عملاء fxsol في مصر سؤال من فضلكم

[أسامة سيد]

هل طلبتم أموالكم عن طريق شيك ؟

كم من الوقت يستغرق ليصلك ذلك الشيك في ظل التقدم الذي تشهده مصلحة البريد المصري؟

كم هي المصروفات عند صرف الشيك ؟

شكرا

[masrawy]

انا جربت انى اسحب بشيك اخى اسامه .. بس انا ليه ميل بوكس فى امريكا
فالشيك بتاعى وصل الميل بوكس بتاعى فى نيويورك فى خلال 5 ايام

طبعا انا بعته على الميل بوكس بتاعى خوفا من انه لو جه بالبريد العادى انته عارف ايه اللى ممكن يحصل

المشكله مش فى وصوله كمان . الفكره انه عشان تسحب الشيك لازم توديه بنك ويسفره بره للمراسل بتاعه فى امريكا واقل فتره عشان تسحب الفلوس من البنك ده حوالى 3 اسابيع ومصاريف بتبقى كبيره شويه

يعنى عاده بيبقى الفرق بين الواير والشيك حوالى 10 او 15 دولار لصالح الشيك

بصراحه الواير احسن واسرع واضمن بمراحل من الشيك

[أسامة سيد]

انا جربت انى اسحب بشيك اخى اسامه .. بس انا ليه ميل بوكس فى امريكا
فالشيك بتاعى وصل الميل بوكس بتاعى فى نيويورك فى خلال 5 ايام

طبعا انا بعته على الميل بوكس بتاعى خوفا من انه لو جه بالبريد العادى انته عارف ايه اللى ممكن يحصل

المشكله مش فى وصوله كمان . الفكره انه عشان تسحب الشيك لازم توديه بنك ويسفره بره للمراسل بتاعه فى امريكا واقل فتره عشان تسحب الفلوس من البنك ده حوالى 3 اسابيع ومصاريف بتبقى كبيره شويه

يعنى عاده بيبقى الفرق بين الواير والشيك حوالى 10 او 15 دولار لصالح الشيك

بصراحه الواير احسن واسرع واضمن بمراحل من الشيك

الف شكر لردك واهتمامك يا استاذ عادل

سلامي للدكتور أسامة الذي اختفي في ظروف غامضة وياريت ترسلي رقم جواله لانه راح مني ولو علي الخاص، أتمني ان يكون سبب اختفاءه هو تحقيقه لارباح في الفوركس

[masrawy]

هههههههههه .. اكيد الدكتور محقق ارباح طبعا

انته عارف ان خلاص الكادر بتاع الدكاتره حينزل قريب جدا " بيقولوا الخطه الخمسيه اللى بعد الجايه " والريس مهتم شخصيا بال 500 جنيه بتوع الكادر

فطبعا قال سيبك من الفوركس اللى مش جايب همه ويركز فى الطب .. عشان الكادر

عشان كده نسانا .. مهو اتغنى خلاص .. ربنا يوفقه . انا حكلمه النهارده باذن الله لانى احتمال انزل المنصوره . فلازم اشوفه

رقم موبيله بعتهولك . ولو فيه اى استفسار بخصوص الترانسفير انا معاك

[أسامه عبده]

.
أنصحك أخي أسامة بتجنب السحب عن طريق الشيك ، فمن خلال التجارب السابقة التي مرت بنا ، وجدنا أن هناك مشاكل عديدة في وصول الشيك بسبب ضعف خدمات البريد لدينا في (أغلب) الوطن العربي

كما أن الشيك يستغرق وقت طويل لوصولة - إذا وصلت - من 3 إلى 4 أسابيع

السحب عن طريق الايداع البنكي أفضل وآمن وأسرع طريقة

[وليد الحلو]

فى مرة طبيت شيك بالغلط
وصلنى بعد 13 يوم و رحت بيه البنك قالولى عشان جى بى مورجان ملوش فرع فى مصر هيأخد 90 يوم عشان يتحصل و هيأخدوا 2.5% تقريبا مصاريف ترويش

المهم اتصلت بأفكسول و عملولى كلوز عليه و بروزت الشيك عندى فى البيت و طلبت سحب بنكى من اول و جديد

اى خدمه يا هندسه

ودى و تقديرى

[helal]

طيب يا جماعة سول مهم بالنسبة ليا دلوقتى لو حسحب عن طريق حوالة بنكية الشركة حتاخد اد اية على مصاريف التحويل
يعنى لو انا حسحب 500$ عبال ما يوصلوا البنك يوصلو قد اية
وبارك الله فيكم

[وليد الحلو]

طيب يا جماعة سول مهم بالنسبة ليا دلوقتى لو حسحب عن طريق حوالة بنكية الشركة حتاخد اد اية على مصاريف التحويل

يعنى لو انا حسحب 500$ عبال ما يوصلوا البنك يوصلو قد اية
وبارك الله فيكم

25 الى 40 دولار حسب البنك اللى بتتعامل معاه فى مصر

ودى و تقديرى

[helal]

25 الى 40 دولار حسب البنك اللى بتتعامل معاه فى مصر ودى و تقديرى

بارك الله فيك اخى وليد يعنى الشركة مش بتاخد اى مصاريف اضافية على السحب
يعنى على كدة الفلوس توصل 450$ على اساس انى حسحب 500$

[وليد الحلو]

بارك الله فيك اخى وليد يعنى الشركة مش بتاخد اى مصاريف اضافية على السحب
يعنى على كدة الفلوس توصل 450$ على اساس انى حسحب 500$

لا يا غالى البنوك زى المنشار فى السحب بتأكل و فى الايداع بتاكل
انا فعلا بعمل زى ما بتقول بزود 50 دولار على كل سحبه و ايداعه

اى مصرى هيسمعنا طبعا هيقول احنا عايشيين فى تكساس .... 50 دولار = +250 جنيه يعملوا هنا عمايل

ودى و تقديرى

[أسامة سيد]

شكراااااااااا جزيلا لكل من ساهم بالموضوع

التحويل عن طريق الواير وأمرنا لله في

40$

[masrawy]

مش 40 $ يا أس .. متنساش كلام الاخ وليد

عاده مش اقل من 50 $ زى بنك مصر وده اتعاملت معاه .. واكتر من 50 $ زى البنك الأهلى المصرى وده اعرف ناس اتعاملت معاه

فرأيى خليك فى بنك مصر وخلاص واستعوض ربنا فى ال 50 $

[MrFibo]

في حوار تاني ممكن الواحد يعمله بس انا عن نفسي مجربتوش هو واحد صاحبي عمله وحكالي عنه

انا والحمد لله راضي باستعباط البنوك المصرية وحوار ال50 دولار

الحوار هو
تطلع كارت البنك الاهلي للنت ( مجانا ) ممكن تبعت بيه من غير عمولات وممكن تستقبل بيه كمان يمعلمي( امال فين التيته ؟ )
التيته يامعلم ان اللي تستقبله مش ممكن تاخده كاشات في ايدك ( يعني مش ممكن تروح البنك وتقولهم انا عايز اللي في الكارت ),

امال ايه الفلوس كده تكون ضاعت من ايدي ؟
لا ممكن تستعملها في انك تعمل ريدوبست أوتسحب فلوسك في حالة واحدة انك تقفل الكارت


انا ناوي اجرب الحوار ده قريب ان شاء الله وحقلكم على التجربه

[masrawy]

في حوار تاني ممكن الواحد يعمله بس انا عن نفسي مجربتوش هو واحد صاحبي عمله وحكالي عنه

انا والحمد لله راضي باستعباط البنوك المصرية وحوار ال50 دولار

الحوار هو
تطلع كارت البنك الاهلي للنت ( مجانا ) ممكن تبعت بيه من غير عمولات وممكن تستقبل بيه كمان يمعلمي( امال فين التيته ؟ )
التيته يامعلم ان اللي تستقبله مش ممكن تاخده كاشات في ايدك ( يعني مش ممكن تروح البنك وتقولهم انا عايز اللي في الكارت ),

امال ايه الفلوس كده تكون ضاعت من ايدي ؟
لا ممكن تستعملها في انك تعمل ريدوبست أوتسحب فلوسك في حالة واحدة انك تقفل الكارت

انا ناوي اجرب الحوار ده قريب ان شاء الله وحقلكم على التجربه

ماشى كلامك شغال بس هوه الافكسول فيها سحب بالكريدت ؟؟

مفهاش غير شيك وواير ؟!!

[وليد الحلو]

مش 40 $ يا أس .. متنساش كلام الاخ وليد

عاده مش اقل من 50 $ زى بنك مصر وده اتعاملت معاه .. واكتر من 50 $ زى البنك الأهلى المصرى وده اعرف ناس اتعاملت معاه

فرأيى خليك فى بنك مصر وخلاص واستعوض ربنا فى ال 50 $

البنك الاهلى المصرى هو انا هنساه ذلك الصرح العتيق و الطوابير الشامخه اتربيت فيه

بصراحه اقل مصاريف سحب و ايجاع فى حياتى كانت مع ABC Bank رووووعه البنك ده
و فاهمين الفوركس و معامله عسل جدا و متابعه حسابك على النت و البنك فااااضى و اخر تمام

مصاريف التحويل فيه 15 دولار + 3 جنيه من كل الف دولار اذا لم تخنى الذاكرة
توتال التحويل بيبقى حوالى 25 الى 30 دولار

ودلا و تقديرى