السلام عليكم ورحمة الله وبركاته
10273/2007 قضية رقم
في بداية موضوعي افضل ان أبدأ بنبذه سريعه جدا عن علاقتي بسوق البورصه العالميه
بدايتي كنت ببورصة الكويت وعلى قول اخوانا المصريين ماشيه حلاوه معاي
يعني ينتهي السوق لا يكون عندك اي سهم سواء ربحات ولا خسرت يعني لا تبيت عقد عندك
وطبعا هذي قاعدتي الاساسيه
بعدها الى سوق النفط والغاز والذهب والعملات
واحببت النفط كثيرا واخذت ادردش معاه واستفدت منه لكن !!!
لكن يجب عليك ان تؤمن المبدأ الذي رسمته وبالنسبه لي هو عدم الخروج من السوق ولديك عقد
وبديت احبه لكن للأسف كان حب من طرف واحد وحتى وصل حبي له للهدج
والهدج هي طلقة الرحمه لخروجك من السوق هذا من وجهة رأيي الشخصيه فأرجو الابتعاد عنه
وبعدها اخذت باقي نقودي اقصد الجم فلس الي ظل بالحساب وتركت السوق
واخذت اجازه طويله من السوق
وعندما قررت العوده للحب القديم اخذت ابحث بالقوقل عن شركات وساطه تقدم عروض افضل
حتى لو لم يكن لها فرع بالكويت
واينما كنت ابحث اجد الفوركس واينما وجد الفوركس اجد المتداول العربي مشكله صح :wacko:
المهم اسكر الوندو وافتح على سيرج جديد وهم يرد يطلع لي واحد يقول لي بوووووه :bomb:
طبعا اكيد عرفتوه المتداول العربي منو فيه غيره
وطبعا بعد عدة ايام وكنت عند واحد من الربع ومع البحث نفس الطريقه
طلع لنا صاحبنا الي خبركم فيه :ohmy:
قلت لنفسي لا هذا سالفته مطوله معاي ... قلت له لحظه ثواني يالغالي مشوار وراد لك
وهو وين يبي يروح وراي وراي :drive1:
رحت درايف الدي وفتحت فولدر حق بنتي فيه الجيمز وطلعت المسدس
ومن مميزات اللعبه تفتح على اخر صفحه فاتحها بالجهاز
وفيه فأر يركض على الشاشه وحيلك فيه لما تصيبه يبجي وبالمصري يعييييط
وولعت الزقاره واستكانة شاي
وما يحتاج اقول لكم على اي صفحه فاتحها ... اي نعم صاحبا الي قلت لحه لحظه اشوي يالغالي
وهات يا لعب لما اخفيت معالم صاحبنا ما يبين في الا www.a
قلت يمكن يحرم ويتوب ويحل عني
ولا صاحبي يقول انت مال بورصه اشكبرك وتلعب هاللعبه
نقدت على نفسي وقلت له القصه وضحك وقال يا أخي يحبك
ليش ما تحبه نفس ما حبيت النفط يا بو نفط انت
قلت ها ليش لأ خلنا نشوف سالفته يمكن صج يحبني ويمكن احبه ويصير من نصيبي طبعا اهني اقصد
الفوركس مو صاحبنا الي قالي بوووه
مع اني ما صدقت الفوركس من خمس سنوات او اكثر وتوقعت ايامه انه احدى طرق النصب حيث انه
غير منتشر بشكل كبير
واقصد الانتشار الكبير عندنا نحن العرب
المهم توكلت على الله واخذت ابحث عن شركات الوسائط للفوركس
وكل ما ادور بمكان واروح مكان يرد يطلع لي صاحبنا .. اي صاحبنا ما غيره الي يقول لي بوووه
قلت يبا الظاهر مافي فايده خلني ادخل عليه واقول له بووه بمكانه وبالمره اشوف شنو عنده الي
كل اشوي مخرعني
وسميت بالرحمن ودخلت ... يعني وين دخلت عند صاحبنا ... استغفر الله وتقولون اشلون دخلته بعد
مو قلت لكم كل اشوي ناط عندي ومخرعني بعنوانه
رجاء لا تقاطعوني وخلوني اكمل
المهم قبل لا ادخل فتحت بالفيبريت فولدر جديد وسميته فوركس لأحفظ شركات الوساطه والمواقع
التي تتعلق بالفوركس
ودختلت موقع المتداول العربي واخذت جوله بأقسامه وكلما وجدت موضوع عجبني
طبعا حفظ بالفوركس
الصراحه تعبت وتعب الفولدر معاي ولا يقول لي اشرايك تسوي بكب للمنتدى عندي وتخلص عمرك
وبصراحه المواضيع شيقه ومفيده للمبتدئ والمتمرس
فقمت بألغاء كل ما حفظته وحفظ
وهذا هو المطلوب
