`·.¸¸.·´´¯`··._.·` (استراتجيه NODY) `·.¸¸.·´´¯`··._.·`

[egypt0]

السلام عليكم

اولا للامانه دى تطوير للموضوع ده استراتيجيه على فريم ال1min...منقوله من منتدى اجنبى للاخ AMGODI

من ملاحظاتى على الطريقه دى لقيت اشارات كتير خاظئه نظرا لانها على فريم الدقيقه....جربتها على الخمس دقائق برضه كان فى اشارات خاطئه حتى مع اخذ بلاعتبار ملاحظات الاعضاء لتجنبها الا انه كانت تعطى ايضا اشارات خاطئه
الى ان توصلت لهذه الطريقه بنفس التمبلت والموشرات وهما موجودين فى المرفقات بس على فريم 15 دقيقه ولكن مع اختلاف شرط واحد من شروط الدخول ولكن باهداف لا تقل عن 40 نقطه(اهداف اكبر بس انا مش بحب الطمع )

انا جربتها بس على المجنون واليورو ين ولقيتها مفيده جدا جدا حتى فى التذبذب بشرط الالتزام بالشروط اللى هحطها فى الشرح ولو الشروط اتحققت بنضمن باذن الله 40 نقطه (وممكن اكتر لو السعر مش ارتد تانى وطبعا لازم نطارد الربح)


معلش طولت عليكم فى الكلام نخش فى الاستراتجيه

اولا شروط الدخول شراء

1- ظهور شمعة ( هيكين اشى بيضاء )

2- انحناء خط الموفنج الاصفر لاعلى بزاويه تتراوح بين45 الى 90 (سيتم شرح هذا الشرط بالتفصيل) اهم شرط للدخول

3- تقاطع مؤشر ال mtf stoch لاعلى

4- تقاطع خطى موشر ال rc filter لاعلى مع تغير لون البار لمؤشر ال macd rc الى اللون الاخضر

ودى صوره توضح الشروط



ثانيا شروط الدخول بيع
1- ظهور شمعة ال ( هيكين اشى ) الحمراء

2-انحناء خط لموفنج الاصفر لاسفل بزوايه تتراوح بين 270 الى 315 (سيتم شرح هذا الشرط بالتفصيل) اهم شرط للدخول

3- تقاطع مؤشر ال mtf stoch لاسفل

4- تقاطع خطى مؤشر ال rc filter لاسفل مع ظهور البار الاحمر فى مؤشر ال rc macd

ودى صوره توضح الشروط


انا اخترت الصوره دى بالذات عشان فيها ملاحظه جميله جدا
مش لازم عشان اخد الانحناء يكونخط الموفنج الاصفر عامل حرف v لفوق او لتحت
لا ممكن يكون ماشى تقريبا فى خط افقى زى الصور اللى فوق وبعدين يبدا انحناء بالزاويه اللى موجوده فى الشروط
وانا اللى يهمنى بدايه الانحناء سواء لاسفل او لاعلى


طريقه شرح حساب زاويه الانحناء

الزاويه هن بنحسبها من اول نقطه خالص فىالانحناء ونقطه بدايه الانحناء

طبعا كلنا فاكرين ال 360 درجه والربع الاول والربع التانى والتالت والرابع
احنا شغلنا هيبقى فى الربع الاول والرابع وطبعا فاكرين زاويه الصفر كانت فى الخط الافقى فى الربع الاول

المهم احنا بنوصل خط وهمى بين اول نقطه فى الانحناء وبدايه الانحناء وبنقيس الزاويه بينه وبين الخط الافقى
طبعا مش هنجيب منقله ونقعد نحسب على الشاشه
بالصدفه لقيت خط الترند اللى بيترسم بزاويه وده اللى نقدر نستخدمه وكمان بكتبلنا الزاويه مقدارها كام وده بيسهل كتير علينا

بنجيب الخط ده منين؟؟؟ موضح فى الصوره الاتيه(طبعا التوضيح ده للمبتدئين اللى انا منهم)


ودى صوره مبين عليها لخط مرسوم بين اول نقطه فى المنحنى وبدايه الانحناء وهبين صفقه البيع وطبعا صفقه الشراء زيها بس بالعكس



طبعا كلما كانت الزاويه حاده اكتر كانت الاشاره اقوى


والحمد لله كده اكون خلصت شرح الطريقه ويرب اكون افدتكم

وانا شفت كتير من الفرص السابقه لقيت الحمد لله بينطبق عليها الشروط دى وبنصح تطبيقه اكتر على المجنون

التمبلت والموشرات موجوده فى المرفقات

اتمنى اكون وفقت فى الشرح واتمنى الطريقه تعجبكم وفى انتظار استفسارتكم وارائكم واراء الخبراء والملاحظات

ملاحظه: انا مبتدى فى الفوركس قد اكون كسرت قواعد كثيره للفوركس بهذه الطريقه فنرجو منكم السماحه وتوجيهنا للصواب

قمت بعمل احصاء للاشارات من يوم 10 يوليو الى 24 اغسطس وذلك عبر مراجعه الشارت يدويا

وتلك نتائج الاحصاء
العمله المستخدمه GBP/JPY

عدد الاشارات التى وجدت 84

عدد الاشارات الصحيحه 84

عدد الاشارات الكاذبه طبقا للشروط 0

عدد ايام التداول فى الفتره كانت 34 يوم

عدد النقاط المحققه لمن طارد الربح 11848 نقطه

عدد النقاط المحققه لمن اكتفى ب 40 نقطه مع مراعاه الصفقات اللتى حققت اقل من 40 نقطه هيا 3310 نقطه

ويوجد بيان تفصيلى ملف اكسل بالمرفقات لكل صفقه ولمن اراد مراجعه الشارت مع الفرص لكى يتاكد

[mahmoudh7]

ملحوظة جيدة يا محمد

لكن كان يفضل تضعها في الموضوع الاصلي علشان النقاش ميتشتتش

وبرضه حقك محفوظ محدش هيقول لا دي مش بتاعت محمد

استمر وانا متابعك

مع اطيب المنى وأرق تحياتي

[فيصل-أبو سعيد]

بارك الله فيك

[عياد]

عزيزي

انا لي ملاحظة ان الاسترتيجيات التي تعتمد على التقاطعات غالبا تكون مشاكلها كثيرة واشاراتها الخاطئة ايضا كثيرة خاصة على الفريمات الصغيرة لذا يرجى الانتباه وتأكيد اشارة الدخول

تقبل خالص تحياتي

[wafai]

السلام عليكم , تشكر على هذا الموضوع لانني من مشجعي 15 min frame .

[egypt0]

ملحوظة جيدة يا محمد

لكن كان يفضل تضعها في الموضوع الاصلي علشان النقاش ميتشتتش

وبرضه حقك محفوظ محدش هيقول لا دي مش بتاعت محمد

استمر وانا متابعك

مع اطيب المنى وأرق تحياتي

شكرا على مرورك ياطيب

انا والله فكرت احطها هناك بس لقيت فى ناس ممكن تتشتت بيها هناك لانها مخالفه للاصليه
ده غير ان فى ناس كتير مش هيشوفوها ال لو اتعمل موضوع جديد
وعلى فكره انا والله مبصيت لناحيه حقوق او حاجه .. انا لقيت حاجه مفيده نشرتها وافيد بيها الناس

وباذن الله الفرص اللى هتيجى هحطها
وشكرا على مرورك مره تانيه

[egypt0]

بارك الله فيك

وبارك فيك ياغالى واتمنى تكون الطريقه دى خير علينا

[egypt0]

عزيزي

انا لي ملاحظة ان الاسترتيجيات التي تعتمد على التقاطعات غالبا تكون مشاكلها كثيرة واشاراتها الخاطئة ايضا كثيرة خاصة على الفريمات الصغيرة لذا يرجى الانتباه وتأكيد اشارة الدخول

تقبل خالص تحياتي

يهلا ومرحبا بمشرفنا الغالى

ملاحظتك والحمد لله هيا سبب فى تفكير فى هذه الطريقه لانى لاحظت الاشرات الخطئه الكثيره
واما عملت مراجعه للفرص السابقه وجدتها منعدمه الاشارات الخاطئه

ولاحظتا لطريقه دى فى استنتاج الاشارات الخاطئه والصحيحه كما هوا موضح فى الموضوع

وباذن الله من المتابعه والتجريب هنشوف مدى قوتها

وشكرا اوى على ملاحظتك الجميله واللى كانت دافع كبير ليا

[egypt0]

السلام عليكم , تشكر على هذا الموضوع لانني من مشجعي 15 min frame .

شكرا على مرورك واتمنى من الجميع متابعه الفرص والمساعده فى لتطوير

[امجد محمد]

شكرا على مرورك ياطيب

انا والله فكرت احطها هناك بس لقيت فى ناس ممكن تتشتت بيها هناك لانها مخالفه للاصليه
ده غير ان فى ناس كتير مش هيشوفوها ال لو اتعمل موضوع جديد
وعلى فكره انا والله مبصيت لناحيه حقوق او حاجه .. انا لقيت حاجه مفيده نشرتها وافيد بيها الناس

وباذن الله الفرص اللى هتيجى هحطها
وشكرا على مرورك مره تانيه

اسمح لى ان اكون من المتابعين و المشاركين معاك فى الموضوع

وعايز احييك على حسن تصرفك فعلا لو كنت حطيت الافكار دى هناك الناس كانت هتتلخبط

الحقيقه خطوة جميله من اخ كريم

ربنا يوفقك و يكرمك و يجعله فى ميزان حسناتك

[egypt0]

اسمح لى ان اكون من المتابعين و المشاركين معاك فى الموضوع

وعايز احييك على حسن تصرفك فعلا لو كنت حطيت الافكار دى هناك الناس كانت هتتلخبط

الحقيقه خطوة جميله من اخ كريم

ربنا يوفقك و يكرمك و يجعله فى ميزان حسناتك

ياهلا وغلا بالاخ الكريم امجودى
وانتا تتابع على عينى وراسى ومقدرش اعترض لانك بعد ربنا صاحب الفضل الكبير فى الطريقه دى لولا انى شفت مضووعك مكنتش لاحظت لطريقه دى

وشرفت الموضوع والله وشكرا على ردك الجميل

وفى انتظار تحرك السوق ووجود بعض الفرص

وشكرا على مرورك الغالى ياغالى

[esam 123]

اخى الفاضل مشكور على المجهود واتمنى شرح موضوع قياس الزاوية بشك اوضح وشكرا

[egypt0]

اخى الفاضل مشكور على المجهود واتمنى شرح موضوع قياس الزاوية بشك اوضح وشكرا

تحت امرك فى اى شى بس قولى انهى حته بالضبط اللى مش فاهمها ونا هشرحهالك بالتفصيل
وشكرا على مرورك ياغالى

[egypt0]

ودى فرصه على الدولار الين كنت الساعه 1.45 بليل ومقدرتش احطها لانى للاسف كنت نايم

وكانت بزاويه ميل 312 وحققت 38 نقطه


ملاحظه: فى صفقه الشراء كل مكانت الزاويه اقرب ل 90 بيكون الاهداف كبيره وكل مكانت الزاويه اقرب ل 45 بتكون اهداف صغيره

وفى البيع كل مالزاويه كنت اقرب ل 270 كانت اهداف كبيره وكل مالزاويه كانت اقرب ل 315 (ودى نفس الحاله بتاعت الفرصه للى فى المشاركه دى) بتكون اهداف صغيره

[egypt0]

ودول فرصتين بيع برضه كانوا على المجنون واليورو ين وبنفس الزاويه 312 وكنت فى نفس توقيت فرصه الشماركه السابقه


فى حاله المجنون حققت 88 نقطه
وفى حاله اليورو ين حققت 57 نقطه