المنتديات العربية نعمة أم نقمة؟؟؟؟

[طارق سعد الدين]

أشكرك علي مرورك بس ليا كام سؤال
لية بس بدون ذكر أسماء ؟؟؟
واتفق معاك ليس كم مشاركات ولكن كم موضوع تري الأن يطرح في اليوم كثير وكم عدد المشاركات أكثر وأكثر طيب شوف المشاركات دي مفيدة ولا مش مفيدة هتلاقي أغلبيتها تهاني وفرص ولما الفرصة تحقق الهدف يكتبها ولما تضرب استوب ولا كأنها اتكتبت فرصة اصلا.
في النهاية انا متابع موضوعك بتاع الموفنجات مش عارف لية بحب الموفنجات وبميل ليها كتير ونفسي اوصل لتوليفة فيها تحياتي لك

بدون ذكر اسماء لأن كل اللي قريت لهم و اتعلمت منهم هما اساتذتي و اخشى ان اغفل عن ذكر اسم احدهم عن طريق السهو و الخطأ

بالنسبة للنقطة التانية انا متفق ماك فيها فعلا ما اكدبش عليك انا لما بمسك موضوع اقراه هنا في منتدانا ممكن اكسل اكمله و انما في المنتديات الاجنبية تلاقي اكتر من 100 صفحة و ما تزهقش من القراية و تكمل
عارف ليه

لأن الكل مستني محدش عاوز يفكر
متشغلش دماغك ليه و الله هما مش احسن مننا " اعني من هم في المنتديات الاجنبية "
تلاقي الواحد فيهم كاتب بصريح العبارة فكرة تحتاج للتطوير و ما شاء الله تلاقي كتير متفاعل معاهم و يزودهم و يفكر لذا نسبة النجاح عالية

يا ريت يكون المغزى من كلامي وصل

[حكيم سلماني]

الله عليك ياحكيم انت تجيب الزبدة دايما وانا كنت ناوي اشارك بأفكار ولكنك ماخليت للافكار مكان ماشاء الله عليك على هذه الاجابات والطرح المميز أحيي فيك هذا الفكر النير والعقلاني
وأضم صوتي لك ماذكرت ياغالي
والشكر لصاحب الموضوع

جزاك الله خيرا حبيبي .......ربنا يديم الود والمحبه

تحياتي يا الغالي

[حكيم سلماني]

أين هؤلاء ؟؟؟؟

موجودين للي يبحث ويدور بس بتاخد شويه وقت لحد ما تميز الخطا من الصح من الاصح
المساله مساله جهد وتعب ووقت لازم تقضيه في لخبطه وعدم اتزان احيانا


تحياتي

[جديد فوركس]

جميل اوى الموضوع ده ... انا بقا ايه عندى راى خاص بى عن المنتديات العربية
خد بالك منهم واوعاااا ... المنتديات فى حدها ذاتها نعمة, لانها مجال خصب للتعلم والنقاش والمجادلة وطرح الاراء , ولكن اغلب العرب لا يصلحون لذلك ,لاسباب , فاولها اغلبهم ناس على قد حالهم , يعنى اديهم توصيات كويسة وناجحة وتبقا ملك عندهم وتقدر كمان تكتب اللى انت عاوزه فى موضوعك ولا حد حيقدر يعترض , وكمان تقدر تسفه اراءهم وتفضل برضه ملك ... بص ماهو فيه موضوع موجود بالمنتدى بيدل على كده , انا ما بجبش حاجة من عندى
وسانيا ... اصل اغلبنا احنا العرب مش عمليين ,اولى باا ازاى ااولك :
راجع اغلب المواضيع فى المنتديات العربية , ( سوف تجد ان موضوعا فيه خمسين صفحة تقريبا وعندما تقراه تستنتج وبسهولة ان الامور الجدية المطروحة فيه يمكن وضعها فى اقل من خمس صفحات )
وليه نروح بعيد : هذا الموضوع انظروا الى التوااااااااااقيع , كل توقيع نص صفحة , انظروا الى الاقتباااااااس , هل من المفروض ان صاحب كل موضوع يجب ان يعلق على كل رد ؟ ويضع الرد كاقتباس
يا عم انا بكلم ميييييييييييييين مخلااااااااص راحت علينا
( هناك موضوع فى هذا المنتدى شدنى عنوانه وبدايته , واردت ان اقراه من الاول الى الاخر لعلى استفيد منه شيئا .... اكثر من ستين صفحة ) هل تعرفون ماذا كانت النتيجة؟
بكل صدق كرهت صاحب الموضوع , ولا زلت اكرهه وبمجرد ان ارى موضوعا هو كاتبه لا اطيق حتى ان افتحه )