كيف تعرف انك في فلم عربي ؟؟؟

[G-M]

إزاي تعرف انك في فيلم عربي؟

عندما يكون البطل مريضا وتقدم له البطلة حبة الدواء مع كوب ماء وبعد ان يبتلعها تسأله البطلة فورا: هاه عامل ايه دلوقتي؟ المفاجأه انة يرد عليها الحمد لله بقيت احسن
كده بالسهولة دي.. هو واخد حبة البركة ولا ايه؟
*******
عندما يصل البوليس الي موقع الجريمة دون ان يبلغه احد
تقريبا المخرج هو اللي بلغ علشان يصور.. أمّال هيصور ايه
*******
عندما يصاحب مشهد التغرير بالبطلة لقطات الامطار الغزيرة والبرق والرعد والشباك اللي ينفتح فجأة علي مصراعيه
وتلاقي البطلة في الفيلم مصيّفه
*******
عندما تقول البطلة للبطل انها حامل فيرد البطل على طول.. اللي في بطنك ده لازم ينزل
وغالبا بيكون يوسف شعبان
*******
عندما يكون من المستحيل ان تجد الهاتف مشغول والطرف التاني يرد من قبل ما النمرة تجمع ولا تدي جرس حتى
*******
العبارة الساذجة الشهيرة اللي تصاحب مشهد القبض علي المجرم: مفيش جريمة كاملة.. أنت فاكر انك هتهرب من البوليس بعملتك دي
*******
عندما يخرج الطبيب من غرفة العمليات ويرد اما
شدو حيلكوا يا جماعة..اوالعملية نجحت بس مش هتقدروا تشوفوه دلوقتي
*******
عندما يصاب البطل برصاصة في قلبه وتنزف الدماء من بطنه زي صلصلة الكشري ويظل يتحدث بطلاقة وتركيز لمدة خمس دقائق يقوم خلالها بفك لغز الفيلم والاعلان عن القاتل الحقيقي او هو في الحقيقة يبقي ابن مين
*******
عندما تتناول الابنة الفطار وهيه واقفة وبتاخد لقم سريعة فتقولها الوالدة ما تفطري كويس يابنتي فتقولها: لا علشان الحق المحاضرة وتبوسها وتمشي فتنظر الوالدة الي الوالد ويبدأن في الدعاء
*******
عندما تجد مقر العصابة مليان بالقش والبراميل الخشبية والحبال
*******
عندما ينزل البطل أو البطلة من العربية المرسيدس ويطلعوا البيت من غير ما يقفلوا شبابيك العربية
أو يقفلوها بالمفتاح
*******
عندما يضرب البطل أعدائه بالبوكس فتسمع أصوات انفجارات
*******

[gameover]

نسيت شيئ مهم عندما تفحط السيارة وتسمع صوت الدواليب على رمال الصحراء والشيئ التاني عندما البطل يضرب عدوه بقبضته وبلمح البصر تصبح عينه زرقاء