استراتيجية samtaq(تحليل فني+مؤشرات)

[فيصل-أبو سعيد]

كل عام وانت بخير

متابعين معاك وفقك الله وجزاك كل خير

[samtaq3]

بصراحة انا لاقيت ان الموضوع مش لاقي اهتمام من الناس لاني عارف ان ناس كتير بتبقي عاوزة استراتيجية مقشرة يعني سهم طالع شراء سهم نازل بيع

و انا الفكرة اللي عندي عاوزة مجهود كبير و عشان كدة حبيت اشارك بيها عشان كلنا نستفاد كلنا و في نفس الوقت يكون فيه ورشة عمل

و بصراحة لما لاقيت فيه ردود جديدة فرحت ان فيه ناس الفكرة عاجباها و عشان كدة هاكمل بس انا نفسي المتابعين يكونوا علي استعداد انهم يتعبوا معايا في التطوير و الاراء لاني زي ما قلت الموضوع عاوز مجهود مش قليل

المشاركة الجاية هاكمل

[عِماد نُعمان]

يا باشا كلنا متابعين معاك بس انت مكملتش الشرح ...

ولله متابع موضوعك باهتمام و الفكرة عجباني جدا بس كمل الشرح و خلينا نستفاد

[samtaq3]

طيب دلوقتي اصبح عندنا الشارت الاساسي جاهز
- نبدأ بالويكلي و نرسم فيبوناتشي باللون الاصفر مثلا
- نحدد بعض المقاومات و الدعوم بمساعدة الفراكتلز و الزيجزاج او لو فيه مقاومة كانت باينة و واضحة و مفيهاش و لا دة و لا دة ممكن نستعين بيها
-نرسم ترند بين بمساعدة الفراكتلز

و دة باين في الشارت اللي قدامكم

في انتظار اي اسئلة

[samtaq3]

يا باشا كلنا متابعين معاك بس انت مكملتش الشرح ...

ولله متابع موضوعك باهتمام و الفكرة عجباني جدا بس كمل الشرح و خلينا نستفاد

اشكرك علي اهتمامك جدا و دة شرف لي بجد

[عِماد نُعمان]

مين الفراكتلز دا يا غالي ..


و يا ريت ترفق المؤشرات المستخدمة

[Hani_mohd]

كل عام وانتم بخير
فكرة ممتازة
متابع.....ز

[panachit]

تسجيل حضور و متابعة لكن اول مرة اسمع عن مؤشر الفراكتلز كدلك لم الاحض على الشارت الا الزيغزاج و الفيبوناتشي

[samtaq3]

طيب قيل مانروح للديلي احنا هدفنا ايه؟
هدفنا استنباط نقط قوية كدعم و مقاومة قد تكون بعيدة عن السعر الحالي حتي لو 200 نقطة المهم تكون نقطة قوية نتوقع منها ارتداد قوي
انا عن نفسي حددت ان النقطة القوية محتاجة سببين للدخول عندها
او سبب و احد قوي جدا زي دعم او مقاومة تاريخية و مستوي فيبوناتشي 61.8 علي موجة كبيرة ديلي او ويكلي
غير كدة لازم وجود سببين علي الاقل للموافقة علي انها نقطة قوية


نيجي للديلي
هانستخدم فيه الفيبوناتشي باللون الازرق و المقاومات باي لون تاني بنفس الطريقة
و مبدئيا مش هانستخدم الترندات في الديلي منعا لكثرة الخطوط

يعني كل اللي هايكون عندي هو فيبوناتشي علي الديلي لموجة او اتنين بالاكتر و فيبوناتشي علي الويكلي + بعض المقاومات و الدعوم القوية و لو في ترند علي الويكلي ناخد بالنا منه و بكدة الموضوع هايكون بسيط

يعني في المثال اللي قدامنا طبعا مع مراعاة ان السوق الفترة دي متخلف عقليا

و لكن عشان نشوف امثلة

شارت الويكلي ماكانش فيه غير الترند قريب و لكن الترند لما حولنا علي الديلي كان متدغدغ يعني مش موضع قوة اوي و بالتالي بنلغيه

ملحوظة تانية في استنباط النقط
بالنسبة لفيبوناتشي احنا بنعتمد علي فكرة الارتداد يعني لو فرضنا ان الموجة اتكونت علي الويكلي و السعر كسر مستوي 23 و ارتد من 38 انا عن نفسي بعتبر اان مستوي 23 دة خلاص مالوش لازمة و نفس الكلام لو السعر كسر 38 و 50 و ارتد من 61.8 اذا مستويات فيبوناتشي المكسورة لا تؤخذ في الحسبان علي عكس المقاومات اللي لما تتكسر تتحول دعوم و الدعوم تتحول مقاومات

اتمني تكون الملاحظة دي مفهومة لانها مهمة

طيب اذا انا اقرب نقطة ممكن استعين بيها من الويكلي هي 160.38 و لما شوفتها بالظبط كانت 160.46 ودي دعم علي الويكلي و يعيبه انه اتكسر مرتين من الديلي و لكنه مازال قوي لان السعر ارتد منه قبل كدة حوالي 700 نقطة

طيب لو روحنا للديلي و رسمنا فيبوناتشي و دعوم هانلاقي
كان عندنا مستوي 50 % + دعم سابق عند نقطة 161.89 و دي منطقة دعم قوية اتجمع عندها سببين للدخول و بالتالي يوم 20 -12 كانت عندنا النقطة دي ممكن تدخل

طبعا دة كان مثال سريع لاستنباط النقط القوية بس لمجرد شرح الجزء الاول من الفكرة و هو ايجاد النقط

زي ماقلنا انا عاوز نقطة قوية تعمللي رد فعل قوي
طيب لو انا في الشهر بس طلعت 3 نقط قوية بالمنظر دة علي كل زوج اذا انا ممكن يكون عندي 60 فرصة في الشهر و لكن طبعا دول هايتفلتروا بالجزء التاني

[samtaq3]

الفراكتلز هو المؤشر اللي موجود في الاعدادات الاساسية في الميتاتريد و هو بيكون موجود فوق القمم و تحت القيعان بناء علي فكرة ان القمة هي عبارة عن شمعة الهاي بتاعها اعلي من الهاي بتاع الشمعتين اللي قبلها و اللي بعدها و القاع العكس

[كريم الاسكندرانى]

[QUOTE=جيتـGuiTaRـــار;525055]

مين الفراكتلز دا يا غالي ..


و يا ريت ترفق المؤشرات المستخدمة

[/QUOTEهذا هو الفراكتلز
]

[samtaq3]

اتمني يكون ردي افادكم و تكونوا لاقيتم المؤشر
انا لحد دلوقتي المؤشرات المستخدمة هي الزيجزاج و الفراكتلز و هو موجودين اساسا في الميتاتريد المؤشر اللي بالاسفل دة جزء اضافي مش هاشرحه دلوقتي و هو عبارة عن مؤشر cci و لكن بشكل مختلف و دة بعد مانخلص الطريقة الاساسية ممكن هو يدينا فرص تانية بس دة الجزء الثالث

اقبل مابدأ الجزء التاني و هو عملية الدخول
انا علي استعداد اني ارد علي اي اسئلة

انا عارف ان شرحي مش كويس بس ممكن الاسئلة توضح اكتر اللي انا عاوز اقوله

[samtaq3]

[QUOTE=كريم الاسكندرانى;525109]

مين الفراكتلز دا يا غالي ..


و يا ريت ترفق المؤشرات المستخدمة

[/QUOTEهذا هو الفراكتلز
]

اشكرك علي مساعدتك و علي تواجدك معانا دة شرف لي

[Hani_mohd]

ما شاء الله شرحك ممتاز ..... ولكن لو سمحت عندي سؤال
بالنسبة للشارت الذي وضعته السعر في 20/12 ارتد من خط الفيبوناتشي 50 على الديلي اذا شو عمل الفيبوناتشي الأسبوعي ؟

[samtaq3]

الفيبوناتشي الاسبوعي لاستنباط النقط القوية

يعني انا بطلع النقط الاسبوعية و اليومية و المنطقة اللي فيها اي نقطتين متجمعين هاتكون دي منطقة العمل بالنسبة لينا