النتائج 1 إلى 2 من 2
  1. #1
    الصورة الرمزية ابوتركي الثبيتي
    ابوتركي الثبيتي غير متواجد حالياً عضو المتداول العربي
    تاريخ التسجيل
    Dec 2004
    الإقامة
    السعودية
    المشاركات
    2,813

    افتراضي رائعة من روائع الشاعر / عبدالله بن شايق آل عاطف القحطاني





    اهدااااااااااااااااااااااااااااااااااااااااااااااا ااااااء
    رائعة من روائع الشاعر / عبدالله بن شايق آل عاطف القحطاني



    الأجود واجـد والمراجـل لهـا كسـاب
    لكن واعد العشـرة ليـا صـرت جمالـي



    يطير الشـرار وكـل نـارٍ لهـا شبـاب
    ومن ولع النيران يصبـر علـى الصالـي



    تجارب حياتي معجزة وادروب أصعـاب
    ولقيت الرجال انـواع والـوان وشكالـي



    صديق الشدايد ما خذا منك علـم وجـاب
    وسيع الصدر يضحك ولا هـو بزعالـي



    صديـق الشدايـد لا ينافـق ولا يغتـاب
    يدلـه غريـب الـدار ويزيـن الجـالـي



    وصديق الرخى عقاب ومصادقـه عقـاب
    شجاع الحكـي والمـدح بالقيـل والقالـي



    وصديق الرخى ما غير صورة ولبس ثياب
    يا ليتـه يبرقـع مالـه شمـاغ وعقالـي



    وعنـدي نصيحـه جـد ماقلتهـا لعـاب
    أقول الصحيـح ونايـم القلـب يصحالـي



    ترا خوة أهل الطيـب يالطيبيـن أطبـاب
    يطيـب السقيـم وخـوة الاش سـلالـي



    تغانم شبابك يا بيض الوجه دامـك شـاب
    ترى البدر لو يطلع قمـر عـود أهلالـي



    فلا تهجر المسجد وخلـك ورى المحـراب
    ترى روضة المسجد لهـا منـزلٍ عالـي



    ولا تترك اللي يزهمـك خايـفٍ مرتـاب
    ترى الذل ما نجـى الثعـل بـا لتحيالـي



    ولا لندى غير الفدى لـو تـروح أرقـاب
    ومن ضاع شوره يا خذ الشـور ويمالـي



    ومن با شـرك بالعـذر لاتلحقـه بعتـاب
    ولا تشوف نفسك شيـخ والنـاس عمالـي



    ولا تهين نفسك لو تجي بين ضرس وناب
    وهيبتك لا تنقـص ولـو ربـع مثقالـي



    وبنت الردي لا يعجبـك زينهـا الجـذاب
    تراهـا كمـا المخيـال خيـل وتخيالـي



    ولو شفت حمر خدودهـا وثمـان أعـذاب
    لا بدك تمنى ليـت مـا جالـك أعيالـي



    ولدها لا ياشاف النقـى والملاقـى هـاب
    ذليـلٍ بخيـلٍ فيـه خفخـاف وجفـالـي



    أخذ بنت قرمٍ طيـبٍ ساسهـا مـا عـاب
    تنومسك بنـت الشبـل ويجيلـك أشبالـي



    أعيال الذياب تصير مثل الذيـاب أذيـاب
    وعيال الثعالـب مثلهـا زهـر الاذيالـي



    وفرخ الصقر مثله وفرخ الغراب غـراب
    وبـوم الخـراب ايقابـل العـش ويلالـي



    الي صار راسك فوق يا طيب الا نسـاب
    فـلا ينحنـي لقـدام رجليـن ونعـالـي



    لكن الله اللي يكتـب الـرزق يـا خطـاب
    هو اللي يفـك البـاب ويقـص الا قفالـي



    ولا يهمـل الا واحـدٍِ عايـفٍ الاشبـاب
    ولا ضيع أحقوق البشر غيـر الا همالـي



    وترى للقصايد كيف والكيف لـه شـراب
    وانا ما مشرب الا كيف راسـي بفنجالـي



    ولا طاوع الجاهـل ولا جامـل النصـاب
    أقـدم يميـن الحـق واحــط معـذالـي



    ولا نيب و الله طيبن له مـع مـن طـاب
    ومن طاب لي برخص له الحال والمالـي



    أكذب وانا خابـر واجامـل وانـا كـذاب
    سنين مضت هـي صـدق والا يورالـي



    تلخبط جهاز المخ وانهـارت الاعصـاب
    وفورت دمـي وارتفـع ضغطـه العالـي



    لكن في رجى اللي من رجى رحمته ماخاب
    هـو الواحـد العالـي وهـو ربناالوالـي



    وهو الخالق الرازق وهو المعطي الوهـاب
    لـه الملـك كلـه والكمايـل والاكمالـي



    رئوفٍ رئيفٍ رحمتـه تنقـذ المنصـاب
    يغيث الديـار الممحلـه عقـب المحالـي



    شديد العقاب ويعتق المذنـب اللـي تـاب
    عسـى مـا يوخذنـا بسيـات الاعمالـي



    كما قالـه الله فصبـروا يأولـي الالبـاب
    ترى الصبر زين وكلمـة الحـق تنقالـي



    واصلي واسلم عد مـا تنبـت الاعشـاب
    وما لاح بـراقٍ سـرى يشعـل أشعالـي



    على المصطفى اللي وحد الدين والاحـزاب
    شفيـع أمتـه يـوم الهوايـل والاهوالـي




  2. #2
    الصورة الرمزية aldhafer2000
    aldhafer2000 غير متواجد حالياً عضو المتداول العربي
    تاريخ التسجيل
    Mar 2007
    العمر
    46
    المشاركات
    112

    افتراضي رد: رائعة من روائع الشاعر / عبدالله بن شايق آل عاطف القحطاني

    الله ما اجمل هذه الابيات .


    اشكرك على هذا الموضوع الجميل

المواضيع المتشابهه

  1. ياسر القحطاني
    By احمد ابراهيم in forum استراحة اعضاء المتداول العربي
    مشاركات: 0
    آخر مشاركة: 26-08-2010, 04:26 PM
  2. نونية القحطاني
    By ab12sa in forum استراحة اعضاء المتداول العربي
    مشاركات: 4
    آخر مشاركة: 18-09-2009, 11:30 PM
  3. #### وصف النبي المصطفى رائعة رائعة رائعة ###
    By محمد العزب in forum استراحة اعضاء المتداول العربي
    مشاركات: 5
    آخر مشاركة: 01-07-2009, 08:58 PM
  4. قصه استشهاد النقيب طيار عاطف السادات
    By mohsen224 in forum استراحة اعضاء المتداول العربي
    مشاركات: 14
    آخر مشاركة: 02-05-2009, 02:38 PM
  5. خالد القحطانى
    By ابوتركي الثبيتي in forum سوق تداول العملات الأجنبية والسلع والنفط والمعادن
    مشاركات: 4
    آخر مشاركة: 22-01-2007, 12:25 PM

الاوسمة لهذا الموضوع


1 2 3 4 5 6 7 8 9 10 11 12 13 14 15 16 17