خواطر فوركساوى (( الالتزام و الاتزان ))

**وليد الحلو** · 12-04-2007, 09:27 AM

السلام عليكم و رحمه الله وبركاته

هنتكلم النهارده عن موضوع مهم جدا و تعتبر من التحديات الكبرى للمضارب
وخصوصا اخواننا المبتدأين

يأتى اخونا بعد ان تنتقل اليه العدوى ويبقى فوركساوى

يتعلم ويتقن ويمارس وكله تمام
و يصل لمستوى التحليل وابداء الاراء وغيره
ويجرب كام مرة شغله ديمو (أوقات الفراغ يعنى

) و يلاقى نفسه تمام

و من هنا و هناك يجيب فلوس ويعمل حساب حقيقى
وتظهر المشكلتين اللى مكانش عامل حسابهم

:: الالتزام ::
هو عدم الالتزام بالمضاربة
يعنى النهارده صحى متأخر بكرة رايح الاستاد بعده رايح عند فلان بعده قاعد فى امان الله يلاقى ضيوف.... والنوم وحلاوة النوم و جمال النوم وغيره من المواقف

الحل
صديقى .... من اول ما تفتح حساب حقيقى عيش حياة المضارب
خلى الفوركس عملك اللى ليه وقته ولا تفرط فيه حتى لو مكنتش متفرغ احترم الفوركس عشان تعرف تكسب منه

هقولكم على مثاليين لعدم الالتزام

المثال الاول: ايام موضوع الدارسه الفنية لتوليفات الموفينج افريج ...... اتفقنا على استراتيجية الحلو موفينج أفريج الاصدار بيتا وبعد الدراسه وكله تمام قولنا بكره اول يوم تطبيق على لديمو التواجد من افتتاح الاوربى ... وفى الميعاد افاجأ بأن الكل نايم واول واحد هل عليا الساعه واحدة

المثال الثانى: من سنه ونص كنت بشتغل مع واحد صاحبى سوينجات على الدايلى كان مش متفرغ وكنت مطحون فى دراستى
كل اللى بنعمله بصه على اغلاق شمعه الدايلى ونأخذ القرار
اتفقنا كل يوم نتقابل الساعه 11 ونص بليل
يوم يجى واحدة و يوم ميجيش و يوم يقولى انا جيت الساعه عشرة وخدت قرار غلط و يوم تعبان و يوم هلكان و يوم خد الباسورد واشتغلى
فين صاحبى دلوقتى ؟
هرب من المجال بما تبقى له من مال

:: الاتزان ::
فى مضاربين الله اكبر عليهم مجهود وعمل والتزام الله ينور
وطبعا دول مش بيقعوا فى الالتزام
بيقعوا هنا بقى
مشكله قله الاتزان تتلخص فى
امتى اصبر على خسارتى وامتى اقطعها
امتى اقفل صفقتى وامتى أسبيها
لو النقطيتين دول متحسموش فى الاستراتيجة اللى شغال فيها هتعانى من قله الاتزان
وساعتها يا اما تكون جبان تجرى من الخسارة وتفتكر القصص المأساوية اللى بتقرأها فى المنتديات واعصابك تبوظ
يا اما تكون بارد وتشوف الخسائر الكبيرة وارباحك وهيا بتطير وخلافه

الحل
لما تختار استراتيجية للعمل بها التزم بها التزام تام
لان المضارب فى الحقيقه 100% قدام الشارت 80% و هو بيضارب 20%
فلا تحاول ان تفكر فى الصفقه لانك ساعتها قدرتك على التفكير بتقل تماما ... عشان كده بنلاقى ناس كتير بتقول انا مش عارف عملت كده ازاى ياااااااااه لو كنت صبرت شوية و و و و و
طبعا مع الوقت والخبرة الموضوع بتغير

نصيحه لكم كلكم يا أخوانى وأبدأ بنفسى

ألتزم و أتزن

ودى و تقديرى

**ناصر محمد** · 12-04-2007, 09:39 AM

أخى العزيز الغالى / وليد الحلو

بارك الله فيك

وجزاك الله كل خيرا

موضوع جميل جدا

ما أحوجنا دائما للتنبيه والتذكير لهذه القواعد الهامة جدا والتى تعتبر أكثر من 70 % من عوامل النجاح فى الفوركس

دمت بخير

تحياتى وودى

**طارق سعد الدين** · 12-04-2007, 09:46 AM

صدقت

التزم

لازم بما انك في هذا المجال تخصصله من وقتك و تحترمه جدا
حدد استراتيجية واحدة تقتنع بيها و ترضى بخسائرها قبل اربحاها
ادارة راس المال لازم تكون مخطط لها سواء حسابك صغير او كبير

اتزن

حدد اهدافك " انا داخل ليه و عايز اوصل فين "
حدد خسارتك " لو ارتد لغاية النقطة اقفل و عوضي على الله "
بلاش تنطيط " الاستراتيجية دي حلوة و كمان يومين لأ دي احلى "

و لا يجي من الحلو الا الحلو

**Lion** · 12-04-2007, 09:58 AM

المشاركة الأصلية كتبت بواسطة وليد الحلو

ألتزم و أتزن

أحسنت

كلمتين فقط ولكن لهم تأثير مباشر على المضارب .. مهما كان مستواه !
حتى المحترف صاحب خبرة السنوات الطويله اتوقع قد تصيبه فترة من ضعف في التزامه او فقدان بعض اتزانه !
هذه الوصية يحتاجها المضارب طالما هو مضارب !

**جابر عثرات الكرام** · 12-04-2007, 10:19 AM

الله يزيدك حلاوة يا حلو يا طيب

أكثر من كذا حلاوة مافيش

بارك الله فيك وجزاك الله كل خير

وفقكم الله وايانا لما يحبه ويرضى
والله الموفق

**Tarek egy fx** · 12-04-2007, 10:30 AM

كلام جميل جدا ياوليد

الله ينور

الفوركس اكتر مكان الواحد يعرف فيه نفسه
صراع بين طموحك وغضبك وفرحك وطمعك وخوفك وكل ده لازم يقابله انك تبقى عارف حدودك وتخلى عواطفك تتحرك فقط داخل الحدود اللى انت راسمها لنفسك

ولو خرجت عواطفك بره حدودك يبقى ياويلك

لانك حتبقى دخلت اما مرحلة الخيال الفوركسى وتبنى صفقة على الاوهام مع ان صفقتك الفعلية فى سوق العملات وليس فى سوق الوهم

او اما تدخل فى انهيار ويأس فوركسى ومرحلة الانتقام من حسابك

مفتاح جملة التزم والتزن هو ان تعرف حدود صفقتك
لو عرفت حدودك فما ايسر ان تلتزم وتتزن

تحياتى للجميع

لا تدخل صفقة لا تعرف حدودها بالنسبة لك

**prince** · 12-04-2007, 10:37 AM

ليا لسته باعضاء احب اقري مواضيعهم.. وانت منهم يا حلو

الكلام جميل وعجبني .. بس مكنش فيه داعي تقطمنا بالحكايه القديمه

.. يمكن فيه ناس بتكون ظروفها انها في شغلها وقت افتتاح الاوربي .. وطالما الحكاية بقت كده .. فخد
عندك مثال لعدم الالتزام .. لما واحد يكون اسمه " حلو " ويعمل استراتيجيه " وليده "
لتقاطع الموفينجات .. وبعد كام يوم يختفي و يقول السلاموعليكو .. يبقي ده برضه اسمه
عدم التزام

تحذير مخاطرة المقصود بالكلام ده كله المداعبه و الكاتب غير مسؤل لوكاتب الموضوع الاصلي بيزعل من الهزار

**سمير صيام** · 12-04-2007, 11:01 AM

ممتاز ياغالى
وادينا بنصحى بدرى كل يوم بس بنام متاخر عشان نكون ملتزمين

ومن باب الالتزام انت قلت هتجرب التحليلات وترد عليا والظاهر انك مش ملتزم

**شريف دعبس** · 12-04-2007, 12:19 PM

نعم هما كلمتان معبرتين عن كيفيه النجاح بالفوركس
الالتزام التام الصارم بخطتك
الاتزان فى انفعالاتك و هى الاصعب ودواءها الخبره و الممارسه
فكر وركز قبل الصفقه وبعد الدخول فيها كن كالاله
تمالك نفسك
تحياتى ليك يا وليد
بالتوفيق ان شاء الله

**مشاري بن محمد** · 12-04-2007, 12:36 PM

سلمت ياوليد ايه المواضيع الحلوة دي

**خالد ابن الوليد** · 12-04-2007, 12:41 PM

اعجبني بك طريقة طرحك للمواضيع وبكل سلاسة ولطافة وظرافة ...
رائع رائع..

**waddah** · 12-04-2007, 12:59 PM

ايه الحلاوة دي يا حلو ؟؟؟
انا احلا من كدة مشوفتش حلوين

والله يا اخوان المشكلة ما هي في الفوركس ولا في الاستراتيجيات والطرق
المشكلة فينا نحن لاننا لا نلتزم
انا صارلي عشر مرات اقول خلاص المرة هذي بلتزم ..بس طل.. انا فين والالتزام فين

عشان كذة يا استاذ وليد ماالاقي عندك مؤشر للالتزااام
والله يخليك تعمله تمبليت مع الاتزان

**وليد الحلو** · 12-04-2007, 01:32 PM

المشاركة الأصلية كتبت بواسطة ناصر محمد

أخى العزيز الغالى / وليد الحلو

بارك الله فيك

وجزاك الله كل خيرا

موضوع جميل جدا

ما أحوجنا دائما للتنبيه والتذكير لهذه القواعد الهامة جدا والتى تعتبر أكثر من 70 % من عوامل النجاح فى الفوركس

دمت بخير

تحياتى وودى

أهلا بالاستاذ ناصر اللى بسعد دائما بقراءة مشاركاته فى اى مكان
و ياريت دائما أشوفك فى المتداول و اشوف مواضيعك الجميله

ودى و تقديرى

**وليد الحلو** · 12-04-2007, 01:33 PM

المشاركة الأصلية كتبت بواسطة ta2ta2

صدقت

التزم

لازم بما انك في هذا المجال تخصصله من وقتك و تحترمه جدا
حدد استراتيجية واحدة تقتنع بيها و ترضى بخسائرها قبل اربحاها
ادارة راس المال لازم تكون مخطط لها سواء حسابك صغير او كبير

اتزن

حدد اهدافك " انا داخل ليه و عايز اوصل فين "
حدد خسارتك " لو ارتد لغاية النقطة اقفل و عوضي على الله "
بلاش تنطيط " الاستراتيجية دي حلوة و كمان يومين لأ دي احلى "

و لا يجي من الحلو الا الحلو

صديقى طارق
لخصت الخاطرة فى سطور انيقه وبأسلوب رائع ودى و تقديرى

ودى و تقديرى

**وليد الحلو** · 12-04-2007, 01:38 PM

المشاركة الأصلية كتبت بواسطة Lion

أحسنت

كلمتين فقط ولكن لهم تأثير مباشر على المضارب .. مهما كان مستواه !
حتى المحترف صاحب خبرة السنوات الطويله اتوقع قد تصيبه فترة من ضعف في التزامه او فقدان بعض اتزانه !
هذه الوصية يحتاجها المضارب طالما هو مضارب !

يا اهلا بأهل الكويت الغاليين
فعلا يا اخى لكل جواد كوبة و لكل مضارب سقطات
فالمضارب تصقله الممارسه وكلما قلت الممارسه قلت لياقته

انا لما اشتغلت فترة سوينج و رجعت لشارتات الصغيرة اللى بفضلها ..... خدت وقت عشان استرد كامل لياقتى و اعرف اشتغل زى ماكنت

ودى و تقديرى

الموضوع: خواطر فوركساوى (( الالتزام و الاتزان ))

أدوات الموضوع

خواطر فوركساوى (( الالتزام و الاتزان ))

رد: خواطر فوركساوى (( الالتزام و الاتزان ))

رد: خواطر فوركساوى (( الالتزام و الاتزان ))

رد: خواطر فوركساوى (( الالتزام و الاتزان ))

رد: خواطر فوركساوى (( الالتزام و الاتزان ))

رد: خواطر فوركساوى (( الالتزام و الاتزان ))

رد: خواطر فوركساوى (( الالتزام و الاتزان ))

رد: خواطر فوركساوى (( الالتزام و الاتزان ))

رد: خواطر فوركساوى (( الالتزام و الاتزان ))

رد: خواطر فوركساوى (( الالتزام و الاتزان ))

رد: خواطر فوركساوى (( الالتزام و الاتزان ))

رد: خواطر فوركساوى (( الالتزام و الاتزان ))

رد: خواطر فوركساوى (( الالتزام و الاتزان ))

رد: خواطر فوركساوى (( الالتزام و الاتزان ))

رد: خواطر فوركساوى (( الالتزام و الاتزان ))

المواضيع المتشابهه

وهم الالتزام

توصيات موفقة بدعائكم ... اهم شيء الالتزام

خواطر فوركساوى (( 5 أحتمالات-لو تجنبت واحد منهم أصبحت رابحا فى هذا السوق))

خواطر فوركساوى ((Don't Chase the Market ... المفهوم الحقيقى ))

تهييسات فوركساوى والدولار

الاوسمة لهذا الموضوع

عروض شركات الفوركس