أنتم على موعد مع أروع أفلام السينما الفوركسية ..(احجزلك مكان .. قبل فوات الاوان )

[dr_mamy2006]

بعد رفع البنك المركزي البريطاني للفايدة على الاسترليني بمقدار ربع نقطة لتصبح 5.75 %

توقعات بارتفاع الاسترليني أمام العملات وفعلا صعد 80 نقطة تقريبا من وقت اذاعة الخبر

السعر الان في منطقة لاختبار الترند المكسور ( الأحمر ) ويلاقي أيضا الترند الهابط ( الأخضر )

اذا نجح في الكسر وهو الاحتمال الأكبر هيصعد ل 247.60 >>>>> 248.10

واذا ارتد من هنا يبقي على الأهداف على طول ان شاء الله

السادة الافاضل كما قلتم هو الاحتمال الاكبر مظبوط والله اعلم متجه الى 48.10

[m.salah]

ايه يامعلم بوحه انت لسه ما شربتش النسكافيه بتاعك

[m.salah]

الموقف كما اراه
1- الدولار ين - يحاول كسر الترند اليومي الهابط الى اعلا وكسره ل 123.10 يعنى الصعود
2- اليورو ين - يتجه الى الحد الاعلى للقناه السعريه الاسبوعيه عند 167.50 وكسر هذا الحد يعني الصعود
3- المجنون - محصور بين الترند اليومي الصاعد وكسره يعني هبوط واربع ساعات الهابط وكسره يعني صعود

السيناريو المتوقع
حدوث هبوط شديد على شارت الاسترليني دولار واليورو دولار يؤدي لحدوث هبوط ولكن بنسبه اقل على شارت الاسترليني ين واليورو ين وصعود على شارت الدولار ين

والله اعلم

[bo7a]

يامعلم بوحه ابعت جمبري لاسماعين بسرعه بوش بعت كل القوات وبيقول لازم اسماعين يعمل فيهم زي ما عمل في زمايلهم احقاقا لمبدأ المساواه

يا ابو صلاح الموضوع هيبقي في وشنا إحنا ...... اسماعيل معاه شهادة معاملة أطفال وأنا وانت اللي هنلبس الليلة دي

[bo7a]

بكل بساطة

أبو الأندال غير قادر على اختراق مستوي 247.50 وإحتمال النهاردا نشوفه عند 246.50 و 246.00

والأسبوع القادم باذن الله هيكون هبوط شديد لمستويات دنيا ... دي وجهة نظري والله أعلم

وربنا يقدم اللي فيه الخير وبالتوفيق للجميع ان شاء الله

[phoenix]

ايه الأخبار يا معلمين ، أخبار الجبهة أيه معاكم ،
ومراسلنا فين

[m.salah]

الموقف كما اراه
1- الدولار ين - يحاول كسر الترند اليومي الهابط الى اعلا وكسره ل 123.10 يعنى الصعود
2- اليورو ين - يتجه الى الحد الاعلى للقناه السعريه الاسبوعيه عند 167.50 وكسر هذا الحد يعني الصعود
3- المجنون - محصور بين الترند اليومي الصاعد وكسره يعني هبوط واربع ساعات الهابط وكسره يعني صعود

السيناريو المتوقع
حدوث هبوط شديد على شارت الاسترليني دولار واليورو دولار يؤدي لحدوث هبوط ولكن بنسبه اقل على شارت الاسترليني ين واليورو ين وصعود على شارت الدولار ين

والله اعلم

فيه حد اغم عليه
معلش ياجماعه الجمبري وقع في يد الامريكان لكن ما تخفوش حتى الان الامور تحت السيطره والاسترليني دولار نازل وهايجر الندل حتى 246.90 والله اعلم

[anood1]

صرح المعلم بوحه زات نفسه فى مشاركة #724بالتالى:

أنا كمان مصمم على ان منطقة 247.60 منطقة شرسة جدا وصعب اختراقها

جرى أيه يا معلم بوحه ؟ أهو المجنون خرق ال 247.60 ووصل الى 248.03 !!
و ده أتجاه الترند الصاعد اللى كلنا متفقين أن الترند صاعد حنفضل نستنى التصحيح لمتى ؟
من يوم 27 يونيو لما وصل 243.93 و هو طالع و مش راضى ينزل و حتى خبر الفائدة على الأسترلينى ما نزلوش تحت 246؟؟؟
مش نستهدى بالله بأه و نمشى مع الترند الصاعد و خلاص ؟
أنا مبتدئة و عارفة أن الأخ بوحة و جابر و غيرهم من المشاركين هنا أساتذه فى المجنون و أختكم صفر على الشمال ، أفيدونى أفادكم الله

[dr_mamy2006]

وصل 248.10
لحد هنا وقفت هل هناك خطوط مستقبلية ولا هذه نهايته
وانت فين بوحه

[m.salah]

ياجماعه هذا رابط موضوع الاخ عمر الشريف فهناك علاقه بين هذا الموضوع والمجنون
وهذا هو الرابط
https://forum.arabictrader.com/t31481.html

[phoenix]

[phoenix]

مية مسا على القلوب المدعمسة ، يلي جرى يا شباب أننا
خسرنا معركة ولكن لم نخسر الحرب ، يبقى شدولنا حيلكم
واحصولنا الجرحى وخلو نفسنا طويل وروحنا رياضية ،
وعاوزين أجزاء جديدة من الفيلم بخطط عسكرية محبوكة
أكتر وقوات الأرموطي لسه بخير يعني الفيلق لسه شغال ولا
إيه العبارة يا معلم بوحة وسيادة اللواء أبو صلاح العظيم

[bo7a]

صرح المعلم بوحه زات نفسه فى مشاركة #724بالتالى:

أنا كمان مصمم على ان منطقة 247.60 منطقة شرسة جدا وصعب اختراقها

جرى أيه يا معلم بوحه ؟ أهو المجنون خرق ال 247.60 ووصل الى 248.03 !!
و ده أتجاه الترند الصاعد اللى كلنا متفقين أن الترند صاعد حنفضل نستنى التصحيح لمتى ؟
من يوم 27 يونيو لما وصل 243.93 و هو طالع و مش راضى ينزل و حتى خبر الفائدة على الأسترلينى ما نزلوش تحت 246؟؟؟
مش نستهدى بالله بأه و نمشى مع الترند الصاعد و خلاص ؟

أنا مبتدئة و عارفة أن الأخ بوحة و جابر و غيرهم من المشاركين هنا أساتذه فى المجنون و أختكم صفر على الشمال ، أفيدونى أفادكم الله

أوبااااااا ... وسايباني عمال أقول يا باشا ويا زعيم وبتاع طيب قولي إحم كدا ولا أي حاجة علشان نفهم

شوفي يا ست الكل .... المجنون زي ما بتقولي مش بيتحرك بالعشرة والعشرين نقطة وإلا مكنتش قلتي عليه كدا

واحنا مستهديين بالله من غير صفقات خالص وملناش غير ربنا بندعيه علشان يرزقنا والحمد لله على كل حال

نمشي مع الترند دا كلام سليم ومحدش يقدر يقول عليه غلط .... واحنا مش غلطانين لما دخلنا شورت برده

هتقولي انتوا بتغامروا .... أيوه بنغامر بس اللي بيمشي مع الترند برده بيغامر .... طيب فهمني يا بوحه !

الفوركس كله مغامرة .... مشيتي مع الترند يبقي بتغامري برده لأنه ممكن بسهولة جدا يكسر الترند بأي وقت

يبقي دخولك مغامرة ..... ولما تدخلي عكس الترند برده مغامرة بس أكتر شوية بس عموما كلها مغامرة

ولو معندكيش قلب إنك تدخلي حسب توقعاتك يبقي مش هتتاجري وبالتالي مش هتكسبي ( المغامرة أساس التجارة )

وأنا قلت برده في مشاركة تانية لو انتي أخدتي بالك ان محطات الصعود هتكون 247.60 وبعدها 248.10

وصل فعلا ل 248.10 رغم عدم اقتناعي بسهولة كسر مستوي 247.60 واعتقدت ان الارتداد هيكون منها

وفيه مقاومة أكثر قوة منها عند 247.85 ولكن زي ما قلتلك المجنون لما بيتحرك مبيهموش عشرة وعشرين نقطة

وعلشان كدا لما كسر 247.60 وراح ل 247.85 ما أخدتش في ايده غلوة ووصل 248.10 بالفعل

ثانيا والحمد لله حركته في الحسبان واللي بيحصل مش شئ يدعو للفزع أو انه غير متوقع

ثالثا يا ست الكل الموضوع ليس توصيات وأنا لا أملك القدرة أو الامكانيات أو المقومات أو المسؤولية

اللي تجعلني أقول انها توصيات .. كل اللي فيها اني بدخل الصفقة وبدخل أقول أنا دخلت كذا

وأخد رأي أخواني وحبايبي والناس الطيبة الموجودين هنا وبنحلل الحركة من وجهة نظر الجميع بأسلوب لطيف

وفيه تفاعل جميل جدا ما شاء الله من كل الناس ووجهة نظر كل واحد على عيني وراسي حتي لو كانت مخالفة لنظرتي

و يا أختي هل انتي كنتي منتظرة هبوطه بعد رفع الفايدة ؟؟؟ برده دا كلام !!!

طيب احنا اللي داخلين شورت كنا منتظرينه يرفع للمستويات اللي قلتلك عليها وكان كله في الحسبان

وجهة نظري برده ولك مطلق الحرية في الاقتناع بها أو لا

الأسبوع القادم هو أسبوع كسر الدعوم باذن الله ومتمسكين بعقود البيع الي ان تحقق الأهداف

حتي لو وصل 260.00 ... وانقلي الصفر خليه على اليمين انتي استاذة ورئيسة قسم كمان

[bo7a]

فيه حد اغم عليه
معلش ياجماعه الجمبري وقع في يد الامريكان لكن ما تخفوش حتى الان الامور تحت السيطره والاسترليني دولار نازل وهايجر الندل حتى 246.90 والله اعلم

أرمط طلع عيل يا أبو صلاح وقال للإنجليز على الخطة وكمان اداهم جمبري

معلش وهم ما راحوش بعيد برده دول على بعد خطوات بيننا وبينهم

وطالما معانا قيادات عليا ورجالة نقدر نتسند عليهم زيكوا مش هنخسر حاجة أبدا

المعركة هتبتدي يوم الاتنين ان شاء الله ..... ورجالتنا ترجع مواقعها زي ما هم

وهنصرف جمبري بزيادة والندل هيرجع يعني هيرجع والقوات الانجليزية مش ممكن تتوغل أكتر من كدا

أبو صلاح البلد أمانة في اديك يا أبو صلاح لو جرالي حاجة ...... أنا هاطلع أحارب بنفسي

لا يا ابو صلاح ما تحوشنيش .... أنا دوري جه ولازم أتحرك .... فداكي عمري يا طوكيو

وأحب أسمعك أغنية العندليب

ان مت يا امى ماتبكيش راح اموت علشان بلدى تعيش

وافرحى ياما وزفينى وفى يوم النصر افتكرينى

وان طالت ياما السنين خلى اخواتى الصغيرين

يكونوا زيي يكونوا زيي فدائين فدائين يا أمه

[bo7a]

وصل 248.10
لحد هنا وقفت هل هناك خطوط مستقبلية ولا هذه نهايته
وانت فين بوحه

صباحك وردي يا دكترة .... أنا موجود يا زعيم بس كان عندي ظروف النهاردا وأسف لانشغالي

الوضع الي الان في خطتنا ... بعد كدا أضحك عليك لو قلتلك اني متوقعه

وعلشان ربنا بيحبنا ومجهود الناس الحلوة معانا وتعبنا الفترة اللي فاتت ان شاء الله هيكون الارتداد من هنا

وهتنكسر شوكته وسيبه يطلع قد ما يطلع ..... علشان تبقي وقعته سودا

ما طار طير وارتفع ..... الا وعلى رقبته وقع