لهذا السبب (( الاهلى فوق الجميع )) صور و فيديو

[وليد الحلو]

السلام عليكم و رحمه الله و بركاته

بقالى يومين من ساعه هزيمه الاهلى من النجم الساحلى و انا بتفرج على حاجات تشيب و الله
سيبكوا من النجم الساحلى دلوقتى
ده اشقاء اللقب مراحش بعيد ... و النجم خسر من الاهلى فى السوبر الافريقى و بطوله افريقيا ايضا فى السنوات السابقه و لم يعترضوا و لكن جاهدوا و ثابروا و كان التوفيق معهم

نتكلم على جماهير الزمالك و الاسماعليى و المصرى
العريقه - الاصيله - المصرية

طب انا اتكلم ليه ؟
خلى الصور و الفيديوهات تتكلم ....ملاحظه كل الصور و الفيديوهات من المواقع الرسمية للاندية الثلاثة















الفيديوهات

تقرير دريم وفرحه اسماعيله بفوز النجم الساحلى (تحميل)

تقرير دريم عن سلوك الجماهير قبل مبارة الاهلى والنجم (مشاهدة)

من أحد المقاهى فى الاسماعيلية (مشاهدة)

فرحة جماهير الاسماعيلى بعد فوز النجم وفضيحة الاهلى فى القاهرة 1 (مشاهدة)

فرحة جماهير الاسماعيلى بفضيحة الاهلى امام النجم الساحلى 2 (مشاهدة)

فرحة جماهير الاسماعيلى بفضيحة الاهلى امام النجم الساحلى 3 (مشاهدة)

فرحة جماهير الاسماعيلى بفضيحة الاهلى امام النجم الساحلى 4 (مشاهدة)

فرحه جماهير المصرى بسقوط الاهلى (مشاهدة)
...

حاجة تكسف مش كده

أخر حاجة احب اقولك لهذه الاندية خسرتوا كل حاجة
المصريين كرهوكم و التونسيين لن يحترموكم


ودى و تقديرى

[منورة]

وايه الى دخل الزمالك وجماهيره بالموضوع ده دول كلهم اسمعلاوية واظاهر مبسوطين جدا من هزيمة الاهلى

[وليد الحلو]

وايه الى دخل الزمالك وجماهيره بالموضوع ده دول كلهم اسمعلاوية واظاهر مبسوطين جدا من هزيمة الاهلى

شوف الكليبات يا أخى و انت تعرف ايه اللى دخل جماهير الزمالك خصوصا اول و تانى كليب و اتفرج على تيشيرت الصفاقسى فى مدارجاتكم

و لو عايز تانى ادخلك على الموقع الرسمى للزماكل و اجيبلك انت تأمر


ودى و تقديرى

[hadi75m]

يا وليد يا حلو
دول كدابين الزفه او الفرح
لو دققت النظر لهذا المشجع الذى يشير الى علم اخواننا التوانسه ليس بأنسان طبيعى
دول فرق فاشله ودائما وابدا الفاشل يتمنى الفاشل الفشل للناجحين وهذا هو الحقد بعينه والحسد
اما من يفشل ويحاول ان يصل الى طريق النجاح يتمنى لكل ناجح ان يستمر
اعتقد انه ليس شعور عام لدى جماهير تلك الانديه ولكن كما قيل وسيقال انهم قله لاتعبر الا عن ذاتهم
اولا لو نظرت الى الانديه الثلاثه
ادارات من فشل الى فشل
الانديه الثلاثه تتسول من رجل واحد هو الامر الناهى فى كل مجريات هذه الانديه
لو ان احدهم ترك النادى لاصبح فى خبر كان
اما من يعتمد على ذاته فى كل شئ بل يحقق الارباح بالطبع لابد ان يكون مكروه من الفاشلين ومحبوب من الناجحين
الاهلى فوق الجميع واتغاظوا اكتر يا حاقدين يا كدابين الزفه

ارفع رأسك لفوق انت اهلاوى

[ehabbb]

فعلا حاجه تكسف

الان لو الاسماعيلى او المصري او الزمالك لعبوا مع اى فريق اخر غير مصرى

.

.
.
.
.
.
.
.
.
.
.
.
.

برضوا هشجعهم لانهم فرق مصريه ...

[طاهرالمصرى]

أصعب شىء أن تجد الفاشل يهتق بأعلى صوته :
يسقط الناجحون
يسقط رموز الكرامة لمصر
لا يوجد عاقل أو مجنون فى هذا البلد يفرح لخسارة الأهلى
فكيف بهؤلاء
على أى فئة يصنفون ؟
إنهم الفشلة صناع الفشل
كيف واحد مصرى عاقل يا عالم يهتف ضد فريق بلده
دول ناس مكانهم الهامش فى التاريخ و الواقع
و للأسف هذه النوعية موجودة فى كل مجال من حياتنا
فى العمل و فى التجارة و فى المدرسة و فى الجامع
و فى المصنع و فى الشارع
شخصية الفاشل الذى لا يعجبه و لا يريحه نجاح الأخرين
مرضى نفسيين قل
معقدين نفسيا قل
يشعرون بالحرمان قل
لكنهم على أى حال غير طبيعيين
أين الوطنية ؟
أين النخوة ؟
أين الكرامة ؟
إن وجدتها أنى وجدتها فلن تجدهم هناك

[محمد غنام]

[بدر هادي]

حاجه غريبه جداا
لكن سؤال للكل وخاصه الاهلوايه ومحبي الرياضه للفرجه بس اسمه رياضي على اي مش عارف
فهو لا يمارس اي رياضه اللهم الفرجه
فاز النادي الفلاني او خسر تحرق دمك ليه اي هو انت اللي خسرت ولا اللي ربحت
عاوز تشجع فريق شجع لكن التزم بالروح الرياضيه واللعب النظيف واستمتع بالمنافسه
هذه هي الرياضه.

[نادر درويش]

الصوة المرفقه كانت لجماهير الاهلى قد رفعتها تعبير عن فرحتها بخروج الاسماعيلى بضربات الجزاء امام أهلى بوعريج الجزائرى من البطوله العربيه .
وتقول أن الاهلى فوق الجميع !!! فكان من الطبيعى ان ترد جماهير الاسماعيلى على جمهور الاهلى وكانت الفرصه ليله الجمعه.

[hadi75m]

الصوة المرفقه كانت لجماهير الاهلى قد رفعتها تعبير عن فرحتها بخروج الاسماعيلى بضربات الجزاء امام أهلى بوعريج الجزائرى من البطوله العربيه .
وتقول أن الاهلى فوق الجميع !!! فكان من الطبيعى ان ترد جماهير الاسماعيلى على جمهور الاهلى وكانت الفرصه ليله الجمعه.

الاخ الكريم
ما هو دليلك على ان جماهير الاهلى هى التى كتبت تلك العبارات
هات الدليل قبل ان تتهم جماهير الاهلى العظيمه
تحياتى

[صاحب سمو المشاعر]

معلش برضو بس الزمالك يعني عشان خاطري ما حدا يجي فيه خلوه بره اللعبة

[سمير صيام]

شوف يا نادر
مع انى مبحبش اكتب فى الحاجات دى
العصبية الكروية منبوذة من الجميع حتى لو كان من جمهور الاهلى

ولا اجد عاقل واحد يفكر تفكير عملى وواقعى انه يشجع فريق منافس لاى فريق من فرق بلده
انا ممكن متاثرش لهزيمة الزمالك او الاسماعيلى لو لاعبوا فرق اجنبية او عربية اخرى لكن لن افرح لهزيمتهم ولن اشجع فريق منافس لهم
هل من العقل والحكمة انه شخص يقول اشجع اسرائيل لو لعب مع الاهلى او لعب مع الزمالك

هل شخص مثل هذا مسلم يوحد بالله انه يفكر انه يكون حتى ضد دينه عشان الكورة
المثل بيقول انا واخويا على ابن عمى وانا وابن عمى على الغريب
يعنى مهما حصل لا تصل الامور مثل هذه التصرفات بصرف النظر من هو

شخصيا وبرغم الظلم الذى وقع على الاهلى فانى ساشجع النجم الساحلى فى كاس العالم للاندية لانى عربى ولازم اشجع الفريق اللى بيمثلنى لانه فى حالة توفيقه ونجاحه هيرفع راس العرب كلهم
اما الشعارات التانية اسمح لى منبذوة

خلينا ننسى اللى بيحصل وياريت بلاش نمشى ورا ناس لا عقل لها وننقاد وراها ونفكر بطريقة صحيحة

[نادر درويش]

اهلين استاذ سمير .
أنا فلسطينى بس بحب اتابع الكرة المصريه وخاصه النادى الملكى (الزمالك) ولكن ليس متعصب . بس من خلال عرض الموضوع تظهروا أن جماهير الاهلى ما بتغلط ولا يفرحوا جماهيرة بهزيمه الزمالك او الاسماعيلى من فرق أجنبيه . فأنا كان عندى دليل ان جماهير الاهلى تفرح وتشمت لهزيمه اى فريق مصرى وخاصه الزمالك والاسماعيلى . وبدكم راجعوا موقع نادى الاسماعيلى

[سمير صيام]

اهلين استاذ سمير .
أنا فلسطينى بس بحب اتابع الكرة المصريه وخاصه النادى الملكى (الزمالك) ولكن ليس متعصب . بس من خلال عرض الموضوع تظهروا أن جماهير الاهلى ما بتغلط ولا يفرحوا جماهيرة بهزيمه الزمالك او الاسماعيلى من فرق أجنبيه . فأنا كان عندى دليل ان جماهير الاهلى تفرح وتشمت لهزيمه اى فريق مصرى وخاصه الزمالك والاسماعيلى . وبدكم راجعوا موقع نادى الاسماعيلى

شوف الجماهير دى شريحة من المجتمع والمجتمع فيه الكويس وفيه الوحش
فاذا كان فى جماهير بتغلط من اى نادى فمش معنى كده ان الجميع يقبل كده
حتى لو كان من الزمالك وعمل كده فانا لى اصحاب زملكاوية ولا يحصل منهم كده

انت ترعف ان الانترنت هو سبب من الاسباب اللى بيتجمعوا فى المنتديات الرياضية والمواقع الرياضية هى اللى بتعمل كده لاى جمهور من جماهيرها
صدقنى انا شخصيا كاهلاوى لا افرح انه يكون هناك خطا ضد نادى الزمالك من اى موقع اهلاوى
سواء كان رسمى او غير رسمى

فى النهاية لاعبى الاهلى والزمالك اغلبهم اصحاب وفى النهاية بيلعبوا جنب بعض فى المنتخب
فلا يصح اللى بيحصل مهما كان

[نادر درويش]

[quote=سمير صيام;479723]

شوف الجماهير دى شريحة من المجتمع والمجتمع فيه الكويس وفيه الوحش

فاذا كان فى جماهير بتغلط من اى نادى فمش معنى كده ان الجميع يقبل كده
حتى لو كان من الزمالك وعمل كده فانا لى اصحاب زملكاوية ولا يحصل منهم كده

انت ترعف ان الانترنت هو سبب من الاسباب اللى بيتجمعوا فى المنتديات الرياضية والمواقع الرياضية هى اللى بتعمل كده لاى جمهور من جماهيرها
صدقنى انا شخصيا كاهلاوى لا افرح انه يكون هناك خطا ضد نادى الزمالك من اى موقع اهلاوى
سواء كان رسمى او غير رسمى

فى النهاية لاعبى الاهلى والزمالك اغلبهم اصحاب وفى النهاية بيلعبوا جنب بعض فى المنتخب
فلا يصح اللى بيحصل مهما كان

شكرا الك أستاذ سمير.
واتمنى ان يختفى التعصب الاعمى من الملاعب المصريه لانها أصبحت فى ازدياد مستمر.... حتى التعصب انتقل من مصر الى غزة على الاهلى والزمالك. علشان أحنا ناقصين هيك أمور.