نموذج ل asending triangle

[الهاجري]

واضح من الشارت ان السهم عنده عقده من متوسط ال 200 يوم فلذلك شكل عنده مقاومه جدا قوية وكذلك شكل مثلث له زاوية حاده يتنظر الاختراق ..

يعني الحين يا ارتفاع 1.5 بعد تجاوز ال 200 يوم او ينحدر 1.5 دولار

السهم هو Blc

السهم ليس توصية شراء ولكن يعتبر درس لنموذج الاسندنق ترايانقل .

[محمد البدر]

مريت أسلم يا بوزايد ،،،، الله يسعد أوقاتك.

الأن فقط اللي شفت موضوعك وعرفت منه إنك تكتب هنا في المنتدى ،،،،، فمليون مرحبا.

يسعدني جدا تواجدك بيننا.

تقبل خالص شكري وتقديري ،،،،

[zoooom]

الله يعطيك العافيه بو زايد على هالمجهود الطيب .. ويقولك بو محمود وين الهدايا اللي بغيت توزعها اخر الدوره والا حق ناس وناس ))

[waseem]

هدايا الله لنا وهذا انا على وجه عرس وناسيني من الهدايا .


اقول يامراهق الخمسين ( طبعا ياكثرهم ) راح اتشرف بيك بالعرس ولا ماحجزت ولا سويت شئ .

ذكرتني يابو زايد شفت apcc

[عياد]

والله صادوك الشباب على اخر الليل يابو زايد
بس درس جميل جدا ونفحة من نفحات ابوزايد الحلوة بالتوفيق
اتمنى ابوزايد ترجع لنا الغرفة بعد الدورة مفتقدينك والله دوبي اسال عليك ابو عبيد
تحياتي لك

[kuwaitstar]

مجهود تشكر عليه اخوي بوزايد...
والله يعلم شكثر استفدنا من دروسك ونصايحك الي انشاء الله تكون في ميزان حسناتك باذن الله

يعطيك الصحه والعافية

[saif1743]

هلا و غلا بابو زايد .... يا حياك الله ... من صارت عندك هالدورات ما صرنا نشوفك في الغرفة .. ادري عنك انك تعطي من قلبك و تتعب ... بس طل طلعه سلم و خلنانسمع صوتك ثم اطلع و روح نام ...÷ههههههههههه

سهمك يبو زايد انت خليته معلق و قلت يا داون يا أب .... و عطيتنا التارقت حق كل خيار فيهم .. كويس دري جميل جدا .. بس نبي الحين نحلل السهم و نقول توقعاتنا له .. عشان الناس تاخذ الدرس و تستوعبه و تحلله صح ان شاء الله ...

انا ماعندي جديد على درسك لأن كل شي قلته انت و شرح مبسط و سهل ... جزاك الله خير

توقعي للسهم ان يكون له نزول لأن مؤشراته ما اعطت اشارة شراء الى الآن ....
ابي انوه على شغله هنا يا شباب ... انا لدي مؤشرات اعتمد عليها تختلف عن اشخاص آخرين ... قد اثق في مؤشر لا يثق به شخص آخر و هذا شي طبيعي لأن كل منا له مؤشرات يتابعها و عارف حركتها ....
انا لما اقول ان السهم راح ينزل فهذا يعني ان المؤشرات التي اعتمد عليها في التحليل الفني افادت بذلك .. يعني مو من راسي .. هههههههه

مؤشرات السهم مستقرة لكن الشمعة و عودته من خط البولنقر العلوي و اقفاله اسفل لو أمس يدل على نزول و الله اعلم ... الشغله الحلوة فيه انه ارتد لما لامس متوسط 20 يوم اللي هو خط البولنقر باند الوسط ... طبعا الكلام على الديلي ...

و هذا الشارت امامكم و عليكم التحليل للسهم ...... و انا دائما اقول مقارعة الشجعان و الكبار تكبر الشخص و افكاره .... و مقارعة ابو زايد في الأفكار من الأكيد انه تنمي افكاري ...
لذلك اتمنى منكم وضع تحليلكم ايا كان صح او خطأ لكي تتعلموا من هذا الشخص لأنه عملة نادرة فعلاُ و بصراحه نغبط اهل الكويت لأنه واحد منهم .....

موفقين يارب