مفيش مشاكل يا اخى, جميل ان الواحد يحب يفهم والاجمل ان الواحد يلاقى حد يفهمه :0023: .
بص يا سيدى, زى الصوره المرفقه, عندك الجدول فيه بعض الالوان فى الشمال فوق (ازرق - ابيض - برتقالى او اصفر - احمر) , ودى مفتاح عن مدى قوة الخبر او تأثيره على العمله التى يكون الخبر بصددها.
بعدين عندك على اليمين التوقيت الى بيصدر فيه الخبر., بعدين العمله ,يعنى العمله الى هيصدر الخبر بخصوصها او الى هتتأثر به العمله.
بعدين الفهتر الزمنيه او التاريخ اليومى الى يخص صدور الخبر. واسم الخبر ايه بالظبط (زى مؤشر اسعار المنتجين او قرار الفائده مثلا)
بعدين عندك السابق والمتوقع , وده معناه ان نفس الخبر بس بالسابق كانت نتيجته كذا , والمتوقع له كذا. وده طبعا بيفيد فى التوقعات لقوة او ضعف العمله .
بعدين عندك قوة الخبر , ودى مشار لها بالون , على حسب قوة تأثير الخبر بياخد لون معين.
يعنى مثال: الاخبار الى تهمنا (بما ان احنا بنشتغل على المجنون) هى الاخبار الخاصه بالاسترلينى والين, (رغم ان اخبار الدولار على ما اعتقد برده لها تأثير وان كان ضعيفا نوعا ما)
مثال تانى : زى الى حصل اليوم, الاسواق الامريكيه اجازه , وده تأثيره اكيد مباثر على الاسواق عامة , لان مدى السيوله والتدفق الضخم الى بيوفره السوق الامريكى هيكون معدوم اليوم , وده اتضح من حركة السوق الضعيفه نوعا ما.
