خاص بالفوركسيين المغاربة ....

[aazerar]

اهلا السي أنس .. ومبروك العواشر ..

خويا واش انت متاكد من هده المسألة ديال ارسال الاموال ؟ ..
الا كنت متاكد اعطي للاخوان تفاصيل اكثر .. او شي حد من الاخوة اللي ساكن فالرباط يمشي للمكتب المذكور ويسولهم ويرد علينا الاخبار ..

بالنسبة للمسنجر .. انا ديما موجود .. غير داير ف Mon status : "مرمضن" ..

المسألة تتعلق بمكتب الصرف في الرباط حقيقة تمشي عندهم وسولوك علاش او كيفاش عاد يعطوك الرخصة اما سكان الشمال المسالة ساهلة عندهم مثل مدينة الناظور و تطوان كيدخلو لمليلية او سبتة و يرسلو الفلوس بلا هادي بلا ديك بدون اي سآل او شرط انا بغيت كم تقولو لي شركة الوساطة المزيانة لأنني ساكن في الناظور .
بغيت نتلاق بشي cazawi و نتقهواو لانني غادي نعيد في كازا مع الوالدة وشكرا.

[fx_najah]

ما شاء الله تبارك الله
عاش من شافكم أو خوكم خسر جوج حسابات صغار بصح ماعليهش مازال مكملت عامين عاد..
و ان شاء الله حتى نتعلم مزيان مزيان عاد نتوكل على الله و ندخل على الحقيقي، و الحمد لله كل يوم راني حسن مللي فات و يكون الخير ان شاء الله..
أنا متضامن معاكم بصح كانعيش في الغربة و هنا ساهل تخرج لفلوس مشي بحال بلادنا الله يهدي أولياء أمرها يبغيو غيدخلو ما يخرجو ( قال العولمة قال )..
أخوكم من وجدة و احنا كلنا خوت..

والله اكبر مفاجئة لي ان تكون مغربي ولد مولودية
والله دائما اتابع موضيعك وكنستفد منها الله يعطيك الصحة دابا عندنا حق نفتخر حيت عندنا ناس بحالك
تبارك الله عليك والله يحجبك من العين

[داي ترايدر]

انا مثفق معاك خويا المشكل الاكبر هو الجهل بالسوق وعدم اخد وقت كافي للتعلم.
كبار المتاجرين كيخسرو وما بالك بنا
اتمنى ان نجد حلا لمشكلتنا في فتح الحساب الحقيقي
ودي

هذا المشكل نتاع ارسال الفلوس غادي يكون حافز لنا باش نتقنوا هذه التجارة لأنه لا يعقل نخرجوا الفلوس بمشقة الأنفس او فالتالي نخسروها لا قدر الله..
ارسال المال ماشي مشكلة كبيرة لأنه لما تكون متيقن أنك قادر تحقق أرباح و لو بأهداف صغيرة لكن دائمة، ترسل المال و لو الذهاب لسبعة رجال.. هدفنا هو الربح ان شاء الله..
تقبل تحياتي خويا..

[داي ترايدر]

السلام عليكم البارحة ليلة القدر لم اجد الوقت للرد على اخواني

اخي ابن كلميم foxsahara كيف حالك اقليم وجدة وفكيك يسلم عليك والله
ليك وحشة يارجل اخواني

خالد أبووليد
داي ترايدر
المايسترو
ابن تاشفين

وكل اخواني مغاربة ومشارقة انا معاكم ان العبرة
ليست بفتح الحساب ولكن كيف ندير هذا الحساب ونحقق الهدف
وتكون المحصلة في اخر الشهر ارباح لدي صديق في اليابان قال

لي انه يعرف اطفالا يحققون دخلا شهريا محترما من الفوركس
ونحن مصيبتنا مصيبة خسارة في خسارة واعلموا اخواني ان خسائرنا
تعني بشكل اوباخر ارباح تضاف لحسابتهم هم اللذين اتقنوا الحرفة
وكيفوها كي تذر عليهم اموالا طائلة ونحن لنا الكد والنصب

تحياتي وكل عام وانتم بالف خير

المهم أخي العزيز نبقى دائما نفكر ايجابيا و يكون الخير ان شاء الله..
صراحة أنا معلق ورقة على الحائط كتبت عليها بالحروف الكبيرة (( أنا قادر أنا أستطيع أنا جذير بذلك )) و العقل اللاارادي يطبق كل ما نقوله له لهذا التفكير الايجابي جميل جدا و نحن ان شاء الله لسنا أقل من اليابانيين و كل ما علينا فعله هو الالتزام الالتزام و النتائج تكون مفرحة باذن الله

[داي ترايدر]

اتفضل خويا :

مصطفى بالخياط : عبقرية التداول المغربي

الروبورتاج ..اراو لنا الروبورتاج ..(على عهدة الجم)

http://www.youtube.com/watch?v=9axci...Ephp%3Ft%3D353

بارك الله فيك، أنا شفته منذ سنة تقريبا في برنامج مشاريع و الله يبارك للأخ مصطفى في ماله و صحته ان شاء الله و يخصنا نكونوا بحاله و لواحد يا سلام من الدار دياله مع أتاي بالنعناع مشحر، يكرش 20 نقطة و لا 30 و يخرج من السوق و يحمد الله..

[rammy]

السلام عليكم

أخوان المغاربه أرجو الشرح أكثر عن مشاكلكم من قلب المغرب لو أمكن ومع أي شركة تتعاملون

[داي ترايدر]

والله اكبر مفاجئة لي ان تكون مغربي ولد مولودية
والله دائما اتابع موضيعك وكنستفد منها الله يعطيك الصحة دابا عندنا حق نفتخر حيت عندنا ناس بحالك
تبارك الله عليك والله يحجبك من العين

الله يحفظك أخويا، و المغاربة تبارك الله فين ما مشيت تلقاهم و مادام التفكير راح للفوركس فهذا ماشي غريب عليهم و ان شاء الله نستافد من خبرات بعضنا البعض باش نربحوا في هاذ السوق و المهم هو عدم التسرع و عدم الطمع و الرضاء بالقليل الدائم خير من الكثير و مقطوع..
و الله يبارك عواشركم و تعيدو و تعاودو

[panachit]

غدا العيد في المغرب امبارك عواشركم اسيادي

[goldfile]

الله يبارك فيك اخي panachit وجعله الله فاتحة خير على الامة الاسلامية بالامن والسلا م والمحبة
تحياتي وكل عام وانتم بالف خير

[المايسترو]

[quote=foxsahara;447895]فرصة لا تتكرر للإخوة المغاربة لفتح الحساب الحقيقي

يمكن يكون فيها خير بالنسبة لنا كمغاربة ان القانون كيمنع ارسال اموال للخارج حتى نتعلمو مزيان وما نخسروش فلوسنا كما قال الاخ داي تريدر ..

ولكن عندي ليكم واحد المفاجأة : فرصة لا تتكرر لفتح حساب حقيقي ! ..

الفرصة هي انك تشارك وتفوز سواءا في المسابقة الشهرية اللي كاينظمها المتداول العربي شهريا ، أو في دورة الاكاديمية التعليمية اللي قريبة تفتح من بعد رمضان ..
وفي حالة الفوز غادي تفتح حساب يتراوح ما بين 300 و 1000 دولار حقيقية ...
غادي تقولوا لي هادشي عارفينو .. ما كاين جديد ..فرحتينا على والو ..

فعلا هادشي معروف ..
ولكن نقول لكم :
نتيجة المشاركة غادا تكون واحدة من جوج :
- اما انك تفوز ، وفي هاد الحالة تكون فعلا اتعلمتي مزيان ، وطحتي على السر ديال الفوركس ، بل واتفوقت على المعلمين .. وبذلك استحقيت حساب حقيقي مبروووووك .. وفي هاد الحالة غاتبقى غادي بالنظام اللي درتي فالمسابقة على الحقيقي ..

- اما انك ما تفوزش .. وفي هذه الحالة كانظن انك مازال ما وصلتي لمرحلة الحقيقي .. وخاصك مازال تتعلم .. واحمد الله ان هدوك الفلوس كانوا غير وهميين فالديمو.. ولو انهم كانوا حقيقيين ديولك كون زفيتي عليهم ..

فالحالتين انت رابح ..
وكما قالوا الاخوة : الا ما دوزتي سنتين الى ثلاث سنوات فالفوركس .. ما تفكرش تفتح حقيقي .. الا بغيتي فلوسك يبقاوا لك طبعا ..
والله العظيم كانقول هادشي غيرة عليكم وخوفا على اموالكم .. وليس غيرة ولا حسدا .. اعوذ بالله .. وانا صائم

هذه هي الفكرة اللي عندي .. وسأوافيكم بكل جديد في حينه ..
ماتزابيوش ..[/

[tobkal]

السلام عليكم اخواني انا ايضا مغربي من الخميسات انا الان فالدار البيضاء المغاربة قلااااااااااااااااااااااااااال فهاد الضومين الحمد لله لانني وجدت الوناسة منكم......
اخواني انا ايضا اعاني من نفس المشكل ياليت من وجد حلا يخبرنا
تحياتي

[aazerar]

السلام عليكم اخواني انا ايضا مغربي من الخميسات انا الان فالدار البيضاء المغاربة قلااااااااااااااااااااااااااال فهاد الضومين الحمد لله لانني وجدت الوناسة منكم......
اخواني انا ايضا اعاني من نفس المشكل ياليت من وجد حلا يخبرنا
تحياتي

مرحبا بيك تبقال اش حب الخاطر

[hassan45]

الاخوة المغاربة تحية لكم. انتم ليش ما تفتحو حساب والايداع عبر الايغولد. يوجد كثير من الوسطاء الجيدين يستقبلوز الايغولد او ويب ماني
هذا موقع جيد وعربي gold-exchanger.com

[rammy]

لا اعتقد المشكلة في تحويل الأموال , فالدي أصدقاء في المغرب وليبيا والجزائر وكلهم يعملون مع وندسور بروكرز

[ayoubsamifx]

a fine a chabab ach had lghbour khoukom weld l maroc el jadida 5 ans fi forex 3awdo fet7o lmawdou3 o tal9ouna lfraja