير لس في القهوه عشان لو ولحد حاب يجيب معاه الاب توب

يقدر يشتغل عليه وصدقني راح تنجح هذي الفكره الله يرزقك من حيث لاتحتسب

عموما احنا نحب مصر واهلها ونعتبرها بلدنا الثاني ونزورها كتير جدا

واحنا نحب اهل المملكة وناسها والله

وتنور وتشرف اى وقت

بالنسبة للوير ليس واضح ان كل الناس فعلا تحتاجة

طيب خلى بالكم بقة من حاجة الملاصقة الدائمة للشاشة غالبا ما تكون غير مفيدة

وانا بقول غالبا مش قاعدة عامة

لكن انتا تأمر

حالا واحد واير ليس

[mido]

الاخوة الكرام

هذا احمد حنفي يحيكم من القاهرة

كان لقاء غاية فى الاخوة و المحبة و السلام

و لكنه خالى من سندوتشات اللحمة
لية كدة بس يا عمى

حضر اللقاء من الجانب المصرى

طاهر المصرى و صديقه محمد

يعنى اجدع ناس

القليوبية و بنها العسل

يعنى كفر شكر و شبلنجة

نور المصرى ممثلا عن حى شبرا

حاسب يا عم

يعنى مطار المنوفية و الدوران و خلوصى

من الدقهلية

الدكتور / spacer 5

يعنى المنصورة و اهل المنصورة

من طلخا الى دياسط

كما مثل جانب الاصدقاء

باشمهندسنا وليد الحلو

و اخونا فريدم

و استاذنا الكبير / سمير صيام

اسمع سلام كبير قوى لاستاذنا

سلام تلاتات تلاتات

من الشرابية لحمام التلات

هذا و قد كان الراعى الرسمى للقاء ميدو و ياميدوا

و الراعى الرئيسى امجد محمد

و محدثكم احمد حنفى - 19 سنة - يحيكم

من شارع مصر و السودان - حدائق القبة - القاهرة

شرفت اللقاء يا استاذنا

انتا كدة بقيت معروف فى حدايق القبة لما اتصورت معاك

[steave987]

الله يباركلكم
الله يطعمنا شي طلعة على مصر بركي متعرف على الوجوه الطيبة

[mido]

اية دا يا اخونا مش كنتو تقولولنا
على شان نجي ونشوف الناس الطيبين واخوانا
المرة الجاية ان شاء الله نكون معاكم
ودي وتقديري

ان شاء الله نتقابل تانى قريب

يا سلام بس كدة انتا تأمر

بس ودى وتقديرى دى بتاعت وليد الحلو

واصلا مقتبسة من المدير العام

تقبل ودى انتا بقة

يلا خلى عضويتنا تتوقف النهاردة

'طيب اعزمونا قبل اللقاء و لا ايه

ولا حتخلونا نمصمص صوابعنا
(عضو مدينة نصر)

معلش يا باشا دايرة مدينة نصر دى كبيرة اوى اوى

انا عشان كدة عملت موضوع القهوة هنا عشان الكل يشوفة

تنور المرة اللى جاية باذن الله قريب اوى

الف مليون مبروووووووووووووووك

وان شاء الله يكون لنا لقاء بها

الله يبارك فيك يا استاذ حودة

ان شاء الله يكون قريب تنور اى وقت

[طاهرالمصرى]

السلام عليكم جميعا و رحمة الله و بركاته
...
لا أستطيع أن أعبر عن مشاعر السعادة التى اكتنفتنى فى هذا اللقاء الذى امتلأ كله بالود و الألفةأٌول إيه و لا إيه ؟
ناس بصراحة مفيش زى كده ذوق و أدب و أخلاق
...
الأب (محمد حنفى )
فعلا أب كان بيكلمنى بل بيكلم كل واحد فينا على إننا أولاده فى ايه تانى أقوله عليه من أوصاف ؟
فعلا يا أستاذ ( محمد ) أنت أب لنا جميعا و هذا شئ يشرفنا و هذه ليست مجاملة.
...
أستاذ محمد ( ميدو ) معلم بجد
كفاية إنه شال الحساب كله( على فكرة يا ميدو أنا نسيت أحاسب زى ما اتفقنا كويس إنك كنت موجود )
...
أستاذنا المتواضع الخلوق ( سمير صيام )
ايه ده ؟ ايه الأدب و الذوق و الحب ده ؟
اللى يقرب منه يا جماعة ينسى أى حاجة بيحذفها له
...
و مهندسنا الحبوب ( وليد الحلو )فعلا حلوحلو فى منظرهحلو فى أخلاقه و أدبه و احترامه
و حلو حتى فى أكله
...
أنا كنت مفكر أنه زى الناس ما بتحكى عليهكل الكلام ده طلع إشاعاتأنت تشوفه تقول عامل ريجيم
...
أخويا أمجد حاجة تانية خالص
كفاية إنه قام لما زهق و مالقاش فايدة فى ميدو راح جاب لنا حلوياتحاجة تمشى القاعدة
معلش يا أمجد عندى أنا التقصير ده
مع إنى أعطيت ميدو تكاليف اللقاء كلهاعلى العموم لسة هانقعد و نتحاسب و يا ويله لو كان صرف حاجة من الفلوس اللى اديتها له
...
( نور المصرى )
إبراهيم ابن البلد بتاع شبراغاية فى الود و الحببيكلمك كأنك تعرفه و يعرفك من زمان
مش قصدى حاجة قديمة .. لأ
قصدى إنه مألوف و ودودخاصة البتاعة اللى كان شايله و كل شوية يدلق فى قلبها كيس معسل دى
...
( فريد )
محمد شعلة النشاط فى المنتدى
هادى جدا و متواضع و مؤدب
لا تسمع له نفس و هو قاعد
دماغه رايحة جاية تفكر فى الاستراتيجياتحتى كلامه اول ما تكلم كان فى الاستراتيحات
أنا و الله يا محمد متوقع لك فعلا مستقبل ممتاز فى الفوركس
ربنا يكرمك يا رب
...
أما المفاجأة كانت فى ( سبيسر 5 )
الدكتور البشرى ... تصدقوا ؟
اللى غلبنا بصوره فى المنتدىمرة بيضحك و مرة قليط
و مرة باصص جنبه
المهم طلع راجل سكرة
و كفايه إنه دكتوريعنى هنلاقى حد يعالجنا من إدمان و ضغط الفوركس
...
سايبك للآخر يا أبو أفكار طلقة
( يا ميدوا ) أحلى صباح على عيونك
الراجل ده فضل قاعد يتكلم مع إنه جاى متأخر و غلبنا كلام ... و فى الآخر طلع علينا بفكرة تودى فى داهية
ربنا يسترها معاه
على العموم متخافش مش هاقول لحدو ربنا يستر و الخبر ما ينتشرش
( بوحة) كان مساف
رو على العموم الصدمة اللى عرفتها إنه منوفى
لكن الحمد لله طلع أصله مش من المنوفية
...
و كان ضيف الشرف ( أبو كريم ) صهرىكان رجل هادئ جدا لدرجة إننا لم نسمع له صوت
.......................
لقاء أكثر من رائع
......

حب و ود و ألفة
عندما تجتمع مع المتاجر
فهو أنجح المتاجرين
...
هذا ما تجده فى قهوة المصريين

[mido]

ألف مبروك هذه الخطوة العملاقة ،
وهي خطوة ندعو إليها من زمان ،
ونتمنى بإذن الله أن تكون باكورة
"شبكة المتداول العربي"

اليوم في القاهرة ، وبكرة بإذن الله في عمان ،
وبعده في جدة ، وبعده في دبي ،
حتى تكون للمتداول العربي مقار في كل مكان
تماماً مثل "بيوت الشباب".

الله يبارك فيك يا قائد الفرسان

فعلا اتمنى ان يكون بيننا محبة ومودة واماكن نجتمع فيها

مهما فعلنا من مجهود صعب ان نوفى المتداول العربى حقة فى بث روح المحبة بين اعضائة

[طاهرالمصرى]

مبروك الافتتاح يا استاذ يا طيب

وان شاء الله لنا زيارة في القريب العاجل

بس بشرط

كل المشروبات والذي منه على حساب حبيبنا ابو عبدالرحمن

تحياتي وتقديري وبالتوفيق ان شاء الله تعالى

الله يبارك فيك يا جابر العثرات
و يا رب تجبرنا بزيارة اللقاء القادم
تحياتى و حبى

[mido]

السلام عليكم ورحمة الله وبركاته

وكل عام وأنتم جميعا بخير وفى تمام الصحه والعافيه

كان بودنا الذهاب لهذا اللقاء
ولكن مفيش نصيب ... علشان أول مره أسمع عن هذا الموضوع

ماشى يا ميدو ...
ما شى يا مشرفنا ... سمير صيام

طيب حتى رساله على الخاص

تحرمونا من لقاء الناس الحلوه دى كلها

ان شاء الله اللقاء القادم نلقاكم ...

وكل عام والجميع بخير

تنور وتشرف يا عسيرى باشا اليوت

ان شاء الله قريبا نعلن على لقاء قادم

شوف اول صفحة فيها جدول اللقاءات

يا جماعة ابقو قولو عن ميعاد اللقاء القادم

اللمة حلوة بردة

مندوب عن دايرة الشرابية يعنى

المحطة اللى قبل الاقهوة على طول

اهلا بعضو دايره الشرابية

حاضر المرة اللى جاية ننزل محطتك ونجيبك ونرجع تانى

[mido]

الف الف مبروك وربنا يجمعنا على الخير دايما يارب وربنا يباركلك يا استاذنا فى قهوتك بس ابقوا اعزمونا معاكم المرة الجاية

عضو من المنصورة ومنتدب فى مدينة نصر

الله يبارك فيك يا حبيبى

ان شاء الله المرة الجاية يكون لينا شرف لقاءك

ألف مبرووووووووووووك هذا الانجاز العظيم و هذا حقا هو المتداول العربى

همسة : يل ريت اللقاء القادم تعلنوا عنه عشان نعرف نحضر و لا دى اسرار و لا ايه ؟ هههههههههههه

الى الامام يا المتداول العربى ، و كل عام و انتم بخير

هههههههههههههه اسرار اية بس يا عموور باشا

دة انا اتمنى اشوف كل حبيايبنا

تنور وتشرف

[mido]

الله يباركلكم
الله يطعمنا شي طلعة على مصر بركي متعرف على الوجوه الطيبة

الله يخليك تسلم على كلامك الطيب

اى وقت تشرف فية تنورنا

[mido]

السلام عليكم جميعا و رحمة الله و بركاته
...
لا أستطيع أن أعبر عن مشاعر السعادة التى اكتنفتنى فى هذا اللقاء الذى امتلأ كله بالود و الألفةأٌول إيه و لا إيه ؟
ناس بصراحة مفيش زى كده ذوق و أدب و أخلاق
...
الأب (محمد حنفى )
فعلا أب كان بيكلمنى بل بيكلم كل واحد فينا على إننا أولاده فى ايه تانى أقوله عليه من أوصاف ؟
فعلا يا أستاذ ( محمد ) أنت أب لنا جميعا و هذا شئ يشرفنا و هذه ليست مجاملة.
...
أستاذ محمد ( ميدو ) معلم بجد
كفاية إنه شال الحساب كله( على فكرة يا ميدو أنا نسيت أحاسب زى ما اتفقنا كويس إنك كنت موجود )
...
أستاذنا المتواضع الخلوق ( سمير صيام )
ايه ده ؟ ايه الأدب و الذوق و الحب ده ؟
اللى يقرب منه يا جماعة ينسى أى حاجة بيحذفها له
...
و مهندسنا الحبوب ( وليد الحلو )فعلا حلوحلو فى منظرهحلو فى أخلاقه و أدبه و احترامه
و حلو حتى فى أكله
...
أنا كنت مفكر أنه زى الناس ما بتحكى عليهكل الكلام ده طلع إشاعاتأنت تشوفه تقول عامل ريجيم
...
أخويا أمجد حاجة تانية خالص
كفاية إنه قام لما زهق و مالقاش فايدة فى ميدو راح جاب لنا حلوياتحاجة تمشى القاعدة
معلش يا أمجد عندى أنا التقصير ده
مع إنى أعطيت ميدو تكاليف اللقاء كلهاعلى العموم لسة هانقعد و نتحاسب و يا ويله لو كان صرف حاجة من الفلوس اللى اديتها له
...
( نور المصرى )
إبراهيم ابن البلد بتاع شبراغاية فى الود و الحببيكلمك كأنك تعرفه و يعرفك من زمان
مش قصدى حاجة قديمة .. لأ
قصدى إنه مألوف و ودودخاصة البتاعة اللى كان شايله و كل شوية يدلق فى قلبها كيس معسل دى
...
( فريد )
محمد شعلة النشاط فى المنتدى
هادى جدا و متواضع و مؤدب
لا تسمع له نفس و هو قاعد
دماغه رايحة جاية تفكر فى الاستراتيجياتحتى كلامه اول ما تكلم كان فى الاستراتيحات
أنا و الله يا محمد متوقع لك فعلا مستقبل ممتاز فى الفوركسربنا يكرمك يا رب
...
أما المفاجأة كانت فى ( سبيسر 5 )
الدكتور البشرى ... تصدقوا ؟
اللى غلبنا بصوره فى المنتدىمرة بيضحك و مرة قليط
و مرة باصص جنبه
المهم طلع راجل سكرة
و كفايه إنه دكتوريعنى هنلاقى حد يعالجنا من إدمان و ضغط الفوركس
...
سايبك للآخر يا أبو أفكار طلقة
( يا ميدوا ) أحلى صباح على عيونك
الراجل ده فضل قاعد يتكلم مع إنه جاى متأخر و غلبنا كلام ... و فى الآخر طلع علينا بفكرة تودى فى داهية
ربنا يسترها معاه
على العموم متخافش مش هاقول لحدو ربنا يستر و الخبر ما ينتشرش
( بوحة) كان مساف
رو على العموم الصدمة اللى عرفتها إنه منوفى
لكن الحمد لله طلع أصله مش من المنوفية
...
و كان ضيف الشرف ( أبو كريم ) صهرىكان رجل هادئ جدا لدرجة إننا لم نسمع له صوت
.......................
لقاء أكثر من رائع
......

حب و ود و ألفة
عندما تجتمع مع المتاجر
فهو أنجح المتاجرين
...
هذا ما تجده فى قهوة المصريين

انتا تأمر يا طاهر

نورت وشرفت القهوه

كفاية مجيتك من سفر فى الجو الصعب دة

[مصطفى محمد صالح]

عاوز حقى عاوز حقى
الموضوع كبير يا جماعة
انا استاذنت احضر اللقاء ورد عليا اخى طاهر المصرى وقال تشرف وتنور وفى الاخر قال يا ميدو واحد اهوة حيدفع الحساب
صراحة اعصابى مش عارف اتلم عليها وجلست افكر وافكر وفى الاخر قولت اخلع لا الكلام يطلع صح وبعدين اعرف با ميدو الا انت عامل واجب كبير
على العموم انا عاوز حقى
اخوكم مصطفى
منتظركم

[YamedoA]

السلام عليكم

دا انتوا قاعدين هنا بقى وانا نايم على ودنى
اولا احب اشكر كل من حضر اللقاء وكل من ذكرنى بخير فهذا من اصلكم الطيب
ثانيا ..اللقاء كان اكثر من رائع بجد مع اننا كنا 11 واحد بس الا انه كان جميل جدا خصوصا وانه كان فى العيد
سيبك انت النجم هايفضل طول عمره نجم وكالعاده المتألق ميدو (العمده) كان لابس الجاكيته الكتانوالقميص اللبنى لدرجه وانا شايفه من بعيد حسيت انه نقيب فى المخابرات ..حبيبى ياحمام

انا انبسطت جدا جدا لما لاقيت انه الأساتذه الكبار وليد وسمير ومحمد حنفى منورين اللقاء واتضايقت من نفسى علشان جيت متأخر لأنى كان نفسى اجلس معاهم وقت اطول

اما عن امجودى فهذا رجل اخلاقه عاليه ويستحق ان نعطيه منصب وزير فى دوله قهوة المصريين

وتشرفت بالتعرف على كلا من طاهر المصرى البشوش الوجه والأخ سبيس والأخ نور والأخ فريدم

اتمنى انه بإذن الله اللقاء دا يتكرر كثيرا ويكون له شكل ونظام حتى نخرج من بأكبر قدر من الإستفاده

اجمل مافى اللقاء انه كان بعيد عن الموفينجات والإستراتيجيات والحركات ههههه ودخلنا فى مشروع الأرانب ومنتدى الأرانب العربى ومنتدى الأرانب العام وكان من ضمن المعرفات المقترحه معرفات غايه فى الجمال منها على سبيل المثال (عاشق الأرانب) (أرنوبى طموح) (متيم الأرانب) (ارنوبى طماع) هههههههههه
واتكلمنا عن الطرق والإستراتيجيات اللى هاتنزل تكسر الدنيا فى منتدى الأرانب العام فعلى سبيل المثال اقترح اخونا ميدو (موفينج برسيم) (استراتيجيه الأرانب القويه )
بس فى الأخر اكتشفنا انه مشروع فاشل وكله نصب وبالتالى سيبقى الحال الفوركسى كما هو عليه الى ان يأتى احدهم بفكرة قويه لمشروع بسيط وجميل ونطبقه كلنا بإذن الله مع بعض

همسه.. تحيه خاصه لمنتدى المتداول العربى ورواده فهو من جمعنا وهو من عرفنا ببعض
بابا المتداول العربى
اخوكم yamedoa