النتائج 1 إلى 10 من 10
- 08-11-2007, 02:22 PM #1
تقريري عن اجتماع المتداول العربي -7-11-2007
بسم الله الرحمن الرحيم
---------------------------
تم بيوم الاربعاء الموافق 7\11\2007 اجتماع فريق المتداول العربي في قاعه قاصد خير بنادي القوات البحرية عند ميدان التحرير بعد كوبري قصر النيل اول لفه على الشمال تمشي لحد آخر الشارع ( التفاصيل مهمه ) وبعدين لما تدخل النادي تاخد شمال في يمين في يمين وتنزل السلم .
زمن اللقاء كان من المفترض ان يكون عند الساعه 7 مساء وكان بالنسبه لي لازم اكون من اوائل الناس هناك فبدأت السفر من الساعه 4 عصرا متجها إلى العنوان المذكور وبعد جهد جهيد وصلت عند الساعه 6 ونصف وكانت القاعه خاليه تماما باستثناء من استاذ MIDO
وزي ما انتو شايفين القاعه مفهاش حد
بقت الساعه 7 ووصل حوالي 20 شخص و صراحه ما توقعت ان العدد يتخطى الرقم ده
عند الساعه ال 7 وربع وصل نجوم اللقاء وهم الاستاذ سمير صيام و الاستاذ طلال السميري و الاستاذ ابوعاصم
ثم امتلأت الصاله تقريبا بحضور حوالي اكتر من 200 شخص على الساعه 7:45 دقيقه (وتم ملاحظه وجود عنصر نسائي في الاجتماع لاول مره.... شخصيا لم اكن اتوقعه )
بدا الحفل بكلمه ترحيبيه للاخ mido تلتها كلمه ترحيبيه للاستاذ سمير صيام وثم الاستاذ طلال والاستاذ ابو عاصم
ماهي إلا دقائق من بداية الحفل ووصل بعدها الاستاذ كبير الموقع الاستاذ احمد حنفي
وبعدها بدأ الاعضاء بتعريف انفسهم واحدا واحدا
ووزعوا علينا ورق نكتب فيه الاسم والمعرف والايميل ورقم الموبايل ... وكان الخوف طبعا انها تكون كمبيالات ولا حاجة
بدء بعدها النقاش يدور حول المشاكل اللي بيواجها الموقع ومشاكل الاعضاء مع الموقع بالإضافه لمقترحات الاعضاء لتطوير الموقع وكن من بعض هذه المقترحات :
- فتح باب التسجيل في موقع المتداول العربي بشكل دائم ( وعدت الاداره بحل هذه المشكله و كما انها اقترحت على اي شخص يريد التسجيل و التسجيل مغلق ان يراسل الاداره)
- فتح الفصول التدريبه من شكلها الخاص الحالي إلى الشكل العام ( قوبل هذا الاقتراح بالرفض تماما من قبل بقية الاعضاء)
- وضع طريقه اكثر سرعة في نشر الاخبار اللحظيه
- منع وايقاف اي موضوع من المواضيع المحبطه بالنسبة للفوركس والفوركسيين
- الاتفاق على الابلاغ عن المشاركات السيئة مباشره دون الرد عليها
- تم اقتراح ان يتم السجيل في المتداول العربي عن طريق ال Invitation او الدعوات مثل مافي ايميل ال G-mail ( ولكنه قوبل ببعض النقد)
- اقترح احد الاعضاء ان تكون بيانات الاعضاء حقيقيه ومثبته (مثل الشهادات و العمر والبلد وخلافه) -طبعا الاقتراح لم يرفض ولم يقبل نظرا لصعوبته واهميته في نفس الوقت-
- تم طمأنه جميع الاعضاء نقلا عن السيد توم رئيس شركه اف اكس سوليوشن ذات رأس مال عالي جدا وانها لن تتأثر بالقانون الجديد من مراقبه الNFA بان يكون الحد الادنى لرأس المال هو 5 ملايين "نقلا عن الاستاذ طلال"
- برز خلال الحفل احد هدايا الاعضاء إلى فريق الاداره و هو برنامج هيكون خاص بالاخبار (نخلي الاداره تبقا تفصح عنه لاحقا)
- بالاضافة إلى مناقشة سريعه على آخر تطويرات الموقع من حيث الشكل سواء في المنتدى او في ملف الاخبار الاسبوعي وتوقيت صدوره من 4-6 صباحا من كل يوم سبت
ثم بدات الاحاديث الجانبيهو انقطع الارسال عني تمام عن بقية المقترحات والمشاكل ففضلت لاحقا متابعه النقاش الدائر من بين ال 9 اعضاء الآخرين على طاولتي
انسحبت منهم لفتره وجيزه لمناقشه بعض الاقتراحات مع مدير فريق الاخبار -بما اان المايك مكانش عايز يجي لي -
وقد تم مناقشه اهم الاستراتيجيات الدائره واسباب الربح والفشل و هل الفوركس هوا مجال للربح الدائم ام لأ
و من اهم النقاط اللي تم مناقشتها :
- مقارنه مابين الاسهم و الفوركس
- شركات واسطه الاسهم (وتم الاتفاق على ان افضلها شركه هرمس) -مصريه-
- ثم المتاجره في الفوركس
- استراتيجية الدايفرجنس
-استراتيجية الاخبار
- من يتحكم في مخاطره الفوركس نحن ام الفوركس نفسه
- افضل طرق اداره رأس المال (هل يكمن في كميه العقود من رأس المال ام من كمية الوقف من رأس المال )
- افضل رأس مال
- اهم مزايا و عيوب شركات FXSOL - MBtrading - Mig - FXCM - CrownForex
- طرق تلاعب الشركات واستغلالها لاوقات الاخبار
- اسلوب متاجره البنوك الضخمه
- هل تكتفي بربح معين في خلال فتره معينه (15% بشكل شهري مثلا ؟ )
- اهم المشاكل التي قد تواجه المتاجر الجديد
- افضل الارباح المحققه واكبر الخسائر و اسبابها
- طريقه المتاجره من دون مارجن بنسبه 1:1 هل لها فوائد ؟
ومش فاكر بقية المواضيع
نزل الاكل بعد كده (كل التفاصيل مهمه ... علشان اللي محضرش كأنهم حضروا)
كان عباره عن :
- محشي من كذا نوع بالإضافه إلى ارز بالخلطه
- شرائح دجاج بصلصه الماشروم
- باشاميل
- سلطات ( طحينه وسلطات زبادي )
- مشاوي (كفته و شيش طاووق)
- سمبوسه بالجبنه + كبه + كايزر
- 6 زجاجات مياه (كان في جفاف على الطاوله اللي انا فيها )
- ثم سفن آب و بيبسي
ثم تم مواصله النقاش مره اخرى بعد الاكل مع شرح مبسط لماهيه استراتيجية الدايفرجنس وعلاقتها بمتاجره البنوك حضر جزء من اللقاء الاستاذ mido بالإضافة لاسباب حركه العملات السريعه احيانا
ثم توجهت الدعوات لاخذ صور تذكارية جماعيه لجميع الاعضاء معا !!!!!!! 200 عضو ! - الله يبارك فيهم -
وبعدها صدمت بالخبر ان الساعه حوالي 10:10 (فعلا الوقت مره كالبرق) والمفروض ان القطار بتاعي الساعه 10:30 فا انسحبت سريعا وسلمت على من وجدته وقتها
تاكسييييييييييي .... محطه القاهره ..... مين ؟ .... محطه مصر .... بس بسرعه جدا ... وصلت حوالي الساعه 10:35 دقيقه .... واصدم بعدها بالخبر الثاني ان قطاري متأخر .... وصل القطار الساعه 12:45 دقيقه ... واصدم بعدها بالخبر الثالث ... اني ركبت القطار الخطأ وان قطاري هوا اللي ورا ده ... وطبعا دفعت غرامه حلوه على التطويقه
وبس
اه قبل ما انسى ....
يا ريت الفكره تكون وصلت علشان انا صدري باظ امبارح
مع اعتذاري لجميع من لم اذكر اسماءهم
تحياتي للجميعآخر تعديل بواسطة Dr.GM ، 08-11-2007 الساعة 02:50 PM
- 08-11-2007, 02:37 PM #2
رد: تقريري عن اجتماع المتداول العربي -7-11-2007
شكرا على التقرير الجميل وسلامتك , وإنشله نجتمع معكم قريبا .
- 08-11-2007, 02:37 PM #3
رد: تقريري عن اجتماع المتداول العربي -7-11-2007
مشكووووووووووووووور على المتابعه اللحظيه الدقيقه
وبعدين ياعم جى ام كده كل مره يبقى عندك مشكله فى الاجتماع ده
المره الى فاتت فاتت عليك باين والمره دى فاتك القطر يلا خير
ماتروحش المره الجايه انا بحزرك بقه وانتا حر
- 08-11-2007, 02:48 PM #4
رد: تقريري عن اجتماع المتداول العربي -7-11-2007
شكرا يابرنس على التقرير الجميل ده
بس خسارة انى ماتعرفتش عليك هناك
وبما انك اخدت كم صورة .. ياريت ترفع لنا اى صور كمان معاك
وورينا صورتك انت كمان
- 08-11-2007, 04:42 PM #5
رد: تقريري عن اجتماع المتداول العربي -7-11-2007
جميل جدا يا دوك ...وتعيش وتاخد غيرها ..مع تحيات س.ح.م !!!!!
فين الصور بقي ؟
- 08-11-2007, 04:53 PM #6
رد: تقريري عن اجتماع المتداول العربي -7-11-2007
ايه ده دكتور جى ام كان فى اللقاء و ان مختش بالى
ان كان نفسى اشوفك و الله ........حط صورتك كده يا دكتور عشان افتكرك
ودى و تقديرى
- 08-11-2007, 05:22 PM #7
رد: تقريري عن اجتماع المتداول العربي -7-11-2007
بإذن الله
والله لو انا هروح علشان شخص عادي مكنتش رحت وخصوصا مع البهدله دي ....
بس مع المتداول العربي واعضاء المتداول العربي .... كلو يهون
يلا ... تتعوض المره الجايه ان شاء الله
بالنسبة للصور انا مأخدتش غير الكام صوره دول نظريا لكميات الكاميرات الديجيتال اللي كانت موجوده واكيد الصور بتاعتهم هتبقى احسن ...
وبرضو مصورتش نفسي مع اني اتصورت كتير اوي
الصور الجمارك صادرتها ... قصدي اداره الموقع صادرتها وهتلاقيها https://forum.arabictrader.com/t36179.html
والله يا مان كانت ناقصاك
والله وانا كان نفسي اشوف واتكلم مع ناس كتير وخصوصا حضرتك و استاذ سمير و ياميدو واللسته الطوييييييييله اللي عندي في الماسنجر بس كان الجميع مشغول وكنت باخد 5 دقايق كلام من اي واحد بالعافيه
على العموم خيرها في غيرها ان شاء الله وتتعوض
واحتمال اقابلك في ابوظبي خلال زيارتك هناك ان شاء الله
بالنسبة انا فين ... انا اللي على الشمال (لحظة كتابه الكمبيالات )
ودي وتقديري للجميع
- 08-11-2007, 05:38 PM #8
رد: تقريري عن اجتماع المتداول العربي -7-11-2007
كنت منور الاجتماع يا دكتور والوقت للاسف مر سريعا جدا وكان نفسنا نتكلم مع الجميع
ان شاء الله تتعوض فى لقاءات اخرى
- 08-11-2007, 05:46 PM #9
رد: تقريري عن اجتماع المتداول العربي -7-11-2007
يا نهار ابيض ده احنا سلمنا على بعض و خدنا بعض بالحضن و انا معرفكش
كنت تقولى جى ام كنت تقولى السلام بجد و الله كان نفسى اشوفك و اعرفك على الجميع انت استاذ كبير والناس كلها بتحبك
المرة الجاية مش هسيبك
ودى و تقديرى
- 08-11-2007, 06:13 PM #10
رد: تقريري عن اجتماع المتداول العربي -7-11-2007
ودي وتقديري لجميع الاخوه
والله لكم تمنيت ان اكون معكم حينها لكن للاسف كان عندي شويه مشاغل منعتني عنكم
ان شاء الله لنا لقاء اخر
تحياتي للجميع
المواضيع المتشابهه
-
صور لقاء المتداول العربى مع الاحباء - نوفمبر 2007
By mido in forum سوق تداول العملات الأجنبية والسلع والنفط والمعادنمشاركات: 139آخر مشاركة: 12-11-2007, 12:26 PM -
مفاجأة المتداول العربي لشهر يونيو 2007 ....
By نســـاي . . . in forum سوق تداول العملات الأجنبية والسلع والنفط والمعادنمشاركات: 13آخر مشاركة: 23-05-2007, 12:33 PM -
تم إضافة هدية المتداول العربي لشهر فبراير 2007
By أسامه عبده in forum سوق تداول العملات الأجنبية والسلع والنفط والمعادنمشاركات: 1آخر مشاركة: 15-03-2007, 01:01 PM