بعد ما نفتح عملية جديدة . تعالوا نشوف ايه اللى بيحصل

**السوهاجى** · 06-08-2007, 11:33 AM

أول ما بنفتح عملية جديدة وتكون العملية دى كدة يعنى تقدر تقول ملهاش لزمة اصلا

دا اللى بيحصل معانا لما بندخل عملية خسرانة طبعا مش معانا كلنا عشان محدش يزعل

اللى بيحصل بظبط جاى بالترتيب

1 ( - 3 ) فتحت العملية وفرق الاسبريد تلاتة قدام عينيا يا مسهل يلا مش عايزين نشوف السالب دا خالص ونشوف الصفر حتى عشان نطمن .

2 ( - 5 ) يلا معلش مين بيفتح عملية ويكسب منها على طول لازم كدة فى الاول عشان بعدها يروح للهدف على طول او حتى على مهله احنا مش ورانا حاجة .

3 ( - 15 ) يا سلام لو كنت دخلت عكس ما انا داخل دلوقت كان زمانى كسبان 12 نقطة .

4 ( - 20 ) دايما انا حظى كدة كل ما ادخل اشوف الارقام دى قدام عينيا ايه اعمل ايه بس .

5 ( -30 ) ايه دااااااااااااا مش معقول دا انا قلت اخره كدة عشرة ولا 15 تبقى تلتين انا قلت من الاول الدخول مكنش ليه لزمة اصلا .

6 ( -40 ) هشيل الاستوب بتاعى زى ماورانى الويل انا كمان هسيبه مع نفسه لحد ما يجيبلى السعر اللى انا عايزه .

7 رجع السعر ( - 10 ) زى ما قلت تمام انا بس كل مرة بقلق وكدة لكن الهدف قرب اهو مفيش مشاكل عادى هو السوق كدة .

8 رجع زى ما كان ( - 40 ) ايه دا تانى يعنى لو كنت اشتريت وانا عند سالب عشرة من عشر دقايق مش كنت كسبت دلوقت كتير

وكمان كنت قفلت العملية اللى مش راضية تكسب دى

.

بعدها يحصل رقم 9 أو رقم 10 مفيش رقم 11 خالص

تعالوا نشوف بيقولوا ايه الرقمين دول !!

9 وصل لــ ( - 100 ) مهما يحصل برده مش هقفل

النتيجة : يا اما يلحق المارجن ويقفل قبلها بشوية او ميلحقش وتتقفل العملية غصب عنه

10 وصل لــ ( + 1 ) الحمد لله اهو هيبدا فى المكسب

لازم اتقل عليه شوية زى ما تقل عليا نخلى الليميت مثلا تلتين نقطة ولا اقولك خليه خمسين هو انا ورايا ايه

النتيجة : هيشوف سالب تلتين واربعين تانى وهو وحظه بعد كدة ولو استمر الموضوع دا فى اغلب العمليات بتاعته يبقى كدة النتيجة هتكون نفس نتيجة رقم 9

عارفين ليه بيحصل كدة . حد سأل نفسه ليه .. ؟؟؟؟

عشان انت لسة مش عارف حاجة عن إدارة المخاطر وإدارة رأس المال . طبعا بغض النظر عن انك استاذ فى التحليل الفنى وليك مؤشراتك الجامدة جدا .

بس للأسف فى ناس كتير ممكن تكون عارفة يعنى ايه إدارة رأس المال وإدارة المخاطر والكلام دا كله بس بينسوا كل دا لما يشوفوا عملية خسرانة من عندهم . وهما مش عارفين ان وقف الخسارة يعنى انك متخسرش نقط زيادة وفى نفس الوقت تكسب نقط وتكسب كمان الوقت الضايع فى العمليات اللى ملهاش اى لزمة دى .

طبعا الكلام اللى انا قلته دا ممكن ناس تستهر بيه لان الكلام دا بالنسبالها خلاص دى مرحلة وعدت لكن لازم تفكر نفسك بيه وتبقى عارف ايه اقصى خسارة للعملية دى قبل ما تعرف ايه اللى هتكسبه منها .

وفى الأخر ياريت اكون وصلت فكرتى اللى عايز اقولها من بداية الموضوع

وخالص تحياتى

**حازم بن علي الغامدي** · 06-08-2007, 12:15 PM

السلام عليكم ...

فعلا هذا اللذي يحصل .. وهذا عامل نفسي يؤثر في المتداول

دمت بود ،،

**مصطفى محمد صالح** · 06-08-2007, 12:30 PM

كلامك بيعلم يامعلم اخى السوهاجى انتة منين يا معلم ارجو مراسلتى على الخاص
ومنتظر خطابك يا معلم
اخوك مصطفى وانا خالى عبدة شلح

**sindbad4s** · 06-08-2007, 12:48 PM

شكلك كنت قاعد معايا و انت و بتكتب الكلام ده
ههههههههههههه
تسلم يا غالي علي الموضوع

**saher** · 06-08-2007, 01:44 PM

100%

**!MMM!** · 06-08-2007, 01:53 PM

ممتاز .. ياليتك تتكلم عن الصفقة الرابحة بالصدفة خخخ

**handsa2007** · 06-08-2007, 02:33 PM

انت كنت معايا والا ايه؟

**Dr.GM** · 06-08-2007, 03:06 PM

موضوع زي العسل زي صاحبه
تسلم يا باشا

**the_king1983** · 06-08-2007, 03:33 PM

اهم شي ما تقعد جنب الشاشة حط ستوب متحرك وفلللللللللللل يعني ضهار و شوف بليل يا كسبانة كتير يا خسرانة شي قليل او ربح قليل

**صاحب سمو المشاعر** · 06-08-2007, 03:38 PM

المشاركة الأصلية كتبت بواسطة السوهاجى