أنتم على موعد مع أروع أفلام السينما الفوركسية ..(احجزلك مكان .. قبل فوات الاوان )

[bo7a]

ازيك يا بوحه النهارده عايز اعصابك تبقى هاديه و تمام علشان اي عملة مرتبطه بالباوند الاسبوع دا مش هتاخد اتجاه الا بعد خبر الفائده و طبعا انت عارف الخبر دا بيعمل ايه مش محتاج احكيلك ربك المعين و باذن الله تعالى خير لا تقلق

الله يسلمك .. اخبارك ايه يا استاذنا ؟

ان شاء الله كل خير بس انا عندي احساس كبير انه هيكون فيه حركة النهاردا شوية

وطبعا الكل في انتظار خبر الفايدة وربنا المعين

والله ما في حاجة تدعو للهدوء خالص حتي بعد خسارة الزمالك امبارح وانا من امبارح عمال أضرب كابتشينو علشان أنسي

[Walaa Aldin]

ههههههههه ما تضربش كابتشينو كتير علشان تعرف تضرب الندل اذا لا قدر الله طلع فوق 47 و خليك مفوق يا راجل مفيش حاجه تستاهل اهلي زمالك كله محصل بعضه المهم الروح الرياضيه و الروح الفوركسيه

[m.salah]

صباح الفل يا ابو صلاح ... متابع يا زعيم ربنا يهده بقي ويكسر

مش عارف أنا ايه التوتر والقلق اللي هو عامله لينا دا

بس أنا من رأيي كدا هو خلص بقي وأنهي مشواره الصعودي بمجرد كسر الترند الصاعد اللي كونه جديد

صعد وارتد من مستوي مقاومة 247.50 ورماه عند 246.00 واذا تكرر السيناريو المرة دي

هيكسر الترند الصاعد المؤقت والبايفوت ويكلي وطريقه أخضر ان شاء الله

انت عارف يابوحه انه بيتحرك حسب حركة الاخرين علشان كده هو مجنون وماشي زي العبيط ورا الدولار ين ولما الدولار ين يريح شويه يمشي ورا الاسترليني دولار - والدولار ين صاعد بنسبة 90% لانه فشل في كسر الترند اليومي - كذلك على شارت اليورو دولار يتم الان رمي اساسات قناه هابطه وهذا يدعم فكرة الصعود على الدولار ين ومن ثم على شارت المجنون

[bo7a]

ههههههههه ما تضربش كابتشينو كتير علشان تعرف تضرب الندل اذا لا قدر الله طلع فوق 47 و خليك مفوق يا راجل مفيش حاجه تستاهل اهلي زمالك كله محصل بعضه المهم الروح الرياضيه و الروح الفوركسيه

ههههههههههههههههههههه لا يا باشا فهمتني غلط ... أنا أقصد الكابتشينو أبو رغوة

بس ان شاء الله مش هيصعد تاني بقي هو بس يكسرلنا 246.30 وان شاء الله على الاهداف جري

صبح صبح يا زعيم

[bo7a]

انت عارف يابوحه انه بيتحرك حسب حركة الاخرين علشان كده هو مجنون وماشي زي العبيط ورا الدولار ين ولما الدولار ين يريح شويه يمشي ورا الاسترليني دولار - والدولار ين صاعد بنسبة 90% لانه فشل في كسر الترند اليومي - كذلك على شارت اليورو دولار يتم الان رمي اساسات قناه هابطه وهذا يدعم فكرة الصعود على الدولار ين ومن ثم على شارت المجنون

تسلم يا ابو صلاح وربنا يجيب العواقب سليمة

[medhat 2007]

[medhat 2007]

ايه رايك فى الصورة دى يا معلم بوحة

[bo7a]

تسلم ايدك يا مدحت باشا

والله البتاع دا غلبني ع الاخر ....

بعد ما كسر الترند الهابط واختبره كام مرة دلوقتي نزل وقفل تحته والتزم بيه مؤقتاً

وكسر الترند الصاعد المتكون حديثاً .... والبايفوت ويكلي مبهدله ع الاخر

عموما لو طلع وكسر البايفوت دايلي هنلاقيه فوق 247.50 تاني

ولو أغلق تحت البايفوت ويكلي يبقي على الهدف على طول ان شاء الله

[محترف الماكد]

مساء الورد يا معلم

ما تديه واحد كبتشينو وتئولوه (( امشي اطلع تحت ))

[bo7a]

مساء الورد يا معلم

ما تديه واحد كبتشينو وتئولوه (( امشي اطلع تحت ))

القمر طالع بدري النهاردا بشري خير يا جماعة

مساء الفل يا سيد الكل

أنا لو اديتها واحد كابتشينو فعلا هيطلع مني كلام غريب جدا واحتمال أبو الأندال يسمع مني ويعمل حركات غريبة

( أمشي أطلع تحت )

هههههههههههههههههههههههههههههههههههه

والله جامدة دي .. أنا ممكن اديها كابتشينو بس مش ممكن أقول لابو الاندال كدا .. انت عارف انه طيب وبيسمع الكلام

[phoenix]

انت فين يامعلمة أخبار أبو الأندال قصدي إبن الأصل معاكم ايه
طمني أصلي مش متابعو

[phoenix]

وأبوصلاح فينو أصلو وحشني خالص

[bo7a]

انت فين يامعلمة أخبار أبو الأندال قصدي إبن الأصل معاكم ايه
طمني أصلي مش متابعو

صباح الورد من غير شوك ..... صباحك قشكة يا تاج الملوك

انت اللي فين يا ريس مش شايفيتك معانا كدا ... عاوزك تبقي مصبح على طول كدا

وتنورنا في الموضوع هنا دايما .... وبالنسبة لأبو الأندال بقي

ربنا يجيب العواقب سليمة لأنه كدا اما يروح ل 247.60 وبعدها 248.10

أو يرتد ويكسر البايفوت دايلي إياك تنكسر رقبته

وأبوصلاح فينو أصلو وحشني خالص

أبو صلاح بيحتفل بالكاس في مختار التتش ..... ههههههه أل تتش أل .. تتش من بقك يا راجل

زمانه جاي دلوقتي ما تقلقش عليه ...... اظهر وبان يا أبو صلاح

[medhat 2007]

ازيكوا يا رجالة عاملين ايه بقى ينفع كدا يا معلم بوحة اسيبكوا كام ساعة ارجع الاقى المنيل دا مبهدل الدنيا كدا
عموما احنا معاه للاخر يا اما يعقل او يجننا و نجرى ملط فى الشارع
هتبقى فضيحة

[bo7a]

ازيكوا يا رجالة عاملين ايه بقى ينفع كدا يا معلم بوحة اسيبكوا كام ساعة ارجع الاقى المنيل دا مبهدل الدنيا كدا
عموما احنا معاه للاخر يا اما يعقل او يجننا و نجرى ملط فى الشارع
هتبقى فضيحة

والله يا مدحت هو الجو بكره هيبقي حر وبالتالي ........... مكسوف أقول

بس ربنا يستر بقي ولو شمعة الساعة دي أغلقت تحت 246.88 تبقي حاجة فل خالص ومش هنملط ما تقلقش

إنما غير كدا ..... جهز بنطلون من غير أستك واستناني في رمسيس علشان نجري سوا