طريقة جديدةو مجربة تضمن ربح يومى 1% من حسابك على الأقل... يعنى 30% شهريا بس ركززززززز

[memomsn2006]

يا شباب انتو عارفين ان ثقافتنا المانى فط مفيش حد يترجم الكتاب ده
وخصوصا انى جربت اترجمه على الوافى لاقيت الكلام مش جاى لبعضه
ارجو لو حد يقدر يقوم بالعمل ده يبقى له جزيل الشكر

[goldfile]

يا شباب انتو عارفين ان ثقافتنا المانى فط مفيش حد يترجم الكتاب ده
وخصوصا انى جربت اترجمه على الوافى لاقيت الكلام مش جاى لبعضه
ارجو لو حد يقدر يقوم بالعمل ده يبقى له جزيل الشكر

انا معاك يريت الاخ dramr71 يشرح الطريقة بنوع من التفصيل

[hamidhossain]

دخلت على موقع الشركة اللي باتعامل معاها، وعندهم دعم فني عن طريق الشات، سألته عن الـ سكالبينج إذا مسموح أو ممنوع، قال:

مسموووووووووووووح

لأنهم يتعاملوا بطريقة No Dealing Desk Execution

تأكدوا من شركاتكم !!!

تحياتي
حامد

[dramr71]

أولا مين اللى قال إنها ممنوعة
صدقونى اللى بيمنعها هما أصحاب الوايت ليبل مش الشركات
لية ؟
أصحاب الوايت ليبل بتكون منصاتهم جاى ليها الداتا فيد Data Feed بتاع السوق متأخر 5 إلى 10 ثوانى.
و بالتالى العمليات شوية مش بتكون دقيقه
المهم متشغلوش بالكم بالموضوع دة
خلينا فى الطريقه
نبدأ مع بعض
حأتكلم شوية و بعدين أشرح على الشارت
و على فكرة الكلام دة حصرى لمنتدى المتداول العربى
لأن هنا فى ناس محترمين و فيه تفاعل
بس يا رب اللى هأقوله يتم تنفيذة بدقة و ألتزاااااااااام
هو دة مفتاح النجاح
تانى نقطه رجاء رجاء رجاء
يتم التجربة الأول لمدة أسبوع على الأقل فى الديمو للمحترفين و شهر فى الديمو للمبتدأين
لأن النظام دة مش بيصلح لكل الناس....
والله يا أخوانى بعد كذا يوم فوجئت بعصبيه و أضطراب بعد أول ساعه من بدايه عملى اليومى
و كسرت الماوس بعد 3 أيام
و كنت خأخسر أصدقائى بعد أسبوع
فكفاية ساعة يوميا و بلاش طمع (طمع المكسب الواحد يقول أنا كسبت 1% بسهوله نخليهم 2%)
أو طمع الخسارة (يقول أدخل تانى عشان أعوض) و هنا الكارثه
و الكلام دة ينطبق على الفوركس كله
بس فى الأسكالبنج أكتر عشان بعد ساعة الأعصاب بتبوووووووظ
المهم
نبدا: (على فكرة كل الخطوات مهمه جدا)
1- نتأكد من أن الجهاز سليم و غير بطىء و لا يوجد به مشاكل
2- وصله النت ثابته (مش مهم السرعه) المهم الثبات
3- تدخل غرفة مغلقه (عشان التركيز)
4- تكون لوحدك (عشان لما تخسر متحسش بالخجل امام هذا الشخص او من الممكن يؤثر فيك فى قرارات البيع و الشراء فأنت صاحب قرارك)
5- فنجان القهوة ... مهم جدا جدا
6- مفيش موسيقى او تلفزيون او هاتف(عشان التركيز)
7- نغلق الماسنجر و أمثاله (عشان التركيز)
8- نسمى بالله الرحمن الرحيم
9- تدعوا لوالدى بالصحة و الرحمه و لكم مثلها و لو حصل خسارة اوعى تدعى عليا ... انا مليش ذنب انا بنقل خبرة مش أكتر و لن تحصل الا على رزقك اللى مكتوب لك.

نبدأ فى الناحية العملية
1-زى ما قلنا نفتح ديمو عشان نطمئن على فهمنا للطريقه, و خذها منى حكمه ان طول ما انت بتخسر على الديمو عمرك ما حتربح على الحساب الحقيقى و العكس صحيح.
2- نختار الشركة المناسبه و انا مش عارف ايه نظام المنتدى فى الكلام عن الشركات بس مبدأيا أفتح حساب عند أف أكس سول و فى الأخر ممكن نتناقش براحتنا فى موضوع الشركات لأنى عندى فكرة ممكن تربحنا مع بعض بس خلونى أتأكد أنها تنفع.
3-نراجع أزواج العملات لمعرفة فارق السبريد فلا يجب أن يزيد عن 3 إلى 4 بيب و ممكن زوج واحد يكون 9 بيب و هو المجنون او فى مقوله أخرى (الأهبل) اللى هو الأسترلينى ين عشان دة حركته كبيرة موووووت و دة يعمل شغل بس الزج دة يجيب الضغط و السكر و الزهايمر و الشلل الرعاش و الحقيقة يا أخوانى أنا أشتغلت 80% من شغلى عليه عشان كدة كنت مضغوط بس عملت 193 عملية فى الزوج دة فى 4 أيام و الحمدلله كان الربح كويس.
4- و نلاحظ أن الأزةاج المناسبه هى
اليورو دولار
اليورو أسترلينى
اليورو ين
النيوزلندى دولار
الأسترالى دولار
5-يجب أن نحدد العمله او العملات التى سوف نعمل بها و من ثم نبدأ فى تحديد قيمه اللوت و نعرف كم يمثل من حجم الحساب , ينصح بأن لا يتعدى 2% من حجم الحساب و يستحسن 1% من قيمه الحساب, ههههههههههه طبعا هذا لن يحدث , نعم انى اضحك لأنى لم أنفذ كلام مستر روبورت مؤلف الكتاب و قد وصف الشخص الذى يتاجر ب 4% من قيمه الحساب بأنه يدعى سكالبر كامى كازى أو الأسكالبر الأنتحارى , و صراحه أنا وصلت فى أحيان إلى 10% و أكثر من زوج فى نفس الوقت و الحقيقة ممكن نسمى دة الأسكالبر الجشع , بيتهيألى مش محتاج أقول أنه أكتر من كدة يبقى ..... هو بأة يسمى نفسه لأن دة عايز يخسر عقله ... أيوة عقله مش فلوسه.

6- تفتح الشارت اليومى , ثم الأربع ساعات, ثم الساعة و النص و الربع و فى كل مرة بتحدد أتجاه السوق لغايه لما تكون فكرة ... تمام كونت الفكرة عن الأتجاه العام و الأتجاه اليومى و خلال الساعه .. تمام التمام .... تنسى هذا الأتجاه و تحطة فى العقل الباطن فأنت لن تستخدمه إلا فى التريلنج ستوب, عشان تزود أرباحك, أما غير كدة فأنسى هذا الموضوع .

7-نفتح شارت الدقيقة, نركز فيه شويه و حتلاقى انه شارت الدقيقه اللى بيحصل فيه هو نفس اللى بيحصل فى الخمس دقائق و الربع ساعه و الساعه و اليوم ..... ألخ
الشارت هو الشارت و نرسم خطوط ترند كبيرة على البع ساعة لغاية الربع أسمها خطوط ترند و بعد كدة فى الخمسه و الدقيقه أسمها ميكرو ترند و هو دة اللى حنشتغل عليه.

ممكن نكمل غدا
سورى يا جماعه
يا ريت نثبت الموضوع لغايه نهايه الشرح عشان الواحد يحس فعلا ان الموضوع شيق و مهم لو هو كدة فعلا
و عشان الاقيه فى وشى كل أما أفتح المنتدى و أكمله باذن الله

[SASA]

أيوه يا عم كده كنت فينك من زمان, انت من ساعة ما وضعت الموضوع وأنا اتشتت تشتيته رهيبة لأن الموضوع عجبني وبدأت أقرأ فيه لكن كنت متشتت جامد أوي. إنت بشرحك ده حتكون ريحتنا راحة رهيبة.
إحنا في إنتظارك يا باشااااااااااااااااااااااااا.

[SASA]

انت رحت فين يا دكتور إحنا في إشتياق لإستملاع باقي الشرح

[memomsn2006]

فينك يا
dramr71
اشتقنا لاكمال الشرح
نرجو منك ان تكمل او تضع ترجمه للكتاب واحنا نتعامل
والف شكر ليك على الجهد
وبارك الله فيك

[goldfile]

اكمل اخي الكريم جزاك الله كل خير انا من هواة السكالبينج


تحياتي

[Anas User]

ألف شكر لك أخي الكريم

و لكن أين وصلة الكتاب ؟؟؟

[BillGatesJordan]

معلش هو الكتاب فين مش شايف أي لينك هنا أنزل منه الكتاب شكله إتمسح أو سقط سهوا يا ريت ترفعهولنا تاني عاوز أبص عليه بصه كده

[محمد بن سعـود]

قرأت لكم أخوانى كتاب يتكلم عن طريقة جديدة, على الأقل جديدة بالنسبة لى.
تدعى أسكالبنج.
لم أشأ ان أعرضها قبل تجربتها
قمت بتجربتها تقريبا من منتصف رمضان الماضى
طبعا مع أجازات العيد و الذى منه ضيعت شوية وقت
اللى لاحظته انك لو ركزت و لم تطمع ممكن تعمل على الأقل 1% من اجمالى حسابك أرباح يومية
و هذه نسبه عال العال والله.
هذا الكتاب مشروح فيه الطريقة
و لو فى اى استفسار انا موجود يا شباب
و مع الوقت ساعطيكم ملخص للكتاب للى بيحبوا يريحوا دماغهم

اين الكتاب ؟؟؟ لم اجده في المرفقات ؟؟؟؟

[هامور مبتدئي]

تحياتي لك
الاستراتيجية اللي بتتكلم عنها يعني انك تستثمر 10 % من راس مالك اي انك تحقق 1% من راس مالك العامل يوميا . بمعنى انك لو بدات بمبلغ 10000 دولار اي في اليوم الاول تكسب فقط 100 دولار نهاية الشهر الاول يكون رصيدك 12000 دولار
استراتيجية ممتازة بس لا تطمععععععععععععع
وشكرا

[To Million]

مشكورين بس الرابط مش موجود و كمان شركة الوساطة يلي بشتغل عليها قالت ممنوع

بس بكل الأحوال ان شاء الله متابع معاكم

[macd2]

dramr71



منتظرين إبداعك ما شاء الله عليك

[khaled_S]

منتظرين خوى درامر