صور لقاء المتداول العربى مع الاحباء - نوفمبر 2007

[linenet]

نورت يا احمد باشا اللقاء

وياريت نشوفك معانا على طول

وانا تحت امرك فى اى حاجة لانى سعيد بمعرفتك انتا وعمرو

ياريت يدخل قريب هنا نشوفة ونعرفة

ياباشا انت اللى نورت الحفلة انهارده وحبايبك واصدقائك ومتقلقش انا قاعد ومربع فى المنتدى ده مع اصحابى واحبابى اللى اتعرفت عليهم انهادرة ومتخفش عمرو قريباً جدا هيفتح حساب حقيقى وهجيبو بالذوق بالعافية هجيبو هو حد يلاقى اصحاب وحبايب بالشكل ده ويسبهم
سلام يا بطـــل اللقاءات

[osama sanad]

إخواني وأخواتي وأحبائي سلام الله عليكم
والله لا أجد من الكلمات ما يسعفني بأن أصف ذرة من شعوري تجاه هذا الجمال والروعة في هذا اللقاء الذي ما كان لينجح إلا بكل من ساهم في نجاحه خاصة أستاذنا أبو طلال الذي شرفت به وأستاذنا سمير صيام وأستاذنا أحمد عياد وحبيبنا الحلو وطبعا أستاذنا سعادة السفير "أبو علي" وشكر خاص جداً والذين جعلوا كل عضو يشعر أنه العضو الوحيد في المنتدى كما تشرفت جداً بالزول المحترم والحبيب الدكتور محمد أبو بكر وأسفت جدا لأني لم ألحق باللقاء من أوله وأسفي أشد لأنني لم أتعرف على كل الموجودين وخاصة الأستاذ ميدو وكم سعدت عندما وجدت الأستاذ وائل فتحي الذي دخل عالم الفوركس بعد حضوره ندوة للفوركس كنت قد أقمتها منذ 6 أشهر في الدقي أتمنى من الله عز وجل أن يجمعنا مرة أخرى ومرات حتى نلقاكم وكذلك نلقى الأحبة الذين لم يحضروا ولم يحالفنا الحظ لرؤياهم وشكراً جزيلاً لكل من ساهم في هذا اللقاء
وسلام الله عليكم وتصبحوا على خير.
تقبلوا ودي واحترامي

[د. محمد أبوبكر عثمان]

مشاوير المحبه

،،،

نحن اهل الفرحة جينا
،،
لا المدامع وقفتنا
،،
ولا الحكايات الحزينة
______________________

اضاءت سماءات قاهرة المعز بحضور متميز ونوعي من نخبة مميزة من اعضاء وادارة المتداول العربي في لقاء المتداول العربي الثاني بالقاهرة
،،
روعة اللقيا عبرت عنه مشاهد شتى
،،
بداية بالانفعالات الحميمية والصادقة من المجموعة المنظمة للحفل ، وحرصها على خروج اللقاء في ابهى حلة ، وقد كان .
،، فـ شكرا جزيلاً لكم
،،،،،
عبر عن روعة ذلك اللقاء الحضور المتميز لادارة المتداول العربي والمتمثلة في طلال السميري ، وابو عاصم وسمير صيام و عماد خالد ، وصاحب الطلة الانيقة عيـــــاد .
( مع حفظ المقامات والالقاب )
وبالرغم من الحضور( النوعي لهذه الكوكبة) كنا نأمل في حضور ابوعبدالله ، محتار ، عباس ، ابو فارس
لكن على كل حال لهم التحايا من على البعد
فشكرا جزيلا لكم .
،،،،
عبرت عنه لوحة شرف الحضور الانثوي الرقيق لأخوات كريمات لنا
فشكرا لحضوركن معنا
،،،،
عبرت عنه امتلاء قاعة دار القوات البحرية بالحضور الكريم
،،،،
فشكرا لحضوركم
،،،
عبرت عن روعة اللقيا اللقاءات الودية والمعانقات الحميمية بين الاعضاء الكرام
،،،
عبر عنه وجود (الاستاذ) بيننا
أب فاضل ومربي كريم
،،،
فشكرا لحضورك الكريم استاذي
،،،
عبر عنه حضور خفيف الظل
معشوق الجماهير بوحة
،،،
فشكرا لك حضورك البهي
،،،
عبر عن روعة ذلك اللقاء الحضور الانيق
لسعادة السفير وليد
،،،
شكرا لحضورك
،،،
خلاصة القول
،،،
ان الليلة كانت رائعة
،،،
كانت ليلة فيها الكثير من الدفء الانساني
،،،
والمشاعر الاخوية الصادقة
،،،
المفعمة بالمحبة
،،،
شكـــراً لكم جميعاً
فقد اثلجتم صدري
،،،
واهديتموني ليلة خاصة من ليالي عمري

لكم من الود اصدقه

ولي عوده ، ان مد الله في الاجال

محبكم
محمد

[محمد الزيني]

ماشاء الله اللقاء كان منور بالجميع وكان نفسنا يكون وقته اكتر من كده كمان وان شاء الله الجايات اكتر من الرايحات

نبقى نشوفكم فى قهوة ميدو

تسدق كده عيب يا استاذ سمير...
ميدو يبقى عنده قهوة ومتقولناش...

هي فين؟؟؟

[محمد الزيني]

حسبي الله ونعم الوكيل.....

هو انام ساعتين اقوم الاقي الموضوع اتعمل وكمان خمس صفحات؟؟؟

ده تسيب ... فين الادارة.؟؟؟ فين الحزم اللي كانو بيتكلمو عليه؟
ماعلينا

لا وكمان خلصتو الكلام اللي ممكن الواحد يقوله... لازم يكون في مواجهة حازمة من الادارة للبيحصل ده
مش كنتو بتطالبوا بادارة حازمة؟؟ انا احتج على اللي بيحصل

انا مش لاقي كلام اقوله بعد اللي اتقال... الناس تقول عليا ايه؟
كلامي قديم؟؟ ولا سالفه؟؟

لالالا... لازم يكون في لقاء تاني عشان اجيب الاب توب بتاعي معايا عشان انقل اللقاء على الهواء قبل اي حد (بعرف الناس ان انا معايا لاب توب)

لكن لو جيتوا للحقيقة... امبارح كان النيل منور ياجماعة... لدرجة ان الفنان سمير غانم جه عمل لقاء تلفزيوني في المكان اللي كان منور بيكم وبجميع اعضاء المتداول العربي الاحبة وبطلائع المتداول العربي الاحبة ابو عاصم وطلال...
وعلى فكرة النتفرد بخبر التصوير التلفزيوني اللي عمله سمير غانم ده هو انا محدش قالها
والوحدين اللي شافو الكلام ده هو انا والاخ ابو عاصم لما كنا بنتمشى عشان نتفق على..!!!!
وقررنا ان نعمل...!!!
اصله كان بيكلمني عن....!!!
وفتح عنيا على.....!!!!
وفي الاخر سابني وراح...... اصل كان الموقف محرج

فيا جماعة ادعوا لنجم نجوم اللقاء ابو عاصم افندي... اصله كان متوعك صحيا (متشنكل يعني) لدرجة انه ماتعشاش معانا وكان بيتقطع نفسه يتعشى لكن ... للاسف الموقف ماكانش في صالحه

المهم ادعولو ان ربنا يكرمه... وعاوز رسايل تروحله على الخاص وتبقى الدنيا زحمه عنده في الخاص اطمئنانا عليه...

وشكرى الخاص والحار جدا والعنيف للاخ طلال نجم نجوم اللقاء هو الاخر...
والاخ ميدو اللي مكنتش مسدق عنيا لما شوفتو..
والاخ الحبيب عياد..
وبوحة ... وتذكر يا بوحة ان احنا اكلنا عيش وملح مع بعض وكنا بنتخانق على الاكل... لا وايه مفيش سيرة تتفتح على الاكل الا سيرة المجنون ... حسبي الله ونعم الوكيل

شوفو انا اتكلمت عن دول لانهم كانوا البارزين... وبعدين انا اتكلمت كتير في اللقاء بس للاسف محدش كان عاوز يسمعني او يحس بيا... اصل انا كنت عاوز اصور كتير.. والصور منزلتش

اما الاحبة الباقين فدول انا بقى اراسلهم على الخاص... اصلهم كتير ولو قعدت اتكلم مش هانخلص فكفاية الحد كده

وعلى امل اللقاء بالاعضاء الكرام والاحبة الافاضل مرة اخرى قريبا ولو حتى في قهوة ميدو...

الا صحيح قوتك دي فين يا اخ ميدو؟؟

[abdou]

السلام عليكم
كان لقاء جميل جدا فى الحقيقة
استمتعت بصحبة اخوانى ياميدو وميدو وتيمو وهاشم وماجد وابوعلى
كما تعرفت وتشرفت بالاخوة الاستاذ محمد حنفى ووليد الحلو وبوحة والاخوة القائمين على الموقع ذلك الصرح العملاق .
كلمات الشكر لاتفى بالغرض
شكرا شكرا
تحياتى واحترامى

[mialola]

شكرا على الصور الرائعة

[khaled_S]

تمام
شكله كان لقاء رائع

[قلب الاسد]

ليلة ساحرة على نيل القاهرة
أولا اشكر ادارة المنتدى الرائعة على تواصلها الدائم مع سكان هذا الصرح الشامخ
وكل من قام على انجاح هذا اللقاء الرائع

ودايما يارب متجمعين بحب فى الخير

[ناصر محمد]

نشكركم جزيل الشكر على هذا اللقاء الأكثر من رائع
نشكركم على مشاعركم النبيلة
نشكركم على تجميع القلوب
نشكرك كل من ساهم فى اتمام ونجاح هذا اللقاء
نشكر كل من حضر
ومن لم يحضر بجسده ولكن حضر بقلبه
وإلى مزيد من التقدم
وجزاكم الله كل خير

[bo7a]

ليلة ليلة ليلة .. أما ليلة يا سلام ... ليلة ليلة ليلة ... ولا في الأحلام

شكر خاص لإدارة المتداول العربي علي اللقاء الأكثر من رائع وبجد كنتوا منورين اللقاء ومنورين مصر كلها

أبو عاصم وطلال كانوا نجوم اللقاء بجد وفرصة عظيمة جدا اني قابلتكم واتعرفت عليكم والله

وشرف كبير ليا اني اتعرفت علي حبايب قلبي كلهم ربنا يبارك في الجميع ويجمعنا دايما علي حبه

اتمني لو يتكرر اللقاء بصفة دورية مفيش أحلي ولا أجمل من تجمع ليلة أمس

شرف عظيم ليا لقائي باساتذتي واخواني ... ويبقي المتداول علي القمة

تحياتي لكل اللي الناس الطيبة اللي شفتهم في اللقاء واللي ما حضرش ان شاء الله يحضرنا في لقاء قادم

منتظرين باقي الصور وبلاش الصور بتاع الأكل الله يسترها معاكم

[صاحب سمو المشاعر]

هدا انت يا بوحة طلعت فعلا شبه محمد سعد

[sami_24]

صور جميلة جدا جداا

[temo]

ربنا يخليك يا ملك

انا كمان اتشرفت بكل من كان فى اللقاء

يعم ميدو مخابرات فى الموقع كدا وعلى الهوا طيب يا ميدو شكلك زهئت من الفوركس وعايز تغيب 20 سنة عن الدنيا وبتنرفزنى عشان اكون السبب فى تحقيق الامنية دى

عموما انا سعيد للغاية بلقاء الاستاذ احمد حنفى اب غالى

ابو عاصم مصرى ومن شبرا مفيهاش كلام ودمه خفيف موت
عياد راجل اعمال مهم قوى بجد والله شكلا كدا فعلا وهو مؤدب جدا
ابو على المصوراتى بتاع الحفلة
ميدو الجندى المجهول
بوحة هادى للغاية غير المنتدى خالص بس عسل برده
وليد الحلو واحد حلو وذى الشربات
دعبس فوركسى فاهم شغال فى المهندسين
ميدووووووووووووووووووووووووووووووووووووووووووووووو وووووووووووو واحد راسه كبيرة قوى بس هو قلى استقبلنا وكان شيلنا فوق راسه بصراحة وتقريبا دى اخر ايامه فى الدنيا بعد ما فضحنى
رانيا محمد مشرفة نادى خبراء المال انسانة محترمة
واخيرااااااااااااااااااااااااااااااااااااااااااااا لقاء كنت انتظره حكيييييييييييييييييييييييييييييييييييييييييييييييي يييييييييييممممممممممممممم سلمانى اتكلمت معاه نصف ساعة انا وهو بس حسيت انى خت خبرة سنين وكلامه وانا راجع فى العربية بيرن فى ودنى بصراحة استاذ


وطبعا مقدرش انسى سميرررر صيامممممممممممممممممم دا مقدرش اقول تعليق عليه لحسن يوقفنى



دا كان ملخص سريع كدا عشان انا فى الشغل والتفاصيل باليل ميدو جهز نفسك وودع صحابك هتشفهم كمان 20 سنة

[temo]

بصراحه ياجماعه مش عارف اقولكم ايه
اللقاء دا كان جميل جدا جدا واللى أجمل من كدا المجهودات اللى قام بيها حبيبنا واستذنا "عمده الفوركسيين" طبعا كلنا عارفينه الأخ الحنون ميدو "لازم تسافر أبو ظبى والا هابلغ امن الدوله عن ابو عاصم"
وانا بصراحه اتشرفت بمعرفه ناس كثير من امثال الدكتور ابو بكر عثمان و حكيم سليمانى و هيثم جولدن و حسن فوكس , , ,

وبصراحه اللى كان مزين اللقاء اليوم الرباعى الجميل

طلال السميرى "نورت مصر ياحبيبنا" أبو عاصم"لك رساله على الخاص هامه جدا" سمير صيام"أستاذنا القدير" أحمد عياد"مش عارف ليه لما بتكلم معاك بحس انى بتكلم مع احد رجال الأعمال المهمين جدا"

وطبعا من الاوجه اللى كان نفسى اشوفها حبيبى وليد الحلو وتحققت الأمنيه واخونا سليل عائله دعبس والأخ بوحه وأعذرونى على فقدانى للذاكرة لأنى اتعرفت على اكثر من 50 واحد

وطبعا الأب الروحى حبيبنا الغالى

الأستاذ "محمد حنفى"

كله كوم وأبوعلى كوم تانى دايما يعلى صوته على اللى أكبر منه

ولا تيمو اللى جايب المخابرات العامه معاه وجاى "حبيبى ياتيمو"

نلتقى بعد الفاصل..

يعم ميدو مخابرات فى الموقع كدا وعلى الهوا طيب يا ميدو شكلك زهئت من الفوركس وعايز تغيب 20 سنة عن الدنيا وبتنرفزنى عشان اكون السبب فى تحقيق الامنية دى

عموما انا سعيد للغاية بلقاء الاستاذ احمد حنفى اب غالى

ابو عاصم مصرى ومن شبرا مفيهاش كلام ودمه خفيف موت
عياد راجل اعمال مهم قوى بجد والله شكلا كدا فعلا وهو مؤدب جدا
ابو على المصوراتى بتاع الحفلة
ميدو الجندى المجهول
بوحة هادى للغاية غير المنتدى خالص بس عسل برده
وليد الحلو واحد حلو وذى الشربات
دعبس فوركسى فاهم شغال فى المهندسين
ميدووووووووووووووووووووووووووووووووووووووووووووووو وووووووووووو واحد راسه كبيرة قوى بس هو قلى استقبلنا وكان شيلنا فوق راسه بصراحة وتقريبا دى اخر ايامه فى الدنيا بعد ما فضحنى
رانيا محمد مشرفة نادى خبراء المال انسانة محترمة
واخيرااااااااااااااااااااااااااااااااااااااااااااا لقاء كنت انتظره حكيييييييييييييييييييييييييييييييييييييييييييييييي يييييييييييممممممممممممممم سلمانى اتكلمت معاه نصف ساعة انا وهو بس حسيت انى خت خبرة سنين وكلامه وانا راجع فى العربية بيرن فى ودنى بصراحة استاذ


وطبعا مقدرش انسى سميرررر صيامممممممممممممممممم دا مقدرش اقول تعليق عليه لحسن يوقفنى



دا كان ملخص سريع كدا عشان انا فى الشغل والتفاصيل باليل ميدو جهز نفسك وودع صحابك هتشفهم كمان 20 سنة