$قهوة المصريين$ مرحب بالضيوف

[fxaqaba]

عاوزين نقدم حاجة للقهوة ومشكورين على الشيشة والشاي
https://forum.arabictrader.com/showpost.php?p=326362&postcount=1

[طاهرالمصرى]

عاوزين نقدم حاجة للقهوة ومشكورين على الشيشة والشاي
https://forum.arabictrader.com/showpost.php?p=326362&postcount=1

دايما فى ازدياد و ربنا يبارك فيك يا غالى
و لازم بمناسبة الموضوع الجديد ده تشرب حاجة

[eg_falcon]

السلام عليكم و رحمة الله و بركاته

من أشهر المعالم فى مصر المساجد
هذه حقيقة بالتاريخ و الواقع
و لكن كما اشتهرت مصر بكثرة مساجدها اشتهرت أيضا بالمقاهى
و العامة يسمونها القهاوى مفردها على لغتهم قهوة
و القهاوى فى مصر تاريخ كبير
كان يجلس عليها المثقفين و التجار و الأدباء و السياسيين و .... و ..... .
و إن كان أيضا يجلس عليها غيرهم ممن سقطوا من الحسبان !!
و القهوة ملتقى اجتماعى و ثقافى و ترفيهى و رياضى و ... و ....
تجد الناس يتكلمون فى كرة القدم
أو اقتصاد البلد ، أو الزراعة ، أو الحرب ، أو حتى بان كيمون ، أى حاجة
المهم أنه لا ينتهى منها الكلام فى كل فروع المعرفة
حتى بعض الكتاب و الصحفيين كانوا يتلذذون بالكتابة على القهاوى
فالقهوة أصبحت عنصر من عناصر تركيبة الشخصية المصرية
فى الحضر و الريف ، فى المدن و القرى
يلتقى عليها الجميع ، و تبدأ النقاشات
و من هذا المنطلق وضعنا هذا الموضوع
و تطوعت بتخصيص هذا الركن و عمل قهوة للمصريين فى منتديات المتداول العربى.
بدل أن تكون موضوعاتنا الخاصة بمنطقتنا متناثرة فى المنتدى و قد يفقد الواحد بداية الموضوع ، بل الموضوع كله مع كثرة المواضيع قبله و بعده ، فتخصيص مكان لنا يجمعنا على طبلية واحدة و قاعدة واحدة ، يوفر علينا كثير يا ولاد عمى.
أى مصرى محتاج حاجة تخص مصر ، شركات ، تحويل ، إيداع ، أى شىء يخص المصريين ، يتفضل و يضعه هنا ، و هنا ملتقى و تجمع كل المصريين.
ما هى خلاص قهوتنا
و القاعدة على حسابنا و المشاريب على الزباين
يا ريت المصريين يسجلوا حضور

و الله ولى التوفيق

و أول يوم المشاريب على حسابى

هو انا جيت متاخر ولا حاجة يا ريت يباى لسه فيه كراسي
و الله فكرة عالية خلينا نجمع على حاجة فيها فايدة و لو مرة

[mido]

جلست يوما في قهوة المصريين بعدما سالت احد المارة اذا كان يجوز لغير المصريين الدخول فافادني بالطبع استطيع لما يمتاز به الشعب المصري من كرم الضيافة وعلى فكرة صاحب الكافي بعدما عرف اني اردني لم ياخذ مني الحساب خصوصا انني من منتدى المتداول العربي..

المهم اليكم الحكاية بعدما جلست...
حضر النادل وسالني (( تشرب حاجة يا باشا))
قلت: ماذا عندكم؟
النادل: شيشة مومنتم وشاي بنكهة الار اس اي وقهوة الموفنج..
قلت: شيشة وكاسة شاي..
النادل: عاوزالشيشة على فريم الساعة وللا الديلي؟
قلت: لا شكرا انا جالس ساعة وماشي..
النادل: على فكرة انا ممكن اعملها شيشة ساعتين اوف لاين بنفس السعر...
قلت: لا مشكور انا ماشي بعد ساعة...
النادل: وعاوز الشاي عادي وللا بنكهة معينة ؟؟ ... على فكرة احنا احنا عندنا شاي كشري ما حصلش.. ده ممكن تشرب لك بؤ من خط العشرين بتاع دماغك يوصلك لخط الثمانين ولما يوصل تشيل الكاسة عن بؤك لحسن تتشردأ... لانو حيكون دماغك تشبع ولازم تبيع (( اصدي تشيل الكاسة))
....... النادل طبعا ساب كل الزباين لما عرف اني اردني وقعد معاي وعاوز يضيفني على حسابو... المصريين معروفين كده بالكرم..
المهم.... النادل احضر الشيشة والشاي وجلست اشد نفس..
ولاحظت ان خط من الدخان يخرج من راس الشيشة يشبه الترند مشكلا ترانجل صاعد ولكن هذا الخط كلما صعد الى اعلى القهوة ينزل رافضا ان يفارق جو القعدة مع انو الكافي على النيل والجو مفتوح على بحري والمفروض يكسر الجو ويخرج بس نعمل ايه ... هوه جو الفوركس كده .. المفروض شي واللي بيحصل شي تاني...
على كل حال شيشة المومنتم لم تحترم قوانين الفوركس وخط الدخان لم يفارق الكافي..
ده اللي انا فتكرتو بالبداية .. بس لما الدخان صار كتير وتجمع وصار الكافي كلو ضباب والناس بطلت تشوف بعضيها من الشيشة بتاعتي وانا اختفيت.... حتي الموبايل اللي قدامي تلاشى عن الرؤية بسبب الشيشة .. انطلق الدخان من الكافي مرة واحدة كالانفجار السعري وكانو كاين يستجمع قواه .. والناس برة افتكرت حريقة بالكافي وطلبوا المطافي... آه مهو في واحد خرمان جوه الكافي وبقالو سنين مشدش نفس... وصارت معايا حكاية عادل امام في مسرحية شاهد ما شفش حاجة لما حظر مدير الامن وهوة بيعيط بالسنما ...
بس انا ألتلهم اصل الشيشة صغيرة شوية عليا..
نيجي لكاسة الشاي... مهو انت مش لازم تشرب الشاي اللا لما دماغك تكون خلصانة على الاخر ومينفعش تشرب الشاي عمال على بطال كده ... يعني بلغة الاردنيين (( مقريف )) وهي ماخوذة من كلمة (( قرفان )) ...
يعني زي ما حكينا بالبداية لازم دماغك تكون واصلة لخط العشرين بتاع الار اس اي..
وبالفعل دماغي كاين واصل المستوى ده...
وبسيط بالكاسة (( وانا بحكي مرة اردني ومرة مصري)) وسرحت وفكرت وتاملت ومديت ايدي مسكت الكاسة وحطيتها على بؤي وشفطت شفطة على النيل يسمعا اللي قاعد بالمؤطم..
وقعدت امخمخ واشفط وانسيت كلام النادل لما حكالي لازم تشيل الكاسة عن بؤك لما يوصل دماغك لخط الثمانين..
نعمل ايه الطمع بئه...
وتشردأت... ونزل دماغي لخط العشرين وانا لسه متشردأ وجاني النادل ومعاه منديل يمسح الحوسة اللي انا عملها..
النادل: ايه يا راجل ده؟؟ ايه اللي انت عمله ده ؟؟ كلمني ..
وانا متشردأ ومش عارف ارد .. اصلي مش آدر آخذ نفس...
زي ما بيصير معاي بالفوركس بالظبط ما بلتزمش بالاستراتيجية ولي حركات تمردية على السعر احب اعملها.. احيانا بتزبط واحيانا ما بتزبط... النادل ده حكاية... ده كان واحد من كبار المستثمرين بالبلد...
ده كان ليه مارينا وباعها لما خسر بالفوركس واشتغل نادل واداني كل النصايح اللي موجودة بالكافي بس ان متعلمتش اللا لما تشردأت.....
وانا رح ارجع على قهوة المصريين واطلب شيشة مرة ثانية دخانها يوصل الجيزة واشرب كاسة شاي وشيلها عن بؤي لما دماغي تتمخمخ ومطمعش اكثر من كدة...

جميل جميل ورعة يا باشا

حبيب قلبى والله .... كلامك اسعدنى جدا بجد لانى عارف الكتابة التعبير البسيط الجميل دة بياخد

جهد ووقت وبراعة ماشاء الله عليك

انتا تنور مكانك يا غالى وتشرفنا اى وقت

خلى بالكم يا جماعة من حاجة مهمة جدا

تعبير قهوة المصريين دة تعبير لا يعنى انها " فى مصر " ولا يعنى "انها للمصرييين فقط "

بل العكس تقريبا يمكن يكون اعمق حيث كلمة قهوة المصريين تطلق على القهوة اللى فى بلد غريبة

زى فيلم عوكل كدة لما راح تركيا ولاقى قهوة المصريين واتجنن

كمان لايعنى انها للمصريين فقط بل تعنى ان اللى بيخدم على الزوار هم المصريين ودة شرف لينا

اشكركم على تواجدكم بالقهوة والتى هى نريدها الصالون الادبى الفوركسى لنا

حالا هانزل بالمشاريب يا معلم طاهر بعد اذنك انا الصبى الجديد عندك

[mido]

وكمان عاملين قهوة ما عزمتوني

نعزمك مين يا راجل

دة انتا ماشاء الله ليك خمسين طريقة للربح

احنا اللى نعزمك دة انا ما صدقت لاقيتك

امال مين هايشيل الحساب دة انا معشم االناس انى هاعزمهم لحد ما ربنا يفرجها

واهى فرجت يا حودة يلا يا محمود شخلل جيبك انا متابعك من ايام غسيل وجلى ولا فى الاحلام يا راجل

[mido]

هو انا جيت متاخر ولا حاجة يا ريت يباى لسه فيه كراسي
و الله فكرة عالية خلينا نجمع على حاجة فيها فايدة و لو مرة

نورت يا غالى

احنا كلنا هنا فى خدمة بعض

اللى يقدر على حاجة يخدم التانى خصوصا فى الوسايط

اول حاجة اطلبها منكم عايز ادخل ابنى الكبير الشرطة

حد يعرف صول فى الداخلية ؟؟

[د. محمد أبوبكر عثمان]

ميدو حبيب قلبي

مش لاقي كرسي

[سمير صيام]

ميدو حبيب قلبي

مش لاقي كرسي

الكرسى بتاعى جاهز ليك لا تقلق
انت صاحب مكان مش ضيف

[mido]

ميدو حبيب قلبي

مش لاقي كرسي

الحج سمير قالك يا دكتور

انتا تشيلك رؤسنا مش الكراسى

بس ما وضحتش كرسى معسل قص ولا زغلول

اقولك خليها تفاحة على قدك لانك راجل دكتور ومتعلم ومش بتاع تشيش

[د. محمد أبوبكر عثمان]

سمير
ميدو
( مع حفظ المقامات والالقاب)

محبتكم في القلب

ادام الله الود
قول آمين ياميدو

محمد

[طاهرالمصرى]

جميل جميل ورعة يا باشا

حبيب قلبى والله .... كلامك اسعدنى جدا بجد لانى عارف الكتابة التعبير البسيط الجميل دة بياخد

جهد ووقت وبراعة ماشاء الله عليك

انتا تنور مكانك يا غالى وتشرفنا اى وقت

خلى بالكم يا جماعة من حاجة مهمة جدا

تعبير قهوة المصريين دة تعبير لا يعنى انها " فى مصر " ولا يعنى "انها للمصرييين فقط "

بل العكس تقريبا يمكن يكون اعمق حيث كلمة قهوة المصريين تطلق على القهوة اللى فى بلد غريبة

زى فيلم عوكل كدة لما راح تركيا ولاقى قهوة المصريين واتجنن

كمان لايعنى انها للمصريين فقط بل تعنى ان اللى بيخدم على الزوار هم المصريين ودة شرف لينا

اشكركم على تواجدكم بالقهوة والتى هى نريدها الصالون الادبى الفوركسى لنا

حالا هانزل بالمشاريب يا معلم طاهر بعد اذنك انا الصبى الجديد عندك

يا باشا المشاريب نزلت من بدرى
و على حسابى إن شاء الله
و فيصل حبيبنا ده أديب قهوتنا بإذن الله
و بفكر أعمل له أمسية عندنا
و فى يوم محدد يكتب اللى هو عاوزه و بعدين ننزل تعليقات كلنا
لكن تعليقات مش كده و كده
من الأخر نخصص له يوم صالون أدبى
إيه رأيكم ؟

نعزمك مين يا راجل

دة انتا ماشاء الله ليك خمسين طريقة للربح

احنا اللى نعزمك دة انا ما صدقت لاقيتك

امال مين هايشيل الحساب دة انا معشم االناس انى هاعزمهم لحد ما ربنا يفرجها

واهى فرجت يا حودة يلا يا محمود شخلل جيبك انا متابعك من ايام غسيل وجلى ولا فى الاحلام يا راجل

امسك الراجل ده أوعى تسيبوه
احنا ما صدقنا وقع برجليه عندنا
المعلم بوحة راقد له هنا من مدة
طلع بينه و بين ولاد ابو اسماعيل قرابة
شكلة رايح رايح

ميدو حبيب قلبي

مش لاقي كرسي

معقولة يا دكتورنا يا غالى ؟
كرسى ؟
احنا حاجزين لحضرتك ركن كامل
ينفع للقاءات الاسبور
و الرجال المهمين فى القهوة
اللى زى حضرتك طبعا
و حالا الصبيان يرتبوه لحضرتك

الكرسى بتاعى جاهز ليك لا تقلق
انت صاحب مكان مش ضيف

ايه يا أستاذنا ؟
احنا خلاص رتبنا ركن كامل للدكترة
يعنى جناح بالبلدى كده
و ممكن حضرتك تقعد معاه إن شاء الله

[طاهرالمصرى]

مسابقة قهوة المصريين الكبرى

معلم الشرف
أو المدير الشرفى للقهوة
مسابقة جديدة و فريدة من نوعها
يا جماعة الموضوع باختصار
عاوزين نعمل مدير شرفى كل يوم للقهوة بتاعتنا أو قولوا معلم شرف يمسك إدارتها من أول اليوم لآخره
و فى الآخر نعمل تصويت على أحلى يوم
و طبعا أحلى معلم مسكها
إيه رأيكم ؟
عاوز ردودو مفيش مشاريب نازلة إلا إما تردوا
سك على المشاريب دلوقتى يا ميدو

[masraw777]

يسعدني ان انضم لقهوه المصريين واتمني ان تجمعنا هذه القهوه علي الخير والمحبه
أخوكم مصراوي 777

[ابو عمرو 888]

نورت يا غالى

احنا كلنا هنا فى خدمة بعض

اللى يقدر على حاجة يخدم التانى خصوصا فى الوسايط

اول حاجة اطلبها منكم عايز ادخل ابنى الكبير الشرطة

حد يعرف صول فى الداخلية ؟؟

السلام عليكم ورحمة الله وبركاتة
اتمنى ان اكون معكم فى هذا الباب الجميل واتمنى ان تقبلوا ذلك وانا سعيد جدا بفكرة هذا الباب لانة سوف يجمعنا ويقربنا من بعض .
واتمنى من الله ان يستمر ويزداد عدد الزبائن واعتبروونى اجدد زبون عندكم حتى الان
وفى البداية انا قرات عن الفوركس منذ اربعة اشهر وانا بعمل على الديمو حاليا على شركة fxsol
منذ شهر تقريبا نتاجى معقولة حتى الان..
اريد المساعدة على فتح حساب حقيقى مصغر .
ارجو المساعدة فى ذلك ولكم جزيل الشكر
اخوكم سعد سالم

[fxaqaba]

بالمصري.................

كاين ماشي على النيل وبفكر إزاي يجيب الدبل بتاعت الخطوبة..............
المشوار لسه بـأوله ومش عارف يدبر امورو.............
كل شوية خطيبتو بتتصل معاه على الموبايل وبتسألو ازا كلن اشترى الحاجات من سيتي ستارز مول

ولا لسه .... اصلو حفلة الخطوبة بعد شهر وما فضلش كتير ودي خطوبة بس والمسائل الكبيرة لسه ما جتش...
ماشي وبفكر وبفكر وهوه ماشي ومش عارف يعمل ايه... حاسس الدنيا ديئة أوي عليه...
وراح لأهوة الانترنت اللي بتيجي على أول الشارع إللي ساكن فيه...
الناس نايمة بالحارة وفيش غير المحل ده فاتح وهوه مش جايلو نوم ..
دخل محل الانترنت وأعد على الجهاز وبدا يأقلب صفحات... أصلو الجهاز كاين مفتوح والوصلات اللي عليه كاينة شغالة ... والرام مليان على ودنو....
وفجاة أعد يئول .. الله الله الله .... ايه ده ... اي اللي انا شيفو ده... حد يفهمني يا جماعة..
صحيح اللي انا شيفو ده واللا عيني بتحلم... مش معقول ... اي الرقم المهول ده... استنى شوية ... الرافعة كم ؟؟؟ 1/400 ؟؟ ... ده مش ممكن اكيد انا بحلم...
ده ممكن اجيب المليون أبل ما تجوز ... اكيد أبل ما تجوز بكتير...
انا حبعتلهم ايميل حالاً ... انا لا يمكن استنا اكثر من كدة... انتو طبعا اعرفتو انو الشخص اللي كان آعد على الجهاز من أبلو كاين فاتح على ايه ...
الواد ده اصلو طول عمرو كان عايش فقير هو وامو واخواتو الاربعة اللي على وش جواز وكان اكبر مبلغ مسكو بحياتو اربعين جنيه بعد ما مات ابوه وما بألوش طالع على المعاش سنة واحدة ... وبحكيلك لا يمكن استنى اكثر من كدة .. ثلاثين سنة عايش هوه واخواتو بالفقر وما بقلوش ساعة وحدة على الجهاز وعشرين دقيقة عن اول خبر بيسمعو بحياتو عن الفوركس وبيحكيلك لا يمكن استنى اكثر من كدة... فيها ايه يعني لو استنالو شهرين وللا ثلاثة على الفقر على بال ما يفهم ايه الحكاية ... مش حيخس..
انا عارف الدول العربية ليه متنزل سن المعاش للاربعينات ليه ... الواحد يعمل ايه بالمعاش اذا وصل الستين ... يصرف المعاش على المستشفيات بئه.... وأضيها حبة تحت اللسان وحبوب ضغط وسكري ... يعني يصرف المعاش على الدوه ويجوع...
المهم خللينا نرجع لحبيبنا اللي عاوز يتزوج...
تاني يوم يطلع جري على الحارة ويشوف اهلو واصحابو ويحكيلهم الحكاية...
الناس تصدق على طول.. ويفرحو ... اصل الارباح حتيجي كل اول اول شهر والمبلغ في الحفظ والصون... الباكوات والارانب حتهل والحالة تبئى فل...
اول ما شاف اخينا دة زوج المجنون (( الباوند/ين)) ...
اصلو الزوج نشيط ما شاءالله والخطيبة بتستنى...
وما بتزهأش من الانتظار يوم واثنين لحد متشوف الصفقة ربحانة وللا خسرانة..
على طول يديهالك ... يا ابيض يا اسود ..
فتح صفقة المجنون واول ما شاف الربح 50 دولار فرح وزغرت ...
وقال آدي دبلة الخطوبة...
وفضل يزيد معاه المبلغ في نفس الليلة اخينا ده لالفين دولار... وقال آدي مصاريف الخطوبة والشبكة والذي منو...
اخينا ده طمع اكتر ومسكرش الصفقات وتركها فاتحة لتاني يوم وعاز الربح يزيد...
طفى الجهاز ونام... نام في البيت لانو المرة دي كاين مشترى جهاز ومركب adsl في البيت...
وصحي الصبح وشغل الجهاز وهوه بيستنى يشوف الربح الكتير...
وبص بالميتا وشاف المبلغ ضعف اللي كان عليه... طبعا انتو فتكرتو انو حيكون خسران لانو طمع ومعلش البروفت بتاعت صفقة بلليل...
هوه كدة الجوبي ميعرفش الطماع من اللي مش طماع ... بلدوزر وماشي...
وفضل اخينا ده يتاجر بالفوركس 29 يوم لانون باليوم ده عاوز يسحب ارباحو من الشركة ويدفع كل تكاليف الفرح .. هوه عامل البرنامج بتاعو كده ... اليوم 29 مكنش عندو ولا صفقة شغالة ومبرمج نفسو يقبض الفلوس.....
بس لما بص بالميتا وشاف الجوبي واصل نقطة مقاومة لازم يرتد منها .. اصلو كاين على حسب ما سمعت على حفة المثلث الهابط من فوق ... وازا نزل السعر حتكون خبطة العمر... دي فيها 700 نقطة على الأقل ... وقعد يحسب ويطرح ويجمع وطلعت معاه النتيجة 10 دولار على النقطة الواحدة ضرب 700 نقطة تساوي 7000 دولار مش بطالين خصوصاً انو المثلث بينادي عليه وبحكيلو الحأني حأع ...
وأخينا ده ما كذبش خبر وفتح الصفقة وبدل ما ينزل السعر ارتفع اضعاف المثلث الى اعلى..
ودي حالة اخينا ده بعد المثلث