وجدت هذه الطريقة بعد أن
تعبت من السوق ومن المجنون
تعبت من التقلب والتذبذب
تعبت من البيانات الاقتصادية اللي مالهاش حصر
عملت كذا استراتيجية وجربت كذا طريقة
===============
وفي الآخر قررت اني هشتغل بالطريقة دي 3 شهور علي الديمو قبل ما أطبقها علي الحقيقي إيمانا مني بقوتها وقدرتها علي أخذ الأرباح من فم التمساح
أي واحد دخل السوق ده وبقت عنده خبرة فيه يقول اني لو عندي 30 نقطة ثابتة يوميا مضمونة مع مضاعفة الأرباح يبقي انا هبقي مليونير بالكتير في سنتين
طبعا كل ده كلام وخلاص لأن الخسائر بتيجي تاخد كل الأرباح وتذهب مع الريح
===============
بعد الرغي ده كله عايز اقول ان الطريقة دي مش جديدة هي من الموقع العملاق forexfactory
وتم طرحها هنا في المنتدي قبل كدا
ندخل في الشرح والموضوع
اسم الطريقة : Trend Follower
الطريقة الأصلية كانت لفريم الخمس دقائق لكن أنا هنا هشتغل علي فريم الساعة
===============
الطريقة الأصلية كانت لأزواج معينة
أنا هنا هشتغل علي كل الأزواج ماعدا الكندي الملعون
===============
الطريقة الأصلية كانت علي الفترة الأوروبية والأمريكية وهنلتزم بكدا و ممنوع الدخول في غير الوقت ده
===============
يقول صاحب الطريقة ان هذه الطريقة تعتبر نظام متاجرة شامل يوضح لك ان حركة السوق ليست حركة عشوائية
وينبه علي إدارة رأس المال ويقول إذا لم تتعلم إدارة رأس المال فستخسر مع أي استراتيجية كانت
فهنلتزم بالدخول ب 10% من رأس المال ===============
يكون شكل الشارت هكذا .. ماتتخضوش الشكل صعب لكن هو سهل جدا جدا
http://up.x333x.com/uploads/75c79a90a0.gif
===============
أول حاجة حملوا المؤشرات والتمبلت من المرفقات
وافتحوا الشارتات وتابعوا معايا .. ماحدش يكمل قراءة من غير فتح الشارت
===============
المكونات وطريقة العمل
1- سنجد أن هناك أسهم خضراء وأسهم حمراء هذه الأسهم ناتجة عن تقاطع موفنج 4 السريع بموفنج 8 البطئ
2- سنجد مؤشر الماكد
3- سنجد مؤشر اللاجير وهو شكل متطور ل RSI
4- نقاط البيفوت والدعوم والمقاومات
6- خطوط GMMA وهي مجموعة ضخمة من الموفنج أفريج وهي التي توضح الترند الحالي
===============
ماتقلقوش من المؤشرات الكثيرة لإن طريقة العمل سهلة جدا وهي كالتالي
===============
في حالة اللونج
1- ظهور سهم أخضر وهو يظهر مع إغلاق الشمعة ويعطي تنبيه يعني مش محتاج تتابع الشارت لاقتناص الفرص غير كل ساعة وتتابع بس الأزواج اللي تم عليها التنبيه
2- تكون خطوط GMMA الخضراء فوق الحمراء ومتجهة لفوق (معني الخطوط الخضراء فوق الحمراء أن السوق مع المشترين والترند صاعد)
3- يكون مؤشر الماكد إيجابي يعني العمود فوق خط الصفر
4- يكون مؤشر اللاجير صاعد من 0.15 إلي أعلي
===============
في حالة الشورت
1- ظهور سهم أحمر
2- تكون خطوط GMMA الحمراء فوق الخضراء ومتجهة لأسفل (السوق مع الدببة البائعين والترند هابط)
3- الماكد يكون سلبي وتحت خط الصفر
4- اللاجير هابط من مستوي 0.75
===============
الأهداف
الهدف دائما أول خط يعترض طريقك سواء بيفوت أو دعم أو مقاومة علي حسب الصفقة ولو وجدت في الصفقة ان هناك عائق قريب فلا داعي للدخول والمغامرة
===============
الاستوب
الاستوب يكون تحت أقرب قاع في حالة اللونج ب 5 نقاط ويفضل يكون معاه في المنطقة دي دعم
ويكون فوق أقرب قمة في حالة الشورت ويفضل يكون معاه مقاومة
===============
المؤشرات والتمبلت في المرفقات
لا يوجد باك تست لأن الخطوط تتغير لذا سنجربها لمدة 3 شهور ولو نجحت معنا يبقي يا سعدنا يا هنانا
لا مانع إطلاقا من العمل بها علي 5 دقائق لكن أرجو عدم ارفاق الفرص لعدم التشتيت لأني اجربها علي الساعة
مع العلم انها مع الخمس دقائق تعطي نتائج رائعة
===============
ملحوظة : لا بد ان تتم الشروط كلها في شمعة واحدة أو شمعتين علي الأكثر بعد ذلك فلا دخول ويجب ألا تكون هذه الشمعة كبيرة
