اضبط ساعتك لتدق كل اربع ساعات

[ashnou]

السلام عليكم و رحمة الله

اخى العزيز يحى طلباتك اوامر

اولا بالنسبة للاخبار :-
اقصى مدة تستطيع متابعة الاخبار فيها هى من اول 1/1/2006
الطريقة
موقع فوركس فاكتورى اتبع الرابط التالى
http://www.forexfactory.com/calendar.php

تابع معى الصور بالمرفقات

اضغط على علامة الصح بجانب 2007 و اختار 2006
اتظر قليلا بعد اختيار سنة 2006
اضغط على علامة الصح بجانب اسماء الشهور و اختار الشهر اللى محتاجة
انتظر قليلا بعد اختيار الشهر
اخيارا اختيار الاسبوع اللى محتاجة هناك علامة < اصغر من بجوار كل اسبوع اضغط على الاسبوع اللى محتاجة

بس كدة انت تأمر
لو لاحظت انا كنت قد ارفقت بمناسبة اول اوردر عرضته فى الباك تيست الاخبار التى جرت طوال فترة فتح الاوردر مشاركة رقم 42

بس عايز نصيحتى انا قضيت شهرين كاملين فى دراسة الاخبار و قلت وجدتها بلا تحليل فنى ولا غيرة الاخبار و بس و اشتغلت بيها على الحساب الحقيقى يومين ثلاثة اراباح و خد عندك خسائر مش بسبب ضعف تحليل او تسرع لا انا كنت بدخل بعد ما تأكدت من نتيجة الخبر و راجعت تحليل الخبر 100 مرة لاقيت خبر مهم جدا و السوق راح فى مكان تانى و خبر عبيط ملهوش لازمة ضعيف جدا و السوق جرى وراه و انا قد تعلمت تحليل الاخبار من اخونا SYSTEM اعتقد تعرفه و علشان اثبتلك كلامى شوف خبر الفائدة على اليورو السوق تحرك فقط 5 نقط فى اتجاه الخبر هذا الشهر هذا غير ان نتيجة الخبر تخرج بعد من 5 الى 13 دقيقة من وقت صدورة فى المواقع المعروفة للاخبار .

من النهاية المهم التحليل الفنى و الاخبار للاستئناس فقط واخذ الحذر فى الصفقات المفتوحة ليس اكثر

و انا هنا فى هذا المشروع دائما اعرض الاخبار المعاصرة للاوردر المفتوح لكى ندرس مع بعض تأثيرها على المشروع

[ashnou]

بالنسبة لموضوع الاستوكاستيك انا نسختلك مشاركة اخونا ( خير الدين )
الرابط https://forum.arabictrader.com/showt...=17691&page=40
رقم المشاركة 595

السلام عليكم
نكمل ان شاء الله
المؤشر له عدة اعدادات والبعض يتركة باعداداته الافتراضية
وتختلف حسب الفريمات ايضا
لكن احببت ان اشرحه بطريقتي
وباعدادتي
واكرر واقول
ان ادرس هذا المؤشر وحده فقط اكثر من سنة
ووضعت له الكثير الكثير من الاعدادات
لكن خرجت باثنتين
اعطيكم واحدة
وهي تعتبر من الاعدادات المفضلة لدي بل اقول انها رقم واحد لدي
k 90
d 75
3 البطئ او البطيئ
الفريم 4 ساعات
العملة الجميع بدون استثناء
المتاجرة وقت الاخبار افعل ما يحلو لك
فانا عادتا لا اهتم الاخبار ولا تاثر فيا اطلاقا ستعرفون لماذا




اما عن اهميته فان تقاطع الخط السريع مع البطئ هى اشارة بيع او شراء حسب اتجاه التقاطع

[ashnou]

نتيجة الاوردر الثانى من الباك تيست

الصورة بالمرفقات

50 نقطة و وضعنا ستوب لوز لكى يحمى 50 نقطة ربح لتكون دايفرجنس سبق ان عرضناه فى مشاركة سابقة

[ashnou]

الاخبار التى صدرت اثناء فترة التداول

[ashnou]

بسم الله توكلنا على الله

الاوردر رقم 3 فى الباك تيست
منطقة خطر الشموع ملتصقة بالسلم و صغيرة جدا ما علينا احنا فى باك تيست يعنى بنجرب كل الحالات
التاريخ 10\1\2006


بدون فلتر زمنى الشمعة اغلقت تحت السلم 1.7764
بفلتر زمنى الشمعة اغلقت تحت السلم 1.7653

طبعا الماكدى تقاطع للاسفل
الاوردر بيع

[ashnou]

توالت اشارات تأكيد البيع
تقاطع موفنج 6 مع 20 لاسفل
تقاع الاستوكاستيك السريع لخط 80 لاسفل
الاوردر حقق متوسط 110 نقطة ربح

حد عنده فكرة ازاى نحافظ على ارباح الاوردر و نقل نقطة الستوب لوز

طبعا انا عارف تفاعل الاعضاء بطئ انا هرد على نفسى

اقتراحى
طالما احنا نزلنا السلم درجة ننقل الستوب لوز على الدرجة الاعلى من السلم و نشوف نهايتها ايه
اما ضيعنا الربح او خرجنا بخسارة قليلة لانه حتى الان لا توجد اشارة خروج يمكن انا مش شايف لو حد لاحظ اشارة خروج يرد على

[ashnou]

قربنا جدا من منطقة دعم قوية ( خط 50 و خط 89 )

احتمال يكسر منطقة الدعم
و احتمال يرتد السعر قبل الكسر
لكن احتمال الارتداد كبير نظرا لاننا فى ايام تذبذب و هذا واضح من طول الشموع مازالت قصيرة
الاوردر حقق 147 نقطة ربح

هذا بالاضافة الى شمعة الدوجى التى تعنى فى هذة الحالة ان ضغط البيع قل و ان المشترين هم من سوف يسيطروا الان

و اعتقد الاوردر بقالة يومين شغال يعنى صرفنا كهرباء و اشتراك انترنت الافضل نحافظ على جزء من الارباح علشان نقدر نسدد التكاليف ولا انتم رايكم ايه

انا شايف نحافظ على 50 نقطة افضل

[ashnou]

للاسف التوقعات جاءت سليمة و ضرب الستوب لوز بعد ان نقلته الى 1.7603

النتائج و التشارت بالمرفقات

[ashnou]

اخيرا عرض للاخبار المعاصرة لفتح و اغلاق الصفقة الماضية

[ashnou]

بسم الله الرحمن الرحيم
مازلنا نتابع مع بعض احداث و تطورات المشروع

و مازلنا ايضا فى منطقة خطر ( منطقة تذبذب ) الحمد لله فى الاوردر السابق خرجنا بمكسب 50 نقطة مصاريف اضائة و اشتراك انترنت بالرغم ان الربح وصل الى 147 نقطة المفروض نتوخى الحظر ايضا فى هذا الاوردر لاننا لسنا فى حالة ترند الان و السعر مبهدل السلم طالع نازل .

اترككم الان مع الاحداث الجديدة
انطلقت اشارة شراء على مؤشر استوكاستيك بتقاطعة مع خط 80 الى اعلى و انتظرا انطلاق اشارة اخرى للبدء فى التنفيذ .

اغلقت شمعة الساعة 00:00 بتاريخ 12\1\2006 فوق السلم و من سعر الاغلاق 1.7661 بدأنا العملية

و اخيرا اترك لكم التشارت بالمرفقات

[عبده المصرى]

اخى الكريم اشرف اسمح لى لو فيه فرصة لايف هتكون العملية اسهل واريح ليك ولينا وهيكون المتابعة افضل بكثير وأأسف لك إذا ردى أزعجك ،،،،

[ashnou]

اخى الكريم اشرف اسمح لى لو فيه فرصة لايف هتكون العملية اسهل واريح ليك ولينا وهيكون المتابعة افضل بكثير وأأسف لك إذا ردى أزعجك ،،،،

عليكم السلام و رحمة الله و بركات

الاول: احب انبهك هذا مشروع تعليمى ( يعنى انا مازلت اتعلم ) و ليس استراتيجية فى نهاية المشروع انشأ الله هنلاقى استراتيجة نعتمد عليها اذا كانت ناجحة لاننا جميعا بنيناها طوبة طوبة سواء بمشاركة ايجابية او الجلوس خلف الكواليس هذا بالاضافة انى قد نوهت ان لو كانت هناك استراتيجية ناجحة فالخطأ فى التطبيق هو سبب الخسارة ذلك لاننا بشكل لا شعورى لا ننظر الى كل التشارت ننظر الى بعض النقط فقط ويغيب عنا باقى التشارت .

ثانيا : عندك تشارت بالمرفقات حديث اتحقق اشارات البيع و مازال الاوردر مفتوح لكنى لن اعلق عليه الان .

ثالثا: ما هو الفرق بين الفيجوال مود و المتابعة لايف على الديمو اقولك الاجابة فى ناس اعرفهم بقالهم عدد من الشهور بيدرسوا فوركس و كان الباك تيست بالنسبة لهم هو النظر على التشارت القديم فقط شموع جاهزة و متكونة

- الفيجوال مود انت لن ترى ماذا سوف يحدث بعد الشمعة الحالية - نفس الموضوع لايف
- الفيجوال مود تقدر تغير سرعة تحرك السعر يعنى فى خمس دقائق ممكن تشوف حركة يوم كامل و تعرف نتيجة تجربتك و تقدر تعدل بدون ما تؤثر عليك نتيجة التجربة مسبقا

اللايف حضرتك لازم تنتظر الى ان ينتهى اليوم و ممكن تنتظر كمان يومان او 5 حتى تعرف نتيجة الاوردر اللى فتحته اصلا لكى تجرب لاننا نتكلم هنا عن فريم 4 ساعات

اخيرا منتظرين منك و من باقى الاعضاء تفاعل ايجابى و تصليح اى خطأ اذا اخطأت فامكانياتى ضعيفة فى الدايفرجنس

لو حضرتك عايز استراتيجية جاهزة انتظر شهر هنكون وصلنا باذن الله تعالى و تعاونك و تعاون باقى الاعضاء الى شهر 5 سنة 2007

اخيرا انا اسف انا عارف انى عرضت الموضوع بطريقة غريبة و ليست معتادة المفروض نفكر لوحدى و بعدين نعمل باك تيست لوحدى و بعدين نعمل عنوان باهر استراتيجية حققت ؟؟؟؟؟؟ نقطة فى اليوم و بعدين يجى عضو يسأل منين جاب الكلام التافهة ده – هتصدقنى –

و هتصدقنى لو قلتلك انى جربت الاستراتيجية على فريم الساعة مع وجود بعض التعديلات و كان اقل ربح فى الشهر 700 نقطة و اكبر ربح 1550 نقطة ( مش هتصدق طبعا) على زوج واحد فقط باوند دولار

اخر كلمة يد الله مع الجماعة و لا يوجد منتج عالى الجودة و حقق نجاح الا و اشتركت مجموعة فى صنعه و ليس فرد

طولت عليك – هسيبك مع التشارت و تقلنا النتيجة انشاء الله لما ينتهى سواء بربح او خسارة

[ashnou]

فى الاوردر رقم 4 المفتوح حاليا التشارت المرفق لو احنا عارفين ان هناك مقاومة على سعر 1.7724 ( قمة سابقة )و هناك دعم قوى ( ممكن حد يقولى الدعم فين ) و لماذا هذا الدعم قوى فى هذة اللحظة و دعم ضعف فى احيان اخرى
و عرفتم ان هناك اخبار الساعة 2:30 بتوقيت التشارت احتمال ان تأتى فى صالح الدولار

المطلوب تحديد الهدف فى ظل هذة الظروف ( نقطة الخروج )

اقول انا الاجابة علشان منعملش مشاركات كتير و نبقى تقال على قلوب بعض الاعضاء
الدعم هو خط 50 و نعتبرة قوى لاننا فى تذبذب يعنى صعب السعر يكسرة فى هذة اللحظة و السبب ان حركة السعر ضعيفة
و نفس خط 50 يبقى ضعيف فى الترندات القوية لان ساعتها مفيش حاجة اسمها دعم و مقاومة زى الموجة اى حاجة بتقف اماة بتتكسر فى حاجة فقط اسمها تصحيح فى هذا الوقت هذا تعبير مجازى طبعا

اذا انا بقول لو حقق الاورد 50 نقطة يبقى كفى الله المؤمنين شر القتال و خيرها فى غيرها
لكن لو اردنا الانتظار الى ان يرتد من نقطة الدعم لتحقيق هدف اكبر فهذا سوف يكون على حساب اعصابك و ضرب الستوب لوز مع انه سيناريو ممكن يتحقق و تكسب اكتر

[ashnou]

اخوانى الكرام لو اى عضو تانى مش عاجبة طريقة العرض يقولى و ننهى الموضوع بدل ما اكون تقيل الدم على قلوبكم
فى مثل يا بخت من زار و خفف و انا مش عايز ابقى تقيل انا عندى 376 كتاب فى الفوركس ممكن اقضى بقية وقتى فى دراستهم افضل يعنى مش هخرج من هنا و انا زعلان ابدا

[bigo]

اخوانى الكرام لو اى عضو تانى مش عاجبة طريقة العرض يقولى و ننهى الموضوع بدل ما اكون تقيل الدم على قلوبكم
فى مثل يا بخت من زار و خفف و انا مش عايز ابقى تقيل انا عندى 376 كتاب فى الفوركس ممكن اقضى بقية وقتى فى دراستهم افضل يعنى مش هخرج من هنا و انا زعلان ابدا

اشرف باشا ... صبحك الله بكل خير يا جميل..
اولا مفيش حد اعترض على طريقة العرض بتاعتك للطريقة... و انت ما شاء الله عليك بتبذل فيها مجهود هايل و دى طبيعتك و شىء مش جديد عليك...
و بالنسبة لراى اخونا الغالى عبده المصرى انا معاه فى نفس الراى و اؤيده فيه .. يعنى بالاضافة للباك تست اللى انت بتعرضه ... يكون برضه فى حالة تواجد فرصة لايف تعرضها للمتابعة و ليس للدخول و صدقنى حتلاقى ساعتها الموضوع اختلف مع الناس كلها و حتلاقى مشاركات و افكار ممكن جدا كلنا نستفيد منها....
و اخيرا انا عايز ال 376 كتاب اللى عندك ( انت بتذاكر من ورايا )
تحياتى و سلامى لك...