استمرارا لمسلسل الابداع ... هل يمكن عمل استراتيجيه على ال 5min

[كريم الاسكندرانى]

صباح الخير
سواء الصبح ولا بالليل

امجودى : استراتيجية الموفينج مش لازم تكتبها باسمى لانها ليست من اختراعى

الاستراتيجية الاصلية كانت على فريم الساعة

3 و 5 و 13 و 21 و 80 EMA

وانا عدلت فيها لكى تتفق مع الفريمات الاصغر...

لغيت الموفينج 13 وغيرت ال 80 ب 50

يعنى انا معملتش اختراع جديد...ولو كنت اعرف صاحب الاستراتيجية كنت خليتها باسمه.

انا بقالى شهرين فقط فى الفوركس...وتجارة فعلية اقل من شهر

وخد الشارت دة...هدية

المؤشر بيشتغل على الدقيقة ..وانا شايف انها مش حتفرق دقيقة من 5 دقايق

[كريم الاسكندرانى]

نسيت المؤشر

تفضل

[امجد محمد]

صباح الخير
سواء الصبح ولا بالليل

امجودى : استراتيجية الموفينج مش لازم تكتبها باسمى لانها ليست من اختراعى

الاستراتيجية الاصلية كانت على فريم الساعة

3 و 5 و 13 و 21 و 80 EMA

وانا عدلت فيها لكى تتفق مع الفريمات الاصغر...

لغيت الموفينج 13 وغيرت ال 80 ب 50

يعنى انا معملتش اختراع جديد...ولو كنت اعرف صاحب الاستراتيجية كنت خليتها باسمه.

انا بقالى شهرين فقط فى الفوركس...وتجارة فعلية اقل من شهر

وخد الشارت دة...هدية

المؤشر بيشتغل على الدقيقة ..وانا شايف انها مش حتفرق دقيقة من 5 دقايق

متشكرين يا عم كريم على كل الاضافات الحلوة دى
و ان شاء الله هاجرب المؤشر و نناقش نتايجه فى الموضوع

اما بخصوص موضوع التسميه هناك عدة ملاحظات لازم تعرفها

1- ليس هناك استراتيجية اساسا عشان نسميها ..... !!!!!!!
2- الموضوع كله ان احنا بنجرب طريقه او توليفه من اقتراحك و اقتراح اخونا HOPLESS
و توجيهات عامه لاخونا وليد الحلو
3- الاخ ابونواس و الاخ LAFALFA عندهم تصورات جميله و لما نيجى نعمل توليفه من اقتراحاتهم هانقول ان دى طريقة ( ابو نواس -LAFALFA ) .......... وهكذا
4- اذا وصلنا لطريقه ان شاء الله هايبقى موضوع التسميه دة اخر حاجه ممكن نفكر فيها .... وعلى رأى محمد صبحى ( طب هو فين الظابط ).........

اخى كريم ..... بجد انت انسان متواضع و لفته كريمه منك ........ اشكرك عليها

و ارجو انك تكون تفهمت وجهة نظرى

و مرة تانيه شكرا على مشاركاتك الجميله

[امجد محمد]

نسيت المؤشر

تفضل

يا كريم ده مش مؤشر .......... دى استراتيجيه لوحدها

دة مؤشرات و تمبليت ...........

باذن الله نطلع منهم حاجه حلوة اوى

[كريم الاسكندرانى]

والشارت دة على فريم الساعة

لنفس الطريقة السابقة

يمكنك ان تستخدمها للاستمرار فى الصفقة او الخروج منها

[YamedoA]

ها ياشباب ايه الأخبار
على فكرة ياأمجودى انت كدا هاتدخل نفسك فى متاهه ومن الأفضل انك تعيد ترتيب اوراقك يعنى حدد هدفك وحدد الوقت اللى تنوى تحقيق الهدف دا فيه وحدد مشكلتك وانت بإذن الله هاتوصل للمراد لكن كون ان انت تقول للناس يستعرضوا طرق فهتلاقى مئات الطرق وانا مستعد اخترع لك طريقه على الخمس دقائق وناجحه بس الموضوع مش موضوع طريقه ولكن هو انك تجد شىء يعتمد على حاجه تكون واضحه ومنطقيه وسلسه وسهل تعلمها وتكون ممتعه وبالتالى ستجد مرادك ولعلمك الطريقه اللى انا بعتهالك دى شبيهه بطريقه صقر الجزيرة وهى كفيله انها توصلك للمليون فى فترة وجيزة بس تتعود عليها كويس الأول بس انت رتب نفسك
تقبل ودى

[كريم الاسكندرانى]

وانت عايز تشتغل على الفريم الصغير يبقى تحتاج مؤشر على الشارت ...يوضحلك نقاط الدعم والمقاومة

جربة

تحياتى

[امجد محمد]

ها ياشباب ايه الأخبار
على فكرة ياأمجودى انت كدا هاتدخل نفسك فى متاهه ومن الأفضل انك تعيد ترتيب اوراقك يعنى حدد هدفك وحدد الوقت اللى تنوى تحقيق الهدف دا فيه وحدد مشكلتك وانت بإذن الله هاتوصل للمراد لكن كون ان انت تقول للناس يستعرضوا طرق فهتلاقى مئات الطرق وانا مستعد اخترع لك طريقه على الخمس دقائق وناجحه بس الموضوع مش موضوع طريقه ولكن هو انك تجد شىء يعتمد على حاجه تكون واضحه ومنطقيه وسلسه وسهل تعلمها وتكون ممتعه وبالتالى ستجد مرادك ولعلمك الطريقه اللى انا بعتهالك دى شبيهه بطريقه صقر الجزيرة وهى كفيله انها توصلك للمليون فى فترة وجيزة بس تتعود عليها كويس الأول بس انت رتب نفسك
تقبل ودى

كلامك مظبوظ والله..........

انا فعلا حاسس انى اتلخطت............ و هالخبط الناس معايا ......

بدليل ان انا النهارده حطيت اكثر من 5 شارتات لاسلوب سهل بس عايز شوية تظبيط

بس للاسف مالقيتش اى تفاعل ...... ده حتى مافيش حد علق على الشارتات وقال اى حاجه سواء كان نقد او تعديل او اقتراح ...........

انا فعلا غلطت ......... بس ربنا يعلم ان انا كانت نيتى خير والله ......

على العموم القرار الصح دلوقتى ان احنا نتوقف شويه ......... عندنا مؤشرات كتير عندنا افكار حلوة

بس محتاجه ان كل واحد يقعد مع نفسه كدة و يجرب

و انا اول واحد هايعمل كده ..... هاتوقف اليومين دول لغاية ما اجمع افكارى و اعرضها بشكل سليم و من غير ما ادخلهم و ادخل نفسى فى متاهات

تقبلوا منى جميعا وافر التحيه و الشكر

امجد

[وليد الحلو]

ايه الموضوع شكله نام ....ده انا جبته من اخر الصفحه التانية يا عم
على العموم عندك يومين اجازة ظبط حالك فيهم و رتب اوراقك


ودى و تقديرى

[fsherman]

السلام عليكم ورحمة الله وبركاته
كل التقدير والاحترام لكل المشاركين
كل التقدير لأخى الكريم أمجودى
أود أن أقول أن هذا مجهود رائع منك ومن كل الأخوة المشاركين وإنك ما غلطش ولا حاجة
وعلى فكرة
أفضل نقطة إنك توصل لوضع عنده ............تقول (أنا حاسس إنى اتلخبطت)
عندها اعرف إنك ماشى صح وقربت توصل لهدفك
وأنا شايف إنك عارف إنت بتعمل وعايز توصل لإيه
وبعدين كثر الافكار والمشاركات والنقاش شيئ صحى جدا وحتى النقد أحيانا يكون أفضل شيئ
بالتوفيق أخى الكريم .......كن متحمس دائما......كما عاهدناك............
شكرا

[امجد محمد]

ايه الموضوع شكله نام ....ده انا جبته من اخر الصفحه التانية يا عم

على العموم عندك يومين اجازة ظبط حالك فيهم و رتب اوراقك

ودى و تقديرى

اهلا يا وليد باشا .....

الموضوع مانامش ولا حاجه ....... انا اللى كنت هانام يوم الخميس

عمال احط فى شارتات و اقول ملاحظات و ما شفتش حد دخل و قاللى الاسلوب ده صح ولا غلط
الحقيقه حاسيت انى باكتب مذكراتى .... عمال اتكلم و ارد على نفسى ....

و اكتشفت ان انا شغال بطريقة بدائيه جدا و اسلوب زى مدرسين الابتدائى .... بس دة طبعا نتيجة قلة الخبرة فى الفوركس و المنتديات ( اصل الكلام فى المنتديات صنعة )...... بالاضافة لحماسى الزيادة عن اللزوم و بالتالى كان لازم اهدأ شويه عشان افكر من غير انفعال و اعرف ارتب افكارى من جديد

ان شاء الله انا مستمر .... بس مش هاتكلم تانى الا لما يكون فى معلومه مفيده او اتكلم باسلوب علمى

يا اخ وليد متشكر على اهتمامك و ان شاء الله هانطلع بشىء كويس فى الاخر

[امجد محمد]

السلام عليكم ورحمة الله وبركاته

كل التقدير والاحترام لكل المشاركين
كل التقدير لأخى الكريم أمجودى
أود أن أقول أن هذا مجهود رائع منك ومن كل الأخوة المشاركين وإنك ما غلطش ولا حاجة
وعلى فكرة
أفضل نقطة إنك توصل لوضع عنده ............تقول (أنا حاسس إنى اتلخبطت)
عندها اعرف إنك ماشى صح وقربت توصل لهدفك
وأنا شايف إنك عارف إنت بتعمل وعايز توصل لإيه
وبعدين كثر الافكار والمشاركات والنقاش شيئ صحى جدا وحتى النقد أحيانا يكون أفضل شيئ
بالتوفيق أخى الكريم .......كن متحمس دائما......كما عاهدناك............

شكرا

اخى fesherman

متشكرين على الكلمتين الحلوين دول .... لاحسن دا انا كان هايجيلى احباط

وان شاء الله دايما تنورنى بمشاركاتك الحلوة و ملاحظاتك الجميله

تقبل منى خالص التحية و التقدير

[حسني مبارك]

استمر..... شاطر يا أمجد

[حسني مبارك]

اعتقد هذه ممكن تكون في صالحك
قرأتها في احد المنتديات اراها جيده من وجهه نظري

[أبوسلطان]

يعطيكم العافيه على الموضوع



تقاطعات الاستاذ خالد صالحه اهيا الحل

ولله ليه وحشه

بالتوفيق