اختراع الكتاب الالكتروني ...

[Dr.GM]

بسم الله الرحمن الرحيم
==================
النهارده الصبح على قناه ABC الاخباريه في برنامج صباح الخير يا امريكا (محدش يضرب)
كانو بيعلنوا عن جهاز اسمه amazon kindle
الكتاب عباره عن نسخه اوليه تماما من كتاب ولكل مع اختلاف ان وزنه اخف بكتير ويستطيع حمل حتى 200 × 600 = 120000 صفحه (حوالي 200 كتاب) ناهيكم عن امكانيه الكتاب الالكتروني على الاتصال بالانترنت للحصول على الاخبار بنظام RSS او الاخبار المبسطه طبعا هناك بعض العيوب والميزات

نتكلم على الميزات الاول :
- سعره 400 دولار ( بعد عشر سنين هيكون بعون الله بـ 20 دولار على اقصى تقدير )
- بيحمل 200 كتاب ( تكلفه الكتاب الواحد هتكون 9 دولار )
- محمول لاي مكان ويتحدث بشكل مستمر و يقلل من الورق المستخدم للطباعه بنسبه 100%
- ممكن الكتاب الاكتروني ده يستبدل مكتبه كامله في الطياره وخصوصا على الرحلات طويله المدى اللي فوق ال 12 ساعه ... طبعا هيكون عليه قصص و كتب وروايات ومجلات و خلافه ... هيكون اختراع هتتخاطفه شركات الطيران
- ما ان يدخل الاختراع ده المدارس .. الطالب هيستلم الكتب على الجهاز ده اول السنه بس وهيوفر تمن الطباعه بكل تأكيد بالإضافه انه يمكن استعماله لجميع سنوات الدراسه بالإضافه إلى تخفيف وزن البضاعه اللي على الطالب حملها من وإلى المدرسه يوميا (معالجه مشكله تقوس الظهر)
- الوزن الخفيف جدا مقارنه مع الكتب اللي هيشيلها
- الاهم في الموضوع ده كلو بالرغم انو اختراع صغير ولكن هيقلل من استهلاك الاوراق بشكل كبير جدا واللي بدورها هتقلل من قطع الاشجار واللي بدورها هيقلل من الاحتباس الحراري قليلا

طبعا دي نسخه اوليه مش قويه جدا علشان كدا لسا فيها عيوب
- لا يوجد اضاءه خلفيه يعني لا يمكنك القراءه ولا يوجد اضاءه في الغرفه مثلا
- البطاريه تعمل 30 ساعه فقط (وتعتبر عيب قوي )
- الشاشه ابيض واسود
- لا يمكنك رسم بطه ولا عين و لا شجره و قلب على الورق ... وده اللي بيخلي القراه من الكتب الحقيقه ليها طعم تاني
- كأي جهاز الكتروني هيكون حساس للصدمات والحراره و الرطوبه و خلافه


بداية موفقه جدا للأختراع ده


تحياتي

[Spacer5]

شكرا على نقل الخبر

إختراع جديد من ضمن الاختراعات المبهرة اللى بيعملوها بإستمرار

عقبال مانبقى زيهم ان شاء الله

ان شاء الله هابقى اشتريه

يمكن استنى لما يبقى سعره 20 دولار

[Dr.GM]

شكرا على نقل الخبر

إختراع جديد من ضمن الاختراعات المبهرة اللى بيعملوها بإستمرار

عقبال مانبقى زيهم ان شاء الله

ان شاء الله هابقى اشتريه

يمكن استنى لما يبقى سعره 20 دولار

الموضوع مش منقول يا حبي
انا مش من النوع دا
لازم نبحث في الخبر يمكن ناخد توكيل البتاع ده في مصر كمان 600 سنه ولا حاجة

[Spacer5]

الموضوع مش منقول يا حبي
انا مش من النوع دا
لازم نبحث في الخبر يمكن ناخد توكيل البتاع ده في مصر كمان 600 سنه ولا حاجة

ماشى يا عم الوكيل
يعنى اخبارك طازة يعنى
ابقى ظبّـطنا دايما

[Dr.GM]

متابعه من قلب الحدث
===============
الكتاب (الجهاز) لسا نازل من 24 ساعه (وان كانت الاخبار عليه من اكتر من شهرين)

حتى الآن نزل له 91,237 كتاب للتحميل (بسعر يتراوح من6 دولار وحتى ال 1000 دولار ... بتخفيض حوالي من 75% إلى 90% ... عن سعر الكتب المطبوعه )

بالإضافه لحوالي 8 من كبري الصحف الامريكية اصدرت نسخ خاصه له عن طريق اشتراك شهري بتكلفه تتراوح من 6 إلى 14 دولار (تحصل على الجريده كل يوم )
اعتقد دا اوفر من مصر الواحد بيدفع 40 جنيه جرايد شهريا هيدفع 36 جنيه تقريبا... بالنسبه للامارات الواحد بيدفع تقريبا 80 درهم جرايد هيدفع 24 درهم بس ...(شهريا)

نزل له 8 مجلات اسبوعيه .... المجله تباع اصلا في حدود ال 4 دولار يعني 16 دولار شهريا .... دلوقتي بقا مع الاختراع ده ... العدد يباع بـ دولار واحد ... اي اجمالا 4 دولار ... (الاشتراك الشهري بـ 1.5 دولار)

يوجد به حاليا موسوعه متصله 24 ساعه باكبر واحدث موسوعه في العالم من wikipedia
بالإضافه لوجود مترجم كامل لجميع لغات العالم (بشكل ادق 16 لغه فقط )

نتابع

[Dr.GM]

ماشى يا عم الوكيل
يعنى اخبارك طازة يعنى
ابقى ظبّـطنا دايما

انتا تؤمر ...