الاختلاف في البط لا يفسد للوز قضية .. استراتيجية ducks 3

في البداية الموضوع منقول من منتدي أجنبي
انا بجيب استراتيجيات وطرق كتير وكل واحد واللي يناسبه بقي

لكن أنا كل ما هلاقي حاجة جديدة هجيبها ومش شرط انك تشتغل بكل الطرق لكن نقيلك طريقة تناسب ظروفك

وزي ما قلت

:18:الاختلاف في البط لا يفسد للوز قضية :18:

إليكم استراتيجية 3 ducks

تعتمد الاستراتيجية علي مجرد إضافة فكرة لخط SMA 60

النظام ده (زي مابيقول اللي عمله) سهل جدا وواضح جدا وهو بينفع لما بيكون السعر ماشي في اتجاه واحد ومش قاعد في منطقة معينة مش عايز يتحرك منها

علشان كدا النظام ده هيخلينا بعيد عن الصفقات السيئة ويديلنا فرصة عظيمة اننا نكسب كويس

لكن طبعا مع إدارة مال ومخاطر جيدة (لكل شيخ طريقة)

الطريقة هتخلينا نقرر إذا كنا هنبقي دببه ولا تيران (أنا عايز ابقي عصفورة أخطف وأطير:016:)

ببساطة مش هنستخدم غير الموفنج سمبل 60 وبس

طريقة العمل

الخطوة الأولي

نلقي نظرة علي فريم ال 4 ساعات وتخلي معاك ورقة زي التلميذ المجتهد وتكتب فيها السعر فوق ولا تحت خط 60

لو فوق ال60 يبقي تبتدي تفكر في اللونج

لو تحت ال60 يبقي تبتدي تفكر في الشورت

**************

الخطوة الثانية

نجيب فريم الساعة ولازم يتطابق مع فريم الاربع ساعات يعني يدينا تأكيد أن السعر يكون فوق خط 60 أو تحت خط 60 زي أربع ساعات بالظبط ولو ماتطابقش يبقي الحلو مايكملش ونسيب الزوج لو تطابق نروح للخطوة الثالثة

**************

الخطوة الثالثة

هنفترض ان الشرط الأول والثاني تحققوا بيع يعني في الشارتين السعر تحت خط 60 يبقي في الحالة دي ندخل علي فريم الخمس دقائق ونقوم بالدخول بمجرد نزول السعر عن خط موفنج 60

**************

نشوف الشارتات في المرفقات وكالعادة فاصل ولنا عودة مع الأهداف والاستوب لوس فتابعونا

**************
تم وضع التمبلت موضح عليه ال 3 موفنجات علي شارت الخمس دقائق

بحيث أن خط موفنج 60 سمبل لشارت اربع ساعات لونه أصفر وخط موفنج 60 سمبل لشارت الساعة لونه أحمر وخط موفنج 60 سمبل لشارت الخمس دقائق لونه أبيض

وقد تم وضعهم كلهم في شارت الخمس دقائق للتسهيل

هههههههههه
ايه الاسم اللذيذ ده .. فتحت نفسى ع الاستراتيجية :0023:
بالتوفيق يا " فريد " :012: ومتابع معاك ان شاء الله

اقتباس:

---

المشاركة الأصلية كتبت بواسطة Spacer5

هههههههههه
ايه الاسم اللذيذ ده .. فتحت نفسى ع الاستراتيجية :0023:
بالتوفيق يا " فريد " :012: ومتابع معاك ان شاء الله

---

ماشي يا عم سبايسي علي الله الناس تتابع .. شكلها مش عاجباهم .. علي فكرة الاستراتيجية دي جامدة جدا جدا ومابتدخلكش عكس السوق أبدا

تحياتي

نكمل الموضوع

بالنسبة لاستوب لوس فدي بتختلف من متاجر لآخر أو من عملة لأخري فعندك كذا حل يا إما تعتمد علي القمم والقيعان يعني لو انت داخل لونج يبقي تحت أقرب قاع مثلا بخمس نقط

وممكن بالنسبة للأزواج بنت الحلال (مش المجانين) تثبت استوب 30 نقطة

**************

الهدف

الهدف نستخدمله بردو القمم والقيعان يعني داخل لونج الهدف عند أقرب قمة وهكذا وممكن تستخدم الدعوم والمقاومات اللي مالية البلد

**************

ملاحظات مهمة جدا جدا جدا

1- دايما كل الاختراقات الكاذبة في آسيا فمش محتاج أحذر من العمل في آسيا (نشتغل أوروبا وأمريكا بس وننام بالليل)

2- الطريقة بتشتغل حلو أوي علي الباوند دولار واليورو دولار لكن مفيش حاجة تمنعك من أزواج تانية تجربها معاها

3- الطريقة مش بتدخلك أبدا عكس الترند فتوكل علي الله واعرف انك داخل مع الاتجاه الصحيح

4- طبعا مش لازم ننبه اننا ناخد بالنا من الأخبار ومن الاجازات والذي منه

5- لو علي فريم الخمس دقائق السعر عكس وأغلق فوق موفنج 60 بعد ما تكون دخلت شورت مثلا تخرج فورا

6- في حالة الدخول لونج ندخل بعد إغلاق شمعة صعود وفي حالة الدخول شورت ندخل بعد إغلاق شمعة هبوط

**************
متهيألي من أسهل وأبسط الطرق اللي شفناها .. عموما منتظر أي استفسارات لو في .. لو عجبتكو دعوة للي ترجمها

تحياتي يا أعضاء أحلي منتدي

انا اعز البط جدا علي فكره !!

متابع معاك يا برنس

متابعين ياقمر .. :boxing:

موش عارف الناس ليه بتهرج مع ان الموضوع واضح انه ظريف ودمة خفيف :inlove: !!! ...
بطة وللا اتنين وللا ثلاثة . ايه المشكلة يعني !!! :ongue:

اهم حاجة الاخ spacer5 يسيبلنا حتة على العشا:Emoticon1:

اقتباس:

---

المشاركة الأصلية كتبت بواسطة HAMEED

انا اعز البط جدا علي فكره !!

متابع معاك يا برنس

---

أي خدمة يا عم حميد مش جايبك بطة واحدة أنا جايبلك 3 بس انتا نقي اللي يعجبك :0023:

اقتباس:

---

المشاركة الأصلية كتبت بواسطة waleed

متابعين ياقمر .. :boxing:

موش عارف الناس ليه بتهرج مع ان الموضوع واضح انه ظريف ودمة خفيف :inlove: !!! ...
بطة وللا اتنين وللا ثلاثة . ايه المشكلة يعني !!! :ongue:

اهم حاجة الاخ spacer5 يسيبلنا حتة على العشا:Emoticon1:

---

لا علي فكرة يا معلم وليد الناس في المنتدي الأجنبي مبهورين بالطريقة رغم انها جديدة لسا مكتوبة انهاردة الصبح (لسا طالعة من الفرن يعني) بس شكلها جامد جدا .. عموما خدوها مني نصيحة أي استراتيجية بتعتمد علي الدخول مع الترند بتبقي ناجحة خصوصا لو ترند 4 ساعات

مش عايز حد يهرج لو سمحتوا :0006:

والله يا محمد انا واكل فراخ النهاردة فمش هعرف احكم على البط :0023:

ان شاء الله تكون كويسة هجربها واقولك
بس فى نقطة مهمة مش مهم يكون فى طرق كتير بتنزل المهم هى متابعتها يعنى انت ماشاء الله فتحت كذا طريقة لكن اين المتابعة فى النهاية الحصاد لايوجد
لابد من متابعتك لموضوعك والا مش هيبقى فى اهتمام به
للى عايز يسال عن حاجة وهكذا

تسلم ياغالى على الوز والبط بس خلى بالكم من انفلونزا الطيور

التمبليت والمؤشر في المرفقات
المؤشر يمكنك من رؤية خط الموفينغ 60 على أربعة ازمنة في وقت واحد لاتخاذ القرار فوراً

بالتوفيق وشكراً لصاحب الموضوع

اقتباس:

---

المشاركة الأصلية كتبت بواسطة سمير صيام

والله يا محمد انا واكل فراخ النهاردة فمش هعرف احكم على البط :0023:

ان شاء الله تكون كويسة هجربها واقولك
بس فى نقطة مهمة مش مهم يكون فى طرق كتير بتنزل المهم هى متابعتها يعنى انت ماشاء الله فتحت كذا طريقة لكن اين المتابعة فى النهاية الحصاد لايوجد
لابد من متابعتك لموضوعك والا مش هيبقى فى اهتمام به
للى عايز يسال عن حاجة وهكذا

تسلم ياغالى على الوز والبط بس خلى بالكم من انفلونزا الطيور

---

ماشي يا أستاذ سمير إن شاء الله هتابع الموضوع علشان الناس تهتم أنا بس بحب انقل الطرق علشان كل واحد يختار اللي يناسبه وشكرا علي مرورك وتشريفك لينا يا زعيمنا

اقتباس:

---

المشاركة الأصلية كتبت بواسطة ForexBroker

التمبليت والمؤشر في المرفقات
المؤشر يمكنك من رؤية خط الموفينغ 60 على أربعة ازمنة في وقت واحد لاتخاذ القرار فوراً

بالتوفيق وشكراً لصاحب الموضوع

---

شكرا يا أستاذ جورج علي المؤشر .. ربنا يبارك فيك يا غالي

اقتباس:

---

المشاركة الأصلية كتبت بواسطة ForexBroker

التمبليت والمؤشر في المرفقات
المؤشر يمكنك من رؤية خط الموفينغ 60 على أربعة ازمنة في وقت واحد لاتخاذ القرار فوراً

بالتوفيق وشكراً لصاحب الموضوع

---

مشكور اخي

اقتباس:

---

المشاركة الأصلية كتبت بواسطة ForexBroker

التمبليت والمؤشر في المرفقات
المؤشر يمكنك من رؤية خط الموفينغ 60 على أربعة ازمنة في وقت واحد لاتخاذ القرار فوراً

بالتوفيق وشكراً لصاحب الموضوع

---

ممكن بس حضرتك توضحلنا ازاي بيشتغل المؤشر علشان ماعرفتش اشغلهه .. شكرا ليك

اقتباس:

---

المشاركة الأصلية كتبت بواسطة freedomfighter

شكرا يا أستاذ جورج علي المؤشر .. ربنا يبارك فيك يا غالي

---

تكرم عينك :eh_s(7):

وللتخفيف من ضغط العمل هذا الكاريكاتور من يوم أمس بعد
صدور أخبار بعودة انفلونزا الطيور إلى بريطانيا