█▓▒░ كيف تربح من السوق وأنت مبتدئ .... السهل الممتنع █▓▒░

[محمد فتحي]

كيف تربح من السوق وأنت مبتدئ؟

شغل هذا الموضوع بالي كثيرا في الآونة الأخيرة فنجد كل يوم من يخرج علينا ويقول ان السوق كله خسرانين وان مفيش حد بيكسب وان اللي يقول غير كدا يبقي كذاب وان هذا السوق عايز محترفين تحليل فني وأساسي وموجي ونفسي وكروي علشان تقدر تكسب منه

ولو نظرنا للموضوع بنظرة العقل سنجد أن السوق لا يسير إلا في اتجاهين (صاعد) أو (هابط) وليس أكثر
فإذا كنت خسران دائما فأنت دائما تسير في الاتجاه المخالف وهذا ليس عيبا في السوق ولكن عيب فيك انت فالسوق لم يمنعك أن تدخل في الاتجاه الصحيح


هيطلع واحد دلوقتي يقولي طيب يا عم الحج .. قولي بقي أنا مبتدئ وعايز أكسب ... أعمل ايه

في السطور الجاية هتلاقي شوية نصائح من أخوك المبتدئ لو سمعتها ومشيت عليها عمرك ما هتطلع خسران وقلبك محروق علي فلوسك

1- ماتسمعش كلام أي حد يقول السوق كله خسرانين ونصيحة ماتقرأش المواضيع دي علشان ده كلام فاضي



2- ماتدورش علي توصيات.. أقسم بالله ان كل التوصيات بتخسر وبلا استثناء لأنك ببساطة بتلعب قمار مش بتتاجر



3- اشتغل باستراتيجية واحدة وارضي بمكسبها هي بس لأنك لو شتت نفسك في كذا استراتيجية عمرك ما هتكسب ولا هتركز يعني من الآخر ماتبقاش طماع علشان لو طمعت هتخسر 100% وخد بالك ان كل الاستراتيجيات بتكسب لكن لازم تجربها علي الديمو وتستقر علي استراتيجية واحدة




4- يفضل الالتزام بزوج واحد أو علي الأكثر زوجين فقط وماتزودش لأنك مش هتستفيد حاجة غير التشتيت وإن كثرت الفرص وده هيسببلك اضطراب وانت بتتاجر.



5- إدارة رأس المال ثم إدارة رأس المال .. إجمالي عقودك المفتوحة لا تزيد عن 10% من رأس المال وأنا شخصيا أفضل من 5% إلي 8%



6- بعد وضع أمر البيع أو الشراء والهدف والاستوب لا تجلس أمام الكمبيوتر مثل الطرزان تشاهد الشارت وتتعب أعصابك وبالتالي تقرر قرارات خاطئة .. صدقوني وعن تجربة تابعوا إغلاق الساعة فقط مع متابعة الاستراتيجية



7- بالطبع التعلم المستمر هو طريق النجاح والتطوير مطلوب يعني لا تكفي الاستراتيجية بالرغم من أنها تحقق الأرباح .. إذ لا بد من تعلم التحليل الكلاسيكي تعلم جيد وأنصح في ذلك بموضوعين

1- موضوع تعلم مع محتار وهو في القسم التعليمي
2- طريقة شيخ المحللين الوافي رحمه الله

وهذه الطرق ستساعدك مع الاستراتيجية في تحديد نقاط الدخول والخروج الصحيحة ومعرفة سير واتجاه الزوج



8 - لا تثق إلا في قرارك ما دام مبني علي الاستراتيجية وبالتالي لا تستمع لأي توصية أو أي تحليل من أحد وتعكس قراراتك فتندم



9- لا تدخل في صفقات طويلة (سوينجات) بناء علي تحليل الخبراء ويفضل لك في البداية المضاربة اليومية



هذه نصائح من أخوكم وانا مبتدئ جدا ولكن أعتقد وأتمني أن يكون اعتقادي صحيحا اني وجدت الطريق لكي تربح مع أنك مبتدئ وذلك بالسهل الممتنع

دمتم بصحة وعافية

[أبو قمر]

أشكر لك نصحك ...............

وأرجو ان لا تجد معارضة على العنوان
أشكرك مرة أخرى

[محمد فتحي]

أشكر لك نصحك ...............

وأرجو ان لا تجد معارضة على العنوان
أشكرك مرة أخرى

الشكر لله أخي ولو كنت مش عارف المعارضة هتبقي علي أيه .. انا كتبت الموضوع للنصيحة فقط

[m7mad.a]

والله اخوي انا اتفق معاك
و ان شاء الله تناخذ هذه النقاط بعين الأعتبار.

[Abo Osamah]

كلام صحيح... لكن من يطبق

دائمآ نقول هذا الكلام أثناء إجازه السوق وبمجرد أن يبدأ ننسى، ونقنع أنفسنا بأن الضربه ستأتي ونضاعف الرصيد وعندما يحث ذالك نطمع ونطمع إلي أن ينتهي الإسبوع علي خسارة..

[خيرالدين مهدي]

ولو نظرنا للموضوع بنظرة العقل سنجد أن السوق لا يسير إلا في اتجاهين (صاعد) أو (هابط) وليس أكثر
فإذا كنت خسران دائما فأنت دائما تسير في الاتجاه المخالف وهذا ليس عيبا في السوق ولكن عيب فيك انت فالسوق لم يمنعك أن تدخل في الاتجاه الصحيح
اجمل عبارة في موضوعك
وادقها ايضا
يبدو انك عرفت الطريق الصحيح
نصيحتي لك
(علمت فلزم)

[Nasreldin]

كل سنة وانتم طيبين وأعضاء المنتدي كلة بخير وصحة وسعادة ان شاء الله
وشكراً يا فريدم علي نصايحك الغالية وربنا ما يحرمناش منك يا غالي، وكل سنة وانت طيب.

[محمد فتحي]

والله اخوي انا اتفق معاك
و ان شاء الله تناخذ هذه النقاط بعين الأعتبار.

إن شاء الله يا أبو حميد وشد حيلك

[محمد فتحي]

كلام صحيح... لكن من يطبق

دائمآ نقول هذا الكلام أثناء إجازه السوق وبمجرد أن يبدأ ننسى، ونقنع أنفسنا بأن الضربه ستأتي ونضاعف الرصيد وعندما يحث ذالك نطمع ونطمع إلي أن ينتهي الإسبوع علي خسارة..

والله يا أبو أسامة لو الناس كلها طبقت هتكسب ... يا رب الكل يستفيد

[الثنيان]

5- إدارة رأس المال ثم إدارة رأس المال .. إجمالي عقودك المفتوحة لا تزيد عن 10% من رأس المال وأنا شخصيا أفضل من 5% إلي 8%

قلل المخاطره تقل الخسائر واترك الارباح تزيد...

[محمد فتحي]

ولو نظرنا للموضوع بنظرة العقل سنجد أن السوق لا يسير إلا في اتجاهين (صاعد) أو (هابط) وليس أكثر
فإذا كنت خسران دائما فأنت دائما تسير في الاتجاه المخالف وهذا ليس عيبا في السوق ولكن عيب فيك انت فالسوق لم يمنعك أن تدخل في الاتجاه الصحيح
اجمل عبارة في موضوعك
وادقها ايضا
يبدو انك عرفت الطريق الصحيح
نصيحتي لك
(علمت فلزم)

إن شاء الله ألزم الطريق الصحيح مادام هو اللي بيحقق الربح .. صدقني لقد حفظت نقاط ضعفي ولن أكررها بإذن الله واتمني ان تستفيد الناس من أخطاء غيرهم

[محمد فتحي]

كل سنة وانتم طيبين وأعضاء المنتدي كلة بخير وصحة وسعادة ان شاء الله
وشكراً يا فريدم علي نصايحك الغالية وربنا ما يحرمناش منك يا غالي، وكل سنة وانت طيب.

أهلا يا أبو حميد يا غالي .. الشكر لله يا معلم ويارب الناس كلها تسمع وتعقل ... ربنا يبارك فيك وكل سنة وانت طيب

[محمد فتحي]

5- إدارة رأس المال ثم إدارة رأس المال .. إجمالي عقودك المفتوحة لا تزيد عن 10% من رأس المال وأنا شخصيا أفضل من 5% إلي 8%

قلل المخاطره تقل الخسائر واترك الارباح تزيد...

بالظبط ربنا يبارك فيك جملة حكمة

[I am Mohammad]

يا حلاوته

يا جماله


حكم ممتازة يا عم محمد


ماشاء الله ... اللهم صل على نبيك محمد


والله كلام أغلى من الماس والياقوت


ونظرة ثاقبة ((ومن الآخر))


جدع يا صاحبي

وربنا يوفقك ويوفق كل اخواننا

[t.analysis]

كلامك زي العسل والله .... ربنا يوفقك ويهديك على فعل الخير